شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ يۋە
”مەن ۇرىمجىدەگى ىندەتتەن ساقتانۋ - تىزگىندەۋدىڭ شەشۋشى كەزەڭىندە ءبىرىنشى شەپكە بارىپ ىندەتكە قارسى اتتاندىم، تاعى سول ءبىرىنشى شەپتە پارتياعا مۇشە بولدىم. وسى قىسىلتاياڭ دا قاربالاس كەشىرمەم ومىرىمدەگى ەڭ ەستەن كەتپەس، ەڭ ءماندى ءسات“. 10 - ايدىڭ 20 - كۇنى ۇرىمجدەگى ىندەتكە قارسى اتتانۋدىڭ ءبىرىنشى شەبىندەگى سول ءبىر ۇمىتىلماس كەزدى ەسىنە العاندا ۋاڭ جينليان ەرەكشە تەبىرەندى.
ۋاڭ جينليان مايتاۋ حالىق شيپاحاناسى بەس مۇشە ءبولىمىنىڭ سەسترالار باستىعى. 7 - ايدىڭ 27 - كۇنى ول شيپاحاناداعى باسقا 15 ەمدەۋ - كۇتىمدەۋ قىزمەتكەرلەرىمەن بىرگە ۇرىمجىگە كەلىپ، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ بويىنشا ەمدەۋ - قۇتقارۋعا بەلگىلەگەن شيپاحاناسىنا باردى.
”بەلگىلەنگەن قىزمەت ىستەيتىن ناۋقاستار رايونىنا تاڭ اتىسىمەن توتە كىرىپ، شۇعىل جاڭا ءبولىم قۇردىق“، - دەدى ۋاڭ جينليان، شيپاحانانىڭ 2 - توپتا ۇرىمجىگە كەلگەن ەمدەۋ - كۇتىمدەۋ قىزمەتكەرلەرىنىڭ ىشىندەگى تاجىريبەسى مول سەسترا باستىعى بولعان ول ءبولىم مەڭگەرۋشىسى سۇن فىڭ، جەتەكشى حاۋ في قاتارلىلارعا كومەكتەسىپ، ەمدەۋ قىزمەتكەرلەرىنە جۇمىس ورنىنا شىعۋ بويىنشا قاراپايىم تاربيەلەۋ جۇرگىزگەننەن كەيىن، كوپشىلىك ءوز جۇمىس ورىندارىنا باردى، 3 - عيماراتتىڭ 6 - ناۋقاستار رايونى تىڭنان قۇرىلدى. 3 جارىم ساعاتتان كەيىن، ناۋقاستار رايونى 1 - توپتاعى ناۋقاستاردى قابىلداپ، كوپشىلىك قاربالاس تا ءتارتىپتى قۇتقارۋ - ەمدەۋ قىزمەتىن باستاپ كەتتى.
6 - ناۋقاستار رايونى بولعان جاڭادان قۇرىلعان وسى بولىمدە 47 جاستاعى ۋاڭ جينليان ءبىرىنشى كۇننەن باستاپ قورعانۋ كيىمىن دۇرىس كيۋ - شەشۋ، كاسىپ سەبەبىنەن حاۋىپ - قاتەردە قالۋدان ساقتانۋ سياقتى جۇيەلى قىزمەتتەن باستاپ يگەرىپ، ءار كۇنى ەمدەۋ - كۇتىمدەۋ قىزمەتكەرلەرىنە جارتى ساعات كۇشەمەلى تاربيەلەۋ جۇرگىزدى. ”ءارقايسى ساقتانۋ - تىزگىندەۋ شارالارىن تۇبەگەيلى تياناقتاندىرعاندا عانا، ەمدەۋ - كۇتىمدەۋ قىزمەتكەرلەرىنىڭ جەكە باسىنىڭ، سونداي - اق ناۋقاستاردىڭ حاۋىپسىزدىگىنە كەپىلدىك ەتۋگە بولادى“، - دەدى ول.
كوپشىلىكتىڭ بىرگە قۇلشىنۋىندا، قىسقا عانا بىرنەشە كۇندە ناۋقاستار رايونىندا تۇزىمدەنگەن، ولشەمدەنگەن، جۇيەلىلەنگەن باسقارۋ قالىپتاستى. ەمدەۋ اترەتىنىڭ ءارقايسى گرۋپپالارى اپتا سايىن مۇقيات قۋزاۋ - تەكسەرۋ جۇرگىزىپ، قىزمەت بارىسىنداعى ولقىلىقتاردى دەر كەزىندە تۇزەتتى جانە جاقسارتتى.
شيپاحانانىڭ جەڭىل ناۋقاستار رايونى بولعاندىقتان، ۋاڭ جينليان ەمدەۋ - كۇتىمدەۋ قىزمەتكەرلەرىنەن كۇتىمدەۋ بارىسىندا بايىپتى، قۇنىتتى بولۋدى، ناۋقاستارعا پسيحولوگيالىق جاقتان كوبىرەك جەتەكتەۋدى تالاپ ەتتى. ناۋقاستارعا تەكسەرۋ جۇرگىزگەندە جانە ءدارى - دارمەك بەرگەندە ول كوڭىلىن جايلاندىراتىن سوزدەردى كوبىرەك ايتتى. ناۋقاستاردىڭ تىرناعى ءوسىپ كەتكەنىن، جۋىنۋ بۇيىمدارىن ۇمىتىپ قالعانىن كورگەندە ول دەر كەزىندە تىرناق العىش، شاش سابىن جەتكىزىپ بەردى. ول ناۋقاستارعا قول جۋۋدىڭ دۇرىس ءادىسىن ۇيرەتتى، سونىمەن قاتار سەسترالارمەن بىرگە كەزەكتەسىپ ناۋقاستاردى باستاپ، بادۋانجين گيمناستيكاسىن جاسادى. وسىنداي كىشى - گىرىم ىستەر ناۋقاستاردىڭ ابىرجىعان كوڭىل كۇيلەرىنە توتەنشە مەدەت بولدى.
7 - ايدىڭ سوڭىنان 8 - ايدىڭ ورتا شەنىنە دەيىن، ءۇرىمجى قالاسىندا شىلىڭگىر ىستىق بولدى، ۋاڭ جينليان اۋا الماسپايتىن قورعانۋ كيىمىن كيىپ، ناۋقاستار رايونىندا ارلى - بەرلى ءجۇرىپ، زارارسىزداندىرۋ، تازالاۋ، ۋكول سالۋ، ءدارى - دارمەك تاراتۋ، تاماق جەتكىزۋ، ناۋقاستاردىڭ كوڭىل كۇيىن ورنىقتىرۋ سياقتى قىزمەتتەردى تارتىپپەن ورىستەتتى. كوپشىلىك ۇزدىكسىز شامادان تىس قىزمەت ىستەپ، شارشاعاندارىنان بەلدەرىن جازا الماي قالعان كەزدە ول قاشاندا اتويلاپ العا شىقتى. ”ىندەتكە قارسى اتتانۋدىڭ ءبىرىنشى شەبىنە قاھارمان اتانۋ ءۇشىن اتوي سالمادىم، بۇل ءاربىر ەمدەۋ - كۇتىمدەۋ قىزمەتكەرىنىڭ كاسىپتىك تالعامى“، - دەدى ول.
ىندەتكە قارسى اتتانۋدىڭ ءبىرىنشى شەبىندە ۋاڭ جينليان جانە بەينەسى كورنەكتى باسقا بىرنەشە ەمدەۋ - كۇتىمدەۋ قىزمەتكەرى داڭقپەن پارتياعا مۇشە بولدى. ول پارتياعا مۇشە بولعان كەزدەگى اسەرلى ءساتتى جۇرەگىنىڭ تۇكپىرىندە ماڭگى ساقتايتىندىعىن ايتتى.
