− پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىنەن ەستەلىك
حالىق گازەتىنىڭ ءتىلشىسى دۋ شاڭزى، شينحۋا اگەنتتىگىنىڭ تىلشىلەرى جاڭ شياۋسۇڭ، جۋ جيچاي
”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە، جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ۇزاق بولاشاقتى جوسپارلاپ، جۇڭگوعا اسقاق، ايبىندى جاڭا كورىنىس سىزدى.
10 - ايدىڭ 26 - كۇنىنەن 29 - كۇنىنە دەيىن جالپى ءماجىلىس بەيجيڭدە اشىلىپ، باس شۋجي شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن»، «جۇڭگو كوممۋنيستىك پارتياسى 19 - كەزەكتى ورتالىق كوميتەتى بەسىنشى جالپى ءماجىلىسىنىڭ مازمۇنداماسىن» قاراپ ماقۇلدادى. باس شۋجي شي جينپيڭ «ۇسىنىس (تالقىلاناتىن نۇسقا)» جونىندە جالپى ماجىلىسكە تۇسىنىك جاسادى. داۋىسقا سالۋ كەڭەستىك تارتىپتەرىنەن كەيىن، باس شۋجي شي جينپيڭ ورتالىق كوميتەت ساياسي بيۋروسى اتىنان جالپى ءماجىلىستىڭ رۋحىن دايەكتىلەندىرۋدى، تياناقتاندىرۋدى ويداعىداي يگەرۋ جونىندە ماڭىزدى ءسوز سويلەدى.
جالپى ماجىلىستە، باس شۋجي شي جينپيڭ بۇگىنگى جۇڭگونىڭ جاڭا كوورديناتاسىن باياندادى: ”’13 - بەسجىلدىق‘ جوبانىڭ نىسانالارى مەن مىندەتتەرى ورىندالۋ الدىندا تۇر، جاپپاي دوڭگەلەك داۋلەتتى قوعام ورناتۋدىڭ جەڭىسى تاياپ قالدى، جۇڭحۋا ۇلتىنىڭ ۇلى گۇلدەنۋى العا قاراي تىڭ دا ارشىندى قادام تاستادى، سوتسياليستىك جۇڭگو اناعۇرلىم ايبىندى تۇلعاسىمەن دۇنيە ءجۇزىنىڭ شىعىسىندا قاسقايىپ تۇردى“.
ۋاقىت العا ىلگەرىلەۋگە، ۇلتتىڭ گۇلدەنۋ جولىنداعى ءاربىر ىسكە كۋا بولىپ، جاڭا بەلەستى تۇلعالاپ شىقتى. 90 ميلليون مۇشەسى بار ءىرى پارتيا، ءبىر ميلليارد 400 ميلليون حالقى بار ءىرى ەل وسى ارادان ارشىندى قاداممەن قايتا اتتانباقشى.
جاقسى باستاما اشىپ، جاقسى قادام تاستادى:
5 جىلدى تياناق ەتىپ، 100 جىلدى كوزدە ۇستادى
باس شۋجي شي جينپيڭ تالاي رەت بىلاي دەپ باسا دارىپتەدى: ”باسشى كادرلار ەكى كەلەلى جاعدايدى كوكەيىندە ساقتاۋ كەرەك. ءبىرى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى، ءبىرى دۇنيە جۇزىندە 100 جىلدا بولماعان زور وزگەرىس“.
وسى ەكى كەڭ كوز ايامەن بەسىنشى جالپى ءماجىلىستى باجايلاساق، وسى 4 كۇننىڭ تاريحتان ۇستاعان سالماعىن اناعۇرلىم تەرەڭ تۇسىنە الامىز.
جۇڭحۋا ۇلتىنىڭ گۇلدەنۋ ساپارىندا، بەسىنشى جالپى ءماجىلىس بۇرىنعىعا مۇراگەر، كەيىنگىگە بۇيداگەر بولىپ، الدىڭعىلاردىڭ ءىزىن باسىپ، بولاشاققا جول اشۋدىڭ ۋاقىت تۇيىنىنە ءدال كەلدى. ءبىر جاعىنان، اياقتالۋ الدىنداعى 100 جىلدىق ەپوستى جالعاستىرىپ، ەندى ءبىر جاعىنان، ەكىنشى 100 جىلدىق تىنىستى تاراۋدى باستادى.
10 - ايدىڭ 26 - كۇنى تۇستەن بۇرىن جالپى ءماجىلىس ءبىرىنشى جالپى جيىنىن اشتى، باس شۋجي شي جينپيڭ ورتالىق كوميتەت ساياسي بيۋروسى اتىنان جالپى ماجىلىسكە قىزمەتتەن بايانداما جاسادى ءارى ۇسىنىس جوباسىنىڭ جازىلۋىنا قاتىستى جاعدايلار جونىندە جالپى ماجىلىسكە تۇسىنىك جاسادى. ول ”14 - بەسجىلدىقتىڭ“ 5 جىلى مەن ”قوس 100 جىلدىقتىڭ“ ماندىك لوگيكاسىن تەرەڭ بايىمدادى:
”’14 - بەسجىلدىق‘ مەزگىلى − ەلىمىز جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىن، ۇرىمتال ساتتە قيمىلداپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايتىن، ەكىنشى 100 جىلدىق كۇرەس نىساناسىنا قاراي جورىق جاسايتىن ءبىرىنشى 5 جىل“.
ورتا، ۇزاق مەزگىلدىك نىسانا مەن قىسقا مەزگىلدىك نىسانا ءوزارا قاباتتاسىپ، ءبىر - بىرىمەن تىعىز قابىستى. ”ەكى قادامعا ءبولىپ ءجۇرۋ“ ستراتەگيالىق ورنالاستىرۋى بويىنشا، ەكىنشى 100 جىلدىق كۇرەس نىساناسىنىڭ ءبىرىنشى قادامى 2035 - جىلى ورىندالىپ، سوتسياليستىك وسىزامانداندىرۋ نەگىزىنەن جۇزەگە اسادى. ۇسىنىس جوباسى ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانانى ءبىر تۇتاس جوسپارلاپ ويلاستىرىپ، كەڭىنەن تولعانۋدان وتكىزدى.
باس شۋجي شي جينپيڭ وسى جونىندە بىلاي دەپ اتاپ كورسەتتى: ءار جاقتىڭ اڭىس ەتكەن پىكىرىنەن قاراعاندا، كوپشىلىك ءبىر اۋىزدان ”بۇكىل پارتيانى، بۇكىل ەلدەگى ءار ۇلت حالقىن العا ىلگەرىلەۋ جولىنداعى ءتۇرلى حاۋىپ - قاتەرلەر مەن سىن - سايىستاردى جەڭۋگە جۇمىلدىرىپ جانە ىنتالاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاقسى باستاماسىن اشۋ، جاقسى قادامىن باسۋ توتەنشە كەلەلى مانگە يە“ دەپ قارادى.
جالپى ءماجىلىس گرۋپپالارعا ءبولىنىپ تالقى جاساعان كەزدە، ماجىلىسكە قاتىناسقان ءبىر جولداس ۋاقىت تۇيىندەرىن ءبىر - بىرلەپ بولەكتەپ تالدادى، ول بىلاي دەدى: ”2035 - جىلعا دەيىنگى 15 جىل ءۇش 5 جىلدىق جوبادان قۇرالعان، ەڭ العاشقىسى وتە ماڭىزدى، العاشقى قادامنىڭ ءساتتى بولۋ - بولماۋىن بەلگىلەيدى“.
ءماجىلىس زالىنىڭ ءىشى - سىرتىنداعى شولۋ، ەل ءىشى - سىرتىنداعى باعالاۋ - تالداۋلاردىڭ بارلىعى ”جۇڭگونىڭ جونگە سالۋىنا“ باعىتتالدى. ءبىر اقپارات قۇرالى بىلاي دەدى: ”جۇڭگونىڭ دامۋىنىڭ جاي - جاپسارى انىق، ورنىقتىلىقتىڭ جانە ۇزدىكسىز گۇلدەنۋدىڭ كەلەشەگىن ايقىن تۇجىرىمداۋعا بولادى“. ورتالىق كوميتەتتىڭ ءبىر مۇشەسى بىلاي دەپ قارادى: ”تۇزىمدىك ابزالدىلىقتى جونگە سالۋ ونىمدىلىگىنە ءونىمدى تۇردە اينالدىرۋ ءتۇزىمنىڭ ءوزىنىڭ جاقسى بولۋىنا عانا ەمەس، ءتۇزىمدى جاقسى قولدانۋعا دا بايلانىستى“.
دۇنيە جۇزىندە 100 جىلدا بولماعان وزگەرىس ۇدەي تۇسۋدە. دولدانا كەلگەن جاڭا تيپتى ايدارشا ۆيرۋس وكپە قابىنۋ ىندەتى حالىقارالىق جاعدايدىڭ وزگەرىسىن تەزدەتىپ، دۇنيە ءجۇزى الاساپىران وزگەرىس مەزگىلىنە ءوتتى، ”اناعۇرلىم كوپ ءتيىمسىز سىرتقى ورتا“ سەبەبىنەن قىسىم ارتىپ، سىن - سايىس كوبەيدى. باس شۋجي شي جينپيڭ: مۇنداي زور وزگەرىس ”دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى“ دەپ تەرەڭ اتاپ كورسەتتى.
جۇڭگو قاي جاققا بەت الادى؟ بولجالدىققا يە ءارى امالياتتىڭ قاجەتىنە ۇيلەسەتىن وسى ارەكەت تۇعىرناماسى جاريالانۋ ساتىندە، دۇنيە ءجۇزىنىڭ جۇڭگونىڭ تامىرىن سەزىنۋىنىڭ ەڭ جاقسى تەرەزەسىن اشتى.
ءىستى باسىڭنان كەشىرمەسەڭ قيىندىعىن بىلمەيسىڭ. سىرتقى ورتانىڭ ورنىقسىزدىعى مەن تۇراقسىزدىعى دا وسى حۇجاتتىڭ جازىلۋىنا قاتاڭ سىن - سايىس الا كەلدى. ”ۋاقىت“ پەن ”اۋقىمعا“ عىلمي تۇجىرىم جاساپ، ”داعدارىس“ پەن ”ورايدى“ ديالەكتيكالى تۇردە يگەرگەندە، شەشۋشى شايقاستىڭ جوباسىن ءتىپتى دە جاقسى جاساۋعا بولادى. باس شۋجي شي جينپيڭ بىلاي دەپ باسا دارىپتەدى: قيىنشىلىقتى تولىق مولشەرلەپ، ونان دا ماڭىزدىسى، سەنىمدى بەكەمدەپ، قاجىماي - تالماي ءوز ءىسىمىزدى جاقسى ىستەۋىمىز كەرەك.
”ستراتەگيالىق تاباندىلىقتى ساقتاپ، ءوز ءىسىمىزدى ويداعىداي تىندىرىپ، دامۋ زاڭدىلىعىن تانىپ جانە يگەرىپ، كۇرەس رۋحىن ساۋلەلەندىرىپ، تومەنگى شەك وي - تولعامىن ورناتۋ“، ”داعدارىس بارىسىندا ءتيىمدى ورايدى جەتىلدىرۋگە، وزگەرىس بارىسىندا جاڭا جاعداي اشۋعا شەبەر بولۋ“... ۇسىنىس نۇسقاسىن زەر سالا وقىساق، ءسوز - سويلەمدەرىندە پارتيا ورتالىق كوميتەتىنىڭ ستراتەگيالىق تاباندىلىعى جاتىر.
باس شۋجي شي جينپيڭ ۇسىنىس نۇسقانىڭ جازىلۋى جونىندە جاساعان تۇسىنىگىندە بىلاي دەپ باسا دارىپتەدى: ”پارتيا ورتالىق كوميتەتىنىڭ ۇسىنىسىندا، باستىسى، ۇلكەن بەتالىس مەڭگەرىلىپ، ءىرى ستراتەگيا تۇراقتاندىرىلدى. ءار جاقتاعى فاكتورلاردى جالپى بەتتىك ويلاستىرا كەلە، ۇسىنىس نۇسقاسىندا ’14 - بەسجىلدىق‘ پەن 2035 - جىلعا دەيىنگى ەكونوميكالىق دامۋ نىساناسىنا سيپاتتىق بايانداۋدى نەگىز ەتۋ، شامانى قامتۋ ءتاسىلى قولدانىلدى. جوبا «باعدارلاماسىن» جاساعاندا، مۇقيات ەسەپتەۋ نەگىزىندە سايكەستى ساندى نىسانانى العا قويۋعا بولادى“.
باس شۋجي شي جينپيڭ: ”ءبىز حاۋىپسىزدىك دامۋدىڭ العى شارتى، دامۋ حاۋىپسىزدىكتىڭ قامتاماسىزدىعى ەكەنىن بارعان سايىن تەرەڭ سەزىندىك“ دەپ اتاپ كورسەتتى. ۇسىنىس نۇسقاسىندا ارناۋلى تاراۋ اشىلىپ، دامۋ مەن حاۋىپسىزدىكتى ءبىر تۇتاس جوسپارلاۋعا ستراتەگيالىق ورنالاستىرۋ جاسالدى، مۇنى ول ءوزى جوسپارلادى جانە تۇراقتاندىردى.
ورتالىق كوميتەتتىڭ ءبىر مۇشەسى ۇسىنىس نۇسقاداعى قوعامدىق سالا جونىندەگى مازمۇننىڭ بۇرىنعى كەزدەگى جوباداعى ۇسىنىستاردان اسىپ ءتۇسىپ، ساياساتتىق قۇنىنىڭ وتە جوعارى بولىپ، دامۋ حالىق ءۇشىن بولۋ ۇستانىمىن ايگىلەگەندىگىنە نازار اۋداردى.
ىندەتكە قارسى اتتانۋدىڭ اسا جاپالى كۇرەسىندە، ”حالىقتى بارىنەن جوعارى قويۋ، ءومىردى بارىنەن جوعارى قويۋ“ ۇستانىمى وشپەس شۇعىلا شاشتى. باس شۋجي شي جينپيڭ بۇكىل پارتياداعى جولداستارعا: ءبىز حالىق بۇقاراسىنىڭ كىشكەنە ىستەرىن ءوزىمىزدىڭ ءىرى ءىسىمىز رەتىندە قاراۋعا تاباندى بولۋىمىز كەرەك دەپ ايرىقشا ەسكەرتتى. ۇسىنىس نۇسقاسىن اشساڭىز، قارتتاردى كۇتىمدەۋ، سابيلەردى تاربيەلەۋ، سۋ، ەلەكتر، جول، گاز، استىق، ماقتا، ماي، قانت، ەت، ءتىپتى، اۋىل - قىستاقتارداعى دارەتحانالاردى وزگەرتىپ سالۋ، تۇرمىستىق قوقسىقتى ءبىر جاقتى ەتۋ جانە لاس سۋدى تىزگىندەۋ سياقتىلاردىڭ بارلىعى جازىلعان.
حۇجاتتى جازۋ گرۋپپاسىنىڭ ءبىر مۇشەسى مىنالاردى ءبىلدىردى: باس شۋجي شي جينپيڭ حۇجاتتى جازۋ قىزمەتىنە باسشىلىق ەتكەن كەزدە، تالاي رەت حالىقتى وزەك ەتىپ، جالپى حالىقتىڭ بىرگە بايۋىن جەبەۋدە نەمقۇرايدىلىق ەتۋگە بولمايدى دەپ باسا دارىپتەدى.
بىرگە بايۋ − سوتسياليزمنىڭ ماندىك تالابى. ۇسىنىس نۇسقاسىندا 2035 - جىلعا بارعاندا سوتسياليستىك وسىزامانداندىرۋ سىندى بولاشاقتىق نىسانانى نەگىزىنەن جۇزەگە اسىرۋدا ”جالپى حالىقتىڭ بىرگە بايۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزىلەدى“ دەپ العا قويىلدى، حالىقتىڭ تۇرمىس ساپاسىن جاقسارتۋ بولىمىندە ”بىرگە بايۋدى تىڭعىلىقتى ىلگەرىلەتۋ“ كورنەكتىلەندىرە باسا دارىپتەلدى. مۇنداي بايانداۋ پارتيانىڭ جالپى ماجىلىستەرىنىڭ حۇجاتتارىندا تۇڭعىش رەت بولىپ وتىر.
باس شۋجي شي جينپيڭ بۇل جونىندە بىلاي دەپ تۇسىنىك جاسادى: ”جالپى حالىقتىڭ بىرگە بايۋىن جەبەۋ − ۇزاق ۋاقىتتىق مىندەت، دەسەدە، ەلىمىزدىڭ جاپپاي دوڭگەلەك داۋلەتتى قوعام ورناتۋ، جاپپاي سوتسياليستىك وسىزاماندانعان مەملەكەتتى قۇرۋدىڭ جاڭا ساپارىن باستاۋىنا ىلەسە، ءبىز، ءسوز جوق، جالپى حالىقتىڭ بىرگە بايۋىن جەبەۋدى اناعۇرلىم ماڭىزدى ورىنعا قويىپ، تاباندىلىقپەن، ۇزاق ۋاقىت ەڭبەك ەتىپ، وسى نىسانانى بەتكە الىپ اناعۇرلىم بەلسەندىلىكپەن قۇلشىنۋىمىز كەرەك“.
ءبىر ماڭىزدى ەرەكشەلىك:
حالىقتىڭ قامىن ويلاۋ مەن جوعارى دەڭگەيدە جوبالاۋدىڭ بىرلىگى
بيىل 3 - ايدا ورتالىق كوميتەتتىڭ ساياسي بيۋروسى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ ”14 - بەسجىلدىق“ جوبا ۇسىنىسىن قاراپ، حۇجاتتى جازۋ گرۋپپاسىن قۇرۋىن ۇيعارعاننان باستاپ؛ 10 - ايدىڭ 29 - كۇنى بەسىنشى جالپى ءماجىلىس جابىلعانعا، جالپى ءماجىلىستىڭ مازمۇنداماسى شىعارىلعانعا دەيىنگى 200دەن استام تاۋلىكتە جاسىل جاپىراقتار سارعايىپ، كوشەلەر يەن تىنىشتىقتان دىر - دۋمانعا تولىپ، جۇڭگونىڭ بايتاق دالاسى تالاي سۇراپىلدى باستان كەشىردى.
باس شۋجي شي جينپيڭ حۇجاتتى جازۋ گرۋپپاسىنىڭ باستىعى مىندەتىن ارقالادى. جازۋ قىزمەتى رەسمي باستالعان ساتتە، ىندەتتەن ساقتانۋ - تىزگىندەۋ جاعدايى ءالى دە اۋىر ەدى. ۇلتتىڭ گۇلدەنۋ ءىرى ىسىنە ساياتىن ستراتەگيالىق جوسپار ”شايقاس دابىلىن“ تياناقتىلىقپەن قاقتى.
3 - ايدا ۋحانعا باردى، 4 - ايدا جىجياڭعا باردى، 5 - ايدا شانشيگە باردى، 6 - ايدا نيڭشياعا ساپارلادى، 7 - ايدا سولتۇستىكتەگى جيلينگە باردى، 8 - ايداعى شىلىڭگىر ىستىقتا انحۇيعا باردى، 9 - ايدا وڭتۇستىكتەگى حۋنانعا باردى، 10 - ايدا گۋاڭدۇڭعا ۇشتى... جەرگىلىكتى ورىنداردا تەكسەرۋ - زەرتتەۋ جۇرگىزىپ، ”14 - بەسجىلدىق“ جوبا ۇسىنىسىن جاساۋعا مول امالي مىسالدار دايىندادى.
7 - ايدىڭ اياق شەنىنەن 9 - ايدىڭ اياق شەنىنە دەيىن، باس شۋجي شي جينپيڭ ىلگەرىندى - كەيىندى جەلىلەس اڭگىمە ماجىلىستەردى باسقارىپ اشتى. ماماندار - وقىمىستىلار، كاسىپكەرلەر، عالىمدار، جۇك تاسىمال شوفەرلەرى، اسحانا قوجايىندارى، شارۋالار، جۇمىسشىلار سياقتى ءار سالا ۋاكىلدەرى جيىن زالىنا كەلدى. ول تالاي رەت جوعارى دەڭگەيدە جوبالاۋ مەن حالىقتىڭ قامىن ويلاۋدى بىرلىككە كەلتىرىپ، ءار جاقتىڭ ءۇنىن زەيىن قويا تىڭداپ، حالىقتىڭ ويلاعانىن، ءۇمىتىن ۇعىنۋ كەرەك دەپ باسا دارىپتەدى.
عالىمدارمەن اڭگىمە ماجىلىستە دارىندى تاقىرىبى قىزۋ ءتۇيىن بولدى. كوپشىلىكتىڭ ۇسىنىس ءسوزىن تىڭداپ، باس شۋجي شي جينپيڭ بارلىعىن ءوز باسىنان كەشىرگەندەي اسەردە بولدى: ”مەملەكەتتىڭ عىلىم - تەحنيكادا جاڭالىق اشۋىنىڭ ءتۇبىرلى قاينارى ادامدا. ادام باۋلۋ اعاش باپتاۋدان دا قيىن، ۇزاق ۋاقىت كەتەتىن ءىس“. ”بۇل ماسەلەدە، ءبىز تاعى دا زور قادام باسۋىمىز، اناعۇرلىم اشىق، اناعۇرلىم يكەمدى مەحانيزم ەنگىزۋىمىز كەرەك“.
ۇسىنىس نۇسقاسىنىڭ تاقىرىپشالار ءبولىمى جالپى جاقتان جاڭا دامۋ ۇستانىمىنىڭ مازمۇنى بويىنشا ۇيىمداستىرىلىپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋ مەن رەفورما جاساۋ، ەسىك اشۋدىڭ ءتۇيىندى مىندەتتەرى سالاعا ءبولىنىپ باياندالىپ، 12 ءبولىم ورنالاستىرىلدى، مۇندا عىلىم - تەحنيكادا جاڭالىق اشۋ باسقى ورىندى يەلەدى.
”جاڭالىق اشۋدىڭ ەلىمىزدىڭ وسىزامانداندىرۋ قۇرىلىسىنىڭ جالپى جاعدايىنداعى وزەكتى ورنىنا تاباندى بولۋ“، ”عىلىم - تەحنيكادا ءوز كۇشىنە سۇيەنۋدى، ءوزىن قۇدىرەتتەندىرۋدى مەملەكەت دامۋىنىڭ ستراتەگيالىق تىرەگى ەتۋ“... اعىن ورتاسىندا قۇلشىنا ەسكەن وزادى. جاڭالىق اشۋ، جۇڭگونىڭ زىمىراۋىنىڭ ”ۇدەۋ تەتىگىن“ باستى.
حۇجاتتىڭ جازىلۋ بارىسى ەلىمىزدىڭ 5 جىلدىق جوبا جاساۋ تاريحىندا تۇڭعىش رەت ”ينتەرنەتتە اقىل - كەڭەس جيناۋدى“ باستادى، ينتەرنەت قولدانۋشىلار ءبىر ميلليوننان استام لەبىز قالدىردى. اۋدان قالاشىعىنداعى الەۋمەتتىك اۋماق قىزمەتكەرى ”ءىرى ساندى مالىمەت ارقىلى زەردەلى الەۋمەتتىك اۋماق قۇرۋدى“ ۇسىندى؛ تاۋ قويناۋىنداعى قىستاق ياچەيكا شۋجيى ”قىستاق، قالاشىق كادرلارىندا اناعۇرلىم كوپ سىرتقا شىعىپ ۇيرەنۋ، اۋىس - كۇيىس جاساۋ ورايى بولۋىن“ ءۇمىت ەتتى؛ وقۋ تاۋىسىپ اۋىلىنا قايتىپ شارۋاشىلىق قۇرعان جاس ”اق قالعان جەرلەردى اينالىسقا سالۋدى“ ءۇمىت ەتتى...
ءجۇز ميلليونداعان حالىق بىرگە قاتىناسىپ، بىرگە كۋا بولىپ، بىرگە ىلگەرىلەتىپ، جاڭا ساپاردا تەلەگەي كۇش توپتادى. باس شۋجي شي جينپيڭ ۇسىنىس نۇسقاسىنىڭ جازىلۋى جونىندە تۇسىنىك جاساعاندا بىلاي دەپ باسا دارىپتەدى: ”حۇجاتتى جازۋ گرۋپپاسى ءار جاقتىڭ پىكىرى مەن ۇسىنىستارىن ءبىر - بىرلەپ تالداپ، قابىلداۋعا بولاتىندارىن مۇمكىندىگىنشە قابىلداۋدى جۇزەگە اسىردى، ۇسىنىس نۇسقاسىندا 366 جەردە كوبەيتىپ، وزگەرتىپ جازىپ، ءسوز - سويلەمدەردى ىقشامداپ، ءار جاقتىڭ پىكىرى مەن ۇسىنىستارىنان 546سىن قامتىدى. بۇل ەلىمىزدىڭ پارتيا ىشىندەگى دەموكراتياسىنىڭ جانە سوتسياليستىك دەموكراتياسىنىڭ جاندى امالياتى“.
4 كۇندىك جالپى ماجىلىستە، كوپ رەت گرۋپپاعا ءبولىنىپ تالقىلاۋ ورنالاستىرىلدى. ماجىلىسكە قاتىناسقان جولداستار ىنتالى ءسوز سويلەپ، ماماندىق كوز ايامەن حۇجات نۇسقاسىن قايتا - قايتا وي ەلەگىنەن وتكىزدى. مەملەكەتتىڭ كەلەشەك تاعدىرىنا ساياتىن ىستەر دە ءاربىر جەكەنىڭ ءىسى، ءار ادام تۇگەلدەي كەلەلى جاۋاپكەرشىلىك ارقالايدى.
جيىن زالىنداعى ءسوز مىنبەرىنەن ادام اياعى ۇزىلگەن جوق. كەيدە الدىڭعى ادام سويلەپ بولماي جاتىپ، كەي جولداستار قاسىنا بارىپ وتىرىپ كەلەسى ءسوز كەزەگىن توستى؛ كەيدە الدىڭعى ادام ءسوز سويلەپ بولا سالىسىمەن، جيىن زالىنداعى بىرنەشە ادام تەڭ ورىندارىنان قوزعالدى. ماجىلىسكە قاتىناسقان كەي جولداستار تىڭداپ وتىرىپ جاڭا وي ءتۇسىپ، ءسوزىن اياقتاپ بولىپ كوپ وتپەي ”تاعى دا ءبىراز سويلەۋدى“ ايتتى.
ورتالىقتاعى باسشى جولداستار ءاربىر گرۋپپاعا بارىپ پىكىر - ۇسىنىستاردى تىڭدادى، كەيدە كوپشىلىكپەن بىرگە پىكىر الماستىرىپ، تالقى جۇرگىزدى. ءبىر نيەتپەن جۇمىلىپ ىندەتكە قارسى تۇرۋدىڭ ۇلى ارەكەتىندە ەكونوميكالىق كورسەتكىش ءتيىمسىز جاعدايدا ارتىپ الدىمەن قيىنشىلىق قىسپاعىنان شىقتى، ەل ءىشى - سىرتىنداعى سىن - سايىس الدىندا ”توبەسىنەن تايشان تاۋى باسسادا بەلى بوسامادى“... ءماجىلىس زالىنىڭ ءار تۇكپىرى ءبىر تىلەكپەن ۇندەسىپ جاتتى. ناتيجە وبيەكتيۆ تۇردە ايتىلدى، ماسەلە تەرەڭ تىلگە الىندى، ۇسىنىستار ءدال تاۋىپ قويىلدى.
قىسقا عانا 4 كۇندە ۇسىنىس نۇسقاسىن جازۋ جونىندە تۇسىنىكتەمە جاساپ، گرۋپپالارعا ءبولىنىپ تالقىلاپ، پىكىر - ۇسىنىستاردى جيناقتاپ، ۇسىنىس نۇسقاسىنا وزگەرىس ەنگىزىپ، «ۇسىنىستى (وزگەرىس ەنگىزىلەتىن نۇسقاسى)» تالقىلاپ ءارى قايتالاي وزگەرتتى، ەڭ سوڭىندا داۋىسقا سالىپ ماقۇلدادى. ءار بۋىندى ساتىلار بويىنشا ىلگەرىلەتىپ، ءاربىر دەموكراتيالىق ءتارتىپتى قاتاڭ اتقاردى. باس شۋجي شي جينپيڭ ايتقانداي: ”وسى رەتكى ۇسىنىس نۇسقاسىن جازۋدىڭ ماڭىزدى ەرەكشەلىگى − دەموكراتيانى ساۋلەلەندىرۋگە، اشىق كەڭەس الۋعا، كوپتىڭ پاراساتىن ساۋلەلەندىرۋگە تاباندى بولۋ“.
ءساتتى باستاپ، تاماشا اياقتاتىپ، تىڭعىلىقتى ىستەپ، تياناقتى ناتيجەگە قول جەتكىزدى:
ءۇش ”جاڭا دامۋ“ نەگىزگى ارقاۋدى قۇرادى
ۋاقىتتىڭ بارلىعىن قايدا جۇمسادى؟
”13 - بەسجىلدىقتىڭ“ 5 جىلى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ ساتىنە ءدال كەلىپ، ۋاقىت سان وزگەرىسى ارقىلى ساپا وزگەرىسىن توپتاۋعا جۇمسالدى. جۇڭگونىڭ ءار سۇيەم جەرىندەگى حالىق، ءاربىر تاۋ - قىراتتار، ءاربىر وزەن بارلىعى وزگەرۋدە.
بەسىنشى جالپى ءماجىلىس اشىلۋ الدىندا ورتالىق كوميتەت ساياسي بيۋروسىنىڭ تۇراقتى كوميتەتى جۇڭنانحايدا ءماجىلىس اشىپ، ”13 - بەسجىلدىق“ جوبانىڭ اتقارىلۋىن قورىتىندىلاۋ، باعالاۋ مالىمەتىن تىڭدادى. 60 نەشە جىلدىڭ الدىندا ”1 - بەسجىلدىق“ جوسپاردى اتقارعاننان قازىرگە دەيىن، مۇنداي ءماجىلىس ۇنەمى كەزدەسە بەرمەيدى. ”بەلگىلەنگەن قىزمەت ورنالاستىرۋلارىن سوڭىنا دەيىن مىقتاپ يگەرىپ، ءساتتى باستاپ، تاماشا اياقتاتۋ كەرەك“. بۇل باس شۋجي شي جينپيڭنىڭ قىزمەت ستيلى.
”13 - بەسجىلدىقتىڭ“ ەڭ سوڭعى ءبىر جىلى بوران - شاشىندى، اسقاق ارماندى، شۇعىلالى جىل بولدى. جالپى ءماجىلىس باس شۋجي شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى. باياندامادا، ول: ”پارتيا 19 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن بەرى، پارتيا مەن مەملەكەت اسا وزگەشە بارىستى باسىپ ءوتتى“ دەپ باعالادى.
دۇلەي تولقىن الدىندا بولاتتاي بەرىك بولدى، حاۋىپ - قاتەر، سىن - سايىستا ءجون سىلتەپ، قولباسشىلىق جاسادى. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى حالىقتى باستاپ، تالاي رەت قيان - كەسكى شايقاستىڭ جەڭىسىنە قول جەتكىزىپ، تالاي حاۋىپ - قاتەرگە قارسى تۇرىپ، جەڭىستەن جەڭىستەرگە قول جەتكىزدى.
ءبىر نازىك بۋىننان جۇڭگو كوممۋنيستەرىنىڭ پارتيا ستيلىن، ۇكىمەت ستيلىن كورۋگە بولادى.
ءماجىلىس ورنى تۇرعان جيڭشي قوناق ۇيىنەن تازا دا قاراپايىم ءماجىلىس ستيلى مەن مۇندالايدى. ماجىلىسكە قاتىناسقان جولداستاردىڭ بولمەسى وتە قاراپايىم، اسحانا كوپ شارالاردى قاتار قولدانۋ ارقىلى ىسىراپشىلدىقتىڭ الدىن الدى، تاماقتانۋدا ”اس اسىرماۋ ارەكەتىن“ اتقاردى. بۇرىنعى پاتشالىقتارعا كوز جىبەرسەك، ۇقىپتى، ۇنەمشىل بولعاندا گۇلدەنگەن، ىسىراپشىلدىق، قياناتشىلدىق بولعاندا كۇيرەگەن. باس شۋجي شي جينپيڭ تاياۋدا اس - سۋ ىسىراپشىلدىعىن تيۋ جونىندە ماڭىزدى نۇسقاۋ بەردى. ول: ”بۇرىن پارتيامىز قاجىرلىلىقپەن كۇرەس جۇرگىزۋگە، ۇقىپتى، ۇنەمشىل بولۋعا سۇيەنىپ تولاسسىز ۇلى ىستەر تىندىرعان ەدى، قازىر دە ءبىز وسىنداي يدەيامەن قىزمەتكە جەتەكشىلىك ەتۋىمىز كەرەك. پارتيا مەن ۇكىمەت ۇنەمشىلدىكپەن تۇرمىس كەشىردى، ونداعى ماقسات حالىقتى جاقسى تۇرمىسقا كەنەلتۋ ءۇشىن، مۇنى پارتيامىزدىڭ باستى ماقساتى مەن سيپاتى بەلگىلەگەن“ دەپ تەرەڭ ماعىنالى تاپسىرما بەردى.
10 - ايدىڭ 29 - كۇنى تۇستەن كەيىن جالپى ءماجىلىستىڭ ەكىنشى جالپى جيىنى حالىق سارايىندا اشىلدى.
”بۇگىن تۇستەن كەيىنگى جالپى جيىننىڭ 2 كەڭەستىك ءتارتىبى بار“. باس شۋجي شي جينپيڭنىڭ ءۇنى بۇكىل زالدى كەرنەدى.
”قازىر ءبىرىنشى كەڭەستىك ءتارتىپتى باستايمىز، «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن (جوبا)» قاراپ ماقۇلدايمىز“.
ماجىلىسكە قاتىناسقان ورتالىق كوميتەت ساياسي بيۋروسىنداعى جولداستار مەن ماجىلىسكە قاتىناسقان بارلىق ورتالىق كوميتەت مۇشەلەرى وڭ قولدارىن كوتەردى.
”ماقۇلداندى!“. باس شۋجي شي جينپيڭ سالماقتى تۇردە جاريالادى.
”ەندى ەكىنشى كەڭەستىك ءتارتىپتى باستايمىز، «جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ مازمۇنداماسىن (جوبا)» قاراپ ماقۇلدايمىز“.
مازمۇندامانى دا داۋىسقا سالىپ ءبىر اۋىزدان ماقۇلدادى. شاتىرلاعان شاپالاق ءۇنى كوتەرىلدى.
باس شۋجي شي جينپيڭ بىلاي دەپ باسا دارىپتەدى: ”جالپى ءماجىلىس ماقۇلداعان «ۇسىنىس» − جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدىڭ، ەكىنشى 100 جىلدىق كۇرەس نىساناسىنا قاراي جورىق جاساۋدىڭ تۇعىرنامالىق حۇجاتى، بۇدان كەيىنگى 5 جىلداعى، ءتىپتى، ونان دا ۇزاق مەزگىلدەگى ەلىمىزدىڭ ەكونوميكالىق، قوعامدىق دامۋىنىڭ ارەكەت باعدارناماسى. كەزەكتە جانە بۇدان كەيىنگى ءبىر مەزگىلدەگى بۇكىل پارتيانىڭ، بۇكىل ەلدىڭ ماڭىزدى ءبىر ساياسي مىندەتى − وسى رەتكى جالپى ءماجىلىستىڭ رۋحىن ۇيرەنىپ، دايەكتىلەندىرىپ، «ۇسىنىستا» بەلگىلەنگەن ءتۇرلى شەشىمدەردى، ورنالاستىرۋلاردى جانە قىزمەت تالاپتارىن ناقتاپ تياناقتاندىرۋ بولىپ تابىلادى“.
جاڭا دامۋ كەزەڭى، جاڭا دامۋ ۇستانىمى، جاڭا دامۋ ارناسى، وسى تۇعىرنامالىق حۇجات وزگەرۋ مەن وزگەرمەۋدىڭ قاتىناسىن تەرەڭ مەڭگەرگەن، مازمۇنى باي، يدەياسى تەرەڭ.
جاڭا دامۋ كەزەڭىن جاپپاي يگەردى −
”13 - بەسجىلدىق“ مەزگىلى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەتىن كەزەڭ. جۇڭحۋا ۇلتىن نەشە مىڭ جىلدار بويى مازالاپ كەلگەن مۇلدەم كەدەيلىك ماسەلەسى تاريحي شەشىم تاۋىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىندە شەشۋشى سيپاتتى تابىستارعا قول جەتەدى.
جاپپاي دوڭگەلەك داۋلەتتى قوعام ورناتىپ، جاپپاي سوتسياليستىك وسىزاماندانعان مەملەكەت قۇرۋعا ءتيىمدى شارت - جاعداي ازىرلەدى. باس شۋجي شي جينپيڭ بىلاي دەپ باسا دارىپتەدى: ”جاڭا دامۋ كەزەڭى جاپپاي سوتسياليستىك وسىزاماندانعان مەملەكەت قۇرىپ، ەكىنشى 100 جىلدىق كۇرەس نىساناسىنا قاراي جورىق جاسايتىن كەزەڭ. بۇل ەلىمىزدىڭ دامۋ ۇدەرىسىندە بەلەستىك مانگە يە“. ”جاڭا دامۋ كەزەڭىنە قادام تاستاۋ − جۇڭحۋا ۇلتىنىڭ ۇلى گۇلدەنۋىنىڭ تاريحي ۇدەرىسىندەگى زور سەكىرىپ ىلگەرىلەۋ“.
جاڭا دامۋ ۇستانىمىن جاپپاي دايەكتىلەندىردى −
وتكەندەگى ۇزاق ءبىر مەزگىلدە GDPدىڭ ارتۋ قارقىنى تۇگەلدەي ەلىمىزدىڭ 5 جىلدىق جوباسىنىڭ ”دريجەر تاياقشاسى“ بولدى. ”13 - بەسجىلدىق“ مەزگىل جاڭا دامۋ ۇستانىمى سىندى نەگىزگى ارقاۋدى تۇتاس بارىسىنا ساباقتاستىرعان 5 جىل بولدى، ەكونوميكالىق دامۋ ”بار ما، جوق پا“ دەۋدەن ”جاقسى ما، جامان با“ دەۋگە قاراي وزگەردى.
ۇسىنىس نۇسقاسى مىنالاردى ورتاعا قويدى: ”14 - بەسجىلدىق“ مەزگىلىندە ەكونوميكالىق، قوعامدىق دامۋ جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋى كەرەك، بۇل ەلىمىزدىڭ دامۋ كەزەڭىنىڭ، دامۋ ورتاسىنىڭ، دامۋ شارت - جاعدايىنىڭ وزگەرىسىنە قاراي جاسالعان عىلمي تۇجىرىم. ”ءسوز جوق، باسا دارىپتەۋگە ءتيىستىسى، جاڭا ءداۋىر، جاڭا كەزەڭدەگى دامۋ، ءسوز جوق، جاڭا دامۋ ۇستانىمىن دايەكتىلەندىرۋى، ءسوز جوق، جوعارى ساپالى دامۋ بولۋى كەرەك“.
جاڭا دامۋ ارناسىن قالىپتاستىرۋعا كۇش سالدى −
ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋدى ۇسىنىس نۇسقاسىنا ەنگىزدى. باس شۋجي شي جينپيڭ بىلاي دەپ اتاپ كورسەتتى: ”جاڭا دامۋ ارناسىن قالىپتاستىرۋ − داۋىرمەن بىرگە ىلگەرىلەپ، ەلىمىزدىڭ ەكونوميكالىق دامۋ دەڭگەيىن جوعارىلاتۋداعى ستراتەگيالىق تالعام، سونداي - اق ەلىمىزدىڭ حالىقارالىق ەكونوميكالىق سەلبەستىك پەن باسەكەدەگى جاڭا باسىمدىعىن تۇلعالاۋداعى ستراتەگيالىق تالعام“.
”ەلىمىزدە ءبىر ميلليارد 400 ميلليون حالىق بار، جان باسىندىق ىشكى ءوندىرىس جالپى ءونىم قۇنى 10 مىڭ دوللاردان استى، دۇنيە جۇزىندەگى ەڭ ۇلكەن جانە كومەسكى كۇشى ەڭ زور تۇتىنۋ بازارى، اسا زور ارتۋ كەڭىستىگى بار. رەفورما جاساپ، ەسىك اشقاننان بەرى، ءبىز كوپتەگەن سىرتقى حاۋىپ - قاتەر سوققىسىنا ۇشىرادىق، اقىرىندا بارلىق حاۋىپتى جويدىق، مۇندا ءوز ىستەرىمىزدى جاقسى ىستەپ، دامۋدىڭ تياناعىن ەل ىشىنە قويۋعا سۇيەندىك“.
...
”وسىنداي ءبىر مەملەكەتتى جونگە سالۋ وڭاي ەمەس، ءسوز جوق، بيىككە شىعىپ الىسقا كوز تاستاۋ ءارى، ءسوز جوق، تياناقتى ىستەۋ كەرەك“. باس شۋجي شي جينپيڭنىڭ وسى ءسوزى جۇڭگونىڭ جاڭا ساپاردا جاڭا كەرەمەتتەردى جاراتۋىنىڭ ”قۇپيا سيفرى“.
”1 - بەسجىلدىق جوسپاردان 14 - بەسجىلدىق جوباعا دەيىن باستان - اياق ساباقتاسقان نەگىزگى تاقىرىپ − ەلىمىزدى سوتسياليستىك وسىزاماندانعان مەملەكەت ەتىپ قۇرىپ شىعۋ“. جاڭا جۇڭگونىڭ قۇرىلۋىنان رەفورما جاساۋ، ەسىك اشۋعا دەيىن، ودان ارى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە دەيىن بىرنەشە ۇرپاق ادام قاجىماي - تالماي ۇمتىلىپ، ۇزدىكسىز كۇرەس جاسادى. سوتسياليستىك وسىزاماندانعان مەملەكەت قۇرۋ جىگەرى مەن بەكىمىنەن ەشقاشان اينىعان جوق.
باس شۋجي شي جينپيڭ سالتاناتتى تۇردە بىلاي دەپ جاريالادى: ”ءبىز جاپپاي دوڭگەلەك داۋلەتتى قوعام ورناتۋ، كەدەيلىكتەن ارىلتۋدان قامال الۋدىڭ مىندەتتەرىن ورىنداۋ، ءبىرىنشى 100 جىلدىق كۇرەس نىساناسىن جۇزەگە اسىرۋ الدىندا تۇرمىز، كەلەر جىلدان باستاپ ەكىنشى 100 جىلدىق كۇرەس نىساناسىنا قاراي جورىق جاسايمىز“.
جۇڭحۋا ۇلتىنىڭ ۇزاق جىلدىق ۇلى ىسىندە 100 جىل ءدال تولىقسي ارىنداعان ساتكە تۋرا كەلەدى.
(شينحۋا اگەنتتىگىنىڭ 10 - ايدىڭ 30 - كۇنى بەيجيڭنەن بەرگەن حابارى)
