رايونىمىزدىڭ اۋىل شارۋاشىلىعى ءوندىرىسىن كولەمدەندىرۋ، شوعىرلاندىرۋ دەڭگەيى ونان ارى جوعارىلادى
وتباسى كوتەرمەگە العان ەگىستىك جەردىڭ اينالىمعا سالىنعان اۋدانى 10 ميلليون مۋدان استى
شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ ي 10 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، 9 - ايدىڭ سوڭىنا دەيىن، رايونىمىزدا وتباسى كوتەرمەگە العان ەگىستىك جەردىڭ اينالىمعا سالىنعان اۋدانى 10 ميلليون 657 مىڭ 700 مۋعا جەتىپ، بىلتىرعىمەن سالىستىرعاندا ءبىر ميلليون 510 مىڭ مۋ ارتىپ، وتباسى كوتەرمەگە العان جالپى ەگىستىك جەر اۋدانىنىڭ ％36.5ىن يەلەپ، اۋىل شارۋاشىلىعى ءوندىرىسىنىڭ ولشەمدەنۋ، كولەمدەنۋ، شوعىرلانۋ دەڭگەيى ونان ارى جوعارىلاعان.
ۇيلەسىمدى كولەمدە شارۋاشىلىق جۇرگىزۋ دەڭگەيىنىڭ جوعارىلاۋى بۇكىل رايوننىڭ اۋىل شارۋاشىلىعى ءوندىرىسى ساپاسىنىڭ جوعارىلاپ، ونىمدىلىگىنىڭ ارتۋىنا جانە تيبىنىڭ جاڭالانىپ دارەجەسىنىڭ وسۋىنە تىرەك بولدى، سونداي - اق كەدەيلىكتەن ارىلتۋدان قامال الۋعا ماڭىزدى نەگىز قالادى. جاقىنعى جىلداردان بەرى، مارالباسى اۋدانى شارۋا وتباسىلارىنىڭ تىلەگىنە تولىق قۇرمەت ەتۋ نەگىزىندە، جەردى اينالىمعا سالۋ اياق الىسىن ورنىقتى ىلگەرىلەتتى، قازىر اۋدان بويىنشا كوللەكتيۆكە مەنشىكتى جەردىڭ اينالىمعا سالىنعان اۋدانى 294 مىڭ 400 مۋعا جەتتى. جەردى اينالىمعا سالعاننان كەيىن، ەگىن سالۋ، ءونىم جيناۋ سياقتى تۇتاس بارىستىق باسقارۋ قىزمەتتەرى ارقىلى 8000نان استام ادامنىڭ جۇمىستانۋىن شەشىپ، 31 مىڭ ادامنىڭ سىرتقا شىعىپ جۇمىس ىستەۋىن جەبەپ، شارۋالاردىڭ ەڭبەكاقى سيپاتتى كىرىسىن شىنايى ارتتىردى. سونىمەن بىرگە، بۇكىل اۋداننىڭ اۋىل شارۋاشىلىعى ءوندىرىسىنىڭ دەڭگەيى زور كولەمدە جوعارىلادى، اينالىمعا سالىنعان كوپتەگەن ەگىستىك جەردەگى ماقتانىڭ بىرلىك ءونىمى بۇرىنعى نەبارى 300 كيلوگرامنان مولايىپ، 400 كيلوگرامنان استى.
جەردىڭ ۇيلەسىمدى كولەمدەگى شارۋاشىلىق دەڭگەيىن جوعارىلاتۋ بارىسىندا شارۋالار كاسىپتىك سەلبەستىك كووپەراتيۆى بارعان سايىن ماڭىزدى رول اتقاردى. بۇكىل رايونداعى شارۋالار كاسىپتىك سەلبەستىك كووپەراتيۆى اينالىمعا سالعان وتباسى كوتەرمەگە العان ەگىستىك جەر 2 ميلليون 526 مىڭ 800 مۋ بولىپ، بۇكىل رايونداعى وتباسى كوتەرمەگە العان ەگىستىك جەردى اينالىمعا سالۋ جالپى اۋداننىڭ ％23.7ىن يەلەدى. قازىر بۇكىل رايونداعى شارۋالار كاسىپتىك سەلبەستىك كووپەراتيۆىنىڭ جالپى سانى 26 مىڭ 400گە جەتىپ، ناقتى مۇشەسى 456 مىڭ ادام بولىپ، مۇشەلەرى مەن جەتەكتەگەن مۇشە ەمەس ادامدار سانى جالپى شارۋالار سانىنىڭ ％38.6ىن يەلەدى.
سونىمەن بىرگە، تۇتاس رايوننىڭ اۋىل - قىستاق جەرىن كوتەرمەگە الىپ شارۋاشىلىق جۇرگىزۋ ۇقىعىن تۇراقتاندىرۋ، تىركەۋگە الۋ، كۋالىك بەرۋ قىزمەتىن ورنىقتى قاداممەن ىلگەرىلەتۋ وتباسى كوتەرمەگە العان ەگىستىك جەردى اينالىمعا سالۋعا سەنىمدى تۇزىمدىك قامتاماسىزدىق ازىرلەدى. قازىر تۇتاس رايون مەملەكەت تۇسىرگەن اۋىل - قىستاق جەرىن كوتەرمەگە الىپ شارۋاشىلىق جۇرگىزۋ ۇقىعىن تۇراقتاندىرۋ، تىركەۋگە الۋ، كۋالىك بەرۋ قىزمەتى مىندەتىن جالپى بەتتىك ورىندادى، ءبىر ميلليون 806 مىڭ 100 شارۋا وتباسى اۋىل - قىستاق جەرىن كوتەرمەگە الىپ شارۋاشىلىق جۇرگىزۋ ۇقىعى كۋالىگىن الدى، شارۋالاردىڭ جەردى كوتەرمەگە الۋ ۇقىق - مۇددەسى قامتاماسىز ەتىلدى.
كەلەسى قادامدا رايونىمىز جەردى اينالىمعا سالۋ مەن كولەمدەنگەن شارۋاشىلىقتى باسقارۋ قىزمەت وتەۋ دەڭگەيىن ونان ارى جوعارىلاتىپ، شارۋا وتباسىلارىن كوپ ءتۇرلى تاسىلدەر ارقىلى كوتەرمەگە العان جەردى اينالىمعا سالۋعا شابىتتاندىرادى، اينالىمعا سالۋشى جاق جەرىن اينالىمعا سالۋعا بەرگەن شارۋا جۇمىسكەرلەردى الدىمەن جالداپ ىستەتىپ، ولاردىڭ ەڭبەكاقى سيپاتتى كىرىسىن ارتتىرادى.
