شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 10 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق ۇكىمەت اقپارات كەڭسەسىنىڭ 10 - ايدىڭ 29 - كۇنى اشقان قاشقار ايماعى كونەءشار اۋدانىنداعى جاڭا تيپتى ايدارشا ۆيرۋس وكپە قابىنۋ ىندەتى جانە ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىنەن مىنانى ۇعىستىق: كونەءشار اۋدانىندا ىندەت تۋىلعاننان بەرى قاشقار ايماعى اۋىل شارۋاشىلىعى، اۋىل - قىستاق قىزمەتىنە ايرىقشا ءمان بەرىپ، بەلسەندىلىكپەن ءتۇرلى قامتاماسىزداندىرۋ شارالارىن قولدانىپ، ىندەتتىڭ اۋىل شارۋاشىلىق وندىرىسىنە كەلتىرەتىن ىقپالىن مۇمكىندىكتىڭ بارىنشا تومەندەتتى.
قاشقار ايماقتىق اكىمشىلىك مەكەمەسىنىڭ ورىنباسار باس حاتشىسى اسەت ۇرايىم تانىستىرىپ بىلاي دەدى: اۋىل شارۋاشىلىق ءوندىرىسىن قامتاماسىزداندىرۋ جاعىندا، پارتيالى كادرلاردى ەرىكتى قىزمەت وتەۋ قوسىنىنا قاتىناسۋعا جۇمىلدىرىپ، شارۋالاردىڭ كۇز، قىس ماۋسىمىنداعى اۋىل شارۋاشىلىق وندىرىسىندە جولىققان قيىنشىلىقتارىن، ماسەلەلەرىن ويداعىداي شەشۋىنە كومەكتەستىك. قازىرگە دەيىن بۇكىل ايماقتا جيىنى 46 مىڭنان استام ەرىكتى ۇيىمداستىرىلىپ، بۇقارانىڭ وندىرىسىنە قىزمەت وتەۋدى قامتاماسىزداندىرۋدى بار كۇشپەن ويداعىداي ىستەدى. اۋىل - قالاشىقتاردىڭ قىستاقتاردى بىرلىك ەتىپ، جۇعىمدالۋ قاتەرى بولماعان، تەحنيكادان حابارلى شارۋالاردان ءوندىرىس شەبەرلەرىن تاڭداپ الۋىنا جەتەكشىلىك ەتىپ، 3 ادامدى ءبىر گرۋپپا ەتىپ اۋىل شارۋاشىلىق ماشينالارى گرۋپپاسى، دەرت - دەربەزدەر مەن زياندى جاندىكتەردىڭ زيانىنان ساقتانۋ جانە ونى جويۋ گرۋپپاسى، جەمىس ورمان تەحنيكالىق گرۋپپاسى سياقتى اۋىل شارۋاشىلىق وندىرىسىندە ءوزارا كومەكتەسەتىن بىرنەشە گرۋپپا قۇرىپ، دۇمبە ءبيداي ەگۋ قىزمەتىن بار كۇشپەن ويداعىداي يگەرىپ، ەرەكشە داقىلداردى اتىزدا باعىپ - باپتاۋدى، ەرەكشە جەمىس ورماندى باپتاۋدى ەگجەي - تەگجەيلى يگەردى.
اۋىل شارۋاشىلىق ونىمدەرىنىڭ ساتىلۋىن قامداۋمەن قامتاماسىزداندىرۋ جاعىندا، اۋىل شارۋاشىلىق ونىمدەرىننىڭ ساتىلۋىن قامداۋمەن قامتاماسىزداندىرۋ قىزمەت گرۋپپاسى قۇرىلىپ، ءتۇرلى ساقتانۋ - قورعانۋ شارالارىن قاتاڭ ويداعىداي تياناقتاندىرۋ شارتىندا، ”قىستاق ساتىپ الۋ، اۋىل وتكەرمەلەۋ، اۋدان جونەلتۋ“ سىندى ساتىلىمدى جەبەۋ جۇيەسىنىڭ رولىن ويداعىداي ساۋلەلەندىرىپ، اۋىل شارۋاشىلىق ونىمدەرىنىڭ ىركىلىسسىز ساتىلۋىنا، قامداۋدىڭ جەتكىلىكتى بولۋىنا شىنايى كەپىلدىك ەتتى. ءوندىرۋ مەن ساتۋدى ۇشتاستىرۋدى كۇشەيتىپ، قاشقار كوكلەم اۋىل شارۋاشىلىق ونىمدەرى ۋنيۆەرسال بازارى، قاشقار شۋگۋاڭ نۇڭبوچىڭ اۋىل شارۋاشىلىق ونىمدەرى ۋنيۆەرسال بازارى، ياركەن اۋدانى حۇڭيۋان بازارى سياقتى ءۇش بىردەي 1 - دارەجەلى كوكونىس تولايىم ساتۋ بازارىنىڭ كوكونىستەردى ساتىپ الۋ، ساقتاۋ تەبىنىن كۇشەيتۋىن قولدادى، ءارقايسى تولايىم ساتۋ بازارلارىنداعى ساۋداگەرلەردى، دۇكەن - ەرەن بازارلاردى جانە زاپاس ساقتاۋ، جونەلتۋ كاسىپورىندارىن ۇيىمداستىرىپ، ماڭىنداعى اتىزدارعا كوكونىس ساتىپ الدى. ەت ونىمدەرىن ساۋدالايتىن كاسىپورىنداردىڭ ماڭىنداعى باعىمشىلىق ءىرى وتباسىلارىمەن، سويىس كاسىپورىندارىمەن ۇشتاسۋىن، بايلانىس ورناتۋىن كۇشەيتىپ، سيىر، قوي، تاۋىق، شوشقا باعىمشىلىعىن، ساتىپ الۋ، ساقتاۋ تەبىنىن كۇشەيتىپ، بازاردىڭ قاجەتىنە نەگىزدەلە وتىرىپ، سويىس مولشەرىن دەر كەزىندە ارتتىردى. جول قاتىناسىن باسقارۋ، جول - قاتىناس تاراۋلارىنىڭ ءارقايسى اۋداندارمەن، قالالارمەن ۇشتاسۋىن، سايكەسۋىن كۇشەيتىپ، كولىكتەردىڭ قاتىناۋ كۋالىگىن تەكسەرىپ تاراتىپ، بوگەتسىز جول اشىپ بەرىپ، بازاردىڭ زات جونەلتۋ ارناسىنىڭ ىركىلىسسىز بولۋىنا شىنايى كەپىلدىك ەتتى. قازىرگە دەيىن بۇكىل ايماقتاعى 2841 قىستاقتا (الەۋمەتتىك اۋماقتا) استىق - ماي، ەت، جۇمىرتقا، ءسۇت سياقتى تۇرمىسقا قاجەتتى ونىمدەردى تىكە قامداۋ تۇيىنىنەن (تىكە ساتۋ دۇكەنى) 3021ى اشىلىپ، تۇرمىسقا قاجەتتى ونىمدەرمەن قامداۋدى قامتاماسىزداندىرۋدى بار كۇشپەن ويداعىداي ىستەدى.
قاشقار ايماقتىق اۋرۋدىڭ الدىن الۋ - تىزگىندەۋ ورتالىعىنىڭ ورىنباسار مەڭگەرۋشىسى ۋاڭ شيجياڭ بىلاي دەپ تانىستىردى: ەل ءىشى - سىرتىنداعى تاجىريبەلەرگە جانە تارالعىش اۋرۋلار ءىلىمى زاڭدىلىعىنا نەگىزدەلگەندە، جاسىرىن مەزگىلىنىڭ ىلگەرىلەۋىنە ىلەسە، باستاپقى مەزگىلدەگى نۋكلەين قىشقىلىن تەكسەرۋدە بولىمسىز بولعان ءبىر ءبولىم تىعىز جاناسۋشىلار كەيىنگى مەزگىلدەگى تەكسەرۋدە بولىمدى ناتيجە كورسەتىپ، دياگنوزى تۇراقتانعان ناۋقاسقا نەمەسە اۋرۋ بەلگىسى جوق جۇعىمدالۋشىعا اينالۋى مۇمكىن. ءار ۇلت بۇقاراسىنىڭ دەنساۋلىعىنا شىنايى كەپىلدىك ەتۋ ءۇشىن، اۆتونوميالى رايوننىڭ ىندەتتەن ساقتانۋ - تىزگىندەۋ قولباسشىلىق شتابىنىڭ ورنالاستىرۋى بويىنشا، 10 - ايدىڭ 29 - كۇنى كونەءشار اۋدانى 2 - رەت جالپى حالىقتىڭ نۋكلەين قىشقىلىن تەگىن تەكسەردى.
