شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 10 - ايدىڭ 27 - كۇنى ۇرىمجىدەن حابارلايدى. 10 - ايدىڭ 26 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 19 - رەتكى ماجىلىسىنە سىرتتاي قاتىناسقان حالىق قۇرىلتايى ۋاكىلدەرىنىڭ اڭگىمە ءماجىلىسىن اشتى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى ءارى ءسوز سويلەدى.
ماجىلىستە تۇراقتى كوميتەتتىڭ ماجىلىسىنە سىرتتاي قاتىناسقان مەملەكەتتىك جانە اۆتونوميالى رايوندىق حالىق قۇرىلتايىنىڭ 16 ۋاكىلى وزدەرىنىڭ مىندەت اتقارۋ ءىس جۇزىندىگىمەن ۇشتاستىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋ، دايەكتىلەندىرۋ جاعدايى جونىندە پىكىر اۋىستىرىپ، جاڭا داۋىردەگى حالىق قۇرىلتايى قىزمەتىن جانە ۋاكىلدەر قىزمەتىن قايتكەندە جاقسى ىستەۋگە بولاتىندىعى توڭىرەگىندە پىكىر - ۇسىنىستاردى ورتاعا قويدى.
ءماجىلىس مىنالاردى باسا دارىپتەدى: ءار دارەجەلى حالىق قۇرىلتايى ۋاكىلدەرى پارتيا مەن حالىقتىڭ ماڭىزدى تاپسىرماسىن ەستە بەرىك ساقتاپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىن ەستە بەرىك ساقتاپ، ”ءتورت تانىمدى“ كۇشەيتۋدى، ”ءتورت سەنىمدى“ بەكەمدەۋدى، ”ەكىنى قورعاۋدى“ ورىنداۋدى باستان - اياق ناقتى ارەكەتتە تياناقتاندىرىپ، اۆتونوميالى رايوندىق پارتكومنىڭ تالابىنا ساي، وسكەلەڭ ساياسي سانالىلىقپەن، يدەيالىق سانالىلىقپەن، ارەكەت سانالىلىعىمەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ويداعىداي ۇيرەنىپ، ۇگىتتەپ، دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرۋ كەرەك. توپتىق ۇيرەنۋ مەن جەكە ۇيرەنۋدى ۇشتاستىرىپ، جان - جاقتى جۇيەلى ۇيرەنىپ، تەرەڭدەي وي جۇگىرتە ۇيرەنىپ، ءىس جۇزىندىكپەن بايلانىستىرىپ ۇيرەنىپ، وي - ساناعا ۇيالاتىپ، ارەكەتتە ايگىلەپ، ۇيرەنۋدى، ۇگىتتەۋدى، دايەكتىلەندىرۋدى تەرەڭدەتۋ، جۇرەككە ۇيالاتۋ، ناقتىلاندىرۋ قاجەت. كوپ ءتۇرلى فورمامەن جانە جولدارمەن ءار ۇلت بۇقاراسىنا ءماجىلىس رۋحى جونىندە ۇگىت - لەكسيا جاساپ، ءار ۇلت بۇقاراسىنىڭ تۇسىنۋىنە، يگەرۋىنە، تياناقتاندىرۋىنا مۇمكىندىك جاساپ، ءار ۇلت بۇقاراسىنىڭ پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ بەكىمىن اناعۇرلىم نىعايتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش - قۋات قوسۋ كەرەك.
ءماجىلىس مىنالاردى اتاپ كورسەتتى: حالىق بۇقاراسىمەن تىعىز بايلانىس جاساۋ − نەگىزگى زاڭدا، زاڭداردا جۇكتەلگەن ماڭىزدى قىزمەت جاۋاپكەرشىلىگى، زاڭ بويىنشا مىندەت اتقارۋدىڭ ماڭىزدى نەگىزى. بۇقاراعا قاتىستى ءىسىتىڭ قاي - قايسىسى دا ءىرى ءىس. حالىق قۇرىلتايى ۋاكىلدەرى پارتيا مەن مەملەكەتتىڭ حالىق بۇقاراسىمەن بايلانىس جاساۋداعى كوپىرى جانە دانەكەرى بولۋ رولىن تولىق ويداعىداي ساۋلەلەندىرىپ، حالىق بۇقاراسىمەن بايلانىسىن قويۋلاتىپ، بۇقارانىڭ نەنى ويلاپ وتىرعاندىعىن، نەدەن قام جەپ وتىرعاندىعىن، نەنى اڭساپ وتىرعاندىعىن شىنايى ۇعىسىپ، حالىقتىڭ ۇنىنە جاۋاپ قايتارۋدى قۇلشىنا ورىنداۋ كەرەك. ۋاكىلدەر ءۇيى، ۋاكىلدەر قىزمەت كەڭسەسى، ۋاكىلدەر بايلانىس پۋنكتى ۋاكىلدەردىڭ حالىق بۇقاراسىمەن بايلانىس جاسايتىن ماڭىزدى تۇعىرى، حالىق قۇرىلتايى ۋاكىلدەرى ”پۋنكتتە تۇرىپ بۇقارانى قابىلداپ“، بۇقارامەن بايلانىس جاساۋ ارناسىن، ءتاسىلىن، مازمۇنىن ۇزدىكسىز بايىتىپ جانە كەڭەيتىپ، حالىقتى بارىنەن جوعارى قويۋعا تاباندى بولۋ، حالىققا تىعىز ارقا سۇيەۋ، حالىقتى ۇزدىكسىز باقىتقا كەنەلتۋ، حالىققا تەرەڭ تامىر تارتۋ تالابىن ۋاكىلدەردىڭ مىندەت اتقارۋىنىڭ تۇتاس بارىسىندا، ءار جاعىندا دايەكتىلەندىرۋ كەرەك. ءماجىلىس جابىق كەزدەگى قيمىلدارعا دەن قويا قاتىناسىپ، مىندەت اتقارىپ، جاۋاپكەرشىلىك وتەۋگە بەرىك نەگىز قالاۋ كەرەك. زاڭ ەرەجە شىعارۋ قىزمەتىنە بەلسەنە ات سالىسىپ، حالىق قۇرىلتايىنىڭ باقىلاۋىن كۇش بىرىكتىرە كۇشەيتىپ، قاراۋ، ءسوز سويلەۋ ساپاسىن ۇزدىكسىز جوعارىلاتىپ، جوعارى ساپالى كەڭەستىك جوبالاردى، ۇسىنىستاردى تاپسىرىپ، حالىقتىڭ جاعدايىن، حالىقتىڭ تىلەگىن، حالىقتىڭ ءۇنىن وبيەكتيۆ تۇردە اڭىس ەتۋ كەرەك. وزىنە قاتاڭ تالاپ قويىپ، دۇرىس ساياسي باعدارعا باستان - اياق تاباندى بولىپ، زاڭدارعا، زاڭ ەرەجەلەرگە جانە قوعامدىق الەۋمەتتىك ءمورالعا باستاماشىلدىقپەن قاتاڭ بويسۇنىپ، زاڭنىڭ جانە حالىق بۇقاراسىنىڭ باقىلاۋىن سانالى تۇردە قابىلداپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن كۇش سالا جازۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇن ماجىلىسكە قاتىناستى.
