شينجياڭ گازەتىنىڭ جالپىلىق اقپارات قۇرالدارى ءتىلشىسى لي لين 10 - ايدىڭ 31 - كۇنى ۇرىمجىدەن حابارلايدى. ”13 - بەسجىلدىق“ مەزگىلىندە رايونىمىزدىڭ قارتتاردى كۇتىمدەۋگە قىزمەت وتەۋ نەگىزدىك قۇرىلىسى، فۋنكتسيالىق رولىن ساۋلەلەندىرۋ جانە قىزمەت وتەۋ دەڭگەيى سياقتى جاقتاردا ناتيجەسى كورنەكتى بولدى، اسىرەسە، اۋىل - قىستاق قارتتاردى كۇتىمدەۋگە قىزمەت وتەۋدى ەڭ تومەنگى شەكتەن تۇسىرمەي قامتاماسىز ەتۋ تورىن بارعان سايىن ءجيى توقىدى. 2019 - جىلدىڭ سوڭىنا دەيىن تۇتاس رايوندا قارتتاردى كۇتىمدەۋگە قىزمەت وتەۋ قۇرىلىمدارىنان جالپى 425ى بار بولىپ، 44 مىڭ 782 توسەك ورىنمەن قامدادى. مۇنىڭ ىشىندە اۋىل - قىستاق قارتتار ۇيىنەن 265ى، 24 مىڭ 861 توسەك ورىن بار.
قارتتاردى كۇتىمدەۋگە قىزمەت وتەۋ قىزمەتىنىڭ بىرىككەن كۇشى اناعۇرلىم ارتتى. رايونىمىز قارتتاردى كۇتىمدەۋدىڭ ون نەشە ساياسات حۇجاتىن شىعاردى، سۇيەمەلدەۋ ءتۇرى، قامتاماسىز ەتۋ ءتۇرى، حالىققا تيىمدىلىك جەتكىزۋ ءتۇرى سياقتىلاردى قامتىپ، شينجياڭ ەرەكشەلىگىنە يە وتباسى، الەۋمەتتىك اۋماق، قۇرىلىم ”ءۇشتى ءبىر تۇلعالاندىرعان“ قارتتاردى كۇتىمدەۋگە قىزمەت وتەۋ جۇيەسىن العاشقى قادامدا قۇردى. قازىر 14 ايماق، وبلىس، قالانىڭ، اسىرەسە، سولتۇستىك شينجياڭداعى ورتالىق قالالاردىڭ وتباسى، الەۋمەتتىك اۋماق قارتتاردى كۇتىمدەۋگە قىزمەت وتەۋ جالپىلىق تۇلعاسىن قۇرۋدىڭ اياق الىسى تەزدەپ، قارتتاردى كۇتىمدەۋ قۇرىلىمى، قىزمەت وتەۋ بولىمشەسى، ءۇي جۇمىسى سەرىكتەستىگى سياقتىلارعا ارقا سۇيەگەن الەۋمەتتىك اۋماقتىڭ قىزمەت وتەۋ بايلىعى كەڭەيىپ، ”اس - سۋىنا كومەكتەسۋ، جۋىنۋىنا كومەكتەسۋ، تازالىعىنا كومەكتەسۋ، ءجۇرىس - تۇرىسىنا كومەكتەسۋ، ەمدەلۋىنە كومەكتەسۋ، شۇعىل جۇمىستارىنا كومەكتەسۋ“ سياقتى ءتىزىم فورماسىنداعى، ۇجىم فورماسىنداعى قىزمەت وتەۋ قامداۋى بىرتىندەپ كەمەلدەنىپ، ينفورماتسيالانعان ينتەرنەت تەحنيكاسى وتباسى جانە الەۋمەتتىك اۋماق قارتتاردى كۇتىمدەۋگە قىزمەت وتەۋىندە كەڭىنەن قولدانىلدى.
قارتتاردى كۇتىمدەۋگە قىزمەت وتەۋ قابىلەتى ۇزدىكسىز جوعارىلادى. 2019 - جىلى رايونىمىز قالا، اۋىلداعى ەرەكشە قيىنشىلىعى بار ادامداردىڭ نەگىزگى تۇرمىس ولشەمىن جوعارىلاتتى. اۋىل - قىستاقتاعى ەرەكشە قيىنشىلىعى بار شوعىرلى قارالاتىن قارتتاردىڭ نەگىزگى تۇرمىس قاراجات ولشەمى ايىنا 700 يۋان، اۋىل - قىستاقتاعى ەرەكشە قيىنشىلىعى بار بىتىراندى وتىرعان قارتتاردىڭ نەگىزگى تۇرمىس قاراجات ولشەمى ايىنا 500 يۋان بولىپ، 2016 - جىلداعىمەن سالىستىرعاندا جەكە - جەكە 180 يۋان، 157 يۋان جوعارىلادى؛ تۇتاس رايوندا قالاداعى ەرەكشە قيىنشىلىعى بار قارتتاردى كۇتىمدەۋ قاراجات ولشەمى ايىنا ءبىر تۇتاس 800 يۋان بولىپ، 2016 - جىلداعى اي سايىنعى شوعىرلى كۇتىمدەۋ قاراجات ولشەمى 660 يۋانمەن، اي سايىنعى جەكەلەي كۇتىمدەۋ قاراجات ولشەمى 470 يۋانمەن سالىستىرعاندا، جەكە - جەكە 140 يۋان، 330 يۋان جوعارىلادى. رايونىمىز تاعى ەرەكشە قيىنشىلىعى بار ادامدارعا قارايلاسۋ، كۇتىمدەۋ قارجىسىن جاڭادان قوسىپ، ەرەكشە قيىنشىلىعى بار ادامدارعا قارايلاسۋ، كۇتىمدەۋ جاردەم قارجىسىنان جىلىنا 60 ميلليون يۋان ورنالاستىرىپ، ەرەكشە قيىنشىلىعى بار ادامداردىڭ وزىنە - ءوزى قاراۋ قابىلەتى مەن قىزمەت وتەۋ قاجەتىنە نەگىزدەلە وتىرىپ، وزىنە - ءوزى قاراي الاتىن، جارتىلاي قاراي الاتىن، بۇكىلدەي كۇتىمدەلەتىن دەپ ءبولىپ، جەكە - جەكە ايىنا 100 يۋاننان، 300 يۋاننان، 500 يۋاننان تومەن بولمايتىن جاردەماقى بەرىپ، ەرەكشە قيىنشىلىعى بار، اسىرەسە، ەرەكشە قيىنشىلىعى بار قارتتاردىڭ كۇتىمدەلۋى قيىن بولۋ ماسەلەسىن شىنايى شەشتى.
”13 - بەسجىلدىق“ مەزگىلىندە رايونىمىز ”بەستە قامسىزداندىرىلاتىن“ قارتتاردى شوعىرلى كۇتىمدەۋ جانە جەتىم بالالاردى شوعىرلى اسىراۋ قىزمەتىن ۇزدىكسىز ىلگەرىلەتىپ، تور جايۋ ۇلگىسىندە، جان - جاقتى اداقتاپ تەكسەرۋ ورىستەتىپ، تۇرمىستا وزىنە قاراي المايتىن جانە شوعىرلى كۇتىمدەۋ قاجەتى بار ەرەكشە قيىنشىلىعى بار ادامداردى ءبىر - بىرلەپ انىقتاپ، ەسەپ ورناتىپ، شوعىرلى كۇتىمدەۋ قاجەتىنە ساي تۇراقتاندىردى. قازىرگە دەيىن رايونىمىز قالاۋى بار ”بەستە قامسىزداندىرىلاتىن“ قارتتاردى شوعىرلى كۇتىمدەۋدى نەگىزىنەن جۇزەگە اسىردى. بيىل تاعى وڭتۇستىك شينجياڭداعى 4 ايماق - وبلىستاعى 22 اۋدان 207 اۋىل - قىستاق باقىت ۇلكەن اۋلاسى نىسان قۇرىلىسىن ورىنداپ، جالعىز تۇراتىن قارتتار، جەتىم قارتتار، ۇيدە قالعان قارتتار، جاسامىس قارتتار سياقتى قيىنشىلىعى بار قارتتاردىڭ تۇرمىسىنا قارايلاسۋ ماسەلەسى نەگىزىنەن شەشىلدى.
