تيانشان تورى   ›   ۇيرەنۋ   ›   شولۋ

يدەيالىق ورتاق تانىم ۇيىستىرىپ، ەكپىندەي ىلگەرىلەۋ كۇش - قۋاتىن توپتايىق

− 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى اۆتونوميالى رايوننىڭ ۇگىت - لەكسيا ۇيىرمەلەرىنىڭ ۇگىت - لەكسيا جاساۋ قيمىلىنا جالپى شولۋ

شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يانفاڭ

  ءماجىلىس رۋحى ادامدى جىگەرلەندىرىپ، شوعىرلى ۇگىت - لەكسيا كۇش - قۋاتتى ۇيىستىردى.

  3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ ءۇشىن، 10 - ايدىڭ 15 - كۇنىنەن باستاپ اۆتونوميالى رايوننىڭ ۇگىت - لەكسيا ۇيىرمەلەرى ءارقايسى ايماق، وبلىس، قالالارعا، ءارقايسى مەڭگەرمە، مەكەمەلەرگە، ءارقايسى جوعارى مەكتەپتەرگە بارىپ ۇگىت - لەكسيا جاسادى. 10 - ايدىڭ 25 - كۇنىنە دەيىن اۆتونوميالى رايوننىڭ ۇگىت - لەكسيا ۇيىرمەلەرىنىڭ مۇشەلەرى بۇكىل شينجياڭدا 90 رەت ۇگىت - لەكسيا بايانداماسىن جاسادى، تىكەلەي نەمەسە بەينەەكران ءماجىلىسى سياقتى تاسىلدەرمەن ۇگىت - لەكسيا تىڭداعان ءار ۇلت كادر - بۇقاراسى، وقىتۋشى - وقۋشىلار 150 مىڭ ادامنان استى.

  ەگجەي - تەگجەيلى، جالپى بەتتىك جاسالعان ۇگىت - لەكسيا، جان - جاقتى بايانداۋ جانە ءتۇسىندىرۋ، سابىرلىلىقپەن دەن قويا قايتارىلعان جاۋاپ ءار ۇلت كادر - بۇقاراسىنا تەرەڭ وي سالدى جانە شابىتتاندىردى. كوپشىلىك مىنالاردى ءبىلدىردى: يدەيا مەن ارەكەتتى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىمەن بىرلىككە كەلتىرىپ، كۇش - قۋاتتى ءماجىلىس تۇراقتاندىرعان ءتۇرلى نىسانالار مەن مىندەتتەرگە شوعىرلاندىرىپ، سۇيىسپەنشىلىكپەن، جاۋاپكەرشىلىكپەن ىشكەرىلەي ۇيرەنىپ، ءتۇسىنىپ، قاز - قالپىندا تياناقتاندىرىپ، ءبىر جاعادان باس، ءبىر جەڭنەن قول شىعارا وتىرىپ جاڭا داۋىردەگى جۇڭگوشا سوتسياليستىك شينجياڭ قۇرامىز.

دەن قويا ۇيىمداستىرىپ، قىزۋ ورلەۋ كوتەردى

  3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋ، ۇگىتتەۋ، دايەكتىلەندىرۋ كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت.

  اۆتونوميالى رايوندىق پارتكوم وسكەلەڭ ءمان بەرىپ، ۇيرەنۋدى دەن قويا ۇيىمداستىرىپ، جان - جاقتى ورنالاستىرۋ جاساپ، نازاريالىق نەگىزى مىعىم، امالياتتىق تاجىريبەسى مول، رايونىمىزدىڭ ەكونوميكالىق، قوعامدىق دامۋ جاعدايىن قانىق بىلەتىن، ۇگىت - لەكسيا جاساۋ قابىلەتى كۇشتى ءبىر توپ پارتيالى كادرلاردى جانە مامانداردى، وقىمىستىلاردى شىعارىپ، اۆتونوميالى رايوننىڭ ۇگىت - لەكسيا ۇيىرمەسىن ۇيىمداستىرىپ، ۇيرەنۋ ورلەۋىن كوتەردى.

  10 - ايدىڭ 12 - كۇنى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە ۇگىت - لەكسيا جاساۋعا جۇمىلدىرۋ ءماجىلىسى جانە توپتىق ساباق دايىنداۋ ءماجىلىسى ۇرىمجىدە اشىلدى، ءماجىلىس ۇگىت - لەكسيا قىزمەتىن ويداعىداي ىستەۋگە ورنالاستىرۋ جاساپ، ۇگىت - لەكسيا ۇيىرمەسىندەگى مۇشەلەردەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاندىعىنىڭ ماڭىزدى ءمانى، شينجياڭ قول جەتكىزگەن بۇرىن بولماعان تاريحي ناتيجەلەر، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ عىلمي ءمانى، شينجياڭنىڭ باياندى تىنىشتىعىن جۇزەگە اسىرۋدىڭ ستراتەگيالىق ورنالاستىرۋى سياقتىلاردى ءتۇيىندى ۇگىتتەپ، بايلانىستىرىپ، جاپپاي يگەرىپ، قانىق ءتۇسىنىپ، جەتە ۇعىنىپ، دالمە - ءدال ۇگىتتەپ، ءماجىلىس رۋحىنىڭ نەگىزگى ساتىعا ىشكەرىلەي جەتۋىن، جۇرت جۇرەگىنە تەرەڭ ۇيالاۋىن ىلگەرىلەتۋدى تالاپ ەتتى.

  ءماجىلىس كەزىندە، ۇگىت - لەكسيا ۇيىرمەسىنىڭ مۇشەلەرى ۇگىت - لەكسيا ءتۇيىنىن جانە كەزەكتەگى كادر - بۇقارا جاپپاي نازار اۋدارىپ وتىرعان قولامتالى ماسەلەلەردى ارقاۋ ەتىپ ىشكەرىلەي زەرتتەۋ - تالقى جۇرگىزىپ، توپتىق ساباققا دايىندالىپ، قاتىستى حۇجاتتاردى ءسوز - سويلەمى بويىنشا قايتا - قايتا زەرتتەپ وقىپ، رۋحىنىڭ ءمانىن جەتە مەڭگەرىپ، ۇگىت - لەكسيا ماقالاسىن مۇقيات دايىندادى. ۇگىت - لەكسيانىڭ اناعۇرلىم جاندى، اناعۇرلىم جاناسىمدى بولۋىنا مۇمكىندىك جاساۋ ءۇشىن، ۇگىت - لەكسيا ۇيىرمەسىنىڭ مۇشەلەرى قىرۋار سۋرەت، مىسال سياقتىلاردى ىزدەپ، ساباق مازمۇنىن ۇزدىكسىز بايىتىپ، باعىتتامالىلىعىن، جاندىلىعىن، يدەيالىلىعىن، ناقتى ونىمدىلىگىن كۇشەيتتى.

  10 - ايدىڭ 15 - كۇنىنەن باستاپ اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەلەرى وسكەلەڭ جاۋاپكەرشىلىك جانە بورىشتىلىق سەزىممەن، اسقاق ىنتامەن ءارقايسى وڭىرلەرگە، ءارقايسى مەكەمە - ورىندارعا بارىپ ۇگىت - لەكسيا قيمىلىن ورىستەتتى.

  10 - ايدىڭ 16 - كۇنى اۆتونوميالى رايونعا توتە قاراستى ورگانداردا، مەكەمە - ورىنداردا، سانجى حۇيزۋ اۆتونوميالى وبلىسىندا، التاي ايماعىندا، قارامايلى قالاسىندا، قاشقار ايماعىندا، تۇرپان قالاسى گاۋچاڭ رايونى ءجۇزىم قالاشىعى باعرى الەۋمەتتىك اۋماعىندا ۇگىت - لەكسيا جاسادى؛ 10 - ايدىڭ 17 - كۇنى ىلە قازاق اۆتونوميالى وبلىسىندا، تارباعاتاي ايماعىندا، ءپىشان اۋدانىندا، مايتاۋ مۇناي حيميا سەرىكتەستىگىندە، جۇندۇڭ ەكونوميكالىق، تەحنيكالىق اشۋ رايونىندا ۇگىت - لەكسيا جاسادى؛ شينجياڭ اۋىل شارۋاشىلىق داشۋەسى، شينجياڭ داشۋەسى، شينجياڭ قازىنا - ەكونوميكا داشۋەسى سياقتى جوعارى مەكتەپتەردە دە ۇگىت - لەكسيا قيمىلى قاۋىرت جۇرگىزىلدى...

  ورگان، مەكەمە - ورىنداردان كاسىپورىنداردىڭ زاۆود رايوندارىنا دەيىن، ءمالى الەۋمەتتىك اۋماقتاردان جوعارى مەكتەپتەردىڭ ساباقحاناسىنا دەيىن، ۇگىتتەۋ، دايەكتىلەندىرۋ ورلەۋى تيانشان الابىندا كوتەرىلدى؛ جان - جاقتى، ىشكەرىلەي بايانداۋ، بەتپە - بەت، ىقپالداسا وتىرىپ اڭگىمەلەسۋ، پىكىر اۋىستىرۋ كادرلار مەن بۇقارانىڭ قىزۋ قارسى الۋىنا بولەندى.

ءىس جۇزىندىكپەن تىعىز جاناسىپ، وي - ساناعا، جۇرەكتەرگە ۇيالادى

  ناقتى ساندى مالىمەتتەن، جاندى مىسالداردان پايدالانىپ مانەرلى باياندادى جانە ءتۇسىندىردى، نازاريا + سۋرەت + بەينەەكران سياقتى كوپ ءتۇرلى تاسىلدەردى قولدانىپ تۇسىنىك جاسادى... ءاربىر ورىنعا بارعاندا اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەلەرى كەزەكتەگى جاعدايدى شينجياڭنىڭ ءىس جۇزىندىگىمەن تىعىز بايلانىستىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن تولىق، دالمە - ءدال ءتۇسىندىرىپ، بۇقارا تىڭداپ تۇسىنە الاتىن تىلمەن ورتالىقتىڭ رۋحىن نەگىزگى ساتىعا جەتكىزدى، بۇقاراعا ۇگىتتەدى.

  قۇلجا قالاسىندا، اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن ىلە قازاق اۆتونوميالى وبلىسىنداعى ءار ۇلت كادرلارىنا ۇگىت - لەكسيا جاساپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جان - جاقتى، جۇيەلى، ىشكەرىلەي ءتۇسىندىردى جانە باياندادى، مانەرلى دە جاندى بولدى، ءتۇيىندى كورنەكتىلەندىردى ءارى نازاريالىق دەڭگەيگە، ءارى امالياتتىق جەتەكشىلىك سيپاتقا يە بولدى. قورعاس قالاسىندا لي يۇڭجۇن جەرگىلىكتى ورىنداعى كاسىپورىنشىلارمەن بەتپە - بەت پىكىر اۋىستىرىپ، اڭگىمەلەسىپ، كوپشىلىك ورتاعا قويعان ماسەلەلەرگە مەڭزەس جان - جاقتى تالداۋ جاساپ، جاۋاپ قايتاردى.

  حوتان ايماقتىق پارتكومنىڭ زالىندا، اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى ۋاڭ ۋلۇڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ كەلەلى ءمانىن تەرەڭ ءتۇسىنۋ سياقتى جاقتاردى ارقاۋ ەتىپ، جەرگىلىكتى ورىنداعى كادرلارعا تارتىمدى ۇگىت - لەكسيا جاساعاننان كەيىن كىدىرمەستەن لوپ اۋدانى چىڭچۇي ءمالى باسقارماسى مينلى الەۋمەتتىك اۋماعىنا بارىپ نەگىزگى ساتى كادر - بۇقاراسىمەن ءوزارا پىكىر اۋىستىردى.

  شينجياڭ كاسىپتىك داشۋەسى، جۇڭگو مۇناي داشۋەسى (بەيجيڭ) قارامايلى مەكتەپ رايونى، شينجياڭ مەديتسينا داشۋەسى سياقتى جوعارى مەكتەپتەردە اۆتونوميالى رايوننىڭ ۇگىت - لەكسيا ۇيىرمەسى مۇشەلەرىنىڭ ەگجەي - تەگجەيلى، ىشكەرىلەي بايانداۋى، ءىس جۇزىندىككە ۇيلەسىمدى ءتۇسىندىرۋى وقىتۋشى - وقۋشىلاردىڭ قىزۋ اڭىسىن قوزعادى.

  كۇشار ورتا دارەجەلى كاسىپتىك تەحنيكالىق مەكتەبىندە ۇگىت - لەكسيا بايانداما ءماجىلىسى اياقتالىسىمەن، اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ شىفان داشۋەسىنىڭ ورىنباسار باستىعى سۇن شيۋليڭ وقىتۋشىلار، وقۋشىلار ۋاكىلدەرىنىڭ سۇراعىن قابىلدادى، جالپىعا تۇسىنىكتى، ۇعىنىقتى، قاراپايىم، ىقشام جاۋابىنا وقىتۋشى - وقۋشىلار ءالسىن - ءالى شاپالاق سوقتى.

  ”باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە شينجياڭدى مادەنيەتپەن نارلەندىرۋدى العا قويدى، الەۋمەتتىك اۋماق پارتيا ۇيىمى مەن پارتيالى كادرلار رولدارىن قالاي ساۋلەلەندىرۋ كەرەك؟“... شاۋەشەك قالاسى حىپيڭ ءمالى باسقارماسى گۋاڭچاڭ الەۋمەتتىك اۋماعىندا اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋان) ورىنباسار باستىعى (شۋەيۋاننىڭ ورىنباسار باستىعى) دۋان لياڭ الەۋمەتتىك اۋماق كادر - بۇقاراسىمەن قورالاي وتىرىپ، وزگەرىستى، بولاشاقتى اڭگىمەلەدى ءارى كوپشىلىك كوڭىل ءبولىپ وتىرعان ماسەلەلەرگە بىر - بىردەن جاۋاپ قايتاردى.

  الەۋمەتتىك اۋماقتاعى پارتيا مۇشەسى نۇرلان جارقىن ۇگىت - لەكسيانى تىڭداعاننان كەيىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ عىلمي ءمانى جونىندەگى تۇسىنىگى اناعۇرلىم جان - جاقتى بولدى، ول: ”مەن نەگىزگى ساتى ۇگىت - لەكسياشىسى بولىپ، ءماجىلىس رۋحىن الەۋمەتتىك اۋماقتاعى بارلىق وتباسىلارعا جەتكىزەمىن“، - دەدى.

  مىنبەدە تارتىمدى ۇگىت - لەكسيا جاسادى، تومەندە تىڭداپ، ەستەلىك الدى، ماجىلىستەن كەيىن پىكىر اۋىستىرىپ، ىقپالداستى، تاعى كوپتەگەن كادر - بۇقارا بەينەەكران ءماجىلىسى فورماسىندا ۇگىت - لەكسيا بايانداماسى ءماجىلىسىن كورىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن وي - سانالارىنا، جۇرەكتەرىنە تىڭعىلىقتى، ءونىمدى تۇردە ۇيالاتىپ، جىگەرلەرىن جاني ءتۇستى.

ورتاق تانىم ۇيىستىرىپ، جىگەردى جانىدى

  ”ۇگىت - لەكسيانىڭ نازاريالىق دەڭگەيى جوعارى، يدەياسى تەرەڭ بولۋمەن بىرگە، كۇشتى باعىتتامالىلىققا، تارتىمدىلىققا يە، جۇرت ءتۇسىنىپ، ەستە ساقتاي الدى“. ”جەتە ۇيرەنىپ، جەتە ءتۇسىنۋ جاعىنا كۇش سالىپ، ۇيرەنۋ ناتيجەسىن ءىس تىندىرىپ، ناتيجە شىعارۋدىڭ قۋاتتى قوزعاۋشى كۇشىنە شىن مانىندە اينالدىرامىز“...

  اۆتونوميالى رايوننىڭ ۇگىت - لەكسيا ۇيىرمەلەرى بارعان جەرلەرىندە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ اناعۇرلىم قويۋ رايىن قالىپتاستىردى. شىنايى ۇگىت - لەكسيا جۇرتتى كوتەرىڭكى رۋحاني كۇيدى ساقتاپ، ءىس جۇزىندىكپەن ۇشتاستىرا وتىرىپ جاۋاپكەرشىلىك ارقالاپ، ىسكەرلىك كورسەتىپ، جىگەردى جانىپ، تالىقپاي كۇرەس جۇرگىزۋگە ىنتالاندىردى.

  ۇگىت - لەكسيانى تىڭداعان كەزدە بۇراتالا قالالىق پارتكوم پارتيا مەكتەبىنىڭ اعا لەكتورى، نەگىزگى ساتى ۇگىت - لەكسياشىسى سۇي چياۋشيا ەستەلىك داپتەرىنە ماڭىزدى تۇيىندەردى دەن قويا ەستەلىككە الدى، ول: ”ۇگىت - لەكسيا بايانداماسىنىڭ مازمۇنى باي، كۇشتى جەتەكشىلىككە يە، تىڭداعاننان كەيىن ماعان تەرەڭ وي سالدى. ءماجىلىس رۋحىن الەۋمەتتىك اۋماقتارعا، قىستاق گرۋپپالارىنا جەتكىزىپ، شينجياڭ حيكاياسىن ايبىندى تۇردە جاقسى باياندايمىن“، - دەدى.

  اقسۋ ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى ۋاڭ يۇنفىڭنىڭ ۇگىت - لەكسيانى تىڭداعاننان كەيىن كۇش - قايراتى تاسقىنداي ءتۇسىپ، جۇمىستاندىرۋ سياقتى ءتۇرلى قىزمەتتەردى ۇزدىكسىز كۇش سالا مىقتى يگەرىپ، كاسىپورىنعا ءتيىمدى، حالىققا پايدالى قوعامدىق قامتاماسىزداندىرۋى سياقتى ءتۇرلى قوسىمشا قاراجات ساياساتتارىن ويداعىداي تياناقتاندىرىپ، جۇمىستاناتىن ءتۇرلى قاۋىمعا تىڭعىلىقتى ساياساتتىق قولداۋ ازىرلەيتىندىگىن ءبىلدىردى.

  شينجياڭ دۇڭفاڭ شيۋاڭ ءتۇستى مەتال شەكتى سەرىكتەستىگىنىڭ ورىنباسار باس ديرەكتورى جوۋ شياڭجۇن: ”ۇگىت - لەكسيا بايانداماسىن تىڭداعاننان كەيىن، كاسىپورىندى شينجياڭعا تامىر تارتقىزىپ، دامۋدى كوزدەۋ بەكىمىم مەن سەنىمىم ءتىپتى دە نىعايا ءتۇستى. كاسىپورنىمىز شينجياڭدا قارجى قوسۋ سەرپىنىن ونان ارى ارتتىرىپ، شينجياڭ ەكونوميكاسىنىڭ جوعارى ساپالى دامۋىنا دەم بەرەدى“، - دەدى.

  بەينەەكران ءماجىلىسى ارقىلى ۇگىت - لەكسيا بايانداما ءماجىلىسىن كورگەننەن كەيىن جەمەنەي اۋدانى توستى اۋىلىنىڭ ورىنباسار باستىعى ۋاڭ حۇڭشىڭ تەبىرەنە: ”پارتيالى كادر بولعان ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن باستاماشىلدىقپەن ۇيرەنىپ، ۇگىتتەپ، دايەكتىلەندىرىپ، بارشا جۇرت تۇگەل بىلۋگە مۇمكىندىك جاساپ، جۇرت جۇرەگىنە تەرەڭ ۇيالاتىپ، تۇتاس اۋىلداعى بۇقارانى ىنتىماقتاسا كۇرەس جۇرگىزىپ، كورىكتى شينجياڭدى بىرگە قۇرۋعا شابىتتاندىرامىز“، - دەدى.

  ”مەكتەپ ءوزىنىڭ ءىس جۇزىندىك جاعدايىمەن ۇشتاستىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن كلاستارعا، ساباقحانالارعا جەتكىزۋدى، وقىتۋشى - وقۋشىلاردىڭ وي - ساناسىنا ۇيالاتۋدى ىلگەرىلەتىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن قۇلشىنا باۋليدى“، - دەدى ءۇرىمجى كاسىپتىك داشۋەسى پارتكومىنىڭ مۇشەسى، ورىنباسار مەكتەپ باستىعى جاڭ شينچياڭ.

  كۇشار ورتا دارەجەلى كاسىپتىك تەحنيكا مەكتەبى مەديتسينا فاكۋلتەتىنىڭ وقۋشىسى قادىرىيا احمەت اسەرلەنە: ”ادامداردىڭ تۇرمىسى بارعان سايىن باقىتتى بولا ءتۇسىپ، مەكتەپتىڭ قورشاعان ورتاسى مەن جاتىن ورىن شارت - جاعدايى بارعان سايىن جايلى بولدى... وسى وزگەرىستەردى پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن قامقورلىعىنان بولە قاراۋعا بولمايدى، كاسىپتىك بىلىمدەردى قۇلشىنا ۇيرەنىپ، العىس ايتۋ سەزىمىمدى مەكەندى كوركەيتىپ، وتان ءۇمىتىن اقتاۋدىڭ سانالى ارەكەتىنە اينالدىرامىن“، - دەدى.

  ورتاق تانىم ۇيىستىرىپ، كىسىگە وي سالىپ، العا باسۋعا جىگەرلەندىرەدى. اۆتونوميالى رايوننىڭ ۇگىت - لەكسيا ۇيىرمەسىنىڭ ۇگىت - لەكسياسى تۇتاس قوعامدا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قويۋ رايىن قالىپتاستىرىپ، ءماجىلىس رۋحىنىڭ شينجياڭدا تياناقتانىپ تامىر تارتۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋدىڭ قۋاتتى وڭ ەنەرگياسىن توپتادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.