تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

گۇما اۋدانى: ەرەكشە كاسىپ سالاسىن دامىتىپ، كەدەيلىكتەن ارىلتۋدىڭ قۇپيا شيفرىن شەشتى

شينجياڭ گازەتىنىڭ جالپىلىق اقپارات قۇرالدارى تىلشىلەرى جىڭ جو، ليۋ ي، زوۋ ي، جۇڭ جاۋفىڭ

  ”بۇرىن ءبىر ناندى بۇكىل وتباسىمىزداعىلار ءبولىپ جەيتىنبىز، ال، قازىر مەنىڭ ءبىر ايلىق كىرىسىمە كوپ نان ساتىپ الا الامىز“. گۇما اۋدانى كىلى ياڭ اۋىلى يۇلعۇنجاي قىستاعىنىڭ تۇرعىنى سالامات تۇرۇپ كەدەيلىكتەن ارىلعاننان كەيىن، ۇنەمى ناندى مىسالعا الاتىن بولدى.

  سالامات ەرلى - زايىپتى ەكەۋى بۇرىن ۋاقىتتىق جۇمىس ىستەۋمەن كۇن كورەتىن، جاپا تارتىپ ىستەگەندە، ايلىق كىرىستەرى 2000 يۋان عانا بولاتىن. ال بۇگىنگى كۇندە گۇما اۋدانى حىجيا جاڭا قىستاعى ولشەمدەندىرىلگەن ەسەك باعىمشىلىق ورتالىعىنىڭ جۇمىسشىسى بولعاننان كەيىن، سالامات جالعىز ءوزى ايىنا 3000 يۋان كىرىس كىرگىزەتىن بولدى.

  سالامات شۇعىلدانىپ وتىرعان ەسەك شارۋاشىلىعى گۇما اۋدانىنداعى كەدەيلەردى سۇيەمەلدەيتىن كوپتەگەن كاسىپ سالاسىنىڭ بىرەۋى عانا. سوڭعى جىلدارى گۇما اۋدانى جەرگىلىكتى جاعدايعا قاراي جۇمىس جۇرگىزىپ، ەرەكشە ەگىمشىلىك، باعىمشىلىق كاسىبىن زور كۇشپەن دامىتتى، ەرەكشە كاسىپ سالاسى سىندى وسى ”قاينار بۇلاق“ كەدەي وتباسىلارىنىڭ كىرىستەرىن ۇزدىكسىز ورنىقتى ارتتىردى.

كاسىپ سالاسى ارقىلى كەدەيلەردى سۇيەمەلدەۋ كوپ تۇيىندە ورىستەتىلدى

  نۇراحىمەت ءالي سالاماتتىڭ قىزمەتتەسى، باقتاشىلىقتان ول اي سايىن 3000 يۋاننان استام ورنىقتى كىرىس تابادى.

  حىجيا جاڭا قىستاعى ولشەمدەندىرىلگەن ەسەك باعىمشىلىق ورتالىعىندا شارۋا وتباسىلارىنىڭ ءوز الدىنا ەسەك باعىمشىلىعىمەن شۇعىلدانىپ، ەسەك ءسۇتىن ساتۋىنا بولادى ءارى ەسەكتەرىن كاسىپورىننىڭ اماناتتاپ باسقارۋىنا وتكىزىپ بەرىپ، جىل سايىن پايدا بولىسۋىنە دە بولادى.

  شينجياڭ كۇنلۇن لۇييۋان اۋىل شارۋاشىلىق عىلىم - تەحنيكاسىن دامىتۋ (توبى) شەكتى جاۋاپكەرشىلىك سەرىكتەستىگىنىڭ باس ديرەكتورى فىڭ جيانشين بىلاي دەدى: ”بازامىز ’سەرىكتەستىك +شارۋا وتباسى‘ سىندى اماناتتاپ باقتىرۋ تيجارات ۇلگىسىنەن پايدالانىپ ەسەك شارۋاشىلىعىن دامىتتى، ءتول الۋ مەزگىلى مەن ءسۇت بەرۋ مەزگىلىندە شارۋا وتباسىلارى ەسەكتەرىن كاسىپورىننىڭ اماناتتاپ باسقارۋىنا وتكىزىپ بەرسە، ەسەك ءسۇتىن ساتۋدان پايدا ۇلەسىنە يە بولادى، كەدەي وتباسىلارىنىڭ ەسەكتەرىنىڭ قودىعىن ۇيلەرىنە الىپ كەتىپ باعۋىنا دا، ياكي بىرەۋىن 2000 − 3000 يۋان باعامەن سەرىكتەستىككە ساتىپ بەرۋىنە دە بولادى، سونىمەن بىرگە سەرىكتەستىك بورداقىلاعان ەسەكتەردى جانە پۇراققا شىعارىلعان ۇرعاشى ەسەكتەردى بازار باعاسىندا ساتىپ الادى“.

  وسى اۋداننىڭ مۇجى قالاشىعى سايباق قىستاعىنىڭ تۇرعىنى ۇسەن مامەتيمىن ءوز ۇيىندەگى 3 ەسەكتى باعىمشىلىق ورتالىعىنا اماناتتاپ باعۋعا بەرىپ، ءار ايدا باعىمشىلىق ورتالىعىندا جۇمىس ىستەپ ەڭبەكاقى الۋدان سىرت، ءبىر ەسەكتەن جىلىنا 2000 يۋاننان پايدا ۇلەسىن الادى.

  سوڭعى جىلدارى گۇما اۋدانى ”ون، ءجۇز، مىڭ، ون مىڭ، ءجۇز ميلليون“ كاسىپ سالالاندىرۋ جوباسى بويىنشا، ەسەك، قاز، قوي، قويان، ازىقتىق ساڭىراۋقۇلاق سياقتى كاسىپ سالالارىن دامىتۋدى ۇزدىكسىز ىلگەرىلەتتى. كەزەكتە گۇما اۋدانى 42 مىڭ ەسەك، 6 ميلليون قاز، 9 ميلليون قويان، 180 مىڭ كوپ ءتولدى قوي باعىمشىلىعى سياقتى باستاماشى كاسىپ سالاسىن ورنالاستىرىپ، گۇما اۋدانىندا 31 مىڭ وتباسىنداعى 120 مىڭعا جۋىق ادامدى كەدەيلىكتەن ارىلىپ، كىرىستەرىن ارتتىرۋعا باستادى.

كاسىپ تىزبەگى جوعارىدان تومەنگە دەيىن تۇتاستى

  وسى اۋداننىڭ كىلىياڭ اۋىلى جوڭىشقا ەگىمشىلىك بازاسىندا كۇلگىن گۇل اشىپ تۇرعان جوڭىشقا جەرگىلىكتەگى ەگىنشى - مالشىلاردىڭ باعىمشىلىق ”تايانشى“ سانالادى. بيىل جەرگىلىكتى ورىننىڭ جەم - ءشوپ وسىرگەن جەر اۋدانى 4500 مۋدان استامعا كەڭەيدى.

  سوڭعى جىلدارى، گۇما اۋدانى مال شارۋاشىلىعىن نەگىز ەتكەن باعىمشىلىق كاسىبىن زور كۇشپەن دامىتىپ، جەم - شوپكە دەگەن قاجەتى اناعۇرلىم ارتتى. گۇما اۋدانى جەم - ءشوپ شارۋاشىلىعىن نەگىزدىك كاسىپ سالاسى رەتىندە يگەرىپ، جوڭىشقا، جۇگەرى سياقتى ءتۇرلى جەم - ءشوپ ەگىلگەن جەر 160 مىڭ مۋدان استى.

  لاڭگار فىڭيۋان جەم - ءشوپ زاۆودى جياڭسۋ ولكەسى فىڭشاڭ ەگىن، مال شارۋاشىلىق جابدىقتارى شەكتى سەرىكتەستىگىنىڭ چودا اۋىلى لاڭگار قىستاعىنا تەگىن كومەكتەسىپ سالىپ بەرگەن جەم - ءشوپ مانەرلەۋ زاۆودى جىلىنا 10 مىڭ توننا جەم - ءشوپ ءوندىرىپ، لاڭگار قىستاعى مەن ماڭايىنداعى قىستاقتارداعى باعىمشى وتباسىلارىنىڭ جەم - ءشوپ قاجەتىن ءونىمدى شەشتى.

  جوعارى بۋىنداعى كاسىپ سالاسى كەمەلدەنۋمەن قاتار، تومەنگى بۋىنداعى كاسىپ سالالارى دا ۇزدىكسىز جانداندى.

  2017 - جىلدان باستاپ، گۇما ەسەك شارۋاشىلىعى بويىنشا ەسەك ءسۇتى تالقانى، ەسەك ءسۇتى سياقتى ەرەكشە مال شارۋاشىلىق ونىمدەرىن جىنتىكتەي مانەرلەۋدى قاراستىرىپ، ەسەك ءسۇتىن مانەرلەۋ سەحى، ۇساق - تۇيەك ازىقتىقتاردى مانەرلەۋ سەحى، سويىسحانا سياقتىلاردى قۇردى. ”كەڭەيگەن كاسىپ تىزبەگىنەن پايدالانىپ، 1500 ادامدى جۇمىستاندىرىپ، كىرىسىن ارتتىرۋعا جەتەكتەۋگە بولادى“، - دەدى كۇنلۇن لۇييۋان ازىق - تۇلىك اشۋ شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى ۋاڭ زىشي.

  جۋىق جىلداردان بەرى، گۇما اۋدانى ءتۇرلى تيىمدىلىك جاساۋ ساياساتتارىن العا قويىپ، كاسىپ سالاسىن جەتەكتەۋى كۇشتى، جۇمىستانۋدى كەڭ كولەمدى جەتەكتەيتىن، ەكونوميكالىق ونىمدىلىگى جاقسى، كەدەيلەردى سۇيەمەلدەۋ ناتيجەسى كورنەكتى نىسانداردىڭ ساۋداگەر شاقىرۋ سەرپىنىن ۇزدىكسىز كۇشەيتتى. قازىر 35 كاسىپورىن ەنگىزىپ، جوعارى، تومەنگى بۋىندى قامتىعان ”N+1“ تۇتاس كاسىپ تىزبەگى جۇيەسىن ورناتتى.

ەرەكشەلىكتى كورنەكتىلەندىرىپ، ايگىلى ماركا جاراتتى

  گۇما اۋدانى ونەركاسىپ باقشا رايونىنداعى شينجياڭ كۇنلۇن لۇييۋان ەسەك ءسۇتى تالقانىن مانەرلەۋ زاۆودىندا ەسەك ءسۇتى تالقانىن وندىرەتىن توڭازىتىپ كەپتىرۋ ماشيناسى بۇكىلدەي جابىق ورتادا جۇمىس ىستەۋدە.

  25 جاستاعى كەدەي شارۋا زۇلپيا ابدۇرازاق بىلتىر 2 - ايدا وسى كاسىپورىنعا جۇمىسقا ورنالاسىپ، توڭازىتىپ كەپتىرۋ ماشيناسىن جۇرگىزەتىن جۇمىسشى بولدى. تەحنيكالىق سيپاتى ەرەكشە كۇشتى بۇل جۇمىس ورنىندا ول ايىنا 6000 يۋاننان ارتىق ەڭبەكاقى الىپ، وتباسى تەز ارادا كەدەيلىكتەن ارىلدى.

  توڭازىتىپ كەپتىرىلگەن ەسەك ءسۇتى تالقانىنىڭ باعاسى دا زۇلپيانىڭ ەڭبەكاقىسى سياقتى ءوستى. 300 گرامدىق ءبىر قۇتى توڭازىتىپ كەپتىرىلگەن ەسەك ءسۇتى تالقانىنىڭ بازارداعى باعاسى 1200 نەشە يۋان. سەرىكتەستىكتىڭ جاڭا ەسەك ءسۇتى، ەسەك ايرانى سياقتى ءسۇت ونىمدەرى ەداۋىر جوعارى قورەكتىك قۇنى جانە ءونىمنىڭ تاپشىلىعى سەبەپتى ەرەكشە جاقسى ونىمدىلىككە قول جەتكىزدى.

  ”جاقسى ءونىم، ءسوز جوق، جاقسى باعادا ساتىلعاندا عانا، كەدەيلىكتەن ارىلتۋ جەتىستىكتەرىن مۇمكىندىكتىڭ بارىنشا كەڭەيتۋگە بولادى. جاقسى باعادا ساتۋ ءۇشىن، ءسوز جوق، ءونىمنىڭ قوسىمشا قۇنىن ۇزدىكسىز جوعارىلاتۋ كەرەك“، - دەدى شينجياڭ كۇنلۇن لۇييۋان اۋىل شارۋاشىلىق عىلىم - تەحنيكاسىن دامىتۋ (توبى) شەكتى جاۋاپكەرشىلىك سەرىكتەستىگىنىڭ القا باستىعى دۋ جۇن.

  گۇما اۋدانى باستان - اياق ەسەك ءسۇتىن، ەسەك تەرىسىن جىنتىكتەي مانەرلەۋ سياقتى ينتەرنەت جەلىسىندەگى، جەلىدەن تىسقارعى ساتۋ ارناسىن اشۋعا كۇش سالىپ، كوپ كاسىپورىنمەن ستراتەگيالىق سەلبەستىك جاساسىپ، قاتىستى جىنتىكتەي مانەرلەنگەن ونىمدەرى شينجياڭنىڭ ءىشى - سىرتىنداعى بازاردا ءوتىمدى بولدى، ءونىمنىڭ قوسىمشا قۇنى مەن تانىمالدىعى دا ۇزدىكسىز جوعارىلادى.

  ءبىر ايگىلى ماركا جاراتىپ، ءبىر ءوڭىردىڭ كاسىپ سالاسىن جەتەكتەپ، ءبىر وڭىردەگى بۇقارانى بايىتتى، كاسىپ تىزبەگى دارەجەسىنىڭ جوعارىلاۋى جانە ماركالىلاندىرۋ قۇرىلىسى شارۋالاردىڭ كىرىسىن ارتتىرۋىن، اۋىل شارۋاشىلىعىنىڭ ونىمدىلىگىن ارتتىرۋىن جەبەپ، گۇما اۋدانىنىڭ كەدەيلىكتەن ارىلتۋدان قامال الۋ شايقاسىندا جەڭىسكە جەتۋىنە بەرىك نەگىز قالادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى