− رايونىمىزداعى ءار ۇلت كادرلارى مەن بۇقاراسى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن قىزۋ تالقىلادى
شينجياڭ گازەتىنىڭ جالپىلىق اقپارات قۇرالدارى تىلشىلەرى
پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جاپپاي دوڭگەلەك داۋلەتتى قوعام ورناتۋدىڭ جەڭىسىنە تاياپ قالعان، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالۋ الدىندا تۇرعان ماڭىزدى تاريحي ساتتە اشىلعان ءبىر رەتكى اسا ماڭىزدى ءماجىلىس. رايونىمىزداعى ءار ۇلت كادر - بۇقاراسى وسكەلەڭ ءمان بەرىپ، ءتۇرلى تاسىلدەرمەن جالپى ءماجىلىس رۋحىن ۇيرەندى. كوپشىلىك ءبىر اۋىزدان مىنالاردى ءبىلدىردى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، ءبىر نيەت، ءبىر تىلەكتە بولىپ، قايسارلىقپەن كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە بەلسەنە ۇلەس قوسامىز.
اۆتونوميالى رايوندىق دامۋ جانە رەفورما كوميتەتى دامۋ ستراتەگياسى مەن جوبا باسقارماسىنىڭ باستىعى چيۋ دۇڭ مىنالاردى ءبىلدىردى: جالپى ءماجىلىستىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوننىڭ ”14 - بەسجىلدىق“ جوباسىن عىلمي، ويداعىداي جاساپ، تۇتاس رايوننىڭ ۇزاق ۋاقىتتىق دامۋىنا ساياتىن كەلەلى ينجەنەريالاردى، كەلەلى ساياساتتاردى جانە كەلەلى رەفورما شارالارىن مۇقيات جوبالاپ، جالپى ءماجىلىستىڭ رۋحىن دامۋدى ىلگەرىلەتۋدىڭ ناقتى شاراسىنا اينالدىرۋعا قۇلشىنىپ، دامۋدى جوبالاۋ ستراتەگياسىنىڭ باعدارلىق رولىن ساۋلەلەندىرىپ، تۇتاس رايون ەكونوميكاسىنىڭ جوعارى ساپالى دامۋىن ىلگەرىلەتەمىز.
”جالپى ءماجىلىستىڭ عىلىم - تەحنيكادا جاڭالىق اشۋ جونىندە ورتاعا قويعان نىسانالارى مەن مىندەتتەرى پارتيا ورتالىق كوميتەتىنىڭ عىلىم - تەحنيكادا جاڭالىق اشۋعا وسكەلەڭ ءمان بەرگەندىگىن تولىق ايگىلەدى، قالىڭ عىلىم - تەحنيكا قىزمەتكەرلەرىنىڭ ۇزدىكسىز كۇرەس جۇرگىزۋىنە ايقىن العا باسۋ بەتالىسىن كورسەتتى“. اۆتونوميالى رايوندىق عىلىم - تەحنيكا مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى رايحان يۇسۇپ مىنالاردى ءبىلدىردى: اۆتونوميالى رايوندىق عىلىم - تەحنيكا مەڭگەرمەسى دەربەس جاڭالىق اشۋ قابىلەتىن جوعارىلاتۋدى وزەك ەتۋگە تاباندى بولىپ، باتىلدىقپەن جاۋاپكەرشىلىك ارقالاپ، ىرىقتىلىقپەن ىسكەرلىك كورسەتىپ، باس نىسانانى تىعىز ارقاۋ ەتىپ، پارتيا ورتالىق كوميتەتىنىڭ عىلىم - تەحنيكادا جاڭالىق اشۋ جونىندەگى ءتۇرلى شەشىمدەرىن، ورنالاستىرۋلارىن قاز - قالپىندا دايەكتىلەندىرەدى، تياناقتاندىرادى.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ 2 - دارەجەلى شارلاۋشىسى يان جياڭبين مىنالاردى ءبىلدىردى: جالپى ءماجىلىس ورتاعا قويعان نىسانالار مەن تالاپتاردى تىعىز ارقاۋ ەتىپ، جاڭا دامۋ ۇستانىمىنا تاباندى بولىپ، حالىق تۇرمىسىمەن جاناسىپ، جوعارى ساپالى دامۋدى ىلگەرىلەتۋگە تاباندى بولىپ، قامداۋ جاعىنداعى قۇرىلىمدىق رەفورمانى تەرەڭدەتىپ، ونەركاسىپتىڭ نەگىزىن كۇشەيتۋ، ونىمدىلىگىن ارتتىرۋ ينجەنەرياسىن اتقارىپ، شينجياڭ ەرەكشەلىگىندەگى وسىزاماندانعان كاسىپ سالاسى جۇيەسىن جىلدام قۇرىپ، ونەركاسىپ ەكونوميكاسىنىڭ جوعارى ساپالى دامۋىن ىلگەرىلەتىپ، جەرگىلىكتى بۇقارانى كىرىستەرىن ارتتىرىپ، بايۋعا باستاپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا ماڭىزدى كاسىپ سالاسى تىرەگىن ازىرلەۋ كەرەك.
”جالپى ءماجىلىس’مەملەكەت تەرريتورياسى كەڭىستىگىنىڭ ورنالاسۋىن جاقسارتىپ، وڭىرلەردىڭ سايكەستى دامۋىن جانە جاڭاشا قالا - قالاشىقتاندىرۋدى ىلگەرىلەتۋ‘ كەرەكتىگىن العا قويىپ، تۇتاس رايوننىڭ جاراتىلىستىق بايلىق جۇيەسىنىڭ بۇدان كەيىنگى قىزمەتىنە ايقىن بەتالىس جانە جول نۇسقادى“. اۆتونوميالى رايوندىق جاراتىلىستىق بايلىق مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى زىڭ يانياڭ بىلاي دەدى: ”ەندىگى جەردە، ءبىز مەملەكەت تەرريتورياسى كەڭىستىگى جوباسىن جوعارى دەڭگەيدە جوبالاۋدى اناعۇرلىم كۇشەيتىپ، بۇكىل رايوننىڭ ’ءبىر جوبا، ءبىر جوسپارىن‘ قالىپتاستىرامىز. سونىمەن بىرگە، مەملەكەت تەرريتورياسى كەڭىستىگىن پايدالانۋ، باقىلاۋعا الۋ جۇيەسىن اقاۋسىزداندىرىپ، جاراتىلىستىق بايلىقتىڭ كاسىپ سالاسى ابزالدىلىعىن تولىق ساۋلەلەندىرىپ، اۆتونوميالى رايوننىڭ جوعارى ساپالى دامۋىنا پارمەندى بايلىق قامتاماسىزدىعىن ازىرلەيمىز“.
جالپى ءماجىلىستىڭ مازمۇنداماسى جاريالانعاننان كەيىن، بيڭتۋان ونەركاسىپ جانە ينفورماتسيالاندىرۋ مەكەمەسى دەرەۋ توپتىق ۇيرەنۋدى ۇيىمداستىرىپ، جالپى ءماجىلىستىڭ رۋحىن ىشكەرىلەي يگەرىپ، بيڭتۋاننىڭ ونەركاسىپ ەكونوميكاسىنىڭ جوعارى ساپالى دامۋ قىزمەتىن اقىلداسىپ ىلگەرىلەتتى. بيڭتۋان ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ياڭ حۇڭبين بىلاي دەدى: ”ءبىز جالپى ءماجىلىستىڭ رۋحىن ءىس تىندىرىپ، شارۋاشىلىق قۇراتىن قوزعاۋشى كۇشكە اينالدىرىپ، ونەركاسىپتىڭ نەگىزىن كۇشەيتۋ مەن تەحنيكالىق جاڭالىق ەنگىزۋدى كۇش سالا ورىستەتىپ، ونەركاسىپتەگى التى ۇلكەن باسىم ەرەكشەلىككە يە كاسىپ سالاسىن تياناق ەتىپ، سانىن ارتتىرۋعا، قورىن كەڭەيتۋگە ايرىقشا كۇش سالىپ، بيڭتۋاننىڭ ونەركاسىبىن زورايتىپ، كۇشەيتىپ، بيڭتۋاننىڭ ەكونوميكالىق ناقتى قۋاتىن كۇشەيتۋگە، بيڭتۋاننىڭ ’3 ۇلكەن يقۋاتىن‘ اناعۇرلىم ويداعىداي اتقارۋعا، ’4 ۇلكەن رولىن‘ ساۋلەلەندىرۋگە تيەسىلى ۇلەس قوسامىز“.
اقسۋ ايماقتىق پارتكومنىڭ ورىنباسار باس حاتشىسى، ساياسات زەرتتەۋ كەڭسەسىنىڭ مەڭگەرۋشىسى يان حۋا بىلاي دەدى: ”ءبىز پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تىعىز ارقاۋ ەتىپ، جالپى ءماجىلىس ورتاعا قويعان نىسانالار مەن مىندەتتەر بويىنشا رەفورما جاساۋدى، جاڭالىق اشۋدى ءتۇبىرلى قوزعاۋشى كۇش ەتىپ، داۋىرمەن بىرگە ىلگەرىلەپ، ءتۇيىندى سالالار مەن شەشۋشى بۋىندار رەفورماسىن تەرەڭدەتىپ، بازاردىڭ بايلىقتى جايعاستىرۋداعى شەشۋشى سيپاتتى رولىن تولىق ساۋلەلەندىرىپ، بازاردىڭ كومەسكى كۇشىن اناعۇرلىم اشىپ، بازاردىڭ نەگىزگى تۇلعالىق ومىرشەڭدىك كۇشىن جارىققا شىعارامىز“.
پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جەڭىسپەن اشىلۋى ىلە قازاق اۆتونوميالى وبلىسى مادەنيەت جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى جۋ جيانحۋانى توتەنشە شابىتتاندىردى. ول: ”ىلە وبلىسى ءىس جۇزىندىكپەن ۇشتاستىرىپ، مادەنيەت پەن ساياحاتتىڭ ’14 - بەسجىلدىق‘ جوباسىن جاساۋدى جەتەكشى ەتىپ، مادەنيەت - ساياحات كاسىپ سالاسىن دامىتۋدىڭ جاڭا ارناسىن قۇرادى“، - دەدى.
”جالپى ءماجىلىستىڭ ەكولوگيالىق وركەنيەت قۇرىلىسى جونىندەگى ماڭىزدى بايىمداۋى ءبىزدىڭ كەلەر قادامداعى قىزمەتتەردى ويداعىداي ىستەۋىمىزگە ماڭىزدى بويسۇنۋ ولشەمىن ازىرلەدى“. قاراقاش اۋدانى ەكولوگيالىق قورشاعان ورتا مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى چيۋ بورۇي: ”ءبىز جالپى ءماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، دامۋدىڭ جاڭا ۇلگىسىن قاراستىرىپ، قورشاعان ورتانى قورعاۋداعى، ەكولوگيانى جاقسارتۋداعى ناقتى ناتيجەلەرىمىزبەن حالىقتى باقىتقا كەنەلتەمىز“، - دەدى.
پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ مازمۇنداماسى جاريالانعاننان كەيىن، شينجياڭ اسكەري رايونى ءمالىم وت كۇشى تۋانىنىڭ كوماندير - جاۋىنگەرلەرى جالپى ءماجىلىستىڭ مازمۇنداماسىن مۇقيات ۇيرەندى. كوپشىلىك ءبىر اۋىزدان مىنالاردى ءبىلدىردى: شي جينپيڭنىڭ ارميانى قۇدىرەتتەندىرۋ يدەياسىمەن وي - سانامىزدى قارۋلاندىرىپ، جەكەلىك مۇرات - ماقساتتى ارميانى قۇدىرەتتەندىرۋ امالياتىنا توعىستىرىپ، ءوز قىزمەت ورنىمىزدى ارميانى قۇدىرەتتەندىرۋ نىساناسىن امالياتتا ايگىلەيتىن تۇعىر ەتىپ، تانىم مەن ارەكەتتىڭ بىرلىگى بارىسىندا ”تورتكە يە“ جاڭا ۇرپاق توڭكەرىستىك اسكەريلەر بولۋعا ۇمتىلامىز. اسكەري جاتتىعۋدى، سوعىسقا دايىندالۋدى كۇشەيتىپ، سوعىس جۇرگىزىپ جەڭىسكە جەتۋ ونەرىنە جالىقپاي جاتتىعىپ، ارميا قۇرۋ 100 جىلدىق كۇرەس نىساناسىن جۇزەگە اسىرۋعا كۇش - قۋاتىمىزدى ارنايمىز.
”مەملەكەت قۇدىرەتتەنگەندە عانا، بىزدەي بۇقارانىڭ تۇرمىسى اناعۇرلىم جاقسارا تۇسپەك“. قۇمىل قالاسى يجوۋ رايونى تيانشان اۋىلى توۋداۋگوۋ قىستاعىنىڭ تۇرعىنى امينا ياقۇپ: ”جالپى ءماجىلىس ورتاعا قويعان نىسانا ءبىزدىڭ جۇرەگىمىزدى جىلىتتى، الداعى تۇرمىسىمىزدىڭ، ءسوز جوق، بارعان سايىن جاقساراتىندىعىنا سەنەمىز“، - دەدى.
(ءتىلشىمىز جاڭ يۇنمەي، جازۋعا قاتىناسقان تىلشىلەر شى شين، جىڭ جو، ما ينيڭ، ليۋ شياڭ، جاڭ شياۋيان، جاڭ جىلي، تاڭ كاندۇڭ، ءپاريزات ابدۇل، رايدا، ەرىكتى تىلشىلەر چىن گاۋچاۋ، ۋاڭ جىچاۋ، فان جۇن)
