ءوندىرىس جالپى ءونىم قۇنى سايكەس مەزگىلدەگىدەن ％4.1 ارتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ شياۋيان 10 - ايدىڭ 31 - كۇنى ۇرىمجىدەن حابارلايدى. ءتىلىشىنىڭ بيڭتۋان ساناق مەكەمەسىنەن ۇعىسۋىنا قاراعاندا، بيىل جىل باسىنان بەرى بيڭتۋاننىڭ ەكونوميكالىق اينالىمى ىندەتتىڭ ىقپالىنا ۇشىراعان بولسا دا، بۇرىنعىسىنداي ورنىقتى ارتۋدى ۇزدىكسىز ساقتاپ، دامۋ جاعدايى جاقسارۋعا بەت الدى.
الدىڭعى 3 توقساندا بيڭتۋاننىڭ ءوندىرىس جالپى ءونىم قۇنى 167 ميلليارد 793 ميلليون يۋان بولىپ، سالىستىرمالى باعا بويىنشا ەسەپتەگەندە سايكەس مەزگىلدەگىدەن ％4.1 ارتقان. بيڭتۋاننىڭ 1 - كاسىبىنىڭ ارتقان قۇنى ％5.9، 2 - كاسىبىنىڭ ارتقان قۇنى ％10 مولايعان، 3 - كاسىبىنىڭ ارتقان قۇنى ％0.9 تومەندەگەن.
1 - ايدان 9 - ايعا دەيىن بيڭتۋاننىڭ تۇراقتى مۇلىككە قوسىلعان قارجىسى سايكەس مەزگىلدەگىدەن ％27.3 ارتىپ، ءۇرتىس جوعارى دەڭگەيدە ىسكە قوسىلدى. 9 - ايدا بيڭتۋاننىڭ تۇراقتى مۇلىككە قوسىلعان قارجىسى ％29.4 ارتىپ، ارتۋ جىلدامدىعى 8 - ايداعىدان 20.1 پايىز تەزدەدى.
بيىل جىل باسىنان بەرى بيڭتۋاننىڭ ونەركاسىبىندە قۇلدىراۋدان قايتا ارتۋعا بەت الۋ جاعدايى جارىققا شىعىپ، جاڭادان ارتقان كولەمنەن جوعارى كاسىپورىندار ەكونوميكانىڭ جاڭا ارتۋ ءتۇيىنىن جەتىلدىرۋمەن بىرگە، ءداستۇرلى كاسىپ سالاسىنىڭ تيبىن جاڭالاپ، دارەجەسىن جوعارىلاتۋدى دا جەتەكتەدى. الدىڭعى 3 توقساندا بيڭتۋاننىڭ ونەركاسىپ جانە ينفورماتسيالاندىرۋ جۇيەسى مولشەرىن ارتتىرۋدى كەڭەيتۋ جاعىنا شوعىرلى كۇش سالدى، تولىقسىز ساناققا قاراعاندا، 1 - ايدان 9 - ايعا دەيىن ءارقايسى شى، قالالاردا جاڭادان ارتقان كولەمنەن جوعارى كاسىپورىن 21 بولىپ، جاڭادان ارتقان كاسىپورىنداردىڭ ىلگەرىلەتۋ رولى كورنەكتى بولعان.
الدىڭعى 3 توقساندا بيڭتۋاننىڭ كولەمنەن جوعارى ونەركاسىبىنىڭ ارتقان قۇنى سايكەس مەزگىلدەگىدەن ％7.8 مولايىپ، ارتۋ جىلدامدىعى 1 - توقسانداعىدان 9.8 پايىز جوعارىلاپ، الدىڭعى جارتى جىلداعىدان 1.7 پايىز تەزدەدى.
بيڭتۋان ساۋداگەر شاقىرىپ، قارجى ەنگىزۋدى جانە نىسان قۇرىلىسىن مىقتى يگەرىپ، ءبىر توپ ءىرى، ءتۇيىندى نىسانداردىڭ تياناقتانۋىن، ناقتىلانۋىن ىلگەرىلەتتى. ساۋداگەر شاقىرىپ، قارجى ەنگىزۋدىڭ زاتتىق مولشەرىن قالىپتاستىرۋدا تۇتاس جىلدىق جوسپاردىڭ 80 پايىزىنان ارتىعىن ورىندادى.
