مەكتەپكە دەيىنگى تاربيە قىزمەتى جونىندە ارناۋلى تاقىرىپتا سۇراۋ سالدى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 10 - ايدىڭ 28 - كۇنى ۇرىمجىدەن حابارلايدى. 10 - ايدىڭ 27 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 19 - رەتكى ءماجىلىسى بىرىككەن گرۋپپالار جيىنىن وتكىزىپ، مەكتەپكە دەيىنگى تاربيە قىزمەتى جونىندە ارناۋلى تاقىرىپتا سۇراۋ سالدى. بۇل اۆتونوميالى رايوندىق حالىق قۇرىلتايى تۇراقتى كوميتەتىنىڭ مەكتەپكە دەيىنگى تاربيە قىزمەتىن ۇزدىكسىز باقىلاۋدىڭ، سوڭىنا ءتۇسىپ باقىلاۋدىڭ، سونداي - اق ارناۋلى تاقىرىپتا سۇراۋ سالۋدىڭ قاتاڭدىعىن جانە ناقتى ونىمدىلىگىن جوعارىلاتۋداعى ءونىمدى شاراسى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن جيىندى باسقاردى ءارى ءسوز سويلەدى.
اۆتونوميالى رايوننىڭ ورىنباسار ءتوراعاسى سۇن حۇڭمەي جيىنعا قاتىناسىپ، سۇراۋعا جاۋاپ بەردى ءارى پوزيتسيا ءبىلدىرىپ، ءسوز سويلەدى. اۆتونوميالى رايوندىق وقۋ - اعارتۋ مەڭگەرمەسى، دەنساۋلىق ساقتاۋ - سالاماتتىق كوميتەتى، دامۋ - رەفورما كوميتەتى، قازىنا مەڭگەرمەسى، حالىق ىستەرى مەڭگەرمەسى سياقتى 10 تاراۋداعى نەگىزگى جاۋاپتى جولداستار جيىنعا قاتىناسىپ، ”ءبىر سۇراۋعا ءبىر جاۋاپ بەرۋ“ ۇلگىسىندە سۇراۋ سالدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ قۇرامىنداعى 10 مۇشە جانە اۆتونوميالى رايوندىق حالىق قۇرىلتايىنىڭ ۋاكىلدەرى جەكە - جەكە ۇكىمەت اشقان بالاباقشانىڭ سالىستىرماسى، قالا - قالاشىق شاعىن اۋماقتارىنداعى سايكەستى بالاباقشا قۇرىلىسى، وقۋشى قابىلداۋدى باسقارۋدى ولشەمدەستىرۋ، بالاباقشانىڭ دەنساۋلىق ساقتاۋدى باسقارۋى سياقتى جاقتارداعى ماسەلەلەر جونىندە ۇكىمەت قۇرامىنداعى قاتىستى تاراۋلارداعى جانە قاتىستى توتە قاراستى قۇرىلىمدارداعى جاۋاپتى جولداستارعا سۇراۋ سالدى.
وسى سۇراۋلارعا مەڭزەس، سۇن حۇڭمەي جانە قاتىستى تاراۋلاردىڭ جاۋاپتىلارى ءبىر - بىردەن جاۋاپ بەرىپ، ناقتى شەشۋ جانە جاقسارتۋ شارالارىن العا قويدى. جيىننان كەيىن، اۆتونوميالى رايوندىق حالىق قۇرىلتايى تۇراقتى كوميتەتى تاراۋلارداعى جاۋاپتىلاردىڭ جاۋاپ بەرۋ جاعدايىنا مەڭزەس تۇڭعىش رەت رازى بولۋ دارەجەسىن باعالادى ءارى باعالاۋ ناتيجەسىن قاتىستى تاراۋلارعا اڭىس ەتتى.
شاۋكەت يمىن جيىننان كەيىن ءسوز سويلەپ بىلاي دەپ اتاپ كورسەتتى: اۆتونوميالى رايوندىق حالىق ۇكىمەتىنىڭ جانە قۇرامىنداعى تاراۋلارىنىڭ جاۋاپتىلارى سۇراۋلارعا جاۋاپ بەرگەندە رەالدىققا بەتپە - بەت كەلدى، ۇكىمەتتىڭ جانە قاتىستى تاراۋلاردىڭ وسى رەتكى ارناۋلى تاقىرىپتا پىكىر تىڭداۋدىڭ ناتيجەسىنەن ۇتىمدى پايدالانىپ، ولقىلىقتاردى تولىقتاۋدى، ساڭلاۋلاردى بىتەۋدى، ءالسىز تۇستاردى كۇشەيتۋدى مىقتى ۇستاپ، رايونىمىزدىڭ مەكتەپكە دەيىنگى تاربيەنىڭ اقاۋسىز دامۋىن تىڭعىلىقتى ىلگەرىلەتىپ، حالىق بۇقاراسىنىڭ بالالار وقي الاتىن بولۋداي تاماشا ارمانىن قاناعاتتاندىرۋىن ءۇمىت ەتەمىن.
شاۋكەت يمىن بىلاي دەپ اتاپ كورسەتتى: حالىق قۇرىلتايى جانە ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، مەكتەپكە دەيىنگى تاربيە جونىندە جەرگىلىكتى ورىننىڭ زاڭ ەرەجە شىعارۋىن جەدەلدەتىپ، باقىلاۋدى ۇزدىكسىز كۇشەيتىپ، حالىق قۇرىلتايى ۋاكىلدەرىمەن جانە حالىق بۇقاراسىمەن بايلانىستى نىعايتىپ، حالىق قۇرىلتايى ۋاكىلدەرى مەن حالىق بۇقاراسىنىڭ وقۋ - اعارتۋ ىستەرىنىڭ دامۋى جونىندەگى پىكىرلەرىن، ۇسىنىستارىن كىشى پەيىلدىلىكپەن تىڭداپ، تولىق قابىلداپ، وقۋ - اعارتۋدان كاسىپتىك ءبىلىمى جانە امالياتتىق تاجىريبەسى بار ۋاكىلدەردىڭ رولىن ساۋلەلەندىرۋگە ءمان بەرىپ، ۋاكىلدەردىڭ وقۋ - اعارتۋ ىستەرىنىڭ دامۋىن ىلگەرىلەتۋ جونىندەگى كەڭەستىك جوباسىن جانە ۇسىنىستارىن مۇقيات ءبىر جايلى ەتىپ، حالىق قالاۋىنان شىعاتىن وقۋ - اعارتۋدى ويداعىداي جۇرگىزۋ ءۇشىن تىلەكتەردى توعىستىرىپ، كۇشتەردى ۇيىستىرۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جۋ حايلۇن، لي شۋەجۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل، سو يۋە جيىنعا قاتىناستى.
