تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

  جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسى تۋرالى پىكىر الدى

    جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

  شي جينپيڭ باسقاردى ءارى ماڭىزدى ءسوز سويلەدى

  لي كىچياڭ، ۋاڭ ياڭ، ۋاڭ حۋنيڭ، حان جىڭ قاتىناستى

  شينحۋا اگەنتتىگىنىڭ 10 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى 8 - ايدىڭ 25 - كۇنى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسى تۋرالى ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىستى باسقاردى ءارى ماڭىزدى ءسوز سويلەپ، بىلاي دەپ باسا دارىپتەدى: ”14 - بەسجىلدىق“ مەزگىلى − ەلىمىزدىڭ جاپپاي دوڭگەلەك داۋلەتتى قوعام ورناتقاننان، ءبىرىنشى 100 جىلدىق كۇرەس نىساناسىن جۇزەگە اسىرعان سوڭ، قولايلى ساتتە العا ۇمتىلىپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايتىن، ەكىنشى 100 جىلدىق كۇرەس نىساناسىنا قاراي جورىق جاسايتىن العاشقى 5 جىل. الدىمىزعا قويىلعان تاريحي تاقىرىپ − جوعارى دەڭگەيدە جوبالاۋ مەن عىلمي جوسپارلاۋدى كۇشەيتىپ، جۇڭگو كوممۋنيستىك پارتياسى 19 - قۇرىلتايى جاساعان ستراتەگيالىق ورنالاستىرۋدى ۇزدىكسىز دايەكتىلەندىرىپ، تياناقتاندىرىپ، ورتا، ۇزاق مەرزىمدىك دامۋ جوباسى ۇسىنىسىن ويداعىداي جاساپ، بۇكىل پارتيانىڭ، بۇكىل ەلدىڭ الداعى 5 جىل جانە ونان دا ۇزاق مەزگىلدەگى ەكونوميكالىق، قوعامدىق دامۋ قىزمەتىنە جەتەكشىلىك ەتۋ.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسكە قاتىناستى.

  جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، «3 - قىركۇيەك» ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى تاۋ جى ىركەس - تىركەس ءسوز سويلەدى. ولار شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا ەلىمىزدىڭ ”13 - بەسجىلدىق“ مەزگىلىندە ەكونوميكالىق، قوعامدىق دامۋدا قول جەتكىزگەن تابىستارعا جوعارى باعا بەرىپ، جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسى تۋرالى ويىن قۇپتادى ءارى وڭىرلىك ەكونوميكانىڭ ورنالاسۋىن ساپالىلاندىرۋ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋ، جاڭالىق اشۋ ارقىلى جەتەكشىلىك ەتۋگە تاباندى بولۋ، مەملەكەت دامۋىنىڭ ستراتەگيالىق تىرەگىن كۇشەيتۋ، ەلىمىز شەشۋشى جابدىقتارىنىڭ تەحنيكالىق زەرتتەۋ - اشۋ تىزبەگىن كەمەلدەندىرۋ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعى مەن باسەكەلىك قۋاتىن جوعارىلاتۋ، كەدەيلىكتەن ارىلتۋدان قامال الۋ تابىستارىن ۇزدىكسىز بەكەمدەۋ، سالاماتتى جۇڭگو ستراتەگياسىن اتقارۋ، كورىكتى جۇڭگو قۇرىلىسىن ىلگەرىلەتۋ، جوبانى زاڭمەن جونگە سالۋدى، باسقارۋدى كۇشەيتۋ، اشىق سەلبەستىكتى تەرەڭدەتۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ سياقتىلار جونىندە پىكىرلەرى مەن ۇسىنىستارىن ورتاعا قويدى.

  كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول، اۋەلى، جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسى تۋرالى ويلارى مەن حۇجاتتى دايىنداۋعا قاتىستى جاعدايلاردى تانىستىردى. ول بىلاي دەپ اتاپ كورسەتتى: جۇڭگو كوممۋنيستىك پارتياسى ورتالىق كوميتەتى مۇقيات زەرتتەۋ ارقىلى حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىستى اقىلداسۋدى جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ نەگىزگى تاقىرىبى ەتۋدى ۇيعاردى. بۇل جۇڭگو كوممۋنيستىك پارتياسى 19 - قۇرىلتايىنىڭ ستراتەگيالىق ورنالاستىرۋىن دايەكتىلەندىرۋدەگى، تياناقتاندىرۋداعى كەلەلى مىندەت، جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايىن جانە دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋدىڭ رەال قاجەتى، جۇڭگوشا سوتسياليزم ءتۇزىم ابزالدىلىعىن ساۋلەلەندىرەتىن ماڭىزدى جول. ”14 - بەسجىلدىق“ جوبا ۇسىنىسىن ويداعىداي جاساۋ جوبا باعدارلاماسىن جاساۋعا نەگىز ازىرلەپ، قوعامعا الداعى 5 جىلداعى ەلىمىز دامۋىنىڭ باستى نىساناسىن، الدىمەن ويلاساتىن سالالاردى، ءتۇيىندى مىندەتتەردى اڭعارتادى، تۇتاس قوعامدى ورتاق تانىم ۇيىستىرۋعا، كۇش - قۋات توپتاۋعا جەتەكتەۋگە پايدالى بولىپ، ەلىمىزدىڭ ەكونوميكالىق، قوعامدىق دامۋىندا جاڭا دا اناعۇرلىم زور تابىستارعا ۇزدىكسىز قول جەتكىزۋدى ىلگەرىلەتەدى.

  شي جينپيڭ بىلاي دەپ باسا دارىپتەدى: ”14 - بەسجىلدىق“ جوبا ۇسىنىسىن ويداعىداي جاساۋدا، ءسوز جوق، بىرنەشە ۇلكەن قاتىناستى ويداعىداي شەشۋ كەرەك. ءبىرىنشى، مۇراگەرلىك ەتۋ مەن جاڭالىق اشۋدىڭ قاتىناسىن ويداعىداي ءبىر جايلى ەتىپ، ”قوس 100 جىلدىق“ كۇرەس نىساناسىنىڭ ورگانيكالى ۇشتاسۋىن ويداعىداي ىستەۋ. ەكىنشى، ۇكىمەت پەن بازاردىڭ قاتىناسىن ويداعىداي ءبىر جايلى ەتىپ، ەلىمىزدىڭ ءتۇزىم ابزالدىلىعىن اناعۇرلىم ويداعىداي ساۋلەلەندىرۋ. ءۇشىنشى، اشىق ۇستاۋ مەن ءوز بيلىگى وزىندە بولۋدىڭ قاتىناسىن ويداعىداي ءبىر جايلى ەتىپ، ەل ءىشى، حالىقارا ەكى ءىرى كەلەلى جاعدايدى اناعۇرلىم ويداعىداي ءبىر تۇتاس جوسپارلاۋ. ءتورتىنشى، دامۋ مەن حاۋىپسىزدىكتىڭ قاتىناسىن ويداعىداي ءبىر جايلى ەتۋ. بەسىنشى، ستراتەگيا مەن تاكتيكانىڭ قاتىناسىن ويداعىداي ءبىر جايلى ەتىپ، بيىكتە تۇرىپ الىستى بولجايتىن، ناقتى دا جارامدى جوبا ۇسىنىسىن جاساۋ. ”13 - بەسجىلدىق“ مەزگىلىندەگى دامۋ تابىستارى مەن تاجىريبەلەرىن قورىتىندىلاپ، دامۋ ورتاسىن عىلمي تۇجىرىمداپ، جالپى تۇلعالىق وي جەلىسى مەن باستى نىسانانى ىشكەرىلەي زەرتتەپ، كەلەلى ستراتەگيالىق مىندەتتەردى دالمە - ءدال يگەرىپ، رەفورما جاساۋدى، ەسىك اشۋدى تەرەڭدەتۋدىڭ كەلەلى شارالارىن العا قويىپ، ەلەۋلى حاۋىپ - قاتەرلەرگە توتەپ بەرۋ جوباسىن بولجامپازدىقپەن دايىنداۋ كەرەك.

  شي جينپيڭ بىلاي دەپ اتاپ كورسەتتى: بيىل جىل باسىنان بەرى، ءارقايسى دەموكراتيالىق پارتيا - توپتار، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر نازاردى مەملەكەتتىڭ ەكونوميكالىق، قوعامدىق دامۋىنداعى كەلەلى ماسەلەلەرگە شوعىرلاندىرىپ، كوپتەگەن فورمالار ارقىلى قىزمەت تەكسەرىپ، تەكسەرۋ - زەرتتەۋ جۇرگىزىپ، ءبىر توپ جوعارى ساپالى تەكسەرۋ - زەرتتەۋ تابىستارىن قالىپتاستىرىپ، ”14 - بەسجىلدىق“ جوبانىڭ قۇرىلىمى جايلى ويلانۋ، مازمۇنىن ورنالاستىرۋ ءۇشىن مۇقيات دايىندىق جاسادى. 4 - ايدىڭ سوڭعى شەنىندە جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن ورتالىق كوميتەتتىڭ بىرلىكساپ ءبولىمى ارناۋلى تۇردە كوپشىلىكتەن جۇڭگو كوممۋنيستىك پارتياسى 19 - كەزەكتى ورتالىق كوميتەتى بەسىنشى جالپى ءماجىلىسىنىڭ نەگىزگى تاقىرىبى تۋرالى پىكىر، ۇسىنىس الدى، جولداستار ”14 - بەسجىلدىق“ مەزگىلىندە ەلىمىزدىڭ دامۋى ءدوپ كەلەتىن ورايلار مەن سىن - سايىستاردى ارقاۋ ەتىپ، ەكونوميكانىڭ، قوعامنىڭ ۇزدىكسىز تۇردە اقاۋسىز دامۋىن ىلگەرىلەتۋدىڭ نەگىزگى وي جەلىسى، دامۋ نىساناسى، كەلەلى ستراتەگياسى، باستى مىندەتتەرى جانە رەفورما شارالارى سياقتىلار جونىندە كوپتەگەن قۇندى پىكىرلەر مەن ۇسىنىستارىن ورتاعا قويىپ، ۇسىنىس نۇسقاسىن دايىنداۋعا ماڭىزدى پايدالانۋ ماتەريالىن ازىرلەدى. الگىندە كوپشىلىك بۇكپەسىز سويلەپ، 14 - بەسجىلدىق جوبا جانە 2035 - جىلعا دەيىنگى بولاشاقتىق نىسانا تۋرالى پىكىرلەرى مەن ۇسىنىستارىن ىلگەرىلەي وتىرىپ ورتاعا قويدى، تىڭداعاننان كەيىن ماعان تەرەڭ وي سالدى، ءبىز مۇقيات اقىلداسامىز جانە قابىلدايمىز.

  شي جينپيڭ كوپشىلىكتىڭ ۇزدىكسىز ويلانىپ، اقىلداسىپ، ۇزدىكسىز ورەلى ۇسىنىس بەرۋلەرىن ءۇمىت ەتتى. جاڭا دامۋ كەزەڭىن جەتە تانىپ، جاڭا دامۋ كەزەڭىندەگى جاڭا ەرەكشەلىكتەردى، جاڭا تالاپتاردى جەتە تانىپ، سىن - سايىستارعا بەلسەندى، ىرىقتى تۇردە سايلانىپ، كۇرەس رۋحىن اسقاقتاتىپ، حاۋىپ - قاتەردى ورايعا اينالدىرۋعا قۇلشىنىپ، جوعارى ساپالى دامۋعا ىقپال جاسايتىن ءبىر قىدىرۋ قۇرىلىمدىق، پەريودتىق، تۇزىلىستىك ماسەلەلەردى شەشىپ، دامۋدىڭ قۋاتتى، تولاسسىز جاڭا قوزعاۋشى كۇشىن جەتىلدىرىپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرۋ كەرەك. جاڭا دامۋ ۇستانىمىن جاپپاي دايەكتىلەندىرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋگە، ”ءتورتتى جاپپاي ورنالاستىرۋ“ ستراتەگيالىق ورنالاستىرۋىن سايكەستى ىلگەرىلەتۋگە تاباندى بولىپ، جوعارى دەڭگەيدە جوبالاۋ مەن ستراتەگيالىق ورنالاستىرۋدى كۇشەيتىپ، دامۋدىڭ تۇتاستىعىن، سايكەستىگىن كۇشەيتۋ كەرەك. جاڭا دامۋ ارناسىن كۇش سالا قالىپتاستىرىپ، ەلىمىزدىڭ دامۋ ورتاسىنىڭ، دامۋ كەزەڭىنىڭ، دامۋ شارت - جاعدايىنىڭ تەرەڭ وزگەرىسىنە نەگىزدەلىپ، ىشكى سۇرانىستى كەڭەيتۋ سىندى ستراتەگيالىق نەگىزگى تۇيىنگە تاباندى بولىپ، الەمدىك بايلىق فاكتورلارىن اناعۇرلىم ويداعىداي باۋراپ، حالىقارالىق ەكونوميكا سەلبەستىگى مەن باسەكەسىنە قاتىناسۋدىڭ جاڭا باسىمدىعىن قالىپتاستىرۋ كەرەك.

  شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ”14 - بەسجىلدىق“ جوبا ۇسىنىسىن قاراپ ماقۇلداعاننان كەيىن، مەملەكەتتىك كەڭەس تاعى «ۇسىنىسقا» نەگىزدەلىپ «حالىق شارۋاشىلىعى مەن قوعامدىق دامۋدىڭ 14 - بەسجىلدىق جوبا باعدارلاماسىنىڭ العاشقى جوباسىن» جاسايدى. ءارقايسى دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ماسەلەنى باعدار ەتۋگە تاباندى بولىپ، تەكسەرۋ - زەرتتەۋدى ۇزدىكسىز ىشكەرىلەي ورىستەتىپ، شىنايى جاعدايعا كوز جەتكىزىپ، عىلمي زەرتتەۋ جۇرگىزىپ، دالەل كەلتىرىپ، قوعامنىڭ تالاپ - تىلەگىن اڭىس ەتىپ، ”14 - بەسجىلدىق“ جوبانى ويداعىداي جاساۋ ءۇشىن قىمباتتى اقىل - پاراساتتارىن ارناۋىن ءۇمىت ەتەمىن.

  ديڭ شۋەشياڭ، ۋاڭ چىن، ليۋ حى، سۇن چۇنلان، حۋ چۇنحۋا، گو شىڭكۇن، حۋاڭ كۇنميڭ، يوۋ چۋان، شياۋ جيە، حى ليفىڭ، ورتالىقتىڭ قاتىستى تاراۋلارىنىڭ جاۋاپتىلارى اڭگىمە ماجىلىسكە قاتىناستى.

  پارتيا سىرتىنداعى قايراتكەرلەردەن چىن شياۋگۋاڭ، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ جانە جياڭ زوجۇن، لي يۋەفىڭ، شيە جيڭرۇڭ، فان جيە قاتارلىلار دا اڭگىمە ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.