تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جەتكىزدى، ۇيرەندى

  جالپى ءماجىلىس رۋحىن ۇيرەنۋدى، ۇگىتتەۋدى، دايەكتىلەندىرۋدى ماڭىزدى ساياسي مىندەت ەتىپ، جاپپاي سوتسياليستىك وسىزاماندانعان مەملەكەت قۇرۋعا بەلسەندى ۇلەس قوسايىق

  چىن چۋانگو ءماجىلىستى باسقاردى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ شيڭرۇي 10 - ايدىڭ 30 - كۇنى حابارلايدى. 10 - ايدىڭ 30 - كۇنى اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جەتكىزدى، ۇيرەندى، جالپى ءماجىلىس رۋحىن ۇيرەنۋدى، دايەكتىلەندىرۋدى ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسى − جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋ الدىندا تۇرعان، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالۋ الدىندا تۇرعان ماڭىزدى تاريحي ساتتە اشىلعان ءبىر رەتكى توتەنشە ماڭىزدى ءماجىلىس. جالپى ءماجىلىس پارتيا 19 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن بەرگى ورتالىق كوميتەت ساياسي بيۋروسىنىڭ قىزمەتىن تولىق تۇراقتاندىرىپ، «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» قاراپ ماقۇلدادى. باس شۋجي شي جينپيڭ ماڭىزدى بايانداما جاسادى، ماڭىزدى ءسوز سويلەدى ءارى «ۇسىنىس (تالقىلاناتىن نۇسقا)» جونىندە تۇسىنىك جاسادى. «ۇسىنىس» بولاشاق 5 جىلداعى، ءتىپتى ونان دا ۇزاق ۋاقىتتاعى دامۋعا كوز جىبەرىپ، دامۋ جوسپارىن كارتينالاپ، امالياتتىق جولىن جوبالاپ، ستراتەگيالىق ورنالاستىرۋ جاسادى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بيىكتە تۇرىپ الىستى كوزدەگەن، جالپى جاعدايدى جالپىلاي مەڭگەرەتىن، بولاشاقتى كوزدەپ ەگجەي - تەگجەيلى تولعانىس جاساعان، جوبا - جوسپار جاساعان ستراتەگيالىق كورەگەندىگى مەن ستراتەگيالىق تاباندىلىعىن تولىق بەينەلەدى، ول جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋدەگى تۇعىرنامالىق حۇجات بولىپ، سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا كەلەلى رەال ماڭىز جانە تەرەڭ تاريحي ماڭىز الادى. بۇكىل رايونداعى ءار دارەجەلى تاراۋلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، «ۇسىنىستاعى» جايعاستىرۋلارمەن، ورنالاستىرۋلارمەن بىرلىككە كەلتىرىپ، ءبىر نيەت، ءبىر تىلەكپەن جۇمىلىپ، قايسارلىقپەن كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە بەلسەندى ۇلەس قوسۋ كەرەك.

  بىرىنشىدەن، ىشكەرىلەي ۇيرەنىپ، ۇعىنىپ، يدەيا مەن ارەكەتتى بىرلىككە كەلتىرۋ كەرەك. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى كەزەكتەگى جانە بۇدان بىلايعى ءبىر مەزگىلدەگى ماڭىزدى ساياسي مىندەت ەتىپ، ۇزدىكسىز ىشكەرىلەي ۇيرەنىپ، قانىق ءبىلىپ، تولىق ءتۇسىنىپ، ءىس جۇزىندىكپەن بىرلەستىرە ۇيرەنىپ، باس شۋجي شي جينپيڭنىڭ ماڭىزدى ءسوزىنىڭ وزەكتى ءمانى مەن رۋحاني ءمانىن جالپى بەتتىك ءتۇسىنىپ، يگەرىپ، جاپپاي دوڭگەلەك داۋلەتتى قوعام ورناتۋدىڭ جەڭىسىنە قول جەتكىزۋدەگى شەشۋشى تابىستاردى تەرەڭ ءتۇسىنىپ، ەلىمىز دامۋ ورتاسى ءدوپ كەلىپ وتىرعان تەرەڭ دە كۇردەلى وزگەرىستەردى تەرەڭ ءتۇسىنىپ، سوتسياليستىك وسىزاماندانۋدى نەگىزىنەن جۇزەگە اسىرۋ بولاشاقتىق نىساناسىن تەرەڭ ءتۇسىنىپ، ”14 - بەسجىلدىق“ كەزىندەگى ەكونوميكالىق، قوعامدىق دامۋدىڭ جەتەكشى يدەياسىن، باستى نىساناسىن، ستراتەگيالىق ورنالاستىرۋىن جانە، ءسوزسىز، بويسۇنۋعا ءتيىستى پرينسيپتەرىن تەرەڭ ءتۇسىنىپ، وسكەلەڭ يدەيالىق سانالىلىقپەن، ساياسي سانالىلىقپەن، ارەكەت سانالىلىعىمەن تەرەڭدەي ۇيرەنىپ، جەتە تۇسىنۋگە، ساناعا ءسىڭىرىپ، كوكەيگە ۇيالاتۋعا كۇش سالىپ، قانىق بىلۋگە، تولىق تۇسىنۋگە كۇش سالىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحى ارقىلى شىن مانىندە يدەيانى بىرلىككە كەلتىرۋ، امالياتقا جەتەكشىلىك ەتۋ، قىزمەتتى ىلگەرىلەتۋ كەرەك.

  ەكىنشىدەن، تىعىز بىرلەستىرۋگە، ورگانيكالى بىرلىككە كەلتىرۋگە تاباندى بولۋ كەرەك. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋمەن، ۇگىتتەۋمەن، دايەكتىلەندىرۋمەن تىعىز بىرلەستىرۋگە، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋمەن، تياناقتاندىرۋمەن تىعىز بىرلەستىرۋگە تاباندى بولىپ، ۇيرەنۋدى، وي جۇگىرتۋدى، قولدانۋدى ساباقتاستىرىپ، تانىمدى، سەنىمدى، ارەكەتتى بىرلىككە كەلتىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.

  ۇشىنشىدەن، كەڭ كولەمدە ۇگىتتەپ، ۇگىت - لەكسيا جاساپ، جاندى دا جالىندى بەينە قالىپتاستىرۋ كەرەك. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋدىڭ، دايەكتىلەندىرۋدىڭ قىزۋ ورلەۋىن جەدەل كوتەرىپ، ”14 - بەسجىلدىقتا“ كۇرەس جۇرگىزۋدىڭ، جاڭا جورىقتا ەكپىندەي ىلگەرىلەۋدىڭ قۋاتتى كۇشىن ۇيىستىرۋ كەرەك. ءار دارەجەلى، ءار ءتۇرلى اقپارات دانەكەرلەرىنەن تولىق پايدالانىپ، اقپارات دانەكەرلەرىنىڭ توعىسۋ ابزالدىلىعىن ساۋلەلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن كوپ تىلدە، جان - جاقتىلى، ستەرەولدى تۇردە ويداعىداي ۇگىتتەپ، ۇيرەنۋدىڭ، دايەكتىلەندىرۋدىڭ جاندى دا جالىندى بەينەسىن جەدەل قالىپتاستىرۋ كەرەك. باي مازمۇندى، فورماسى ءار الۋان ۇگىت - لەكسيانى بەلسەنە ورىستەتىپ، دالمە - ءدال بولۋىن، قۇزىرلى بولۋىن يگەرۋمەن بىرگە، باعىتتامالىلىعىن، ناقتى ونىمدىلىگىن كۇشەيتىپ، كاسىپورىندارعا، اۋىل - قىستاقتارعا، ورگاندارعا، مەكتەپتەرگە، الەۋمەتتىك اۋماقتارعا، ينتەرنەتكە ەنگىزۋ كەرەك.

  تورتىنشىدەن، ءونىمدى ۇشتاستىرۋدى، عىلمي جوبا جاساۋدى ويداعىداي ىستەۋ كەرەك. «ۇسىنىس» رۋحىن ىشكەرىلەي دايەكتىلەندىرىپ، شينجياڭ قىزمەتىنىڭ ءىس جۇزىندىگىمەن تىعىز بىرلەستىرىپ، جوعارى دەڭگەيلى جوبالاۋدى كۇشەيتۋ مەن حالىقتان اقىل - كەڭەس الۋعا تاباندى بولۋدى بىرلىككە كەلتىرىپ، نىسانانى باعدار ەتۋ مەن ماسەلەنى باعدار ەتۋدى ءوزارا بىرلەستىرۋگە، جالپى بەتتىك جوبالاۋ مەن ءتۇيىندى كورنەكتىلەندىرۋدى ءوزارا بىرلەستىرۋگە تاباندى بولىپ، كورەگەندىكپەن وي جۇگىرتۋدى، جالپى جاعداي تۇرعىسىنان جوسپارلاۋدى، ستراتەگيالىق ورنالاستىرۋدى، تۇتاس تۇلعالىق ىلگەرىلەتۋدى كۇشەيتىپ، اۆتونوميالى رايوننىڭ ”14 - بەسجىلدىق“ مەزگىلىندەگى دامۋ نىساناسىن، وي جەلىسىن، شاراسىن عىلمي جوبالاپ، جوعارى ورەدەگى جوبا ارقىلى جوعارى ساپالى دامۋعا جەتەكشىلىك ەتۋ كەرەك.

  بەسىنشىدەن، باتىل دايەكتىلەندىرىپ، تياناقتاندىرىپ، قىزمەتتىڭ جاڭا جاعدايىن اشۋ كەرەك. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ قۋاتتى قوزعاۋشى كۇشىنە جانە ءىس جۇزىندىك ارەكەتىنە اينالدىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، قوعامدىق كەلەلى جاعدايدىڭ باياندى ورنىقتىلىعىن، ۇزاق ۋاقىت ورنىقتىلىعىن ساقتاپ، حالىق تۇرمىسىنا تىعىز جاناسىپ، ەكونوميكانىڭ جوعارى ساپالى دامۋىن ىلگەرىلەتىپ، ءتۇرلى قىزمەتتەردە تىڭ ناتيجە جاراتۋدى، جاڭا جاعداي اشۋدى ىلگەرىلەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ نىسانالارىن، مىندەتتەرىن دەر كەزىندە ورىنداۋعا شىنايى كەپىلدىك ەتىپ، ”13 - بەسجىلدىقتى“ تابىستى اياقتاتىپ، ”14 - بەسجىلدىقتى“ ءساتتى باستاۋعا بەرىك نەگىز قالاۋ كەرەك.

  شوكىرات زاكىر، شاۋكەت يمىن، نۇرلان ءابىلماجىن، لي پىڭشين، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.