تيانشان تورى   ›   جاڭالىقتار   ›   ەل ءىشى حابارى

جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قايراتتانا قول جەتكىزەيىك

 «حالىق گازەتى» باسماقالاسى

  التىن كۇز مەزگىلى، جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جەڭىسپەن وتكىزىلدى. جالپى ءماجىلىس باس شۋجي شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، ورتالىق كوميتەت ساياسي بيۋروسىنىڭ پارتيا 19 - كەزەكتى ورتالىق كوميتەتى ءتورتىنشى جالپى ماجىلىسىنەن بەرگى قىزمەتتەرىن تولىق تۇراقتاندىردى. جالپى ءماجىلىس «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» قاراپ ماقۇلدادى، بۇل جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋدەگى تۇعىرنامالىق حۇجات.

  ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ”14 - بەسجىلدىق“ جوبا ماسەلەسىن باسا اقىلداستى ءارى ۇسىنىس قويدى، ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانانى ءبىر تۇتاس جوسپارلاپ ويلاستىردى، بۇل بۇكىل پارتيانى، بۇكىل ەلدەگى ءار ۇلت حالقىن العا باسۋ جولىنداعى حاۋىپ - قاتەرلەردى، سىن - سايىستاردى جەڭۋگە جۇمىلدىرۋدا جانە جىگەرلەندىرۋدە، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى باستاۋ، قادامىن جاقسى باسۋ جونىنەن اسا ماڭىزدى ءمان الادى. جالپى ءماجىلىس ماقۇلداعان «ۇسىنىس» ەل ءىشى جانە الەمدىك كوزايامەن ءبىر تۇتاس جوسپارلاۋدى تياناق ەتۋگە تاباندى بولىپ، ماسەلەنى باعدار ەتۋ مەن نىسانانى باعدار ەتۋدىڭ ءوزارا بىرلىگىنە تاباندى بولىپ، ورتا، ۇزاق مەرزىمدىك نىسانا مەن قىسقا مەرزىمدىك نىسانانى ءوزارا ساباقتاستىرۋعا تاباندى بولىپ، جالپى بەتتىك جوسپارلاۋ مەن ءتۇيىندى كورنەكتىلەندىرۋدى ءوزارا سايكەستىرۋگە تاباندى بولىپ، ”قوس 100 جىلدىق“ كۇرەس نىساناسىمەن ورگانيكالى ۇشتاستىرۋدى ويداعىداي ىستەپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ نەگىزگى وي جەلىسىن، باستى نىساناسىن جانە 2035 - جىلعا دەيىنگى بولاشاقتىق نىسانانى ايقىنداپ، جاڭا دامۋ ۇستانىمىنىڭ جەتەكتەۋ رولىن كورنەكتىلەندىرىپ، ءبىر توپ نىشاندىق سيپات العان كەلەلى ستراتەگيالاردى العا قويىپ، جورامالدىق سيپاتقا، جالپىلىق سيپاتقا، نەگىزدىك سيپاتقا، باعىتتامالىلىق سيپاتقا باي كەلەلى شارالاردى اتقارىپ، ماڭىزدى سالالارداعى ۇلاسپالى رەفورمانى ءبىر تۇتاس جوسپارلادى، ويداعىداي جوبالادى، بۇنىڭ ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بەرىك نەگىز قالايتىنى داۋسىز.

  ”13 - بەسجىلدىق“ مەزگىلى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەتىن كەزەڭ. قىم - قۋىت، كۇردەلى ەل ءىشى - سىرتى جاعدايى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ۇدەرە العا تارتىپ، ءورىس اشا جاڭالىق جاساپ، پارتيا مەن مەملەكەتتىڭ ءتۇرلى ىستەرىن قايراتتانا ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدە شەشۋشى سيپاتتى تابىستارعا قول جەتكىزدى، رەفورمانى جاپپاي تەرەڭدەتۋدە كەلەلى ناتيجەلەرگە قول جەتكىزدى، مەملەكەتتى جاپپاي زاڭمەن جونگە سالۋدا كەلەلى ىلگەرىلەۋشىلىكتەرگە قول جەتكىزدى، پارتيانى جاپپاي قاتاڭ جونگە سالۋدا كەلەلى جەتىستىكتەرگە قول جەتكىزدى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ جەدەل ىلگەرىلەتىلدى، جۇڭگو كوممۋنيستىك پارتياسىنىڭ باسشىلىعى مەن ەلىمىز سوتسياليستىك ءتۇزىمىنىڭ ارتىقشىلىعى اناعۇرلىم ايگىلەندى. ”13 - بەسجىلدىق“ مەزگىلىندەگى دامۋ ارقىلى ەلىمىزدىڭ ەكونوميكالىق ناقتى قۋاتى، عىلىم - تەحنيكالىق ناقتى قۋاتى، جالپىلىق مەملەكەت قۋاتى جاڭا دا ۇلكەن ساتىعا كوتەرىلدى، ”13 - بەسجىلدىق“ جوبانىڭ نىسانالارى مەن مىندەتتەرى ورىندالۋ الدىندا تۇر، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋ الدىندامىز، جۇڭحۋا ۇلتىنىڭ ۇلى گۇلدەنۋى العا قاراي جاڭا دا ارشىندى قادام تاستادى، سوتسياليستىك جۇڭگو اناعۇرلىم ايبىندى بەينەمەن دۇنيە ءجۇزىنىڭ شىعىسىندا قاسقايىپ تۇردى.

  الدا جانە بۇدان بىلايعى ءبىر مەزگىلدە ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇرادى، الايدا وراي مەن سىن - سايىستىڭ بارلىعىندا جاڭا دامۋ، وزگەرىس بولادى. ”14 - بەسجىلدىق“ مەزگىلى ەلىمىزدىڭ جاپپاي دوڭگەلەك داۋلەتتى قوعام ورناتقاننان، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىنگى، سول ەكپىنمەن العا ۇمتىلىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايتىن، ەكىنشى 100 جىلدىق كۇرەس نىساناسىنا جورىق جاسايتىن ءبىرىنشى 5 جىل. بۇكىل پارتيا جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايىن جانە دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، ەلىمىز قوعامىنىڭ باستى قايشىلىعىنداعى وزگەرىس الا كەلگەن جاڭا ەرەكشەلىكتى، جاڭا تالاپتى تەرەڭ تانىپ، قىم - قۋىت، كۇردەلى حالىقارالىق ورتا الا كەلگەن جاڭا قايشىلىقتى، جاڭا سايىستى تەرەڭ تانىپ، وراي تانىمىن جانە حاۋىپ - قاتەر تانىمىن كۇشەيتىپ، سوتسياليزمنىڭ العاشقى ساتىسىندا تۇرعان نەگىزگى مەملەكەت جاعدايىن تياناق ەتىپ، ستراتەگيالىق ۇستامدىلىقتى ساقتاپ، ءوز ءىسىمىزدى ويداعىداي تىندىرىپ، دامۋ زاڭدىلىعىن تانىپ جانە يگەرىپ، كۇرەس جاساۋ رۋحىن اسقاقتاتىپ، تومەنگى شەكتە ويلاپ، وزگەرىستى دالمە - ءدال تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، داعدارىس بارىسىندا ۇتىمدى ورايدى جەتىلدىرۋگە، وزگەرىس بارىسىندا جاڭا جاعداي اشۋعا شەبەر بولىپ، ورايدى يگەرىپ، سىن - سايىسقا توتەپ بەرىپ، تيىمدىلىكتەردى تولىق پايدالانىپ، تيىمسىزدىكتەردى جويىپ، ەرلىكپەن العا ۇمتىلۋ كەرەك.

  پارتيانىڭ 19 - قۇرىلتايى ەكىنشى 100 جىلدىق كۇرەس نىساناسىن جۇزەگە اسىرۋعا ەكى ساتىعا ءبولىپ ىلگەرىلەتۋدەي ستراتەگيالىق ورنالاستىرۋ جاسادى، ياعني 2035 - جىلعا بارعاندا سوتسياليستىك وسىزامانداندىرۋدى نەگىزىنەن جۇزەگە اسىرۋ، وسى عاسىردىڭ ورتا شەنىنە بارعاندا ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ. وسى رەتكى جالپى ءماجىلىس 2035 - جىلعى بولاشاقتىق نىسانانى ناقتاپ بەلگىلەدى، الداعى ءبىر مەزگىلدەگى ەل ءىشى - سىرتىنىڭ دامۋ اۋقىمى مەن ەلىمىزدىڭ دامۋ شارت - جاعدايىن جالپىلاي ويلاستىرىپ، ”14 - بەسجىلدىق“ مەزگىلىندە ەلىمىزدىڭ دامۋىنا جۇيەلى جوسپار جانە ستراتەگيالىق ورنالاستىرۋ جاسادى. ءبىز پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جالپى بەتتىك دايەكتىلەندىرىپ، ەكونوميكالىق قۇرىلىستىڭ، ساياسي قۇرىلىستىڭ، مادەنيەت قۇرىلىسىنىڭ، قوعامدىق قۇرىلىستىڭ، ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋلارىن ءبىر تۇتاس جوسپارلاپ ىلگەرىلەتىپ، سوتسياليستىك وسىزاماندانعان مەملەكەتتى جاپپاي قۇرۋدىڭ، رەفورمانى جالپى بەتتىك تەرەڭدەتۋدىڭ، مەملەكەتتى جالپى بەتتىك زاڭ بويىنشا جونگە سالۋدىڭ، پارتيانى جاپپاي قاتاڭ جونگە سالۋدىڭ ستراتەگيالىق ورنالاستىرۋلارىن سايكەستىرە ىلگەرىلەتىپ، جاڭالىق اشۋ، سايكەستىرۋ، جاسىل، اشىق، تەڭ يگىلىكتەنۋ سىندى جاڭا دامۋ ۇستانىمىن تاباندىلىقپەن دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋ، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن قاناعاتتاندىرۋدى ءتۇبىرلى ماقسات ەتىپ، دامۋ مەن حاۋىپسىزدىكتى ءبىر تۇتاس جوسپارلاپ، وسىزاماندانعان ەكونوميكالىق جۇيەسىن قۇرۋدى جەدەلدەتىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋدى جەدەلدەتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ەكونوميكانىڭ ورنىقتى قاداممەن الىسقا جەتۋىن، قوعامنىڭ تىنىشتىعىن، جاراسىمدىلىعىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قايراتتانا قول جەتكىزۋىمىز كەرەك.

  ”14 - بەسجىلدىق“ مەزگىلىندە ەكونوميكالىق، قوعامدىق دامۋدى ىلگەرىلەتۋ ءۇشىن، ءسوز جوق، پارتيانىڭ جاپپاي باسشىلىعىنا تاباندى بولىپ، جوعارى ساپالى دامۋدى جۇزەگە اسىرۋعا ءتۇبىرلى كەپىل ازىرلەۋ؛ حالىقتى وزەك ەتۋگە تاباندى بولىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرۋ؛ جاڭا دامۋ ۇستانىمىنا تاباندى بولىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋ؛ رەفورما جاساپ، ەسىك اشۋدى تەرەڭدەتۋگە تاباندى بولىپ، دامۋدىڭ قوزعاۋشى كۇشى مەن جالىندى كۇشىن ۇزدىكسىز كۇشەيتۋ؛ جۇيە كوزقاراسىنا تاباندى بولىپ، دامۋ ساپاسىنىڭ، قۇرىلىمىنىڭ، كولەمىنىڭ، قارقىنىنىڭ، ونىمدىلىگىنىڭ، حاۋىپسىزدىگىنىڭ ءوزارا بىرلىگىن جۇزەگە اسىرۋ كەرەك. جاڭا داۋىردە ەكپىندەي ىلگەرىلەپ، جاڭا ساپاردى باستاعاندا، ءبىز اۋەلگى ماقساتتى، بورىشتى ەستە بەرىك ساقتاپ، جاۋاپكەرشىلىك ارقالاپ، ىسكەرلىك كورسەتۋگە باتىل بولىپ، قامال الىپ، قيىندىقتاردى جەڭۋگە شەبەر بولىپ، ەكونوميكالىق دامۋدا جاڭا ناتيجەلەرگە قول جەتكىزۋ، رەفورما جاساپ، ەسىك اشۋدا جاڭا قادام تاستاۋ، قوعامدىق وركەنيەت دارەجەسىن جاڭا دەڭگەيگە كوتەرۋ، ەكولوگيالىق وركەنيەت قۇرىلىسىندا تىڭ العا باسۋ، حالىق تۇرمىسىنىڭ ىرىس - قۇتىن جاڭا ورەگە جەتكىزۋ، مەملەكەتتىڭ جونگە سالۋ قابىلەتىندە جاڭا جوعارىلاۋ بولۋداي باستى نىسانانى جۇزەگە اسىرۋعا قۇلشىنۋىمىز كەرەك.

  ”ءبىر كۇندەرى جەلپىنتىپ سامال ەسسە، سامۇرىق سامعار ءزاۋلىم - زەڭگىر كوككە“. ”14 - بەسجىلدىق“ جوبانى جانە 2035 - جىلعا دەيىنگى بولاشاقتىق نىسانانى جۇزەگە اسىرۋدىڭ ءمانى زور، مىندەتى اۋىر، بولاشاعى نۇرلى. العا باسۋ جولىندا ەلىمىزدىڭ وزگەشە ساياسي باسىمدىعى، ءتۇزىم باسىمدىعى، دامۋ باسىمدىعى جانە وراي باسىمدىعى بار، ەكونوميكالىق، قوعامدىق دامۋدا ءالى دە كوپتەگەن ءتيىمدى شارت - جاعدايلار بار، ءبىزدىڭ ”ەكى ۇلكەن حيكىمەتتىڭ“ جاڭا تاراۋىن جازۋعا سەنىمىمىز كامىل، ارىنىمىز، قابىلەتىمىز قاپتال جەتەدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءبىر نيەت، ءبىر تىلەكتە بولىپ، قاجىرلىلىقپەن كۇرەس جاساپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا جاڭا دا تاريحي ۇلى ىستەر تىندىرايىق!

  (شينحۋا اگەنتتىگىنىڭ 10 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.