بايلىق قاينارىن ءبىر تۇتاس جوسپارلاپ، دايىندىق جوبانى ىسكە قوستى
رايونىمىز دياگنوزى تۇراقتاندىرىلعان ناۋقاستاردى تاباندا ەمدەدى، قۇتقاردى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ چۇنحۋا 10 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى اقپارات كەڭسەسىنىڭ 10 - ايدىڭ 28 - كۇنى اشقان قاشقار ايماعى كونەءشار اۋدانىنداعى جاڭا تيپتى ايدارشا ۆيرۋس وكپە قابىنۋ ىندەتى جانە ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىمىزعا قاراعاندا، كونەءشار اۋدانىندا ىندەت تۋىلعاننان كەيىن، اۆتونوميالى رايوندىق ىندەتتەن ساقتانۋ - تىزگىندەۋ قولباسشىلىق شتابى تۇتاس رايونداعى ەمدەۋ بايلىق قاينارىن ءبىر تۇتاس جوسپارلاپ، جاڭا تيپتى ايدارشا ۆيرۋس وكپە قابىنۋىن ەمدەۋ - قۇتقارۋ قىزمەتى دايىندىق جوباسىن دەرەۋ اتقارىپ، ”قابىلداۋعا تيىستىلەرىن تۇگەل قابىلداۋ، ەمدەۋگە تيىستىلەرىن تۇگەل ەمدەۋ“ پرينسيبىنە ساي، اۋرۋ بەلگىسى جوق جۇعىمدالۋشىلاردىڭ بارلىعىن دەر كەزىندە بەلگىلەنگەن ەمدەۋ - قۇتقارۋ شيپاحاناسىنا قابىلداپ مەديتسينالىق اۋاشالاۋ، باقىلاۋعا الىپ، دياگنوزى تۇراقتاندىرىلعان ناۋقاستاردى تاباندا ەمدەپ - قۇتقارعان.
اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى گۋ يىڭسۋدىڭ تانىستىرۋىنا قاراعاندا، كونەءشار اۋدانىندا ىندەت تۋىلعاننان كەيىن، ”ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ“ جانە ”ناۋقاستاردى شوعىرلاندىرۋ، مامانداردى شوعىرلاندىرۋ، بايلىق قاينارىن شوعىرلاندىرۋ، شوعىرلى ەمدەۋ - قۇتقارۋ“ پرينسيبىنە ساي، اۆتونوميالى رايوندىق ىندەتتەن ساقتانۋ - تىزگىندەۋ قولباسشىلىق شتابى بەلگىلەنگەن قۇتقارۋ - ەمدەۋ شيپاحاناسىن دەرەۋ ىسكە قوسىپ، ناۋقاستار رايونىن زارارسىزداندىرۋ، ەمدەۋ اترەتىن توپتاۋ، ەمدەۋ زاتتىق ماتەريالدارىن دايىنداۋ سياقتى قىزمەتتەردى دەرەۋ ورىنداپ، ناقتى شايقاس قابىلەتىنە يە، مول تاجىريبەسى بار تىنىس جولى، جۇعىمدالۋ، سالماقتى اۋرۋلار مەديتسيناسى سياقتى قاتىستى كاسىپتىك ەمدەۋ قىزمەتكەرلەرىنەن ەمدەۋ - قۇتقارۋ قوسىنىن ۇيىمداستىرعان.
مەملەكەتتىك دەنساۋلىق ساقتاۋ، سالاماتتىق كوميتەتى تاباندا دۇڭنان داشۋەسىنە قاراستى جۇڭدا شيپاحاناسىنىڭ ورىنباسار باستىعى چيۋ حايبونى، جۇڭشان داشۋەسىنە قاراستى 1 - شيپاحانانىڭ سالماقتى اۋرۋلار مەديتسيناسى ءبولىمىنىڭ مەڭگەرشىسى گۋان شياڭدۇڭدى، بەيجيڭ شۋان - ۋ شيپاحاناسىنىڭ سالماقتى اۋرۋلار مەديتسيناسى ءبولىمىنىڭ مەڭگەرۋشىسى جياڭ ليدى، سۋبەي حالىق شيپاحاناسىنىڭ سالماقتى اۋرۋلار مەديتسيناسى ءبولىمىنىڭ مەڭگەرۋشىسى جىڭ رۇيچياڭدى جانە جۇعىمدالۋ، ساراپتاۋ سياقتى جاقتاردا ەل ىشىندەگى ەڭ مىقتى، مول تاجىريبەلى مامانداردى شينجياڭعا كەلىپ، مەديتسينالىق ەمدەۋ - قۇتقارۋ قىزمەتىن ورىستەتۋگە كومەكتەسۋگە جىبەردى. اۆتونوميالى رايون دا تىنىس جولى، سالماقتى اۋرۋلار، جۇعىمدالۋ سياقتى ارناۋلى كاسىپتەردەگى ۇزدىك مامانداردى سەپتەپ، مەملەكەتتىك ماماندارمەن بىرلەسكەن ماماندار گرۋپپاسىن ۇيىمداستىرىپ، بەلگىلەنگەن شيپاحانالاردا مامانداردىڭ بىرىگىپ دياگنوز قويۋ، ەمدەۋ - قۇتقارۋ مەحانيزمىن ورناتىپ، ناۋقاستارعا بىرىگىپ دياگنوز قويىپ، ءبىر - بىرلەپ تالداۋ جاساپ، ءبىر - بىرلەپ تۇجىرىمدادى. ناۋقاستار شيپاحاناداعى كەزىندە ماماندار گرۋپپاسى ءار كۇنى بارلىق ناۋقاستاردىڭ اۋرۋ جاعدايىنا تۇجىرىم جاساپ جانە بىرىگىپ دياگنوز قويىپ، جەڭىل تۇردەگى، جاي تۇردەگىلەردىڭ اۋىر تۇرگە جانە قاتەرلى، سالماقتى تۇرگە وزگەرۋىنەن بار كۇشپەن ساقتاندى.
گۋ يىڭسۋ تانىستىرىپ بىلاي دەدى: جىل باسىنان بەرى، ىندەتتەن ساقتانۋ - تىزگىندەۋدى ۇدايىلاندىرۋدى تياناق ەتىپ، اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا بەلگىلەنگەن شيپاحانا قۇرىلىسىن جالپى بەتتىك كۇشەيتىپ، ناۋقاستار رايونىن كوبەيتىپ، ناۋقاس توسەكتەرىن ارتتىرىپ، مەديتسينالىق ەمدەۋ - قۇتقارۋ جابدىقتارىن مولايتىپ سەپتەپ، مەديتسينالىق ەمدەۋ - قۇتقارۋ قىزمەتىن ءار ۋاقىت جوعارى ونىمدىلىكپەن ورىستەتۋگە شىنايى كەپىلدىك ەتتى. كەزەكتە بەلگىلەنگەن شيپاحانالاردىڭ ەمدەۋ جابدىقتارى جانە ەمدەۋ ءدارى - دارمەكتەرى، قورعانۋ زاتتىق ماتەريالدارى جەتكىلىكتى دايىندالىپ، وسى رەت كونەءشار اۋدانىندا تۋىلعان ىندەتتى مەديتسينالىق ەمدەۋ - قۇتقارۋ قىزمەتىنىڭ قاجەتىن قاناعاتتاندىرا الادى.
”وسى رەتكى ىندەتتە قابىلدانعان ناۋقاستار العاشىندا نەگىزىنەن اۋرۋ بەلگىسى جوق جۇعىمدالۋشىلار بولدى، قابىلدانعان اۋرۋ بەلگىسى جوق جۇعىمدالۋشىلاردىڭ ىشىنەن قازىر 22 ناۋقاس جاڭا تيپتى ايدارشا ۆيرۋس وكپە قابىنۋىنىڭ جاي تۇردەگى ناۋقاسىنا وزگەردى. ءبىز مەملەكەتتىك دەنساۋلىق ساقتاۋ، سالاماتتىق كوميتەتى جاريالاعان 8 - نۇسقاداعى «جاڭا تيپتى ايدارشا ۆيرۋس وكپە قابىنۋىنا دياگنوز قويۋ، ەمدەۋ جوباسى» بويىنشا، جۇڭگوشا - باتىسشا شيپاگەرلىكتى ۇشتاستىرۋ مەن ’ءبىر ادامعا ءبىر شارا قولدانۋعا‘، كوپ ءپاندى سايكەستىرۋگە تاباندى بولىپ، عىلمي، جوعارى ءونىمدى قۇتقارۋ - ەمدەۋ جۇرگىزدىك“. گۋ يىڭسۋ بىلاي دەدى: جاي تۇردەگى ناۋقاستارعا قاراتا، ناۋقاستىڭ توسەكتەن تۇسپەي دەمالۋىن تالاپ ەتۋمەن قاتار، ەمدەۋدى قولداۋدى كۇشەيتىپ، ناۋقاستاردىڭ تىرشىلىك بەلگىسى مەن كوكىرەك ءبولىمى كەسكىنى وزگەرىسى سياقتىلاردى تىعىز قاداعالادىق. ءاربىر ناۋقاستىڭ ناقتى ەرەكشەلىگىنە نەگىزدەلىپ، قوسالقى اۋرۋلاردان بەلسەنە ساقتانىپ، نەگىزگى اۋرۋلاردى ەمدەپ، قايتالاي جۇعىمدالۋدان ساقتاندىق. سونىمەن قاتار، پسيحيكالىق جاقتان كيلىگۋدى دەر كەزىنە ورىستەتىپ، ناۋقاستىڭ دەنە جانە پسيحيكالىق جاقتان جالپى بەتتىك ساۋىعۋىن جەبەدىك.
