تيانشان تورى
تيانشان تورى   ›   جاڭالىقتار   ›   شينجياڭ حابارلارى

ەكپىندەي ىلگەرىلەۋ كۇشىن ۇيىستىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەيىك

− جەر - جەردەگى ۇگىت - لەكسيا ۇيىرمەلەرى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە ۇگىت - لەكسيا قيمىلىن ورىستەتتى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  قاراپايىم ۇعىنىقتى ءتىل، ناقتى دا ەگجەي - تەگجەيلى ساندى مالىمەتتەر، جاندى دا تارتىمدى مىسالدار... بىرنەشە كۇننەن بەرى رايونىمىزدىڭ جەر - جەرى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ بويىنشا ۇگىت - لەكسيا ۇيىرمەلەرىن ۇيىمداستىرىپ، اۋىل - قالاشىقتارعا، الەۋمەتتىك اۋماقتارعا، اتىزدارعا جىبەرىپ ۇگىت - لەكسيا ورىستەتتى، ءار ۇلت كادرلارى مەن بۇقاراسى بارىنشا شابىتتانىپ، بارىنشا جەلپىندى. كوپشىلىك مىنالاردى ءبىلدىردى: يدەيا مەن ارەكەتتى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىمەن بىرلىككە كەلتىرىپ، ەكپىندەي ىلگەرىلەۋ كۇشىن ۇيىستىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنامىز.

  قارامايلى قالاسى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ويداعىداي ۇگىتتەۋگە ايرىقشا ءمان بەرىپ، ءار دارەجەلى ۇگىت - لەكسيا قوسىندارىن قۇرىپ، ۇگىت - لەكسيانى جوسپارلى، باسقىشقا ءبولىپ ورىستەتتى. سونىمەن بىرگە، قىستاقتاردا تۇرعان قىزمەت اترەتتەرى، نەگىزگى ساتىداعى بۇقارا ۇگىتشىلەر، بىرلەسكەن وتباسىلارى باستىقتارى سياقتى شوعىرلاردىڭ ارتىقشىلىعىن بەلسەندىلىكپەن ساۋلەلەندىرىپ، كوشە، مالىلەرگە بارىپ ۇگىت - لەكسيا جاسادى.

  10 - ايدىڭ 25 - كۇنى قارامايلى قالاسى جايرانبۇلاق رايونى (قارامايلى جوعارى - جاڭا تەحنيكالىق اشۋ رايونى) 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى نەگىزگى ساتى ۇگىت - لەكسيا اترەتى جۇڭشيڭ جولى ءمالىسى بەيپو الەۋمەتتىك اۋماعىنا بارىپ ۇگىت - لەكسيا جاسادى. ۇگىت - لەكسيانى زەر سالا تىڭداعاننان كەيىن، بەيپو الەۋمەتتىك اۋماعىنداعى ساقا پارتيا مۇشەسى ۋان دىڭيوۋ اسەرلەنە بىلاي دەدى: ”بىرلەسكەن وتباسىلارى باستىعى، ساقا پارتيا مۇشەسى رەتىندە، مەن بار كۇش - قۋاتىمدى اناعۇرلىم جاقسى ساۋلەلەندىرىپ، بۇقاراعا ءتىپتى دە جاقسى قىزمەت وتەپ، جاراسىمدى الەۋمەتتىك اۋماق قۇرۋعا ۇلەس قوسامىن“.

  3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ ءۇشىن، سانجى حۇيزۋ اۆتونوميالى وبلىسى ۇگىت - لەكسيا ۇيىرمەسىن دەرەۋ قۇرىپ، ۇگىت - لەكسيا قيمىلىن اتقارۋ جوباسىن جاساپ، 10 - ايدىڭ 20 - كۇنىنەن باستاپ ءارقايسى اۋدان (قالا) ورگانداردا، الەۋمەتتىك اۋماقتاردا، اۋىل - قىستاقتاردا، كاسىپورىنداردا، مەكتەپتەردە ۇگىت - لەكسيا قيمىلىن ورىستەتتى.

  سانجى وبلىسى ۇگىت - لەكسيا ۇيىرمەسىنىڭ مۇشەلەرى ىلگەرىندى - كەيىندى فۋكاڭ قالاسىنا، موري قازاق اۆتونوميالى اۋدانىنا، قۇتىبي اۋدانىنا بارىپ، ءار ۇلت كادر - بۇقاراسىنا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە ۇگىت - لەكسيا جاسادى. ۇگىت - لەكسيانى تىڭداعاننان كەيىن، موري قازاق اۆتونوميالى اۋداندىق بازاردى باقىلاۋ - باسقارۋ مەكەمەسىنىڭ كادرى ما حۋ بىلاي دەدى: ”مەن باستان - اياق تاسقىنداعان رۋحاني كۇيدى ساقتاپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش قوسامىن“.

  قۇتىبي اۋداندىق ەمدەۋ قامتاماسىزداندىرۋ مەكەمەسى بىتىرۋدەن قىزمەت وتەۋ ورتالىعىنىڭ مەڭگەرۋشىسى ۋي شياۋجۋان بىلاي دەدى: ”وسى رەتكى ۇگىت - لەكسيادان مول ءبىلىم الدىم، مەن ۇيرەنۋ جەتىستىگىن ءىس تىندىرىپ، ناتيجە شىعارۋدىڭ، قىزمەتتى ىلگەرىلەتۋدىڭ قۋاتتى قوزعاۋشى كۇشىنە اينالدىرىپ، قىزمەتتى تىڭعىلىقتى ىستەپ، ەمدەۋ قامتاماسىزداندىرۋ ىستەرىنىڭ جاڭالىق اشا دامۋىن ىلگەرىلەتۋگە كۇش قوسامىن“.

  فۋكاڭ قالاسى سانگۇڭحى قازاق اۋىلىنىڭ ورىنباسار باستىعى عالبيات كۋار بىلاي دەدى: ”مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ويداعىداي ۇيرەنىپ، ويداعىداي ۇگىتتەپ، ويداعىداي دايەكتىلەندىرىپ، پارتيانىڭ ءۇنىن ءار ۇلت بۇقاراسىنا دەر كەزىندە، ءدال جەتكىزىپ، كوپشىلىكتى ۇلتتار ىنتىماعىن سانالى تۇردە قورعاپ، اناردىڭ دانىندەي تىعىز ۇيىسىپ، ءبىر نيەتپەن بىلەك بىرىكتىرىپ، تاماشا كەلەشەكتى بىرگە قۇرۋعا جەتەكتەيمىن“.

  10 - ايدىڭ 20 - كۇنى تۇستەن بۇرىن حوتان ايماعىنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى تۋرالى ۇگىت - لەكسيا جاساۋ ۇيىرمەسىنىڭ مۇشەلەرى لوپ اۋدانىنا بارىپ، ورگان - مەكەمەلەرگە، زاۆود - كاسىپورىندارعا كىرىپ، ءىس جۇزىندىكپەن بىرلەستىرە وتىرىپ كادر - بۇقاراعا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ءتۇسىندىردى. لوپ اۋداندىق ونەركاسىپ باقشاسىنىڭ جۇمىسشىسى مامەتازەز ابدۇللا اسەرلەنە بىلاي دەدى: ”ۇگىت - لەكسيانى تىڭداپ ەرەكشە جەلپىندىم، توڭىرەكتەگى ايتىپ تاۋىسقىسىز دامۋ وزگەرىستەرى مەن بارعان سايىن جاقسارعان تۇرمىس مەنىڭ كەلەشەككە دەگەن سەنىمىمدى بەكەمدەدى، مەن، ءسوز جوق، بىلەك سىبانىپ قۇلشىنا ىستەپ، اناعۇرلىم تاماشا تۇرمىس ءۇشىن قۇلشىنا كۇرەس جاسايمىن“.

(ءتىلشى شيا چيڭ، قاتىناسقان ءتىلشى گى يوۋجۇن، ەرىكتى تىلشىلەر جاڭ جيڭ، لي رۇڭ، يە شياۋدۇڭ)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.