تيانشان تورى   ›   ۇيرەنۋ   ›   شولۋ

”14 - بەسجىلدىق“ مەزگىلىندە ەلىمىز دامۋدا، ءسوز جوق، بويسۇنۋعا ءتيىستى ماڭىزدى پرينسيپ

  − پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

 حالىق گازەتىنىڭ شولۋشىسى

  ورتا، ۇزاق مەرزىمدىك جوبا ارقىلى ەكونوميكالىق، قوعامدىق دامۋعا جەتەكشىلىك ەتۋ پارتيامىزدىڭ ەل باسقارۋداعى ماڭىزدى ءتاسىلى.

  پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى پارتيا مەن مەملەكەت ىستەرى دامۋىنىڭ جالپى جاعدايى بيىگىندە تۇرىپ، پارتيا 19 - قۇرىلتايىنىڭ ەكىنشى 100 جىلدىق كۇرەس نىساناسىن جۇزەگە اسىرۋ جونىندە العا قويعان ەكى ساتىعا ءبولىپ ىلگەرىلەتۋ ستراتەگيالىق ورنالاستىرۋى بويىنشا، بولاشاق ءبىر مەزگىلدەگى ەل ءىشى - سىرتىنىڭ دامۋ بەتالىسى مەن ەلىمىزدىڭ دامۋ شارت - جاعدايىن جالپى بەتتىك ويلاستىرىپ، ”14 - بەسجىلدىق“ مەزگىلىندەگى ەلىمىزدىڭ دامۋىنا جۇيەلى جوبا جانە ستراتەگيالىق ورنالاستىرۋ جاسادى. ءماجىلىس ”14 - بەسجىلدىق“ جوبانى جانە 2035 - جىلعا دەيىنگى بولاشاقتىق نىسانانى ءبىر تۇتاس جوسپارلاپ ويلاستىرىپ، ”قوس 100 جىل“ كۇرەس نىساناسىن ورگانيكالى ءتۇيىستىرۋدى جاقسى ورىنداپ، «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» قاراپ ماقۇلداپ، ەلىمىزدىڭ جاڭا دامۋ كەزەڭىنە وتۋدەگى دامۋ جوباسىن كارتينالاپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە جەتۋىنە العا باسۋ بەتالىسىن نۇسقاپ، ءتۇبىرلى بويسۇنۋ ولشەمىن ازىرلەدى.

  ”14 - بەسجىلدىق“ مەزگىل − ەلىمىزدىڭ جاپپاي دوڭگەلەك داۋلەتتى قوعام ورناتقان، ءبىرىنشى 100 جىلدىق كۇرەس نىساناسىن جۇزەگە اسىرعان سوڭ، قولايلى ساتتە العا ۇمتىلىپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايتىن، ەكىنشى 100 جىلدىق كۇرەس نىساناسىنا قاراي جورىق جاسايتىن العاشقى 5 جىل، ەلىمىز جاڭا دامۋ كەزەڭىنە وتەدى، ەل ءىشى - سىرتى ورتاسىنداعى تەرەڭ وزگەرىستەر ءبىر قىدىرۋ جاڭا ورايلار، جاڭا سىن - سايىستار الا كەلەدى. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسىن ايقىنداپ، ءسوزسىز، بويسۇنۋعا ءتيىستى ماڭىزدى پرينسيپتى العا قويدى. بۇل پارتيانىڭ جالپى بەتتىك باسشىلىعىنا تاباندى بولۋ، حالىقتى وزەك ەتۋگە تاباندى بولۋ، جاڭا دامۋ ۇستانىمىنا تاباندى بولۋ، رەفورما جاساۋدى، ەسىك اشۋدى تەرەڭدەتۋگە تاباندى بولۋ، جۇيە كوزقاراسىنا تاباندى بولۋ. وسى ”بەس تاباندى بولۋ“ پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋداعى امالياتتىق تاجىريبەسىنىڭ ءوسۋى، پارتيامىزدىڭ ەلىمىزدىڭ دامۋ زاڭدىلىعىنا دەگەن تانىمىنىڭ اناعۇرلىم تەرەڭدەۋى. جاڭا داۋىردە ەكپىندەي ىلگەرىلەپ، جاڭا جورىق باستاۋدا، ”بەس تاباندى بولۋ“ ماڭىزدى پرينسيبىنە شىنايى بويسۇنىپ، ەكونوميكالىق، قوعامدىق دامۋدىڭ ءتۇرلى قىزمەتتەرىندە مۇقيات دايەكتىلەندىرىپ، تياناقتاندىرىپ، ورايدى يگەرىپ، سىن - سايىستارعا توتەپ بەرىپ، توسقاۋىلداردى تالقانداپ، ەرلىكپەن العا ىلگەرىلەگەندە عانا، ەكونوميكالىق دامۋدا جاڭا ناتيجەلەرگە قول جەتكىزۋ، رەفورما جاساپ، ەسىك اشۋدا جاڭا قادام تاستاۋ، قوعامنىڭ وركەنيەت دارەجەسىن تىڭ دەڭگەيگە كوتەرۋ، ەكولوگيالىق وركەنيەت قۇرىلىسىندا تىڭ ىلگەرىلەۋشىلىككە قول جەتكىزۋ، حالىق تۇرمىسى ىرىس - قۇتىن جاڭا ورەگە جەتكىزۋ، مەملەكەتتى جونگە سالۋ ونىمدىلىگىن تىڭ دەڭگەيگە كوتەرۋ باستى نىساناسىن جۇزەگە اسىرۋعا بولادى.

  پارتيانىڭ باسشىلىعى − پارتيا مەن مەملەكەتتىڭ ءتۇرلى قىزمەتتەرىن جاقسى ىستەۋدىڭ ءتۇبىرلى كەپىلى، بارلىق قيىنشىلىقتار مەن حاۋىپ - قاتەرلەردى جەڭىپ شىعۋدىڭ نەگىزى، پارتيا ەكونوميكالىق، قوعامدىق دامۋعا باسشىلىق ەتەتىن تۇزىلىسكە، مەحانيزمگە تاباندى بولىپ جانە ونى كەمەلدەندىرىپ، جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ قابىلەتىن جانە دەڭگەيىن ۇزدىكسىز جوعارىلاتقاندا عانا، جوعارى ساپالى دامۋدى جۇزەگە اسىرۋعا ءتۇبىرلى كەپىلدىك ازىرلەۋگە بولادى. حالىقتى جاقسى تۇرمىسقا كەنەلتۋ − پارتيامىزدىڭ بارلىق قىزمەتتەرىنىڭ شىعار ءتۇيىنى جانە تياناعى، حالىقتىڭ تۇلعالىق ورنىنا تاباندى بولىپ، بىرگە بايۋ بەتالىسىنا تاباندى بولىپ، باستان - اياق دامۋ حالىق ءۇشىن، دامۋدا حالىققا سۇيەنۋ، دامۋدىڭ جەتىستىكتەرىنەن حالىق بىرگە يگىلىكتەنۋ دەگەندى ورىنداپ، حالىقتىڭ مۇددەسىن قورعاپ، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن قاۋلاتىپ، قوعامدىق ادىلدىكتى جەبەپ، حالىق تۇرمىسىنىڭ ىرىس - قۇتىن ارتتىرعاندا عانا، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرۋعا بولادى. جاڭا دامۋ ۇستانىمى − ەلىمىزدىڭ دامۋ وي جەلىسىنىڭ، دامۋ بەتالىسىنىڭ، دامۋداعى كۇش سالۋ ءتۇيىنىنىڭ شوعىرلى بەينەسى، جاڭا دامۋ ۇستانىمىن دامۋدىڭ تۇتاس بارىسىنا جانە ءار سالاسىنا ءسىڭىرىپ، جاڭا دامۋ ارناسىن قالىپتاستىرىپ، دامۋ تاسىلىندە شىنايى بۇرىلىس جاساپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتكەندە عانا، اناعۇرلىم ساپالى، اناعۇرلىم ونىمدىلىككە يە، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋعا بولادى. رەفورما جاساۋ، ەسىك اشۋ − ”قوس 100 جىل“ كۇرەس نىساناسىن جۇزەگە اسىرۋدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى بەلگىلەيتىن شەشۋشى امال، تەك رەفورمانى بۇلجىماستان ىلگەرىلەتىپ، ەسىك اشۋدى بۇلجىماستان كەڭەيتىپ، مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن كۇشەيتىپ، جوعارى ساپالى دامۋدى، جوعارى ورەلى تۇرمىستى بۇعاۋلايتىن تۇزىلىستىك، مەحانيزمدىك كەدەرگىلەردى تالقانداپ، بايلىقتى جايعاستىرۋ ونىمدىلىگىن جوعارىلاتۋعا ءتيىمدى، بۇكىل قوعامنىڭ بەلسەندىلىگىن قوزعاۋعا ءتيىمدى كەلەلى رەفورما جاساۋ، ەسىك اشۋ شارالارىن كۇشەيتكەندە عانا، دامۋ قوزعاۋشى كۇشى مەن ومىرشەڭدىك كۇشىن ۇزدىكسىز كۇشەيتۋگە بولادى. جۇيە كوزقاراسى − نەگىزدىك سيپاتقا يە يدەيا مەن قىزمەت ءادىسى، كورەگەندىكپەن ويلانىپ، جالپى جاعدايدى جوبالاپ، ستراتەگيالىق جاقتان ورنالاستىرىپ، تۇلعالىق جاقتان ىلگەرىلەتىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، دامۋ جانە حاۋىپسىزدىك سىندى ەكى كەلەلى ءىستى جاقسى ىستەپ، بۇكىل ەل ءبىر تۇتاس جۇيە دەگەنگە تاباندى بولىپ، ورتالىقتىڭ، جەرگىلىكتى ورىننىڭ جانە ءار جاقتىڭ بەلسەندىلىگىن اناعۇرلىم جاقسى ساۋلەلەندىرىپ، كۇش سالا نەگىزدى بەكەمدەپ، ابزالدىلىقتى ساۋلەلەندىرىپ، ولقىلىقتاردى تولىقتاپ، ءالسىز تۇستاردى كۇشەيتىپ، ەلەۋلى حاۋىپ - قاتەر مەن سىن - سايىستاردان ساقتانۋعا جانە ونى جويۋعا ءمان بەرگەندە عانا، دامۋدىڭ ساپاسىنىڭ، قۇرىلىمىنىڭ، كولەمىنىڭ، جىلدامدىعىنىڭ، ونىمدىلىگىنىڭ، حاۋىپسىزدىگىنىڭ بىرلىگىن جۇزەگە اسىرۋعا بولادى.

  پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ايگىلەگەن اسقاق، ايبىندى كارتينا، ءسوز جوق، بۇكىل پارتيانى، بۇكىل ەلدەگى ءار ۇلت حالقىن بارلىق ماشاقات، قيىنشىلىق، قاتەر، كەدەرگىلەردى جەڭىپ، جاپپاي سوتسياليستىك وسىزاماندانعان مەملەكەتتى قۇرۋعا جاقسى باستاما اشىپ، جاقسى قادام تاستاۋعا ىنتالاندىرادى جانە جىگەرلەندىرەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءبىر نيەت، ءبىر تىلەكتە بولىپ، قايسارلىقپەن كۇرەس جاساپ، جاڭا ءداۋىردىڭ ۇلى جورىعىندا ”ەكى ۇلكەن كەرەمەت“ سىندى جاڭا تاراۋدى جازايىق.

  (شينحۋا اگەنتتىگىنىڭ 10 - ايدىڭ 31 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.