تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

ۋاڭ جينلۇڭ ەككەن ايۋ تابان ساڭىراۋقۇلاق

  10 - ايدىڭ 22 - كۇنى، گۇڭشىڭ قىستاعىنداعى ايۋتابان ساڭىراۋ قۇلاقتى سىناق رەتىندە ەگۋ بازاسىندا ۋاڭ جينلۇڭ ايۋباس ساڭىراۋقۇلاقتى جيناپ الۋدا.

  ءۇرىمجى كەشكى گازەتىنىڭ حابارى (سۋرەتىن ءتۇسىرىپ حابارىن جازعان تىلشىلەر گو جۇنگى، پراكتيكانت ءتىلشى جاڭ مىڭتيڭ) جاقىنعى بىرنەشە كۇننەن بەرى، ۋاڭ جينلۇڭ وتە قاربالاس بولدى، نە قاربالاستىق دەيسىز عوي؟ ونىڭ قىستاقتا سىناق رەتىندە ەككەن ايۋ تابان ساڭىراۋقۇلاعى پىسىپ - جەتىلىپ، جيناپ الۋ مەزگىلىنە ءوتتى، تاپسىرىس كەلە باستادى، تەزىرەك جيناپ ساتۋ كەرەك.

  ۋاڭ جينلۇڭ ٴۇرىمجى اۋدانى يۇڭفىڭ قالاشىعى گۇڭشىڭ قىستاعىنداعى ايۋ تابان ساڭىراۋقۇلاقتى سىناق رەتىندە ەگۋ بازاسىنىڭ جاۋاپتىسى. 10 - ايدىڭ 22 - كۇنى، ونىڭ ايۋ تابان ساڭىراۋ قۇلاعىن سىناق رەتىندە ەگۋ بازاسىنا باردىق؛ 100 شارشى مەتردەن استام كوكونىس ۇراسىنىڭ ىشىندە، ۇلكەن - كىشىلىگى ءبىر - بىرىنە ۇقسامايتىن جاس تا قالىڭ ساڭىراۋقۇلاقتاردى كوردىك.

  ۋاڭ جينلۇڭدى ەڭ قۋانتاتىنى جەتىلدىرگەنى جاڭا سورت بولعانىمەن، بازارعا شىعا سالا ٴار كيلوگرامىنىڭ 30 يۋاندىق باعامەن ساتىلىپ الىنعانى.

  ۋاڭ جينلۇڭ ەككەن ايۋ تابان ساڭىراۋقۇلاقتىڭ فورماسى ايۋدىڭ تابانىنا ۇقسايتىندىعىمەن اتى ايگىلى. ول جۇمساق ءارى مورت، قۇرامىندا امين قىشقىلى، پوليساحاريد، ءىرى تالشىقتى ەلەمەنتتەر مول، ازىقتىق قۇرامى جوعارى، بازارداعى بولاشاعى نۇرلى.

  جاقىنعى جىلداردان بەرى، ٴۇرىمجى اۋىل ـ قىستاقتى گۇلدەندىرۋ ستراتەگياسىن ۇزدىكسىز اتقاردى، اۋىل شارۋاشىلىعىن، اۋىل - قىستاقتى وسىزامانداندىرۋ اياق الىسىن ىلگەرىلەتىپ، قالاعا قىزمەت وتەۋدى، قالا - اۋىل تۇرعىندارىنىڭ تۇرمىس قاجەتىن قاناعاتتاندىرۋدى ٴتۇيىن ەتتى. اۋىل شارۋاشىلىق قۇرىلىمىن رەتكە سالىپ، دارەجەسىن جوعارىلاتۋدى تەزدەتتى. ايۋ تابان ساڭىراۋقۇلاعىن ەگۋ سياقتى ەرەكشە جەمىس - جيدەك، كوكونىس ەگۋدى جالپىلاستىردى، بيىل گۇڭشىڭ قىستاعى قالا بازارىن ارقاۋ ەتىپ، اۋىل شارۋاشىلىق قۇرىلىمىن رەتكە سالىپ، تيپىن وزگەرتىپ، دارەجەسىن جوعارىلاتۋدى ماڭىزدى ءتۇيىن ەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.