5G پايدالانۋشىلارى 2 ميلليون 500 مىڭعا جەتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 10 - ايدىڭ 31 - كۇنى ۇرىمجىدەن حابارلايدى. اۆتونوميالى رايوننىڭ 5G ينتەرنەت جەلىسى قۇرىلىسىن ىلگەرىلەتۋ جونىندەگى تەلەۆيزور - تەلەفون ماجىلىسىنەن ۇعىسۋىمىزشا، 10 - ايدىڭ 23 - كۇنىنە دەيىن تۇتاس شينجياڭدا 5G بازالىق ستانسياسىنان 5265ى قۇرىلىپ، 5G بازالىق ستانسياسىنان 5152سى اشىلىپ، 5G پايدالانۋشىلارىنىڭ سانى 2 ميلليون 500 مىڭعا جەتكەن.
6 - ايدىڭ 6 - كۇنى اۆتونوميالى رايون 5G ينتەرنەت جەلىسى قۇرىلىسىن ىلگەرىلەتۋ جونىندەگى بەينە ەكران ورنالاستىرۋ ءماجىلىسىن اشقاننان كەيىن، اۆتونوميالى رايوننىڭ 5G ينتەرنەت جەلىسى قۇرىلىسىن دامىتۋ قىزمەتى باسشىلىق گرۋپپاسىنىڭ ءارقايسى مۇشە ورىندارى، ءارقايسى ايماق، وبلىس، قالالار ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، 5G ينتەرنەت جەلىسى قۇرىلىسىنىڭ قارقىنىن جەدەلدەتىپ، 5G ينتەرنەت جەلىسىنىڭ قامتۋ كولەمى مەن كاسىپ سالالارىندا قولدانىلۋىن جاپپاي جوعارىلاتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش ۇستەدى.
ءۇرىمجى قالاسى رايونىمىزدىڭ 5G ينتەرنەت جەلىسى قۇرىلىسىنىڭ، كاسىپ سالالارىندا قولدانۋدىڭ باستاۋشىسى رەتىندە، 5G بازالىق ستانسياسىنان جيىنى 2484ىن قۇرىپ، ادام كوپ ساۋدا اۋماقتارى مەن نەگىزگى قالا اۋماعىن 5G ينتەرنەت جەلىسىمەن تۇتاستىرا قامتۋدى نەگىزىنەن جۇزەگە اسىرىپ، 5G+كاسىپ - سالالارىندا قولدانۋ كوپ ورتا، كوپ كاسىپ، كوپ سالا توعىسقان ارنانى العاشقى ادىمدا قالىپتاستىرىپ، 5Gدى قولدانىسقا ءتۇسىرۋ جانە كاسىپ سالالارىندا ۇلگى كورسەتۋ اسەرى العاشقى ادىمدا ايقىن كورىنىپ، ءۇرىمجىنى وزەك ەتىپ، تۇتاس شينجياڭنىڭ 5Gدى قولدانۋىن جەبەدى.
اۆتونوميالى رايوندىق دامۋ جانە رەفورما كوميتەتى 5G بازالىق ستانسياسىنىڭ ەلەكتردەن پايدالانۋ وزىندىك قۇنىن تومەندەتۋ جونىندە ساياساتتىق حۇجات شىعارىپ، اۆتونوميالى رايوندىق بازار باقىلاۋ، باسقارۋ مەكەمەسى اۋىستىرىپ ەلەكترمەن قامداۋ بۋىنىنداعى اقى الۋ ارەكەتتەرىنە باقىلاۋ - باسقارۋدى كۇشەيتىپ، ساياساتتىڭ ناقتى تياناقتانۋىن جەبەدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى 5G حابارلاسۋ قۇرىلعىلارىن ەلەكترمەن قامداۋداعى جولداۋ ءتارتىبى مەن ورناتۋعا جولداۋ راسمياتتارىن كەمەلدەندىرىپ، 5G بازالىق ستانسياسىنىڭ ەلەكتر سيىمدىلىعىن ارتتىرۋ جانە تىكەلەي ەلەكترمەن قامداۋ بويىنشا جاڭالاۋدى ءونىمدى ىلگەرىلەتتى. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى مەن حابارلاسۋدى باسقارۋ مەكەمەسى بىرلەسىپ «شينجياڭ ۇيعۇر اۆتونوميالى رايونىنىڭ قۇرىلىستارداعى حابارلاسۋ نەگىزدىك قۇرىلعىلارى قۇرىلىسىنىڭ ولشەمىن» بىرلەسىپ جاسادى ءارى تۇتاس شينجياڭداعى تۇرعىن ءۇي جانە قالا، اۋىل قۇرىلىسى جۇيەسىندە، حابارلاسۋ سالاسىندا باۋلۋ جۇرگىزىپ تياناقتاندىردى. شينجياڭ حابارلاسۋدى باسقارۋ مەكەمەسى ۇيىمداستىرىپ «شينجياڭ 5G ينتەرنەت جەلىسى حابارلاسۋ نەگىزدىك قۇرىلعىلارى ارناۋلى جوباسىن (پىكىر الۋ نۇسقاسى)» جاساۋدى اياقتادى، قاتىستى ورىنداردان وزگەرىس ەنگىزۋ پىكىرىن الۋدا. سونىمەن بىرگە، ءارقايسى ايماق، وبلىس، قالالار 5G ينتەرنەت جەلىسى قۇرىلىسىن دامىتۋ قىزمەتى باسشىلىق گرۋپپاسىن قۇرىپ، 5G ينتەرنەت جەلىسى قۇرىلىسىن بىرگە ىلگەرىلەتتى.
ءارقايسى حابارلاسۋ كاسىپورىندارى 5G ينتەرنەت جەلىسى قۇرىلىسىن بار كۇشپەن ىلگەرىلەتىپ، جىلدىق قۇرىلىس جوسپارىن ساپاسىنا، مولشەرىنە كەپىلدىك ەتىپ ورىنداۋعا ۇمتىلدى ءارى بەلسەندى تۇردە قارجىنى مولايتتى، قۇرىلىس كولەمىن ۇلعايتتى، مۇنىڭ ىشىندە شينجياڭ جىلجىمالى حابارلاسۋى قوسىلعان قارجىنى مولشەرمەن 817 ميلليون يۋان مولايتىپ، 1300 بازالىق ستانسيانى كوبەيتىپ سالدى؛ شينجياڭ تەلەگرافى قوسىلعان قارجىنى مولشەرمەن 140 ميلليون يۋان مولايتىپ، 500 بازالىق ستانسيانى كوبەيتىپ سالدى.
سونىمەن بىرگە، رايونىمىز ونەركاسىپ، قاتىناس، وقۋ - اعارتۋ، ەمدەۋ سياقتى 13 كاسىپ - سالادا 5Gدى قولدانۋ سىناق تۇيىندەرىن ىلگەرىلەتتى. قازىرگە دەيىن 30 نىسان 5Gدى زەردەلىلەندىرۋ بويىنشا قولدانۋ تىزىمىنە ەنگىزىلدى، مۇنىڭ ىشىندە سىناق تۇيىندەرىندە قولدانۋ ورىستەتىلگەن نىسان 8 بولىپ، ونىمدىلىگى العاشقى ادىمدا ايقىن كورىندى.
ەندىگى جەردە، اۆتونوميالى رايون ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي ىستەۋ العى شارتىندا، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن باتىل دايەكتىلەندىرىپ، تياناقتاندىرىپ، تۇتاس شينجياڭداعى ينفورماتسيا، حابارلاسۋ سالاسىن 5G ينتەرنەت جەلىسى جوباسى قۇرىلىسىن ءبىر تۇتاس جوسپارلاپ ىلگەرىلەتۋگە جەتەكتەپ، 5G ينتەرنەت جەلىسىمەن قامتۋ كولەمى مەن كاسىپ سالالارىندا قولدانىسقا ءتۇسىرۋدى جاپپاي جوعارىلاتىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا كۇش ۇستەمەك.
