تيانشان تورى   ›   ۇيرەنۋ   ›   شولۋ

جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە شەشۋشى سيپاتتى تابىستارعا قول جەتكىزەيىك

  − پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

  □ حالىق گازەتىنىڭ شولۋشىسى

  جاڭا جوبا جاسالدى، جاڭا ساپار باستالماق. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ”13 - بەسجىلدىق“ مەزگىلىندە ەلىمىزدىڭ ەكونوميكالىق، قوعامدىق دامۋىندا قول جەتكىزگەن وراسان زور تابىستاردى تولىق تۇراقتاندىرىپ، پارتيا مەن مەملەكەت ىستەرى دامۋىنىڭ جالپى جاعدايىن شىعار ءتۇيىن ەتىپ، دۇنيە جۇزىلىك اۋقىم مەن دامۋ زاڭدىلىعىن يگەرىپ، حالىقارالىق، ەل ءىشى جاعدايىنا ىشكەرىلەي تالداۋ جاساپ، «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» قاراپ ماقۇلدادى. بۇل جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋداعى، ەكىنشى 100 جىلدىق كۇرەس نىساناسىنا جورىق جاساۋداعى تۇعىرنامالىق حۇجات، بۇدان كەيىنگى 5 جىلداعى، ءتىپتى، ونان دا ۇزاق مەزگىلدەگى ەلىمىزدىڭ ەكونوميكالىق، قوعامدىق دامۋىنىڭ ارەكەت باعدارناماسى. كەزەكتە جانە بۇدان كەيىنگى ءبىر مەزگىلدەگى بۇكىل پارتيانىڭ، بۇكىل ەلدىڭ ماڭىزدى ءبىر ساياسي مىندەتى − وسى رەتكى جالپى ءماجىلىستىڭ رۋحىن ۇيرەنىپ، دايەكتىلەندىرىپ، ”ۇسىنىستا“ بەلگىلەنگەن شەشىمدەردى، ورنالاستىرۋلاردى جانە قىزمەت تالاپتارىن ناقتاپ تياناقتاندىرۋ بولىپ تابىلادى.

  ”13 - بەسجىلدىق“ مەزگىلى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتەتىن كەزەڭ. قىم - قۋىت، كۇردەلى حالىقارالىق جاعداي، جاپالى دا قات - قابات ەل ءىشى رەفورما، دامۋ، ورنىقتىلىق مىندەتتەرى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ۇدەرە العا تارتىپ، ءورىس اشا جاڭالىق اشىپ، پارتيا مەن مەملەكەتتىڭ ءتۇرلى ىستەرىن قايراتتانا ىلگەرىلەتىپ، ءتۇرلى حاۋىپ - قاتەرلەر مەن سىن - سايىستاردى جەڭدى، جۇڭگوشا سوتسياليزم كەمەسى ۇزدىكسىز تولقىن جارىپ، قايسارلىقپەن العا ىلگەرىلەدى. اماليات مىنانى تاعى دا دالەلدەدى: باس شۋجي شي جينپيڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە جول نۇسقاپ رولدى مەڭگەرىپ وتىرعاندىقتان، بۇكىل پارتيا، بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، قايسارلىقپەن كۇرەس جۇرگىزىپ وتىرعاندىقتان، ءبىز، ءسوز جوق، العا باسۋ جولىندا جارىققا شىققان ءتۇرلى ماشاقاتتى، قيىندىقتى، قاتەردى، كەدەرگىنى جەڭە الامىز، ءسوز جوق، جاڭا داۋىردە جۇڭگوشا سوتسياليزمدى اناعۇرلىم پارمەندى تۇردە العا ىلگەرىلەتە الامىز.

  جالپى ءماجىلىس جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە قول جەتكىزگەن شەشۋشى سيپاتتى تابىستاردى جوعارى باعالادى. ”13 - بەسجىلدىق“ مەزگىلىندە ەلىمىزدىڭ ەكونوميكالىق ناقتى قۋاتى، عىلىم - تەحنيكالىق ناقتى قۋاتى، جالپىلىق مەملەكەت قۋاتى جاڭا دا ۇلكەن ساتىعا كوتەرىلدى، ەكونوميكالىق اينالىم جالپى جاقتان ورنىقتى بولدى، ەكونوميكالىق قۇرىلىم ءۇرتىس ساپالىلاندى، كەدەيلىكتەن ارىلتۋدان قامال الۋ جەتىستىگى كۇللى الەمدى جالت قاراتتى، لاستانۋدان ساقتانۋ جانە ونى جونگە سالۋ تەبىنى ارتىپ، ەكولوگيالىق ورتا كورنەكتى جاقساردى، سىرتقا ەسىك اشۋ ءۇرتىس كەڭەيىپ، ”ءبىر بەلدەۋ، ءبىر جولدى“ بىرگە قۇرۋ جەتىستىگى قوماقتى بولدى، حالىقتىڭ تۇرمىس دەڭگەيى كورنەكتى جوعارىلادى، قوعامنىڭ جاراسىمدىلىعى، ورنىقتىلىعى ساقتالدى. ونان دا ماڭىزدىسى، ”13 - بەسجىلدىقتىڭ“ امالياتىندا رەفورمانى جاپپاي تەرەڭدەتۋدە كەلەلى سەرپىلىسكە قول جەتتى، مەملەكەتتى جاپپاي زاڭمەن جونگە سالۋدا كەلەلى ىلگەرىلەۋشىلىككە قول جەتتى، پارتيانى جاپپاي قاتاڭ جونگە سالۋدا كەلەلى جەتىستىككە قول جەتتى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ جەدەل ىلگەرىلەتىلدى، جۇڭگو كوممۋنيستىك پارتياسىنىڭ باسشىلىعى مەن ەلىمىز سوتسياليستىك ءتۇزىمىنىڭ ابزالدىلىعى اناعۇرلىم ايگىلەندى، جاڭا دامۋ ۇستانىمى ونان ارى جۇرت جۇرەگىنە ۇيالادى، قالىڭ پارتيالى كادرلاردىڭ ساياسي ساپاسى مەن كۇرەس رۋحى، كۇرەس قابىلەتى شىڭدالىپ، بۇكىل ەلدەگى ءار ۇلت حالقىنىڭ رۋحاني بەت - بەينەسى اناعۇرلىم قايراتتى، كوتەرىڭكى بولىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا پارمەندى ساياسي كەپىلدىك جانە قۇدىرەتتى ەكپىندەي ىلگەرىلەۋ كۇش - قۋاتىن ازىرلەدى.

  پارتيا قۇرىلعاندىعىنىڭ 100 جىلدىعىنا جەتكەندە، ءبىر ميللياردتان استام حالىقتى يگىلىككە كەنەلتەتىن اناعۇرلىم جوعارى دەڭگەيدەگى دوڭگەلەك داۋلەتتى قوعامدى جاپپاي ورناتۋ − پارتيامىزدىڭ جاڭا عاسىرعا قادام تاستاعاننان كەيىن، دوڭگەلەك داۋلەتتى قوعامدى نەگىزىنەن ورناتۋ نەگىزىندە العا قويعان كۇرەس نىساناسى، حالىققا بەرگەن ايبىندى ۋادەسى. رەفورما جاساۋ، ەسىك اشۋدىڭ باستاپقى كەزىندە پارتيا ورتالىق كوميتەتى دوڭگەلەك داۋلەتتى قوعام ستراتەگيالىق ويىن ورتاعا قويعاننان بەرى، پارتيامىز حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، نەشە ۇرپاق ادام باستان - اياق ساباقتاستىرىپ جالعاپ، ۇزدىكسىز كۇرەس جاسادى. قازىر ”13 - بەسجىلدىق“ جوبانىڭ نىسانالارى مەن مىندەتتەرى ورىندالۋ الدىندا تۇر، جاپپاي دوڭگەلەك داۋلەتتى قوعام ورناتۋدىڭ جەڭىسى تاياپ قالدى، جۇڭحۋا ۇلتىنىڭ ۇلى گۇلدەنۋى العا قاراي جاڭا دا ارشىندى قادام تاستادى، سوتسياليستىك جۇڭگو اناعۇرلىم ايبىندى بەينەمەن دۇنيە ءجۇزىنىڭ شىعىسىندا قاسقايىپ تۇر. جالپى ءماجىلىس مىنانى باسا دارىپتەدى: بۇكىل پارتيا، بۇكىل ەلدەگى ءار ۇلت حالقى كۇش ۇستىنە كۇش قوسىپ، قايراتتانا ءتۇسىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە شىنايى كەپىلدىك ەتىپ، دەر كەزىندە جاپپاي دوڭگەلەك داۋلەتتى قوعام ورناتۋعا، ءبىرىنشى 100 جىلدىق كۇرەس نىساناسىن جۇزەگە اسىرۋعا شىنايى كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا بەرىك نەگىز قالاۋ كەرەك.

  ”14 - بەسجىلدىق“ مەزگىلىندە ەلىمىز جاڭا دامۋ كەزەڭىنە قادام تاستايدى، بۇل − جاڭا، اناعۇرلىم زور دامۋدى جۇزەگە اسىرۋداعى شەشۋشى مەزگىل. جاڭا دامۋ كەزەڭى دەگەنىمىز جاپپاي سوتسياليستىك وسىزاماندانعان مەملەكەت قۇراتىن، ەكىنشى 100 جىلدىق كۇرەس نىساناسىنا جورىق جاسايتىن كەزەڭ، بۇل ەلىمىزدىڭ دامۋ ۇدەرىسىندە بەلەستىك مانگە يە. بۇكىل پارتيا جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايىن جانە دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، وراي تانىمى مەن حاۋىپ - قاتەر تانىمىن كۇشەيتىپ، ستراتەگيالىق تاباندىلىقتى ساقتاپ، ءوز ءىسىن ويداعىداي ىستەپ، ءورىس اشا ۇمتىلىپ، قايراتتانا العا ىلگەرىلەپ، ”قوس 100 جىلدىق“ كۇرەس نىساناسىنىڭ ورگانيكالى ۇشتاسۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما باستاۋ، جاقسى قادام تاستاۋ كەرەك.

  (شينحۋا اگەنتتىگىنىڭ 10 - ايدىڭ 30 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.