ەرىكتى ءتىلشى ۋي يانرۇڭ
10 - ايدىڭ 6 - كۇنى، جەرگە جارىق تۇسە بەرە، نۇردىبەك پەن ايەلى قاربالاستىققا ءتۇستى، ايەلى سۋ اكەلىپ، ۇن يلەدى، ول وت جاقتى. كوپ وتپەي، ادامدار ىركەس - تىركەس نان الۋعا كەلدى، كەيبىرەۋلەر تەلەفون سوعىپ تاپسىرىس بەرىپ تە جاتتى. ءار كۇنى ازدى - كوپتى تابىس تاۋىپ، ەرلى - زايىپتى ەكەۋىنىڭ قۋانىشى قويىنىنا سيمادى.
49 جاستاعى نۇردىبەك شاۋەشەك قالاسى ابدىرا اۋىلى شولاقبۇلاق قىستاعىنداعى كەدەي وتباسى، ۇيلەنبەي تۇرعاندا اتا - اناسىمەن بىرگە قوي باعاتىن، جىلدىق كىرىسى ماردىمسىز ەدى، ۇيلەنىپ بالالى بولعاننان كەيىن، شاناقتى كىرىس ءبىر ءۇيلى جاندى باعۋعا جەتپەدى.
قازىرگى تۇرمىس جاعدايىن وزگەرتۋ ءۇشىن، نۇردىبەك تە قاراپ جاتپاي، كەدەيلىكتەن ارىلۋعا امال قاراستىردى. 2013 - جىلى، ول قوي ەتىنىڭ باعاسى وسكەنىن كورىپ، بانكەدەن 130 مىڭ يۋان قارىز الىپ، 100 تۇياق قوي ساتىپ الىپ باعىمشىلىقتى دامىتتى، ءبىراق كوپ وتپەي بازار جاعدايىندا بۇرىلىس بولىپ، ول قويلارىن بازارعا شىعارعاندا جاقسى باعادا ساتا الماي، وزىندىك قۇنىن قانا شىعاردى.
بانكەنىڭ قارىزىن قالاي قايتارۋ كەرەك؟ نۇردىبەك شاراسىز قالعان ەدى.
نۇردىبەكتىڭ جاعدايىنان حابار تاپقاننان كەيىن، جۇڭگو اۋىل شارۋاشىلىق بانكەسى جارنا شەكتى سەرىكتەستىگى شاۋەشەك بولىمشە بانكەسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتى“ وعان كومەكتەسىپ ءادىس - امال قاراستىرىپ، جول كورسەتتى، ءبىر جاعىنان باسقالاردىڭ مالىن جالعاستى باعۋعا ءناسيحاتتاپ، ەندى ءبىر جاعىنان كىرىس كىرگىزۋدىڭ باسقا ارناسىن دا قاراستىردى.
قىزمەت اترەتىنىڭ باستىعى ان حۇيبين قىستاقتا نان دۇكەنى جوق ەكەنىن، قىستاق تۇرعىندارى اپتا سايىن نەشە ون كيلومەتر قاشىقتىقتاعى اۋىلدان نەمەسە باسقا قىستاقتان نان ساتىپ الاتىنىن بايقايدى. وعان ءبىر وي كەلدى — نۇردىبەك ناۋايحانا اشىپ، كىرىسىن ارتتىرۋى كەرەك. الايدا، نۇردىبەكتىڭ نان جاۋا المايتىنىن، ناننىڭ ساتىلۋ ارناسىن ويلاپ، باستابىندا ءبىراز ۋايىمدادى.
قىزمەت اترەتىنىڭ ورىنباسار باستىعى ما دىيۇي ماڭايىنداعى ون نەشە نان دۇكەنىنە تەكسەرۋ جۇرگىزىپ، ناننىڭ جاسالۋى، ءتۇرى، جەكە باعاسى قاتارلىلاردى ەگجەي - تەگجەيلى ۇعىستى. بىرنەشە كۇندىك قاربالاستىقتان كەيىن، قىزمەت اترەتى تونار دايىندادى ءارى سىرتتان نان جابۋعا قاجەتتى قۇرالداردى ساتىپ اكەلىپ، نۇردىبەكتىڭ نان دۇكەنىن اشۋىنا بار كۇشپەن كومەكتەستى.
ءبىرىنشى كۇنى، نۇردىبەك 22 نان پىسىردى، تورتەۋى عانا ءساتتى بولىپ، قىزمەت اترەتى بارلىعىن ساتىپ الدى.
قىزمەت اترەتىنىڭ مۇشەسى كالىمجان زۇنۇنياسىن مەن نۇردىبەك كۇندە قامىردىڭ قاتتى - جۇمساقتىعى، اشۋ ۋاقىتى، پىسىرۋ ۋاقىتى قاتارلى ءارقايسى جاقتاردا ۇزدىكسىز سىناق جاسادى. ءبىر ايدان كەيىن، ولار جاپقان نان تۇگەلدەي تولىمدى بولىپ شىقتى.
نان پىسىپ شىقتى، قىزمەت اترەتى ”ساتۋشى“ بولدى. ولار دوستارى مەن تۋىستارى جانە مەكەمەدەگىلەردى اتتانىسقا كەلتىرىپ، قىستاق تۇرعىندارىن نان ساتىپ الۋعا جەبەدى. نۇردىبەكتىڭ نان دۇكەنىنىڭ ساۋداسى كۇسەت بولا تۇسكەنىن كورىپ، كەيبىر قىستاق تۇرعىندارى قىزمەت اترەتىن ىزدەپ كەلىپ، كىرىستى ارتتىرۋدىڭ باسقا جولىن قاراستىرۋىنا كومەكتەسۋىن سۇرادى. قىزمەت اترەتى ادامعا قاراي شارا قولداندى، ءارى قىستاق تۇرعىنى جەمىسگۇل بوقاننىڭ دۇكەن اشۋىنا كومەكتەستى؛ قىستاق تۇرعىنى ءبىرجان توقىنبايدىڭ سيىر ءسۇتىن ساتۋىنا كومەكتەستى... قىستاق تۇرعىندارىنىڭ وتباسىندا ەككەن بۇرىن كوزگە شالىنبايتىن كۇلگىن قابىقتى سارىمساق، جەرگىلىكتى جۇمىرتقا، قۇرت، سارى ماي قاتارلىلار قىزمەت اترەتىنىڭ جەتەكشىلىگىندە اۋقاتتانۋدىڭ اسىلىنا اينالدى.
نۇردىبەك قۋانا بىلاي دەدى: ”مەن كەيىن پىراندىك، بولكا جاساپ، ءتۇرىن ارتتىرامىن، ساۋدام كۇسەت بولسا قالاعا بارىپ دۇكەن اشامىن“.
