شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى. 10 - ايدىڭ 26 - كۇنى مەملەكەت ءتوراعاسى شي جينپيڭ ارسەگە تەلەگرامما جولداپ، ونىڭ كوپ ۇلتتى بوليۆيا مەملەكەتىنىڭ زۇڭتۇڭى بولىپ سايلانعاندىعىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن بوليۆيا جاقسى دوس، جاقسى سەرىك. جۋىق جىلداردان بەرى جۇڭگو - بوليۆيا قارىم - قاتىناسى تاماشا دامۋ اۋقىمىن ساقتاپ، ناقتى سەلبەستىكتە مول ناتيجەگە قول جەتكىزدى، اسىرەسە، 2018 - جىلى ەكى ەل ستراتەگيالىق سەرىكتەستىك قارىم - قاتىناس ورناتقاننان بەرى، ءار سالاداعى اۋىس - كۇيىس سەلبەستىگى كۇن سايىن جيىلەپ، ەكى جاققا ناقتى مۇددە جەتكىزدى. مەن جۇڭگو - بوليۆيا قارىم - قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، جۇڭگو مەن بوليۆيانىڭ ستراتەگيالىق سەرىكتەستىك قارىم - قاتىناسىنىڭ ىشكى مازمۇنىن ۇزدىكسىز بايىتۋدى جانە تولىقتاۋدى ىلگەرىلەتىپ، ەكى ەلگە جانە ەكى ەل حالقىنا باقىت جاراتۋدى قالايمىن. ءسىزدىڭ باسشىلىعىڭىزدا ەلدەرىڭىز ۇكىمەتى مەن حالقىنىڭ مەملەكەت قۇرىلىسى ىستەرىندە اناعۇرلىم زور تىڭ تابىستارعا قول جەتكىزۋىن شىنايى تىلەيمىن.
