− شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ”13 - بەسجىلدىق“ كەزىندەگى ەكونوميكالىق، قوعامدىق دامۋعا جەتەكشىلىك ەتكەندىگى تۋرالى شولۋ
شينحۋا اگەنتتىگىنىڭ تىلشىلەرى
ۇلى يدەيا ۇلى داۋىردەن باستاۋ الادى؛
جاسامپاز يدەيا جاسامپاز امالياتقا جەتەكشىلىك ەتەدى.
”13 - بەسجىلدىق“ جۇڭگوشا سوتسياليزمنىڭ تاريحي ۇدەرىسىندە الدىڭعىلاردىڭ ءىزىن باسىپ بولاشاققا جول اشتى.
وسى 5 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە ەلىمىزدىڭ ەكونوميكالىق، قوعامدىق دامۋىندا تاريحي شارىقتاۋ جۇزەگە اسىپ، شەشۋشى تابىسقا قول جەتتى، كەدەيلىكتەن ارىلتۋدان قامال الۋ جانە جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋ الدىندا تۇرمىز، جاپپاي سوتسياليستىك وسىزاماندانعان مەملەكەت قۇرۋدىڭ بولاشاعى نۇرلى، جۇڭحۋا ۇلتى جاڭا تاريحي زور وزگەرىستى قارسى الدى.
تيبىن وزگەرتىپ قايتا تۇلعالادى −
جاڭا دامۋ ۇستانىمى ارقىلى جوعارى ساپالى دامۋعا جەتەكشىلىك ەتىپ، جۇڭگونىڭ دامۋىنىڭ جاڭا ءورىسىن اشتى
2020 - جىلى 10 - ايدىڭ 22 - كۇنى ورتالىق كوميتەت ساياسي بيۋروسىنىڭ تۇراقتى كوميتەتى ءبىر رەتكى وزگەشە ءماجىلىس اشتى، باس شۋجي شي جينپيڭ مەن ورتالىق كوميتەت ساياسي بيۋروسىنىڭ باسقا تۇراقتى مۇشەلەرى ”13 - بەسجىلدىق“ جوبانىڭ اتقارىلۋىن قورىتىندىلاۋ، باعالاۋ مالىمەتىن تىڭدادى.
”باستى كورسەتكىشتەر جالپى تۇلعالىق جاقتان ۋاعىندا ىسكە اسىپ، كەلەلى ستراتەگيالىق مىندەتتەر جانە 165 كەلەلى ينجەنەريا نىسانى جالپى بەتتىك تياناقتانىپ، ونىمدىلىك كورسەتىپ، جوبادا بەلگىلەنگەن نىسانالار مەن مىندەتتەر جەڭىسپەن ورىندالۋ الدىندا تۇر“، ”ەلىمىزدىڭ ەكونوميكالىق ناقتى قۋاتى، عىلىم - تەحنيكالىق ناقتى قۋاتى، جالپىلىق مەملەكەت قۋاتى تىڭ ساتىعا كوتەرىلدى“...
5 جىلدىق اماليات شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ اسا كورەگەندىگىن جانە عىلمي تالعامىن تولىق دالەلدەدى.
2015 - جىلعا ورالساق، جۇڭگو ەكونوميكاسىنىڭ ارتۋ جىلدامدىعى الدىڭعى بىرنەشە جىلدا ۇزدىكسىز باياۋلاۋ نەگىزىندە ونان ارى تومەندەپ، تۇتاس جىلدىق ارتۋى ％7 بولىپ، 20 نەشە جىلدان بەرگى ەڭ تومەنگى شامانى كورسەتتى.
جاڭا داۋىرگە وتكەندە، جۇڭگونىڭ قانداي دامۋدى جۇزەگە اسىرۋى كەرەكتىگى، قالاي دامۋى كەرەكتىگى جونىندە باس شۋجي شي جينپيڭ تەرەڭ وي جۇگىرتىپ تولعاندى.
ۇلكەن جاعدايدى بارلاپ، جالپى اۋقىمدى جوبالاپ، جاڭا جولعا ءتۇستى.
يدەيا ”اماليات - تانىم - قايتالاي اماليات - قايتالاي تانىم“ بارىسىندا تەرەڭدەپ، ءوسىپ، جۇڭگو ەكونوميكاسى مەن قوعامىنىڭ ۇزدىكسىز اقاۋسىز دامۋىن ىلگەرىلەتەتىن عىلمي جەتەكشىگە اينالدى.
− ەكونوميكالىق دامۋدىڭ جاڭا قالىپتى كۇيىنە ۇيلەسۋدى، ونى يگەرۋدى، وعان جەتەكشىلىك ەتۋدى العا قويىپ، ”جىلدامدىق ابىرجۋىن“ جويىپ، جۇڭگو ەكونوميكاسىنداعى ”قالاي قاراۋ“ ماسەلەسىن شەشتى؛
− قامداۋ جاعىنداعى قۇرىلىمدىق رەفورمانى ىلگەرىلەتۋدى ەكونوميكالىق قىزمەتتىڭ نەگىزگى جەلىسى ەتىپ، قىسقا مەرزىمدىك دەم بەرۋگە يەك سۇيەۋدەن قۇتىلىپ، قۇرىلىم رەفورماسىن نەگىزگى قامال الۋ بەتالىسى ەتىپ، جۇڭگو ەكونوميكاسىنداعى ”قايتۋ كەرەك“ دەگەن ماسەلەنى شەشتى؛
− ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ءتۇرلى حاۋىپ - قاتەر، سىن - سايىستار الدىندا، ستراتەگيالىق تاباندىلىقتى ساقتاپ، تومەنگى شەكتە ويلاۋعا تاباندى بولىپ، ەكونوميكالىق قىزمەتتى جاقسى ىستەۋدىڭ ادىستەمەسىن ايقىندادى؛
...
دامۋ ۇستانىمى − دامۋ ارەكەتىنىڭ جەتەكشىسى، جالپى جاعدايعا، تۇبىرگە، بەتالىسقا، ۇزاق بولاشاققا سايادى.
جۇڭگونىڭ دامۋ جولى جونىندەگى جالعاسىپ كەلە جاتقان وي - تولعام مەن امالياتتى جيناقتاپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىكتەنەتىن دامۋ ۇستانىمىن تۇراقتاندىردى.
2015 - جىلى 10 - ايدا پارتيا 18 - كەزەكتى ورتالىق كوميتەتىنىڭ بەسىنشى جالپى ماجىلىسىندە جاڭا دامۋ ۇستانىمى ايقىن العا قويىلىپ، ”13 - بەسجىلدىق“ كەزىندەگى، ءتىپتى ونان دا ۇزاق مەزگىلدەگى ەلىمىزدىڭ دامۋىنا نەگىزگى بويسۇنۋ ولشەمىن ازىرلەدى.
سول جولعى جالپى ءماجىلىس «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 13 - بەسجىلدىق جوباسىن جاساۋ جونىندەگى ۇسىنىسىن» قاراپ ماقۇلداپ، مىنانى كورنەكتىلەندىرە باسا دارىپتەدى: جاڭا دامۋ ۇستانىمىن مىقتاپ ورناتۋ ءارى شىن مانىندە دايەكتىلەندىرۋ − جۇڭگونىڭ دامۋىنىڭ جالپى جاعدايىنا ساياتىن تەرەڭ وزگەرىس، بۇكىل پارتياداعى جولداستار وسى وزگەرىستىڭ كەلەلى رەال ماڭىزى مەن تەرەڭ تاريحي ماڭىزىن جەتە تانۋى كەرەك.
5 جىلدان بەرى، ەلىمىزدىڭ دامۋىنىڭ جالپى جاعدايىنا ساياتىن تەرەڭ وزگەرىس جاپپاي باستالدى −
جاڭالىق اشۋ ءبىرىنشى قوزعاۋشى كۇشكە اينالدى، سايكەستىلىك ىشكى ەرەكشەلىككە اينالدى، جاسىل جالپى بەتتىك فورماتسياعا اينالدى، ەسىك اشۋ باسىپ وتۋگە ءتيىستى جولعا اينالدى، تەڭ يگىلىكتەنۋ ءتۇبىرلى ماقساتقا اينالدى، جاڭا دامۋ ۇستانىمى جۇرت جۇرەگىنە تەرەڭ ۇيالادى.
”ەلىمىز ەكونوميكاسى جوعارى جىلدامدىقپەن ارتۋ ساتىسىنان جوعارى ساپالى دامۋ ساتىسىنا ويىستى“. 2017 - جىلى 10 - ايدا پارتيانىڭ 19 - قۇرىلتايى جۇڭگونىڭ دامۋى جونىندە وسىنداي كەلەلى تۇجىرىم جاسادى.
نازار جوعارى ساپالى دامۋ ستراتەگيالىق نىساناسىنا شوعىرلاندىرىلىپ، وسىزاماندانعان ەكونوميكالىق جۇيە جەدەل ورنالاستىرىلدى −
قامداۋ جاعىنداعى قۇرىلىمدىق رەفورمانى تەرەڭدەتۋ، جاڭاشىل مەملەكەتتى جەدەل قۇرۋ، اۋىل - قىستاقتى گۇلدەندىرۋ ستراتەگياسىن اتقارۋ، وڭىرلەردى سايكەستى دامىتۋ ستراتەگياسىن اتقارۋ، جاسىل دامۋعا تاباندى بولۋ، سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرۋ، جالپى بەتتىك ەسىك اشۋ جاڭا ارناسىنىڭ قالىپتاسۋىن ىلگەرىلەتۋ، تاستى سىرىپ تاۋعا شىعۋ، وتكەلدەردەن ارىنداي ءوتۋ جۇڭگو ەكونوميكاسىنىڭ جاسامپازدىق قۋاتى مەن باسەكەلىك قۋاتىن ۇزدىكسىز ارتتىردى.
”ەلىمىزدىڭ ەكونوميكالىق دامۋىنىڭ كەلەلى جاعدايىن ءساتتى مەڭگەرىپ، اماليات بارىسىندا جاڭا دامۋ ۇستانىمىن نەگىزگى مازمۇن ەتكەن شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسىن قالىپتاستىردى“. 2017 - جىلدىڭ اياعىندا اشىلعان ورتالىقتىڭ ەكونوميكالىق قىزمەت ءماجىلىسى وسىنداي ماڭىزدى تۇجىرىم جاسادى.
بۇل − ەلىمىزدىڭ ەكونوميكالىق دامۋ امالياتىنىڭ نازاريالىق جاۋھارى، جۇڭگوشا سوتسياليستىك ساياسي - ەكونوميكانىڭ ەڭ جاڭا جەتىستىگى بولىپ، جۇڭگونىڭ دامۋىنا پارمەندى يدەيالىق جەتەكشىلىك ازىرلەدى.
تار جول، تايعاق كەشۋلەردەن ءوتىپ، كۇشتى سەرپىمدىلىك كورسەتكەن جۇڭگو ەكونوميكاسى جوعارى ساپالى دامۋعا قاراي قۇلاش سەرمەدى.
اياقتالۋ الدىندا تۇرعان ”13 - بەسجىلدىقتا“ جۇڭگو ايرىقشا ءۇردىستى باسىپ ءوتتى.
ەكونوميكانىڭ جالپى شاماسى 100 تريلليون يۋانعا جۋىقتاپ، جان باسىندىق GDP 10مىڭ دوللارلىق ساتىعا كوتەرىلدى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە، كەدەيلىكتەن ارىلتۋدان قامال الۋدىڭ شەشۋشى شايقاسىندا شەشۋشى جەتىستىككە قول جەتىپ، دۇنيە ءجۇزى ەكونوميكاسىنىڭ ارتۋىنا ۇلەس قوسۋ سالىستىرماسى ％30 اينالاسىندا بولدى؛ دۇنيە جۇزىندەگى ەڭ ۇلكەن ورتاشا كىرىستى قاۋىم، قۋاتتى ەل ءىشى بازارى جەدەل قالىپتاستى؛ ەكولوگيالىق ورتا ۇزدىكسىز جاقسارىپ، جاسىل دامۋ ءتاسىلى مەن تۇرمىس ءتاسىلى جۇرت جۇرەگىنە تەرەڭ ۇيالادى، كورىكتى جۇڭگو قۇرىلىسىنىڭ ناتيجەسى كورنەكتى بولدى؛ بەيدوۋ تورىن قۇراۋ ورىندالدى، 5Gدى ساۋداعا قولدانۋ تەزدەتىلدى، شياڭگاڭ - جۋحاي - اۋمىن ۇلكەن كوپىرى ءۇش جەردى تۇتاستىردى، جۇڭگو جاراتقان، جۇڭگو جاساعان، جۇڭگو سالعان دۇنيەلەر كۇللى الەمدى جالت قاراتتى...
ۇلى تۋ تاريحي وزگەرىسكە باستاپ، جۇڭگونىڭ جوعارى ساپالى دامۋ جولى بارعان سايىن كەڭەيە ءتۇستى.
حالىقتى بارىنەن جوعارى قويدى −
حالىقتى وزەك ەتۋگە تاباندى بولىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىردى
5 جىلدىق جوبانى جاساۋ تاريحىنداعى تۇڭعىش! ينتەرنەت قولدانۋشىلاردان جالپى ءبىر ميلليون 18 مىڭنان استام ۇسىنىس پىكىر تاپسىرىپ الىندى.
بيىل 8 - ايدا ەلىمىز ”14 - بەسجىلدىق“ جوبانى جاساۋ قىزمەتىنە ينتەرنەتتە پىكىر الۋ قيمىلىن ورىستەتتى، باس شۋجي شي جينپيڭ بۇل جونىندە بىلاي دەپ ماڭىزدى نۇسقاۋ بەردى: حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز، حالىقتىڭ سەنىمى مەن قولداۋى مەملەكەتىمىزدىڭ ەكپىندەي ىلگەرىلەۋىنىڭ كۇشى.
بارلىعىن حالىق ءۇشىن ىستەۋ، بارلىعىندا حالىققا سۇيەنۋ − پارتيامىزدىڭ 100 جىلعا تاياۋ كۇرەس ساپارىندا حالىقتى باستاپ قيىندىقتاردان قامال الىپ، قيىنشىلىقتاردى جەڭىپ، ۇزدىكسىز العا ىلگەرىلەۋىنىڭ كۇش قاينارى بولدى.
”ەلىمىز قوعامىنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى بولماۋ، تولىق بولماۋى اراسىنداعى قايشىلىققا وزگەردى“ − پارتيا 19 - قۇرىلتايىنىڭ وسى كەلەلى تۇجىرىمى باس شۋجي شي جينپيڭنىڭ حالىقتى وزەك ەتكەن بيلىك جۇرگىزۋ ۇستانىمىنىڭ داۋىرلىك ءمانىن تەرەڭ ايگىلەدى.
”ءداۋىر ەمتيحان سۇراۋىن شىعارۋشى، ءبىز ەمتيحانعا جاۋاپ بەرۋشىلەرمىز، حالىق ەمتيحان قاعازىن تەكسەرۋشى“.
”13 - بەسجىلدىق“ مەزگىلى − جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جەڭىس ساتىسى. اۋىل - قىستاقتاعى كەدەيلەردىڭ كەدەيلىكتەن ارىلۋى، دامۋدىڭ بىركەلكى بولماۋى، سايكەستى بولماۋى سياقتى كورنەكتى ماسەلەلەر مەن ولقىلىقتار الدىندا، باس شۋجي شي جينپيڭ قاشاندا حالىقتى ەل باسقارۋداعى وزەكتى ورىنعا قويىپ، حالىقتى وزەك ەتكەن دامۋ يدەياسىن ايقىن العا قويدى.
كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ، مۇلدە كەدەيلىك ماسەلەسىن تاريحي سيپاتتى شەشۋ − جۇڭحۋا ۇلتىنىڭ مىڭ جىلدىق ارمانى، اسىرەسە، حالىقتى وزەك ەتكەن دامۋ يدەياسىن امالياتتا ايگىلەۋدىڭ شوعىرلى بەينەسى.
اۋىل - قىستاقتاعى 50 ميلليوننان استام كەدەي مۇلدەم كەدەيلىكتەن ارىلىپ، كەدەيلىكتىڭ تۋىلۋ سالىستىرماسى 2016 - جىلعى ％4.5تەن 2019 - جىلى ％0.6كە ءتۇستى، وڭىرلىك تۇتاستاي كەدەيلىك نەگىزىنەن شەشىلدى...
”13 - بەسجىلدىق“ مەزگىلىندە، پارتيامىز كەدەيلىكتەن ارىلتۋدان قامال الۋدى جاپپاي دوڭگەلەك داۋلەتتى قوعام ورناتۋدىڭ تومەنگى شەك مىندەتى جانە بەلگى سيپاتتى كورسەتكىشى ەتتى. باس شۋجي شي جينپيڭنىڭ ”جاپپاي دوڭگەلەك داۋلەتكە جەتۋ جولىندا بىردە - بىرەۋى كەم بولسا بولمايدى“ دەگەن تالابىن تياناقتاندىرىپ، بۇكىل پارتيا، بۇكىل ەل جالپى اتتانىسقا كەلىپ، 5 دارەجەلى شۋجيلەر شەپكە اتتاندى، كەدەيلىكتەن دالمە - ءدال ارىلتۋ يدەياسىن دالمە - ءدال تياناقتاندىرىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزدى.
حالىق تۇرمىسىنداعى كىشى - گىرىم ىستەردى شىن مانىندە شەشىپ، بۇقارانى اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە يە ەتتى، مىنە بۇل حالىقتى وزەك ەتكەن دامۋ يدەياسىنىڭ جاندى تۇسىندىرمەسى.
بۇقارانىڭ ”شۇعىل، قيىن، ۋايىمداعان، كوكسەگەن“ ىستەرىن باس شۋجي شي جينپيڭ ەسىنەن شىعارعان جوق. جۇمىستاندىرۋدى كورنەكتى ورىنعا قويۋدان قوعامدىق قامتاماسىزداندىرۋ تورىن تىعىز، بەرىك توقىعانعا، حالىقتى اناعۇرلىم جاقسى، اناعۇرلىم ءادىل وقۋ - اعارتۋدان يگىلىكتەندىرۋگە قۇلشىنۋدان سالاماتتى جۇڭگو قۇرىلىسىن جاپپاي ىلگەرىلەتۋگە دەيىن، سولتۇستىكتەگى وڭىرلەردىڭ قىس ماۋسىمىندا تازا ەنەرگيامەن جىلىنۋىن ىلگەرىلەتىپ، قارتتاردى كۇتىمدەۋ ورنىنىڭ قىزمەت وتەۋ ساپاسىن جوعارىلاتىپ، ”دارەتحانا توڭكەرىسىن“ ىلگەرىلەتىپ، قوقىر - قوقسىقتى تۇرگە ءبولۋدى ىلگەرىلەتىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن جۇرگىزدى... جىلدان - جىلعا جالعاستىرىپ ىستەپ، ءبىر - بىردەن تياناقتاندىرۋدى يگەرىپ، ”مەنىڭ ’13 - بەسجىلدىعىم‘“ سان ميلليونداعان حالىقتىڭ القاۋىنا يە بولدى.
ىندەتكە قارسى اتتانۋ شايقاسىن ويداعىداي جۇرگىزىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويدى، بۇل − حالىقتى وزەك ەتكەن دامۋ يدەياسىن امالياتتا ايگىلەۋدىڭ پارمەندى بەينەسى.
توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، پارتيا ورتالىق كوميتەتى بۇيرىق بەرىسىمەن، جان - جاق كومەككە اتتانىپ، ەل بىرلىگىنەن بەرىك قامال تۇرعىزىپ، ىندەتتەن ساقتانۋ - تىزگىندەۋدىڭ ايبىنى اسقاق توسقاۋىل شايقاسىن جۇرگىزىپ، ىندەتتەن ساقتانۋ - تىزگىندەۋدىڭ بەرىك قورعانىس شەبىن تۇرعىزدى. بارلىق بوداۋ بەرۋدەن تايسالماي، تيتتەي ءۇمىتتى دە قولدان بەرمەي، تۋعانىنا نەبارى 30 نەشە ساعات بولعان نارەستەدەن 100 نەشە جاستاعى قارتقا دەيىن ءاربىر ادامنىڭ ءومىرى مەن ار - نامىسىن دەن قويا قورعادى. ەرەكشە قاتەرلى ۆيرۋس الدىندا، ءومىر مەن ءولىم سىناعىندا، پارتيا حالىقپەن باستان - اياق تىلەكتەس، تىنىستاس، تاعدىرلاس بولىپ، اۋەلگى ماقسات پەن بورىشتى ارەكەت ارقىلى امالياتتا ايگىلەپ، ايبىندى ۋادەنى جاۋاپكەرشىلىك ارقىلى ورىندادى.
”وزىممەن ساناسپايمىن، حالىقتىڭ قامىن ويلايمىن“.
باستان - اياق حالىقپەن بىرگە بولۋ، حالىقپەن بىرگە ىستەۋ − پارتيامىزدىڭ جۇڭگونى باستاۋداعى ەڭ ۇلكەن سەنىمى مەن تالىقپاس تالپىنىسى.
العا ىلگەرىلەۋ ساپارىندا، حالىقتى وزەك ەتۋگە تاباندى بولىپ، حالىقتىڭ تەلەگەي ۇلى كۇشىن ۇيىستىرساق، جەڭىسكە جەتپەي قويمايمىز.
شەبەرلىكپەن جونگە سالىپ، نەگىز قالادى −
ەلىمىزدىڭ سوتسياليستىك ءتۇزىمىنىڭ ابزالدىلىعىن تولىق ساۋلەلەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى تىڭ ساتىعا كوتەردى
600 ميلليون ادام - رەتتەن استام ساياحاتقا شىعىپ، ساياحات كىرىسى 466 ميلليارد 500 ميلليون يۋاننان استى −
بيىلعى مەملەكەت مەرەكەسى، جۇڭچيۋ مەرەكەسى كەزىندەگى ۇزاق دەمالىستا، ”جىلجىمالى جۇڭگو“ دۇنيە جۇزىنە وسى مەملەكەتتىڭ قۇدىرەتتى قالپىنا كەلۋ قابىلەتىن كورسەتىپ، مەملەكەتتى جونگە سالۋ جۇيەسىنىڭ ەرەسەن ونىمدىلىگىن ايگىلەدى.
شەتەل اقپارات قۇرالدارى جۇڭگو ادامدى قايران قالدىراتىن قارقىنمەن قالىپتى كۇيگە قايتا جۋىقتاپ كەلەدى دەپ تاڭداي قاقتى.
نەعۇرلىم قيىنشىلىق بولعان سايىن، ەرلىك سولعۇرلىم ايگىلەندى.
”تاريح پەن رەالدىق بىزگە مىنانى ۇعىندىردى، جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ءتۇزىم كۇشىنەن پايدالانىپ حاۋىپ - قاتەر مەن سىن - سايىستىڭ سوققىسىنا توتەپ بەرۋگە شەبەر بولساق بولعانى، ءبىز، ءسوز جوق، تالاي - تالاي قىسىمنىڭ سىنىنان ءوتىپ، داعدارىستى ۇزدىكسىز ورايعا اينالدىرىپ، لاۋلاعان ورتتە قايتا سومدالا الامىز“. باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعانداردى ماداقتاۋ - سيلاۋ جونىندەگى مەملەكەتتىك جينالىستا سويلەگەن ءسوزى تارتىمدى دا سىندارلى بولدى.
ءتۇزىم ابزالدىلىعى − ءبىر مەملەكەتتىڭ ەڭ زور ابزالدىلىعى.
پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى تۇڭعىش رەت ”جۇڭگوشا سوتسياليزم ءتۇزىمىن كەمەلدەندىرۋ جانە ونى دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ“ كەلەلى تاقىرىبىن العا قويعاننان، پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ءار جاقتاعى تۇزىمدەردىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتۋدىڭ ۋاقىت كەستەسىن، جول كارتاسىن ايقىنداعانعا دەيىن، باس شۋجي شي جينپيڭ الدىمەن ”تاقىرىپ كورسەتىپ“، سوڭىنان ”تاقىرىپتى شەشىپ“، جۇڭگوشا سوتسياليزم ءتۇزىمنىڭ ابزالدىلىعىن تولىق ساۋلەلەندىرىپ، جونگە سالۋدىڭ ونىمدىلىگىن ۇزدىكسىز جارىققا شىعاردى.
”زامانعا ۇيلەسپەيتىن يدەيالىق كوزقاراس پەن ءتۇزىلىس - مەحانيزم كىناراتتارىنىڭ بارلىعىن باتىل جويىپ، ابدەن قالىپتاسىپ العان مۇددە شەڭبەرىن تالقانداۋ كەرەك“، باس شۋجي شي جينپيڭ رەفورمانى جاپپاي تەرەڭدەتۋ سىندى ”ماسەلەنى شەشۋ كىلتىن“ اتاپ كورسەتتى.
”13 - بەسجىلدىق“ مەزگىلى ءدال رەفورمانى جاپپاي تەرەڭدەتۋدىڭ تەرەڭ سۋ ايدىنىنا قاراي بەتتەگەن، ماشاقاتتى تۇيىندەردى شەشەتىن، قاتەرلى قايراڭنان وتەتىن شەشۋشى مەزگىل.
5 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەتتىڭ باياندى تىنىشتىعىنا ساياتىن تۇزىمدەردى وسىزامانداندىرۋ ماسەلەسىن كوزدە ۇستاپ، تەرەڭ وي جۇگىرتۋ بارىسىندا جوسپارلاپ، ورنالاستىرىپ، ءبىر توپ كۇشەمەلىگى زور، تالابى جوعارى، شاراسى ناقتى تۇزىمدىك رەفورما مىندەتتەرى ارقىلى جۇڭگوشا سوتسياليزم ءتۇزىمىنىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتتى.
5 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى تۇرلىشە سالالارعا، تۇرلىشە ماسەلەلەرگە مەڭزەس، عىلمي تۇجىرىم جاساپ، ۇزاق بولاشاقتىق ءتۇزىم قۇرىلىسىن كورنەكتى ماسەلەلەردى شەشۋمەن ۇشتاستىرىپ، جالپى تۇلعالىق ىلگەرىلەتۋدى ءتۇيىندى تۇردە قامال الۋمەن ۇشتاستىرىپ، رەفورمادا جاڭالىق اشۋدى زاڭداردى، زاڭ ەرەجەلەردى شىعارۋمەن، ولارعا وزگەرىس ەنگىزۋمەن، ولاردى كۇشىنەن قالدىرۋمەن، ولارعا تۇسىنىك جاساۋمەن ۇشتاستىرىپ، ءتۇزىلىس - مەحانيزمدەگى ءسىڭىستى دەرتتەردى الاستاۋدى جاڭادان بەلەڭ بەرگەن قايشىلىقتاردى، ماسەلەلەردى شەشۋمەن ۇشتاستىرىپ، ءارقايسى جاقتارداعى ءتۇزىلىس - مەحانيزمدەردىڭ اناعۇرلىم عىلمي، اناعۇرلىم كەمەلدى بولۋىنا مۇمكىندىك جاسادى.
تاعاندى بەرىكتەپ، تۇعىردى نىعايتىپ، تىرەۋىن تۇرعىزىپ، ارقالىعىن ورناتۋدان جاپپاي ىلگەرىلەتۋگە، نەگىزدى بەكەمدەپ، ارىندى ارتتىرۋعا دەيىن، ونان جۇيەلى شوعىرلاندىرۋعا، سايكەستىرۋدى جوعارى ونىمدىلىككە يە ەتۋگە دەيىن، جول بويى تەز دە ورنىقتى قاداممەن ەرلىكپەن تاباندى ارەكەت جاساپ، رەفورمانى جاپپاي تەرەڭدەتۋ جاڭا باستامادا تىڭ سەرپىلىسكە قول جەتكىزدى.
ءتۇزىلىس - مەحانيزم رەفورماسى ارقىلى ءتۇبىردى كۇشەيتىپ، نەگىزدى بەكەمدەدى −
سوتسياليستىك دەموكراتيالىق ءتۇزىم اناعۇرلىم تولىسىپ، حالىق دەموكراتياسىنىڭ دامۋى اناعۇرلىم كەڭ، اناعۇرلىم تولىق، اناعۇرلىم اقاۋسىز بولدى؛ نەگىزگى زاڭعا وزگەرىس ەنگىزۋ جوباسى، ازاماتتىق زاڭناما، شياڭگاڭعا قاتىستى مەملەكەت حاۋىپسىزدىگى زاڭى سياقتىلار ىركەس - تىركەس جاريالانىپ، ”نەگىزدەلەتىن زاڭ بولۋدان“ ”تاماشا زاڭمەن شەبەر جونگە سالۋعا“ قادام باستى؛ سوتسياليستىك وزەكتى قۇن كوزقاراسىمەن مادەنيەت قۇرىلىسى تۇزىمىنە جەتەكشىلىك ەتۋگە تاباندى بولدى؛ پارتيا مەن مەملەكەت قۇرىلىمدارى رەفورماسىن تەرەڭدەتۋدە كەلەلى ناتيجەگە قول جەتكىزدى؛ پارتيانىڭ ءتارتىپ تەكسەرۋ جانە مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تىڭعىلىقتى ىلگەرىلەتتى.
ءتۇزىلىس - مەحانيزم رەفورماسى ارقىلى دامۋعا دەم بەردى −
جاڭالىق اشۋدى ىلگەرىلەتىپ، عىلىم - تەحنيكا جەتىستىكتەرىن كادەگە جاراتۋدى جەبەۋدىڭ قاتىستى ماڭىزدى حۇجاتتارىن ىركەس - تىركەس شىعاردى؛ قوزعاۋشى كۇشتى قاۋلاتىپ، ەكونوميكالىق ەرەكشە رايون ءتۇزىمى رەفورماسى حۇجاتتارىن ىركەس - تىركەس شىعاردى؛ ۇكىمەت قۇرىلىمدارىن ىقشامداپ، ۇقىقتى تومەنگە بەرىپ، شارۋاشىلىق - ساۋدا ورتاسىن ۇزدىكسىز جاقسارتىپ، ءجۇز ميلليونداعان بازار تۇلعالارىنىڭ ومىرشەڭدىك كۇشىن جارىققا شىعاردى.
ءتۇزىلىس - مەحانيزم رەفورماسى ارقىلى جۇرت جۇرەگىن مەيىرگە بولەدى −
قوعامدىق قامسىزداندىرۋ ءتۇزىمى رەفورماسى ۇزدىكسىز تەرەڭدەدى؛ ەكولوگيالىق وركەنيەت ءتۇزىم قۇرىلىسى تەرەڭدەي ىلگەرىلەپ، ەكولوگيانى قورعاۋدىڭ ءتۇزىلىس - مەحانيزمى اناعۇرلىم اقاۋسىزداندى؛ بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ءتۇزىمى ونان ارى كەمەلدەندى...
شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، ۇزدىكسىز ىلگەرىلەگەن ءتۇزىلىس - مەحانيزم رەفورماسى، جاڭالىق اشۋ، ۇزدىكسىز جوعارىلاعان جونگە سالۋ ورەسى، جونگە سالۋ قابىلەتى ”جۇڭگونىڭ جونگە سالۋىنا“ بەرىك تە پارمەندى قامتاماسىزدىق ازىرلەدى.
ەسىك اشىپ، سەلبەستى −
ەل ءىشى، حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلاپ، جۇڭگوعا جاڭا دامۋ كەڭىستىگىن اشتى
2020 - جىلى 10 - ايدىڭ 14 - كۇنى شىنجىن ليانحۋاشان تاۋى.
باس شۋجي شي جينپيڭ ءوز قولىمەن ەككەن تاۋ فيكۋسى بيىككە بوي سوزىپ، ساباق - جاپىراعى بىتىك ءوسىپ تۇر.
”8 جىل ۋاقىت قاس - قاققانشا وتە شىقتى. تاڭداعان مىنا جەر وتە جاقسى ەكەن، اعاش باسى تارامدالا جاقسى ءوسىپتى، ءوسۋى دە تەز ەكەن“. شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعى سىندى ەرەكشە ساتتە، باس شۋجي شي جينپيڭنىڭ وسى ارادا ايتقان بۇل ءسوزىنىڭ تەرەڭ ماعىناسى بار.
سىرتقا ەسىك اشۋدى تاباندىلىقپەن كەڭەيتۋ − شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى مازمۇنى، شىنجىننىڭ ءداۋىر كەرەمەتىن ۇزدىكسىز جازۋىنىڭ ءساتتى قۇپيا شيفرى.
”13 - بەسجىلدىق“ كەزىندە، دۇنيە ءجۇزى ءجۇز جىلدا بولماعان زور وزگەرىستى باسىنان كەشىردى، بۇكىل جەر شارىندا الاساپىران، وزگەرىس ۇزدىكسىز ۇدەدى؛ جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايعا كوز جىبەرسەك، ”قوس 100 جىلدىق“ كۇرەس نىساناسىنىڭ تاريحي توعىسۋ مەزگىلى توتەنشە شەشۋشى ەكەنىن بايقايمىز.
مىقتىلار اۋمالى - توكپەلى جاعدايدا دا، ورايدى يگەرە الادى. جۇڭگو مەن دۇنيە ءجۇزىنىڭ قارىم - قاتىناسىندا قانداي تەرەڭ وزگەرىستەر تۋىلادى؟ داعدارىس بارىسىندا قايتكەندە جاڭا وراي جەتىلدىرىپ، وزگەرىس بارىسىندا جاڭا جاعداي اشۋعا بولادى؟ دۇنيە جۇزىندەگى ەلدەرمەن قايتكەندە ەسىك اشىپ سەلبەسىپ، ءوزارا تيىمدىلىك جەتكىزىپ، تەڭ يگىلىككە كەنەلۋ بارىسىندا ءورىس اشا ىلگەرىلەۋگە بولادى؟
”’قولىن قويا بەرۋگە‘ ەمەس، قايتا ’قول ۇستاسۋعا‘ تاباندى بولۋ، ’داۋال تۇرعىزۋعا‘ ەمەس، قايتا ’داۋالدى شاعۋعا‘ تاباندى بولۋ، قورعامپازدىققا، سىڭار جاقتىلىققا باتىل قارسى تۇرۋ ءتيىس...“
تاريحي اۋقىمدى يگەرىپ، ءداۋىر ماسەلەسىن شەشتى.
شي جينپيڭ جولداستى ۇيتقى ەتكەن پارتيا ورتالىق كوميتەتى تاريحتىڭ دۇرىس جاعىندا بەرىك تۇرىپ، ەسىك اشىپ دامۋ، سەلبەسىپ دامۋ، تەڭ يگىلىككە كەنەلىپ دامۋ ۇلى تۋىن اناعۇرلىم بيىك ۇستاپ، جۇڭگونىڭ ەسىك اشۋىن بارعان سايىن كەڭەيتتى.
ەركىن ساۋدا سىناق رايونىنىڭ ۇزدىكسىز كەڭەيۋىنەن حاينان ەركىن ساۋدا پورتىن جوعارى ساپامەن، جوعارى ولشەممەن قۇرۋعا دەيىن، شەتەل ساۋداگەرلەرىنىڭ قارجى قوسۋ زاڭىن جاريالاپ اتقارۋدان فينانستىق ەسىك اشۋدى ۇزدىكسىز كەڭەيتىپ، كەدەن باجى دەڭگەيىن تالاي رەت تومەندەتۋگە دەيىن، اشىق سيپاتتى يمپورت كورمەسىنەن كولەمدى دە سالتاناتتى قىزمەت وتەۋ ساۋداسى جارمەڭكەسىنە دەيىن... ”13 - بەسجىلدىق“ مەزگىلىندە، جۇڭگو اناعۇرلىم جالپى بەتتىك، اناعۇرلىم تەرەڭ، اناعۇرلىم كوپ نەگىزدى سىرتقا ەسىك اشۋ ارناسىن ۇزدىكسىز تۇلعالادى.
”اشىق دۇنيە ءجۇزى ەكونوميكاسىن قۇرۋدى ىلگەرىلەتۋ“، ”جاڭا دامۋ ارناسى توماعا - تۇيىق ەل ءىشى اينالىمى ەمەس، قايتا اشىق ەل ءىشى، حالىقارا سىندى قوس اينالىم“، باس شۋجي شي جينپيڭنىڭ ەسىك اشۋ ستراتەگياسى جونىندەگى تەرەڭ تولعانىستارى جۇڭگونىڭ جالپى بەتتىك ەسىك اشۋىنا يدەيالىق جەتەكشىلىك ازىرلەدى.
ەسىك اشۋ − زامانىمىزداعى جۇڭگونىڭ ايقىن بەلگىسى.
باس شۋجي شي جينپيڭ ”ءبىر بەلدەۋ، ءبىر جولدى“ بىرگە قۇرۋ كەلەلى باستاماسىن ءوزى جوسپارلاپ، ءوزى ورنالاستىرىپ، ءوزى ىلگەرىلەتىپ، جۇڭگونىڭ الەمدىك ەسىك اشىپ سەلبەستىك جاساۋعا قاتىناسۋ جانە جەتەكشىلىك ەتۋ جاڭا ءورىسىن اشىپ، قازىرگى دۇنيە جۇزىندەگى ەڭ ءىرى حالىقارالىق سەلبەستىك تۇعىرىنا اينالدىردى.
جوقتان بارعا دەيىن، ارماننان رەالدىققا دەيىن، جالپى تۇلعالىق ورنالاستىرىلعان ”ءىرى نوبايدان“ جىنتىكتى، ەگجەي - تەگجەيلى ”ءىرى جوباعا“ دەيىن... بىرگە اقىلداسۋ، بىرگە قۇرۋ، بىرگە يگلىكتەنۋ پرينسيبىن بەرىك ۇستاندى، جۇڭگو 138 مەملەكەتپەن جانە 30 حالىقارالىق ۇيىممەن ”بىر بەلدەۋ، ءبىر جولدى“ بىرگە قۇرۋدىڭ 200 نۇسقا سەلبەستىك حۇجاتىنا قول قويىپ، 2000نان استام سەلبەستىك نىسانىن بىرگە ورىستەتتى، سەلبەستىك ۇزدىكسىز تەرەڭدەدى، ناقتىلاندى.
”ەكونوميكا جاھاندانىپ وتىرعان بۇگىندە، دۇنيە جۇزىنەن وقشاۋ ارال جوق. بارلىعىمىز جەر شارى قىستاعىنىڭ تۇرعىنى رەتىندە، ادامزاتتىڭ تاعدىرلاس ورتاق تۇلعاسى تانىمىن ورناتۋىمىز كەرەك“. باس شۋجي شي جينپيڭ العا قويعان ادامزاتتىڭ تاعدىرلاس ورتاق تۇلعاسى ۇستانىمى تاريحتىڭ اعىنىنا ۇيلەسىپ، ءار ەلدىڭ ورتاق تانىمىن ۇيىستىردى، جۇڭگونىڭ بەيبىت دامۋى، دۇنيە ءجۇزىنىڭ گۇلدەنۋى، العا باسۋى جونىنەن تۇگەلدەي كەلەلى مانگە يە.
ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، بەيبىت دامۋ جولىمەن جۇرۋگە تاباندى بولىپ، الەمدىك سەرىكتەستىك قارىم - قاتىناسىن قالىپتاستىردى... جۇڭگوشا ءىرى ەل ديپلوماتياسىنىڭ جاڭا جاعدايىن اشۋدىڭ ۇلى امالياتى بارىسىندا قالىپتاسقان شي جينپيڭ ديپلوماتيا يدەياسى جۇڭگونىڭ ءوز دامۋىن دۇنيە ءجۇزىنىڭ دامۋىمەن بىرلىككە كەلتىرۋدەي الەمدىك كوزايانى، دۇنيە جۇزىلىك تىنىس پەن ءىرى ەلدىڭ جاۋاپكەرشىلىك ارقالاۋدى ايگىلەدى.
5 جىلدا، سەرىكتەستىك قارىم - قاتىناس 112 جۇپقا جەتىپ، جۇڭگونىڭ دوستار شەڭبەرى بارعان سايىن ۇلعايدى؛ 20 ەل توبى باسشىلارىنىڭ حاڭجوۋداعى باسقوسۋى، بريكس ەلدەرى باسشىلارىنىڭ شيامىنداعى ءديدارلاسۋى، شاڭحاي سەلبەستىك ۇيىمىنا مۇشە ەل باسشىلارىنىڭ چيڭداۋداعى باسقوسۋى، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باسقوسۋى سياقتى ءبىرسىپىرا كەلەلى نەگىزگى مايدان ديپلوماتيالىق قيمىلدارىن وتكىزىپ، جۇڭگو دۇنيە ءجۇزى ساحناسىنىڭ تورىنە كۇننەن - كۇنگە جاقىنداي ءتۇستى.
رول ۇستاپ جول باستادى—
پارتيانىڭ بارلىق قىزمەتتەرگە باسشىلىعىنا تاباندى بولىپ، جۇڭگوشا سوتسياليزم ىستەرىندە تىڭ دا اناعۇرلىم زور جەڭىستەرگە قول جەتكىزۋگە شىنايى كەپىلدىك ەتتى
2020 - جىلى 10 - ايدىڭ 26 - كۇنى، بەيجيڭ. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى اشىلدى.
بۇكىل پارتيانىڭ، بۇكىل قوعامنىڭ اقىل - پاراساتى مەن كۇش - قۋاتىن شوعىرلاندىرىپ، مەملەكەتتىڭ بولاشاق دامۋ ايبىندى جوباسىن جاساۋ—پارتيانىڭ بارلىق قىزمەتتەرگە باسشىلىعىنىڭ جاندى بەينەسى.
پارتيا، ۇكىمەت، ارميا، حالىقتىق ۇيىمدار، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى.
”جۇڭگوشا سوتسياليزمنىڭ ەڭ ماندىك ەرەكشەلىگى—جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليزم ءتۇزىمىنىڭ ەڭ ۇلكەن ابزالدىلىعى—جۇڭگو كوممۋنيستىك پارتياسىنىڭ باسشىلىعى، پارتيا—ەڭ جوعارى ساياسي باسشىلىق كۇش“. باس شۋجي شي جينپيڭنىڭ تەرەڭ پايىمداۋىنىڭ تۋى ايقىن، ءسوزى ارىندى.
5 جىلدىق ەرەكشە بارىسقا نازار سالساق، پارتيانىڭ جاپپاي باسشىلىعىنا تاباندى بولۋ سىندى وسى ءبىر نەگىزگى جەلى ايىرىقشا ايقىن كورىنەدى——
”پارتيانىڭ باسشىلىعى—پارتيا مەن مەملەكەت قىزمەتتەرىن جاقسى ىستەۋدىڭ ءتۇبىرلى كەپىلى، ەلىمىزدىڭ ساياسي ورنىقتىلىعىنىڭ، ەكونوميكالىق دامۋىنىڭ، ۇلتتار ىنتىماعىنىڭ، قوعام ورنىقتىلىعىنىڭ ءتۇبىرلى ءتۇيىنى“؛
”پارتيانىڭ باسشىلىعىنا تاباندى بولۋ جانە ونى كەمەلدەندىرۋ—پارتيا مەن مەملەكەتتىڭ ءتۇبىرلى نەگىزى، جان تامىرىنىڭ نەگىزى، بۇكىل ەلدەگى ءار ۇلت حالقىنىڭ مۇددەسىنىڭ نەگىزى، باقىتىنىڭ نەگىزى“؛
...
شي جينپيڭنىڭ جاڭا ءداۋىر جۇڭگوشا سوتسياليزم يدەياسى شىت - جاڭا كوزايامەن كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى تەرەڭدەتىپ، جاڭا داۋىردە پارتيانىڭ باسشىلىعىن جاپپاي كۇشەيتۋگە جەتەكشىلىك ەتتى.
جالپى جاعدايدى مەڭگەرىپ، ءارقايسى جاقتى سايكەستىردى.
”پارتيانىڭ باسشىلىعىنا تاباندى بولۋ“— 5جىلدىڭ الدىندا، ”13 - بەسجىلدىق“ جوبادا مۇنى، ءسوزسىز، بويسۇناتىن پرينسيپ ەتۋ ايقىن ۇسىنىس ەتىلگەن ءارى ”پارتيانىڭ باسشىلىعىن كۇشەيتۋ جانە جاقسارتۋ جونىندە جەكە ءبىر تاراۋ جازىلىپ، ەگجەي - تەگجەيلى ورنالاستىرۋ جاسالعان.
«جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ جانە قورعاۋ جونىندەگى ءبىر قانشا بەلگىلەمەسى» سياقتى پارتيا ىشىندەگى زاڭ - ەرەجەلەر شىعارىلدى؛ ورتالىق شۋجيچۋ مەن ورتالىق ءتارتىپ تەكسەرۋ كوميتەتى، مەملەكەتتىك حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى، مەملەكەتتىك كەڭەستىڭ پارتيا باسشىلىق گرۋپپاسى، مەملەكەتتىك ساياسي كەڭەستىڭ پارتيا باسشىلىق گرۋپپاسى، ەڭ جوعارى حالىق سوتى مەكەمەسىنىڭ پارتيا باسشىلىق گرۋپپاسى، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپاسى ءار جىلى ورتالىق ساياسي بيۋروسى تۇراقتى كوميتەتىنە، ورتالىق ساياسي بيۋروسىنا قىزمەتتەن مالىمەت بەرۋ سياقتى ءتۇزىم سيپاتىندىق ورنالاستىرۋ جاسالدى؛ مەملەكەتتىك باقىلاۋ - تەكسەرۋ كوميتەتى، ورتالىقتىڭ مەملەكەتتى جاپپاي زاڭمەن جونگە سالۋ كوميتەتى، ورتالىق قازىنالىق باقىلاۋ كوميتەتى قۇرىلدى، ورتالىقتىڭ رەفورمانى جاپپاي تەرەڭدەتۋ قىزمەتى باسشىلىق گرۋپپاسى سياقتى 4 باسشىلىق گرۋپپانىڭ اتى كوميتەتكە وزگەرتىلدى... 5 جىلدان بەرى، پارتيانىڭ جاپپاي باسشىلىعى ءتۇزىلىس - مەحانيزم جاعىندا نىعايتىلىپ، بەتالىستى مەڭگەرۋ، كەلەلى جاعدايدى كوزدەۋ، ساياسات بەلگىلەۋ، رەفورمانى جەبەۋ جاعىنداعى رولى ونان ارى كۇشەيدى.
داۋىلدى تولقىندا جەلكەن جايىپ، ورتا اعىندا قاسقايىپ تۇردى. العا باسۋ جولىنداعى ءتۇرلى حاۋىپ - قاتەرلەر مەن سىن - سايىستارعا توتەپ بەرۋدىڭ جانە ونى جەڭۋدىڭ تەتىگى—پارتيادا.
”پارتيانىڭ باسشىلىعىنا تاباندى بولۋدا، ءسوزسىز، پارتيانىڭ باسشىلىعىن ۇزدىكسىز جاقسارتىپ، پارتيانىڭ باسشىلىعىن امالياتتىڭ، ءداۋىردىڭ، حالىقتىڭ تالابىنا اناعۇرلىم ۇيلەستىرۋ كەرەك“. مىنە بۇل باس شۋجي شي جينپيڭنىڭ بۇلجىماس ماڭىزدى كوزقاراسى.
”ەل باسقارۋعا شەبەر ادام، ءسوز جوق، الدىمەن ءوزىن ءمورالدىق جاقتان سومداۋى كەرەك“. 5 جىلدان بەرى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، پارتيانى جاپپاي قاتاڭ جونگە سالۋ ىشكەرىلەي ىلگەرىلەپ، ءىرىپ - شىرۋگە قارسى تۇرۋ كۇرەسى ۇستەم جەڭىسكە قول جەتكىزىپ، پارتيا ىشىندەگى ساياسي ەكولوگيا كورنەكتى جاقسارىپ، پارتيانىڭ جاسامپازدىق قابىلەتى، ۇيىستىرۋ قابىلەتى، جاۋىنگەرلىك قابىلەتى كورنەكتى كۇشەيدى.
”تەمىر سوقساڭ قۇرىش بول“. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى بۇكىل پارتيادا ىشكەرىلەي ورىستەتىلىپ، پارتيانىڭ ساياسي قۇرىلىسى، يدەيالىق قۇرىلىسى، ۇيىمدىق قۇرىلىسى، ستيل قۇرىلىسى، ءتارتىپ قۇرىلىسى جان - جاقتى ىلگەرىلەتىپ، ءتۇزىم قۇرىلىسى ولارمەن ساباقتاستىرىلدى، پارتيانىڭ ۇيرەنۋ قابىلەتى، ساياسي باسشىلىق قابىلەتى، رەفورما جاساۋ، جاڭالىق اشۋ قابىلەتى، عىلمي دامۋ قابىلەتى، زاڭ بويىنشا بيلىك جۇرگىزۋ قابىلەتى، بۇقارالىق قىزمەت قابىلەتى، تياناقتاندىرۋدى مىقتى يگەرۋ قابىلەتى، حاۋىپ - قاتەلەردى مەڭگەرۋ قابىلەتى جاپپاي كۇشەيدى.
جاپا - ماشاقات تارتقان 5 جىل، ۇدەرە العا تارتقان 5 جىل، جۇڭگودا دۇنيە ءجۇزىن جالت قاراتارلىقتاي تاريحي زور وزگەرىس بولدى. ”جۇڭگو كوممۋنيستىك پارتياسىنىڭ باسشىلىعى—جۇڭگوشا سوتسياليزم ءتۇزىمنىڭ ەڭ ۇلكەن ابزالدىلىعى، ەكونوميكا مەن قوعامنىڭ باياندى، اقاۋسىز دامۋىن جۇزەگە اسىرۋدىڭ ءتۇبىرلى ساياسي كەپىلى“ ەكەندىگىن تاعى دا دالەلدەدى.
ءجۇز جىلدىق ۇلى پارتيا تولىقسىعان كەزدە تۇر، پارمەندى ۇيتقىنىڭ باسشىلىعىندا، جاسامپاز نازاريانىڭ جەتەكشىلىگىندە، ءبىر ميلليارد 400 ميلليون جۇڭگو حالقىن ىنتىماقتاستىرا باستاپ، ۇلتتىڭ گۇلدەنۋى سىندى ۇلاعاتتى ءىستى بەتكە الىپ، نىق قادام باسىپ، ۇدەرە العا تارتتى.
تاريحتىڭ كومپاسى جاڭا باعىتتى كورسەتتى.
ءبىرىنشى 100 جىلدىق كۇرەس نىساناسى جەڭىسكە جەتۋ الدىندا، ەكىنشى 100 جىلدىق كۇرەس جورىعى باستالۋ الدىندا تۇر، ءدال وسى ساتتە، تاريحتىڭ توعىسۋ تۇيىنىندە تۇرىپ، ”14 - بەسجىلدىقتىڭ“ شۇعىلالى بولاشاعىنا كوز تاستاپ، 2035 - جىلعا دەيىنگى بولاشاق نىسانانى كوزدەپ، ۇلى تۋدىڭ جەتەكشىلىگىندە، ءبىزدىڭ بويىمىزدى اسقاق سەزىم كەرنەيدى.
(تىلشىلەر حو شياۋگۋاڭ، جاڭ شۇيدۇڭ، جاۋ چاۋ، زوۋ ۋي، ليۋ حۋا، ان بەي، ديڭ شياۋشي)
(شينحۋا اگەنتتىگىنىڭ 10 - ايدىڭ 28 - كۇنى بەيجيڭنەن بەرگەن حابارى)
