شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا 10 - ايدىڭ 27 - كۇنى ۇرىمجىدەن حابارلايدى. جەكە تيجارات، تولىق كۇندىك ەمەس جۇمىس، سونداي - اق جاڭا جۇمىستانۋ كۇيى سياقتى يكەمدى دە كوپ ءتۇرلى جۇمىستانۋ تاسىلدەرى ەڭبەكشىلەردىڭ كوپ ارنامەن جۇمىستانۋىنداعى ماڭىزدى جول. تاياۋدا «اۆتونوميالى رايوننىڭ كوپ ارنامەن يكەمدى جۇمىستانۋدى قولداۋ جونىندەگى اتقارۋ پىكىرى» (تومەندە قىسقاشا «اتقارۋ پىكىرى» دەلىنەدى) شىعارىلىپ، يكەمدى جۇمىستانۋدى قولداۋدى جۇمىستانۋدى ورنىقتىرۋ مەن تۇرعىنداردىڭ جۇمىستانۋىن قامتاماسىز ەتۋدەگى ماڭىزدى شارا ەتىپ، ءتۇرلى شارالاردى اناعۇرلىم كەمەلدەندىرىپ، ساياساتتىق قىزمەت وتەۋمەن قامداۋدى كۇشەيتىپ، اناعۇرلىم كوپ يكەمدى جۇمىستانۋ ورايىن جاراتىپ، ءوز الدىنا كاسىپ قاراستىرۋعا، دەربەس شارۋاشىلىق قۇرۋعا شابىتتاندىرىپ، ەڭبەكشىلەردىڭ شارۋاشىلىق قۇرۋ ومىرشەڭدىك كۇشى مەن جاڭالىق اشۋ كومەسكى كۇشىن ۇزدىكسىز جانداندىرىپ، جۇمىستانۋ كەلەلى جاعدايىن كۇش سالا ورنىقتىرۋ تالاپ ەتىلدى.
”اتقارۋ پىكىرىندە“ مىنالار تالاپ ەتىلدى: يكەمدى جۇمىستانۋدى دامىتۋ ارناسىن كەڭەيتۋ كەرەك. تاڭەرتەڭگى بازاردى، كەشكى بازاردى جانە ءتۇرلى ەرەكشە شاعىن دۇكەندەردى دامىتۋدى قولداپ، شاعىن دۇكەندەر ەكونوميكاسىنىڭ، جايما ەكونوميكاسىنىڭ اقاۋسىز گۇلدەنىپ دامۋىن جەبەۋ ءتيىس. جۇمىستانۋى مۇشكىل ادامدار، جوعارى مەكتەپتەردەن وقۋ بىتىرگەندەر، شارۋا جۇمىسكەرلەر سياقتى شوعىرلاردىڭ جەكە تيجاراتپەن شۇعىلدانعاندارىنا مەڭزەس، بەلگىلەمە بويىنشا ءتۇرلى سۇيەمەلدەۋ ساياساتتارىن تياناقتاندىرۋ كەرەك. تولىق كۇندىك ەمەس جۇمىستانۋ ورايىن كوبەيتىپ، تولىق كۇندىك ەمەس جۇمىستاعى ەڭبەكشىلەر ءبىرشاما شوعىرلانعان قالا ىستەرى - قالا كەلبەتى، قوجالىق قىزمەت وتەۋى، تولايىم - بولشەك ساتۋ، ءۇي شارۋالارى قىزمەت وتەۋى، قۇرىلىس - اشەكەيلەۋ سياقتى كاسىپ سالالارىنىڭ ساپاسىن ءوسىرىپ، اياسىن كەڭەيتۋدى ىلگەرىلەتىپ، قارتتاردى كۇتىمدەۋ، بالالاردى تاپسىرىسپەن باعۋ، پسيحيكالىق جاقتان جەتەكشىلىك ەتۋ جانە قوعامدىق قىزمەت سياقتى الەۋمەتتىك اۋماق قىزمەت وتەۋ كاسىپتەرىنىڭ جۇمىستانۋعا باۋراۋ قابىلەتىن كۇشەيتۋ كەرەك. جاڭا جۇمىستانۋ كۇيىن دامىتۋدى قولداپ، ينتەرنەتتە بولشەك ساتۋ، ينتەرنەتتە ۋادەلەسۋ ارقىلى كولىكپەن ساپارعا شىعۋ، ينتەرنەت جەلىسىندەگى ءتالىم - تاربيە، ينتەرنەت جەلىسىندە ەمدەۋ سياقتى كاسىپ سالالارىن دامىتۋدى جەدەل ىلگەرىلەتىپ، ەڭبەكشىلەردىڭ جۇمىستانۋىنا شارت - جاعداي جاراتۋ كەرەك.
«اتقارۋ پىكىرىندە» مىنالار العا قويىلدى: دەربەس جۇمىستانۋ، شارۋاشىلىق قۇرۋ ورتاسىن ساپالىلاندىرۋ كەرەك. تەكسەرىپ بەكىتۋ - باسقارۋ قىزمەت وتەۋىن كۇشەيتىپ، ”رۇقسات كۋالىگى مەن تيجارات كۋالىگىن ءبولۋ“ مەن ”كۋالىكتەردى بىرىكتىرۋ“ رەفورماسىن ۇزدىكسىز ىلگەرىلەتۋ كەرەك. ۇكىمەت بەلگىلەگەن ورىن جانە ۋاقىت كولەمىندە اۋىل شارۋاشىلىق قوسىمشا ونىمدەرىن، كۇندەلىكتى تۇرمىستىق بۇيىمداردى ساتۋمەن نەمەسە جەكە ادامدار شەبەرلىكتەرى ارقىلى زاڭ بويىنشا رۇقسات الۋى قاجەتسىز حالىققا قولايلى قىزمەت وتەۋ قيمىلدارمەن شۇعىلدانسا، زاڭ بويىنشا تىركەلۋىن تەكتەمەۋ كەرەك، ولاردىڭ تيجارات كۋالىگىن ءبىتىرۋى قاجەتسىز. اقىنى تومەندەتىپ، اۋىرتپالىقتى جەڭىلدەتۋ ساياساتىن تياناقتاندىرىپ، يكەمدى جۇمىستانۋعا ساياتىن اكىمشىلىك ىستەر سيپاتتى اقى الۋدى كۇشىنەن قالدىرىپ، بەكىتۋ ارقىلى جولداردى يەلەپ تيجارات جۇرگىزگەندەردەن قالا جولدارىن يەلەۋ اقىسىن الماۋ كەرەك. وزىندىك قۇنى تومەن تيجارات ورنىمەن قامداۋعا شابىتتاندىرىپ، يكەمدى جۇمىستانۋشىلاردىڭ ءۇي جالاقىسى اۋىرتپالىعىن جەڭىلدەتۋگە كومەكتەسۋ كەرەك.
”اتقارۋ پىكىرىندە“ مىنالار تالاپ ەتىلدى: يكەمدى جۇمىستانۋدى قامتاماسىز ەتۋدى قولداۋدى كۇشەيتۋ كەرەك. يكەمدى جۇمىستانعانداردى ساناققا الۋدى جاقسى ىستەپ، كاسىپتىك شەبەرلىككە باۋلۋدى ورىستەتىپ، ادام كۇشى بايلىعى قىزمەت وتەۋىن ساپالىلاندىرۋ كەرەك. ءتۇرلى جوعارى مەكتەپتەردىڭ، باۋلۋ قۇرىلىمدارىنىڭ، ينتەرنەتتىك تۇعىر كاسىپورىندارىنىڭ ينتەرنەت جەلىسى مەن جەلى سىرتىن ءوزارا ۇشتاستىرۋ ءتاسىلىن قولدانۋ ارقىلى قارتتاردى كۇتىمدەۋ، بالالاردى تاپسىرىسپەن باعۋ، ءۇي شارۋاسىن ىستەۋ، اس - سۋ، جوندەۋ، اجارلاندىرۋ - شاش جاساۋ سياقتى شەبەرلىككە باۋلۋدى جانە جاڭادان گۇلدەنگەن كاسىپتەر، وزىق جاساۋ كاسىبى، وسى زامانعى قىزمەت وتەۋ كاسىبى سياقتى سالالارداعى ەڭبەك شەبەرلىگىنە باۋلۋدى ورىستەتۋىن قولداپ، شارۋاشىلىق قۇرۋ تىلەگى بار يكەمدى جۇمىستانۋشىلاردى شارۋاشىلىق قۇرۋعا باۋلۋ كولەمىنە ەنگىزىپ، بەلگىلەمە بويىنشا باۋلۋ قوسىمشا قاراجاتىن تياناقتاندىرۋ كەرەك. قيىنشىلىعى بار يكەمدى جۇمىستانۋشىلارعا كومەكتەسۋ - سۇيەمەلدەۋدى كۇشەيتىپ، شارتقا ۇيلەسەتىن قيىنشىلىعى بار يكەمدى جۇمىستانۋشىلاردى دەر كەزىندە بەلگىلەمە بويىنشا ەڭ تومەنگى تۇرمىسى قامتاماسىزداندىرىلاتىنداردىڭ قاتارىنا ەنگىزۋ كەرەك.
