تيانشان تورى حابارى (ەرىكتى ءتىلشى مين يۇڭ). 10-ايدىڭ 18-كۇنى، شينجياڭ قارامايلى قالاسى قارامايلى رايونى شوگەي اۋىلىندا ءبىر ٴۇيىر تۇيە ٴشول جايىلىستان قايتتى. كەشقۇرىم، كۇنى بويى ٴشول دالادا جايىلعان تۇيە يرەلەڭدەي سوزىلعان كوش جولىن بويلاپ باعىمشىلىق بازاسىنا قاراي اياڭدادى، تۇيە ٴۇيىرى مەن توڭىرەكتەگى سەكسەۋىل، جىڭعىل سىندى ءشول دالا وسىمدىكتەرىنىڭ باتار كۇننىڭ قيعاش ساۋلەسى استىنداعى كولەڭكەسى كەشكى ورىستەن قايتۋدىڭ وزگەشە كارتيناسىن قالىپتاستىردى.
2019-جىلى، شوگەي اۋىلدىق ۇكىمەتى ءشول دالانىڭ تابيعي بايلىعىنان تولىق پايدالانىپ، وسى اۋىلدىڭ جەرگىلىكتى كاسىپورنى — قارامايلى قالاسى حالىقتى اۋقاتتاندىرۋ، اۋىل شارۋاشىلىق، ونەركاسىپ كاسىبى باس سەرىكتەستىگى مەن قارامايلى قالاسى جوعارى سورتتى باعىمشىلىق شارۋالار سەلبەستىك كووپەراتيۆى سەلبەستىكتى ورىستەتىپ، ”ماي بويجەتكەن“ تۇيە باعىمشىلىق بازاسىن قۇرۋدى بار كۇشپەن قولدادى. قازىرگە دەيىن، وسى باعىمشىلىق بازاسىنداعى تۇيە سانى 1100گە جەتىپ، تۇيە ساتۋ بازارىن اشىپ قانا قالماستان، تۇيە ءسۇتى ونىمدەرىن جىنتىكتەي مانەرلەدى، ماسەلەن، بۇگىنگى كۇندە، تۇيەنى جاقىن ماڭداعى ساياحات كورىنىس وڭىرلەرى بازارىنا جالعاستى ساتىپ بەرەتىن بولدى، كۇنىنە ساۋعان جاڭا تۇيە ءسۇتىن وڭدەپ شۇبات، بالمۇزداق، ماروجني سياقتى تۇيە ءسۇتى ونىمدەرىن ٴوندىرىپ، قالا رايونىندا ساتتى. ۇعىسۋعا قاراعاندا، ەكى جاق ىشكەرىلەي سەلبەسىپ، تۇيە ءسۇتىنىڭ جاڭا ونىمدەرى سەحىنا قارجى قوسىپ، كولەمىن ۇلعايتىپ، بازاردى كەڭەيتىپ، كىرىستى ارتتىرىپ، اۋىل-قىستاقتى گۇلدەندىرۋگە دەم بەرەدى ەكەن.
