شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 10 - ايدىڭ 29 - كۇنى ۇرىمجىدەن حابارلايدى. اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋىن مەديتسينالىق قۇتقارۋ - ەمدەۋ ماماندار گرۋپپاسىنان ۇعىسۋىمىزشا، كونەءشار اۋدانىندا ىندەت تۋىلعاننان كەيىن رايونىمىز بۇكىل رايونىمىزدىڭ ەمدەۋ بايلىقتارىن دەرەۋ ءبىر تۇتاس جوسپارلاپ، مەملەكەتتىك ماماندار گرۋپپاسى مەن اۆتونوميالى رايوننىڭ ماماندار گرۋپپاسىنىڭ جەتەكشىلىگىندە، دياگنوزى تۇراقتانعان ناۋقاستارعا مەڭزەس جان - جاقتى مەديتسينالىق قۇتقارۋ - ەمدەۋ ورىستەتىپ، جەڭىل، جاي ناۋقاستاردىڭ سالماقتى جانە قاتەرلى سالماقتى ناۋقاستارعا اينالۋىنان بار كۇشپەن ساقتانعان.
اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋىن مەديتسينالىق قۇتقارۋ - ەمدەۋ ماماندار گرۋپپاسىنىڭ مۇشەسى ياڭ ينيڭ بىلاي دەپ تانىستىردى: مەملەكەت دەر كەزىندە سالماقتى ناۋقاس، جۇعىمدالۋ، سونداي - اق شيپاحانادا جۇعىمدالۋدان ساقتانۋ - تىزگىندەۋ سياقتى جاقتارداعى مامانداردى كوبەيتىپ جىبەردى، ماماندار گرۋپپاسىنىڭ تۇجىرىمداۋىنا نەگىزدەلگەندە، وسى رەتكى ىندەتكە شالدىققان ناۋقاستاردىڭ ورتا جاستاعىلاردى، جاستاردى نەگىز ەتەتىندىگى، اۋرۋ بەلگىسى جوق جۇعىمدالۋشىلاردىڭ كوپ ەكەندىگى بايقالدى، سوندىقتان ءبىرىڭعايلاندىرىلعان، ولشەمدەندىرىلگەن ەمدەۋ جوباسى قولدانىلىپ، مەملەكەتتىڭ 8 - نۇسقاداعى «جاڭا تيپتى ايدارشا ۆيرۋس وكپە قابىنۋىنا دياگنوز قويۋ - ەمدەۋ جوباسى» بويىنشا عىلمي قۇتقارۋ - ەمدەۋ جۇرگىزىلدى.
سونىمەن بىرگە، اۆتونوميالى رايون تىنىس جولى، سالماقتى اۋرۋ، جۇعىمدالۋ، شيپاحانادا جۇعىمدالۋ، كۇتۋ، پسيحيكا، تەكسەرۋ، كەسكىن، جۇڭگوشا شيپاگەرلىك پەن جۇڭگوشا - باتىسشا شيپاگەرلىكتى ۇشتاستىرۋ سياقتى كاسىپتەردەگى تاڭداۋلى مامانداردى دا ورنالاستىرىپ، مەملەكەتتىك ماماندار گرۋپپاسىمەن بىرلەسكەن ماماندار گرۋپپاسىن ۇيىمداستىرىپ، بەلگىلەنگەن شيپاحانالاردا مامانداردىڭ بىرىگىپ دياگنوز قويۋ، قۇتقارۋ، ەمدەۋ مەحانيزمىن ورناتتى. ناۋقاستار شيپاحاناعا كىرگىزىلگەننەن كەيىن ءتۇرلى تەكسەرۋلەردى جەدەل ىستەيدى، دياگنوز قويۋ كەمەلدەندىرىلەدى، ماماندار گرۋپپاسى ناۋقاسقا بىرىگىپ دياگنوز قويىپ، ءبىر - بىردەن تالداۋ جاساپ، ءبىر - بىردەن تۇجىرىمدايدى. شيپاحاناداعى كەزىندە ماماندار گرۋپپاسى ءار كۇنى ناۋقاستاردىڭ ءبارىنىڭ اۋرۋ جاعدايىن تۇجىرىمداپ جانە بىرىگىپ دياگنوز قويىپ، ناۋقاستاردى ەمدەۋ ماسەلەلەرىن دەر كەزىندە شەشەدى.
”ءبىز قازىر ءبىر ادامعا ءبىر شارا قولدانىلاتىن، جەڭىل ناۋقاستار مەن سالماقتى ناۋقاستارعا بىردەي قارالاتىن، جۇڭگوشا - باتىسشا شيپاگەرلىك ۇشتاستىرىلعان ەمدەۋ پرينسيبىن قولدانىپ، دالمە - ءدال، عىلمي قۇتقارۋ - ەمدەۋ ورىستەتىپ، سايكەستى ساقتاندىرۋ جۇيەسى مەن ساقتاندىرۋ كورسەتكىشىن ورناتتىق، ناۋقاستاردىڭ اۋرۋ جاعدايىنىڭ وزگەرىسىن ءجىتى باقىلاپ، جەڭىل، جاي ناۋقاستاردىڭ سالماقتى ناۋقاسقا اينالۋىنان بار كۇشپەن ساقتاندىق“، - دەدى ياڭ ينيڭ.
بەلگىلەنگەن قۇتقارۋ - ەمدەۋ شيپاحاناسى ناۋقاستار رايونىنىڭ سەسترالار باستىعى ۋاڭ ليشيا: ”وسى رەتكى ەمدەۋ - كۇتىمدەۋ قىزمەتكەرلەرىنىڭ دەنى ۋحانداعى ىندەتكە قارسى تۇرۋ شايقاسىندا جانە ۇرىمجىدەگى ىندەتتە مەديتسينالىق قۇتقارۋ - ەمدەۋگە كومەكتەسۋ قىزمەتىنە قاتىناسقان، مول قۇتقارۋ - ەمدەۋ جانە كۇتىمدەۋ تاجىريبەسى بار، ءبىز ناۋقاستاردى پسيحيكالىق كۇتىمدەۋگە، تۇرمىستىق كۇتىمدەۋگە اناعۇرلىم ءمان بەرەمىز، سونىمەن بىرگە ولاردىڭ ساۋىعۋ جاتتىعۋىن جاساۋىن كۇشەيتىپ، ناۋقاستاردىڭ سەنىمىن نىعايتىپ، ولاردىڭ ۆيرۋستى ەرتەرەك جەڭۋىنە كومەكتەسەمىز“، - دەپ تانىستىردى.
تانىستىرۋعا قاراعاندا، بيىل جىل باسىنان بەرى ىندەتتەن ساقتانۋ - تىزگىندەۋدى ۇدايىلاندىرۋدى تياناق ەتىپ، اۆتونوميالى رايون بەلگىلەنگەن شيپاحانا قۇرىلىسىن جاپپاي كۇشەيتىپ، ناۋقاستار رايونىن كوبەيتىپ، توسەكتەردى مولايتىپ، مەديتسينالىق قۇتقارۋ - ەمدەۋ جابدىقتارىن كوبەيتىپ سەپتەپ، مەديتسينالىق قۇتقارۋ - ەمدەۋ قىزمەتىن قاي - قاشان دا جوعارى ونىمدىلىكپەن ورىستەتۋگە شىنايى كەپىلدىك ەتكەن. قازىر بەلگىلەنگەن شيپاحانالاردا ەمدەۋ جابدىقتارى جانە ەمدەۋ ءدارى - دارمەكتەرى، ساقتانۋ - قورعانۋ زاتتىق ماتەريالدارى تولىق دايىندالدى، وسى رەتكى كونەءشار اۋدانىنداعى ىندەتتى مەديتسينالىق قۇتقارۋ - ەمدەۋ قاجەتىن ابدەن قاناعاتتاندىرا الادى.
ياڭ ينيڭ مىنالاردى ءبىلدىردى: ”پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكومنىڭ ورنالاستىرۋى بويىنشا، ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىقتىڭ باس اماندىعى مەن دەنساۋلىعىن قورعاۋدى بارىنەن ماڭىزدى ساناپ، ءارقانداي بوداۋ بەرۋدەن تايىنباي، ناۋقاستاردى بار كۇشپەن قۇتقارىپ - ەمدەپ، ناۋقاستاردىڭ ەرتەرەك ساۋىعۋىنا شىنايى كەپىلدىك ەتەمىز“.
