تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

سونى ءورىس، جاڭا پەرزەنت، تىڭ كەرەمەت

− كەدەيلىكتەن ارىلتۋدان قامال الۋ كەسكىندەگەن شينجياڭنىڭ جاڭا كارتيناسى

شينحۋا اگەنتتىگىنىڭ تىلشىلەرى ديڭ جيانگاڭ، گۋان چياۋچياۋ

  كۇز سامالى ەسكەن، الىپ تيانشان، اسقاق كۇنلۇن، تاۋ - وزەندەر تىنىشتىق قۇشاعىندا.

  بۇگىنگى شينجياڭدا، ايبىندى جوبا جاسالىپ، بار الاپتان جالىندى تىرشىلىك لەبى ەسىپ، العا قاراي ارشىندى قادام تاستالدى.

  كەدەيلىكتەن ارىلتۋدان قامال الۋ دابىلى قاعىلعاننان بەرى، كەدەيلىككە قارسى تىزە قوسا شەشۋشى شايقاس جۇرگىزۋدىڭ پارمەندى كۇش - قۋاتى شينجياڭعا ۇزدىكسىز جينالدى، حالىققا تيىمدىلىك جەتكىزەتىن ءبىر قىدىرۋ شارالار جەدەل تياناقتانىپ، بۇرىنعى ”كەدەيلىك ىشىندەگى كەدەيلىك“ بەينەسىندە شىت جاڭا وزگەرىس جارىققا شىقتى.

  قىسقا عانا بىرنەشە جىلدا، كەدەيلىكتەن ارىلتۋدان قامال الۋ ءشول دالا، جاسىل القاپتارعا، تاۋ قويناۋلارى مەن ساي - سالالارعا دەيىن ءداۋىر اتتاعان وزگەرىستەر اكەلدى، تەبىنىنىڭ كۇشتىلىگى، كولەمىنىڭ كەڭدىگى، ىقپالىنىڭ تەرەڭدىگى مىڭداعان جىلداردان بەرى بولىپ كورگەن ەمەس.

  بۇرىنعى كەدەيلىك مەڭدەتكەن شينجياڭنىڭ بايتاق دالاسىندا تىرشىلىك تىنىسى قاۋلاپ، نەشە ميلليونداعان ادام كەدەيلىكتەن ارىلىپ، قارتايعاندا كۇتىمگە الىناتىن، بالالار وقي الاتىن بولدى، كەدەيلەر سۇيەنىشكە، قينالعاندار كومەككە يە بولدى.

  بۇرىنعى كوكتەم سامالى جەتە بەرمەيتىن قيىر شەتتەگى باتىس بولىك تاريحتاعى ەڭ جاقسى گۇلدەنۋ - دامۋ ءداۋىرىن قارسى الدى، شينجياڭداعى 25 ميلليون ءار ۇلت پەرزەنتىنىڭ تالاي جىلدان بەرگى تىنىشتىق پەن ورنىقتىلىق جونىندەگى ارمان - تىلەگى ورىندالىپ، حالىق كوڭىلى ورنىقتى، جۇرت رايى جاعىمدى، بىرىككەن كۇش جەتكىلىكتى بولعان جاڭا لەپ ايگىلەندى.

باتىس بولىكتىڭ سونى ءورىسى:

”كەدەيلىك ىشىندەگى كەدەيلىكتىڭ“ جاڭا بەت - بەينەسى ايگىلەندى

  كۇزگى كۇننىڭ تۇستەن كەيىنگى شاعى، ءپايزاۋات اۋدانى جامباز اۋىلى جىبەكشى قىستاعىندا قىزىل، كوك توبەلى ۇيلەر قاز - قاتار تىزىلگەن. 80 جاستاعى يميت اسەن ءجۇزىم سورەسىنىڭ استىندا جاڭا عانا قايناعان ءبىر شاۋگىم شايدى ءىشىپ وتىر.

  بۇگىنگى بەت - بەينەمەن ايقىن سالىستىرما قالىپتاستىرعان: بۇرىنعى شينجياڭدا نەگىزدىك شارت - جاعدايى ءالسىز، جاراتىلىستىق اپات ءجيى تۋىلادى، كەدەيلىك ۇزاق ۋاقىت لاڭ سالدى. ەلىمىزدىڭ ”ءۇش رايون، ءۇش وبلىسىنىڭ“ ءبىرى رەتىندە، وڭتۇستىك شينجياڭداعى 4 ايماق - وبلىس قارلى ءۇستىرت پەن قۇمدى شولدەردىڭ اراسىندا بولدى، وعان قوسا، ءبىر مەزەت ءدىني ۇشقارى كۇشتەر مەن زورلىقتى كۇش لاڭكەستىكتىڭ ازدىرۋىنا ۇشىراپ، كەدەي، مەشەۋ بەت - بەينەنى وزگەرتۋ قيىنداسىپ، ”كەدەيلىك ىشىندەگى كەدەيلىك“ قايعىسى كولەڭكەدەي قالماي قويدى.

  ”بۇرىن شاي دەمدەۋ سۋدىڭ قىشقىلتىم، تۇزدى ءدامىن كەتىرۋ ءۇشىن ەدى“. يميت: نەشە ۇرپاق ادامداردىڭ حاۋىپسىز سۋ تۇتىنۋ ارمانى ءدال مەنىڭ داۋىرىمدە ىسكە اسارىن كىم ويلاعان، - دەدى.

  مىڭداعان جىلدان بەرى، ”كولشىك سۋى“، ”قىشقىلتىم، تۇزدى سۋ“ سۋ توتەنشە تاپشى وڭىردە تۇرمىس كەشىرىپ جاتقان ادامداردىڭ كەدەيلىك جانە اۋرۋ جاعدايىن اسقىندىرىپ، بۇدان قۇتىلۋعا دارمەندەرى جەتپەي كەلدى. 2019 - جىلدىڭ سوڭىنا كەلگەندە ەلىمىزدە شينجياڭنىڭ ءپايزاۋاتىن قامتىعان مولشەرمەن 25 مىڭ كەدەي حالىقتىڭ اۋىز سۋ حاۋىپسىزدىگى ولشەمگە جەتپەگەن، مۇنىڭ ىشىندە ءپايزاۋات اۋدانى %60تەن استامىن ۇستايدى.

  كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتەتىن جىلدا شينجياڭ اۋىز سۋ حاۋىپسىزدىگىندەگى ”ولقىلىقتاردى“ جەدەل تولىقتادى. سۋ قاينارىن، قورشاعان ورتانى، قارجىنى، ينجەنەريا مەرزىمىن ارقاۋ ەتكەن ”قالا اتتاپ سۋ باستاۋدان“ قامال الۋ شايقاسى جەدەل ورىستەدى: ينجەنەريا 3 اۋداندى باسىپ ءوتىپ، 100 كيلومەتردەن استام شالعايداعى مۇزتاۋ شىڭىنىڭ مۇزدىقتارى مەن قار سۋلارىن تۇراقتى ساپالى سۋ قاينارى رەتىندە باستاپ اكەلدى، ينجەنەريانىڭ 2000 كيلومەترگە جۋىق قۇبىر جولى تازارتىلىپ سىڭعىرلاپ اققان تۇنىق سۋدى ءار وتباسىنا جەتكىزدى.

  كەدەيلىكتەن ارىلتۋدان قامال الۋ اتقارىلعاننان بەرى، شينجياڭ اۋىل - قىستاق اۋىز سۋ حاۋىپسىزدىگى ينجەنەرياسىنان جالپى 400دەن استامىن جۇرگىزىپ، 12 ميلليارد 200 ميلليون يۋان قارجى قوستى. بيىل ەڭ سوڭعى 15 مىڭ 300 ادامنىڭ ”الاڭسىز سۋ“ ىشۋىنە ىلەسە، جۇڭگوداعى ەڭ ۇلكەن قۋاڭشىلىق ءوڭىر سۋ مەن قۇم، جاقسىلىق پەن تاۋقىمەت اراسىنداعى شايقاستا تاريحي سيپاتتى جەڭىستەرگە قول جەتكىزدى.

  2019 - جىلدىڭ سوڭىنا دەيىن شينجياڭدا 2 ميلليون 923 مىڭ 200 ادام مۇلدە كەدەيلىكتەن ارىلىپ، كەدەيلىكتىڭ تۋىلۋ سالىستىرماسى 2013 - جىلعى %19.4تەن %1.24كە ءتۇستى. ”ەكىدەن تارىقتىرماۋ، ءۇشتى قامتاماسىز ەتۋدەگى“ كورنەكتى ماسەلەلەر نەگىزىنەن شەشىلىپ، ءوندىرىس، تۇرمىس شارت - جاعدايى بارىنشا جاقساردى، اسىرەسە، كەدەيلىكتەن ارىلتۋ مىندەتىنىڭ جۇزەگە اسىرىلۋىنا ىقپال جەتكىزىپ كەلگەن ءبىر توپ بوگەتتىك ماسەلەلەر تاريحي سيپاتتى شەشىمگە يە بولدى.

  بەيقۇت ۇيلەرگە كوشىپ كىرىپ، حاۋىپسىز، تازا سۋ ءىشتى... كەدەيلىكتەن ارىلتۋدان قامال الۋ تاۋ - دالا، اۋىل - ايماقتاردى زور وزگەرىسكە بولەدى: تيانشان الابىندا ۇزدىكسىز ورىستەتىلگەن جالپى حالىقتىڭ سالاماتتىعىن تەكسەرۋ سان مىڭداعان وتباسىلارعا تيىمدىلىك جەتكىزدى، تۋبەركۋلەز اۋرۋىنا شالدىققان 140 مىڭنان استام ناۋقاس ەمدەلدى؛ ارحيۆ تۇرعىزىلىپ، كارتچكالاندىرىلعان 670 مىڭنان استام كەدەي وتباسىنىڭ حاۋىپسىز تۇرعىن ۇيدە تۇرۋى جۇزەگە اسىرىلىپ، اۋىل - قىستاقتاعى كەدەي حالىقتىڭ قاتەرلى ۇيلەردە تۇرۋ تاريحى ءۇزىلدى - كەسىلدى اياقتالدى.

  ”بۇرىن قانشا قۇلشىنساڭ دا كەدەيلىكتەن ارىلا المايتىن ەدىڭ“. ياركەن وزەنىنىڭ مىڭ جىلدىق سۋ اپاتى ۇرپاقتار بويى تاۋ قويناۋىنا ”قاماپ“ كەلگەن جاعداي ءۇيى كوشىرىلگەن ماعۇرىپ مۇرابانى ۇمىتسىزدىك قۇيىنا باتىرا جازداعان بولاتىن. ول: قاتپار - قاتپار تاۋلار قۇددى قالتقى سياقتى كەدەيلىكتى قۋىپ سالۋعا، دوڭگەلەك داۋلەتكە جەتۋگە مۇمكىندىك بەرمەي كەلدى، - دەدى.

  قونىس جاڭالاپ كوشۋ ارقىلى 170 مىڭعا جۋىق كەدەي ەگىنشى - مالشى مەملەكەت پەن جەرگىلىكتى ۇكىمەت قوسىمشا قاراجات بەرەتىن حاۋىپسىز ۇيلەرگە كوشىپ كىردى. بيىك - بيىك تاۋ قويناۋىنان، ءشول دالا توسىنەن جازىقتاعى جاسىل القاپقا دەيىن قاراماققا جاي ”قادام“ كورىنگەنىمەن، ءىس جۇزىندە ”مىڭ عاسىردى“ ارتقا تاستادى.

  قازىر جاسىل القاپتاردى ارالاساڭىز، ءشول ءجازيرانىڭ داڭعىل جولدارعا اينالىپ، كونەنىڭ ورنىن جاڭا باسقان قارىشتاۋلاردى كورىپ عانا قالماي، حالىقتىڭ كوڭىلى كوتەرىڭكى، كادر - بۇقارا ءبىر نيەتتە بولعان رۋحاني بەينەنى دە سەزىنەسىز. بايىرعى جىبەك جولى جۇڭگونىڭ وسىزامانداندىرۋ قۇرىلىسىنىڭ ىقشام كورىنىسىنە اينالدى، وسىناۋ توپىراقتا جاساپ جاتقان ادامدار كەدەيلىكتەن ارىلىپ، وسى زامانعى جاڭا تۇرمىسقا زور سەنىممەن ايقارا قۇشاق اشتى.

تيانشاننىڭ جاڭا پەرزەنتى:

جۇمىستانىپ، شارۋاشىلىق قۇرىپ دوڭگەلەك داۋلەتتىلىككە ۇمتىلدى

  ”ءۇي ماڭايىندا جۇمىستانۋدى بۇرىن ويلاۋعا دا باتىلىمىز بارمايتىن“. ”قىزمەتكەر“ قاتارىنا قوسىلعان ءانۋارنيساحان دولاي بىلاي دەدى: بۇرىن لوپ اۋدانى لوپ قالاشىعى قىرقاش قىستاعىندا كۇن توبەگە تاياعاندا عانا، ەكى - ۇشتەن توپتاسىپ ”تامعا سۇيەنە كۇنگە قاقتالىپ وتىرعان“ قىستاق تۇرعىندارىن كورەتىنبىز.

  ”قازىر وقۋعا باراتىنى بار، قىزمەتكە شىعاتىنى بار، قىستاق تاڭەرتەڭنەن كەشكە دەيىن دۋمانعا بولەنىپ جاتادى، تۇرمىس دەڭگەيى جوعارىلادى، تۇرمىس ءريتىمى دە تەزدەدى“، - دەدى ءانۋارنيساحان تەبىرەنە.

  جۇمىستانۋ − كەدەيلىكتەن ارىلتۋدان قامال الۋدى ىلگەرىلەتۋدىڭ ەڭ ءونىمدى، ەڭ توتە جولدارىنىڭ ءبىرى. شينجياڭدا، اسىرەسە، وڭتۇستىك شينجياڭداعى 4 ايماق - وبلىستا كەدەي حالىق كوپ، كاسىپ سالالارىنىڭ دامۋى ارتتا قالعان، جۇمىستانۋ ارناسى تار، كەدەي بۇقارانىڭ جۇمىستانۋ ارقىلى كەدەيلىكتەن ارىلۋ تىلەگىن قاناعاتتاندىرۋ قيىن. سوندىقتان شينجياڭ جۇمىستانۋ ارناسىن ۇزدىكسىز كەڭەيتىپ، جۇمىستانۋ كەڭىستىگىن ۇلعايتىپ، جۇمىستانۋ ”كولشىگىنىڭ“ سيىمدىلىعىن ارتتىردى.

  2017 - جىلى كيىم - كەشەك زاۆودىنا العاش كەلگەن كەزىندە مارالباسى اۋدانىنىڭ ديقانى گۇلنيسا كەرىم الاڭداعان بولاتىن. ول سياقتى 100 نەشە ايەل جۇمىسشى مەيلى بۇكىل اۋداننىڭ قايسى اۋىل - قالاشىعىنان كەلسە دە، دەرلىكتەي تىگىن ماشيناسىن ىستەتىپ كورمەگەن ەدى.

  گۇلنيسا تۇرعان كاسىپورىن ولارعا ەڭبەكاقى بەرىپ 3 اي باۋلىدى، بۇنىڭ ارتقى جاعىندا جەرگىلىكتى ۇكىمەتتىڭ قىزمەتكەرلەردى باۋلۋعا قوسقان كوپ مولشەردەگى قوسىمشا قاراجاتى بار ەدى.

  ىشكى دامۋ قوزعاۋشى كۇشى مەن دامۋ ومىرشەڭدىك كۇشىن ارتتىرعاندا عانا، كەدەيلىكتەن ارىلعاننان كەيىنگى دامۋعا، باياندىلىققا شىنايى كەپىلدىك ەتۋگە بولادى. ”شەبەرلىككە باۋلىنۋ ارقىلى جۇمىستانۋدى جۇزەگە اسىرعان بۇقارا بارعان سايىن كوبەيدى، كەدەي ەگىنشى - مالشىلاردىڭ نازارى بىرتىندەپ دامۋعا بۇرىلدى“، - دەدى پوسكام اۋدانى تۇڭان اۋىلدىق پارتكومنىڭ شۋجيى ۋاڭ شۋحۇي.

  تەك وتكەن 5 جىلدا شينجياڭنىڭ توقىماشىلىق، كيىم - كەشەك كاسىپ سالاسى تۇراقتى مال - مۇلىككە جالپى 170 ميلليارد يۋاننان استام قارجى قوستى، تىڭنان 2200دەن استام توقىماشىلىق، كيىم - كەشەك كاسىپورنى كوبەيىپ، تىڭنان جۇمىستانعاندار جالپى 450 مىڭنان استى. ەڭبەك شوعىرلانعان كاسىپ سالاسى مەن كەدەيلەردى سۇيەمەلدەۋ كاسىپ سالاسىن كۇش سالا دامىتۋمەن بىرگە، شينجياڭ تاعى ەڭبەككۇشتى باسقا كاسىپكە ويىستىرىپ جۇمىستاندىرۋدى بەلسەنە ۇيىمداستىرىپ ورىستەتىپ، كاسىپورىنداردىڭ كەدەي وڭىرلەردەگى، اسىرەسە، ارحيۆ تۇرعىزىلىپ، كارتچكالاندىرىلعان كەدەي وتباسىنىڭ ادامدارىن ءتىپتى دە كوپ قابىلداۋعا شابىتتاندىردى.

  2 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، شينجياڭدا تىڭنان جۇمىستانعان ادام سانى 2 ميلليونعا جۋىقتاپ، ەڭبەك قابىلەتى بار بارلىق كەدەي وتباسىنىڭ، از دەگەندە، ءبىر ادامى جۇمىستانۋىن جۇزەگە اسىردى. شەبەرلىگى، ىستەيتىن جۇمىسى، تاباتىن اقشاسى بولۋ شينجياڭداعى اۋىر كەدەي وڭىرلەردەگى ءار ۇلت بۇقاراسىنىڭ تۇرمىسىنىڭ ”نەگىزىنە“ اينالدى. ”اقشا قاپشىعىنىڭ“ قامپايعانى جەرگىلىكتى بۇقارانىڭ كۇرەس رۋحىن بارعان سايىن نىعايتىپ، تاماشا تۇرمىسقا دەگەن ءۇمىتىن اناعۇرلىم كۇشەيتە ءتۇستى.

جۇڭگونىڭ تىڭ كەرەمەتى:

كەدەيلىكتەن ارىلتىپ، حالىقتى الاڭسىز ەتىپ، بولاشاق اشتى

  ۇشقارىلىق پەن زورلىقتى كۇش لاڭكەستىك كەدەرگىلىك جاساعان جاعدايدا، بۇكىل ەلدە جوعارىدان تومەنگە دەيىن جۇمىلا، قول ۇستاسا كەدەيلىكپەن شەشۋشى شايقاسقا تۇسكەن پارمەندى كۇش شينجياڭنىڭ قوعام ورنىقتىلىعىنا دا ەلەۋلى ۇلەس قوستى. كەدەيلىكتەن ارىلتۋدان قامال الۋ كەدەي بۇقارانى ىشەر اسقا جارىتىپ قانا قويماي، قارتايعاندا كۇتىمگە الىناتىن، بالالار وقي الاتىن بولۋدى جۇزەگە اسىرىپ، كەدەي اۋىل - قىستاقتاردان ءان اۋەنى شىعانداپ، ءار وتباسىلاردان جايدارىلىق مۇندالاۋىنا مۇمكىندىك جاسادى، ءتىپتى 25 ميلليون شينجياڭ پەرزەنتىن اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە يە ەتىپ، حالىق كوڭىلى ورنىقتى، جۇرت رايى جاعىمدى، بىرىككەن كۇش جەتكىلىكتى بولعان جاڭا لەپ ايگىلەندى.

  ومىرىندەگى تۇڭعىش ەڭبەكاقىسىن العاندا، اجىراسۋ سەبەپتى ەكونوميكالىق قاينارىنان ايرىلعان ديقان گۇلباھرام قادىر تەبىرەنگەندىگىنەن كوزىنە جاس الىپ: ”قوس قولىما سۇيەنىپ كىرىس كىرگىزە الامىن دەپ ەشقاشان ويلاپ كورمەپپىن“، - دەدى.

  وڭتۇستىك شينجياڭنىڭ 4 ايماق - وبلىسىندا گۇلباھرام سياقتى وتباسىلار كوپ كەزدەسەدى. ۇزاق ۋاقىتتان بەرى، ءدىني ۇشقارى يدەيانىڭ ازدىرۋىنا ۇشىراعاندىقتان، ايەلدەر تەك كۇيەۋلەرىنە ”باعىنىشتى بولىپ“ ءومىر سۇرگەن.

  ءبىر توپ كەدەيلەردى سۇيەمەلدەۋ كاسىپورنىنىڭ جانە كەدەيلەردى سۇيەمەلدەۋ سەحىنىڭ ىركەس - تىركەس قۇرىلۋىنا بايلانىستى، ءتىپتى كوپ ايەل زاۆودقا كىرىپ جۇمىس ىستەپ، ”بالا مەن قازان - وشاقتان اسا المايتىن، اقشا كەرەك بولسا كۇيەۋىنە الاقان جاياتىن“ كۇنگە تۇبەگەيلى قوش ايتىپ، وتباسىنداعى ورنى جوعارىلادى. ولاردىڭ قولاڭ شاشى جەلبىرەپ، جۇزدەرىنەن كۇلكى ءۇيىرىلدى، قازىر سەنىمدى دە اشىق - جارقىن وسى ايەلدەردىڭ كوبى نەشە جىلدىڭ الدىندا قارا بۋرقا مەن بۇركەنىش وراپ، وتباسىنان دا، اۋىلدان دا شىعا الماي قالعان.

  ”قازىر ورنىقتى قىزمەتىمىز بولعاندىقتان، تۇرمىستا قانداي قيىنشىلىققا جولىقساق تا ءوزىمىز شەشە الاتىن بولدىق“، - دەدى تەحنيك جۇمىسشىلار مەكتەبىندە باۋلىنعان گۇلباھرام كاسىپ جۇمىسشىسىنا اينالىپ، قىزمەت بارىسىندا وزىنە دەگەن سەنىمىن بىرتىندەپ تاۋىپ الدى.

  كەدەيلىكتەن ارىلتۋدان قامال الۋدىڭ حالىققا تيىمدىلىك جەتكىزۋ جەلىلەس ساياساتتارىنىڭ زور كۇشپەن اتقارىلۋى شينجياڭداعى ءار ۇلت ەڭبەكشىلەرىنە كۇرەس جۇرگىزىپ جەڭىسكە جەتۋ ارناسىن ىركىلىسسىزدەندىرىپ، ومىرلەرىنىڭ ءماندى وتۋىنە تۇعىر ازىرلەپ بەردى، بۇقارانىڭ تۇرمىسى كۇن سايىن جاقسارىپ، قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، كادرلار مەن بۇقارانىڭ بايلانىسى دا ءۇن - ءتۇنسىز وزگەردى.

  ”كادرلار كۇندە كەلەتىندىكتەن، ەزىلىپ ۇيىقتاي بەرۋدەن ۇيالاتىن بولدىق“، - دەدى كەريا اۋدانى تۋراقاز اۋىلى تۋراقاز قىستاعىنداعى كوپتەگەن كەدەي وتباسىلارى.

  كەدەيلىكتەن ۋاعىندا ارىلۋ ءۇشىن، نەشە 100 مىڭ كادر نەگىزگى ساتىعا بارىپ، اۋىل - قىستاقتاردا تۇرىپ، كەدەي وتباسىلارىنا كومەكتەسىپ ولاردى سۇيەمەلدەدى. ”كادرلاردىڭ“ ەڭبەگى اۋىل - قىستاقتا زور وزگەرىس تۋدىرىپ قانا قويماي، بۇقارانىڭ نەگىزگى ساتى ۇيىمىنا دەگەن سەنىمى مەن قولداۋىنا دا قول جەتكىزدى. قازىرگى اۋىر كەدەي قىستاقتاعى جاس، قايراتتى ەڭبەككۇشتەر وندىرىسپەن قاربالاس شۇعىلداندى، وتباسىندا قالعان قارتتار ءاربىر كادردىڭ اتىن وزىنە جاقىن تارتىپ ايتاتىن بولدى.

  قاراقاش اۋداندىق پارتكومنىڭ شۋجيى جاڭ گۋانجۇن بىلاي دەدى: وڭتۇستىك شينجياڭداعى 4 ايماق - وبلىس كەدەيلىككە قارسى تۇرۋدىڭ، بولشەكتەۋشىلىككە قارسى تۇرۋدىڭ ءبىرىنشى شەبىنە ورنالاسقان، كەدەيلىكتەن ارىلتۋدان قامال الۋ كەدەي وڭىرلەردىڭ مەشەۋ بەت - بەينەسىن وزگەرتەتىن، حالىق تۇرمىسىنا جاپپاي تيىمدىلىك جەتكىزەتىن ماڭىزدى شارا بولىپ قانا قويماي، ونان دا ماڭىزدىسى، جۇرت رايىنا جەتەكشىلىك ەتىپ، پارتيانىڭ بيلىك جۇرگىزۋ نەگىزىن بەكەمدەيتىن شەشۋشى شارا سانالدى.

  ”ولاردىڭ جانارىنان كەدەيلىكتەن ارىلتۋدىڭ شىنايى جەتىستىكتەرىن كورە الاسىز“. جەرگىلىكتى ورىنداعى كادرلار بىلاي دەدى: كەدەي بۇقارادان سالقىن قاباقتىق ازايىپ، ىستىق ىقىلاس مولايدى؛ ۇرەي ازايىپ، قايسارلىق مۇندالادى.

  نەشە ميلليون ادام كەدەيلىكتەن ارىلۋمەن بىرگە، شينجياڭنىڭ قوعام ورنىقتىلىعى جاعدايى ۇزدىكسىز وڭالىپ، جاقسارىپ، كەزىندە زورلىقتى كۇش لاڭكەستىك ءجيى تۋىلاتىن جايت تۇبەگەيلى وزگەرىپ، ءۇرتىس 46 اي بويى زورلىقتى كۇش لاڭكەستىك دەلوسى تۋىلمادى، ءار ۇلت بۇقاراسىنىڭ قوعام ورنىقتىلىعى جانە باياندى تىنىشتىق جونىندەگى سەنىمدەرى كورنەكتى نىعايىپ، تالاي جىلدان بەرگى تىنىشتىق پەن ورنىقتىلىق جونىندەگى ارمان - تىلەكتەرى ورىندالدى. 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولىپ كورمەگەن جەتىستىكتەرگە قول جەتكىزدى. كەدەيلىكتەن ارىلتۋدان قامال الۋدى ىلگەرىلەتۋ، قوعام ورنىقتىلىعىن قورعاۋ شينجياڭنىڭ مىڭداعان جىلدان بەرگى ەڭ ۇلى تاريحي ءۇردىسى بولىپ قانا قويماي، شينجياڭدى تاريحتاعى ەڭ جاقسى گۇلدەنگەن، دامىعان كەزەڭگە دە جەتكىزدى.

  3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ كەدەيلىكتەن ارىلتۋدان قامال الۋدى ۇزدىكسىز ىلگەرىلەتۋ جونىندە ورنالاستىرۋ جاسادى: ”كەدەيلىكتەن ارىلتۋدان قامال الۋ مەن جۇمىستاندىرۋدى جەبەۋ سىندى ەكى ءىرى ءىستى ۇزاق ۋاقىت تاباندىلىقپەن ويداعىداي يگەرۋ كەرەك“، ”قايتا كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمى مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن جالپى بەتتىك ارىلتۋ مەن اۋىل - قىستاقتى گۇلدەندىرۋدىڭ ورگانيكالى ۇشتاسۋىن ۇزدىكسىز ىلگەرىلەتىپ، دامۋدىڭ ىشكى قوزعاۋشى كۇشىن جانە دامۋدىڭ ومىرشەڭدىگىن باسا كۇشەيتىپ، كەدەيلىكتەن ارىلعاننان كەيىن دە دامۋعا، باياندى بولۋعا شىنايى كەپىلدىك ەتۋ كەرەك“... جاڭا تاريحي باستامادا تۇرىپ، تيانشان پەرزەنتتەرى ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىس جاساۋدا.

(جازۋعا قاتىناسقاندار: جاۋ گى، لي جىحاۋ، حاۋ يۇي)

(شينحۋا اگەنتتىگىنىڭ 10 - ايدىڭ 26 - كۇنى ۇرىمجىدەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.