تيانشان تورى
تيانشان تورى   ›   جاڭالىقتار   ›   شينجياڭ حابارلارى

جالپى حالىقتىڭ سالاماتتىعىن ينفورماتسيالاندىرۋ قۇرىلىسى تەزدەتىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى سۋ لۋپيڭ 10 - ايدىڭ 23 - كۇنى ۇرىمجىدەن حابارلايدى. ”13 - بەسجىلدىق“ كەزىندە رايونىمىز جالپى حالىقتىڭ سالاماتتىعىن ينفورماتسيالاندىرۋ قۇرىلىسى قادامىن اناعۇرلىم تەزدەتىپ، تۇتاس شينجياڭداعى ۇكىمەت اشقان ەمدەۋ - دەنساۋلىق ساقتاۋ قۇرىلىمدارىن جاپپاي قامتىعان، تۇرعىنداردىڭ ەلەكتروندى سالاماتتىق ارحيۆىن، ەلەكتروندى اۋرۋ تاريحىن، تۇتاس جان سانىن باسقارۋدى نەگىز ەتكەن ەمدەۋ - دەنساۋلىق ساقتاۋ جانە جوسپارلى تۋىتتى ينفورماتسيالاندىرۋ جۇيەسىن نەگىزىنەن قالىپتاستىرىپ، تۇتاس رايون كولەمى ىشىندە نەگىزگى ەمدەۋ ينفورماتسياسى جۇيەسىنىڭ تۇتاسۋىن، بايلانىسۋىن جۇزەگە اسىردى.

  2019 - جىلى رايونىمىز اۆتونوميالى رايوننىڭ جالپى حالىقتىڭ سالاماتتىعى ينفورماتسياسى تۇعىرىن ورناتىپ، جوعاردا مەملەكەتتىك جالپى حالىقتىڭ سالاماتتىعى ينفورماتسياسى تۇعىرىمەن بايلانىسۋىن جۇزەگە اسىرىپ، تومەندە اۋدان، قالا ەكى دارەجەلى جان سانى سالاماتتىق ينفورماتسيا تۇعىرىمەن، سونداي - اق تۇتاس رايونداعى ءار دارەجەلى تۇعىرلاردى ولشەمدى، جۇيەلى باسقارۋمەن بايلانىستىردى. قازىرگە دەيىن، تۇتاس رايونىمىزداعى 245 ەمدەۋ قۇرىلىمى شيپاحاناسىنىڭ ينفورماتسيا جۇيەسى، ەلەكتروندى اۋرۋ تاريحى جانە كلينيكالىق ساراپتاۋ، تەكسەرۋ سياقتى نەگىزگى ينفورماتسيا جۇيەسىن جالعاۋدى جانە 1451 نەگىزگى ساتى ەمدەۋ - دەنساۋلىق ساقتاۋ قۇرىلىمى ينفورماتسياسىن جۇيەلى ورنالاستىرۋ مەن ساندى مالىمەتىن كوشىرۋدى ورىندادى؛ اۆتونوميالى رايونداعى نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ باسقارۋ ينفورماتسياسى جۇيەسى، جالپى حالىقتىڭ دەنساۋلىعىن تەكسەرۋدى باسقارۋ ينفورماتسياسى جۇيەسى جانە الەۋمەتتىك دەنساۋلىق ساقتاۋعا قىزمەت وتەۋ جۇيەسى سياقتى 8 دەنساۋلىق ساقتاۋ، سالاماتتىق كاسىبى ينفورماتسيا جۇيەسى جالپى حالىقتىڭ سالاماتتىعى ينفورماتسياسى تۇعىرىنا جالعانىپ، ساندى مالىمەتتەن ورتاق پايدالانۋدى جۇزەگە اسىردى.

  رايونىمىز جاڭاشا ەمدەۋ، سالاماتتىق قىزمەت وتەۋ ۇلگىسىنە بەلسەنە ىزدەنىس جاساپ، ينفورماتسيالىق قىزمەت وتەۋدىڭ بۇلتتىق تۇعىرىن قۇرىپ، ”ينتەرنەت + ەمدەۋ سالاماتتىق“ قىزمەت وتەۋ سالاسىن ۇزدىكسىز كەڭەيتىپ، ”جالپى جان سانىن، ءومىردىڭ بارلىق پەريوتتىق مەرزىمىن، قىزمەتتىڭ جالپى بارىسىن قامتىعان“ ەمدەۋ سالاماتتىعى ينفورماتسيالانعان قىزمەت مەحانيزمىن قۇردى. سونىمەن بىرگە، تۇتاس رايونىمىزداعى ءار دارەجەلى، ءار تۇردەگى ەمدەۋ قۇرىلىمدارى رايونىمىزدىڭ ءبىر تۇتاس كۇنى بۇرىن كەلىسىپ دياگنوز قويۋ حالىققا قولايلى قىزمەت وتەۋ باعدارلاماسىنا كىرىپ، حالىققا قولايلى ەسىك جانە ”سالاماتتى شينجياڭ“ App ارقىلى ۋاقىت كەزەڭدەرىنە ءبولىپ الدىن الا ءنومىر الۋ قىزمەت وتەۋىمەن قامدادى. قازىر وسى باعدارلاماعا كىرگەن رايونىمىزداعى 2 - دارەجەلىدەن (قامتيدى) جوعارى ۇكىمەت اشقان ەمدەۋ قۇرىلىمدارىنان جيىنى 169ى بار.

  اۆتونوميالى رايوننىڭ الىس ارالىقتان ەمدەۋ، قىزمەت وتەۋ بۇلتتىق تۇعىرىن تايانىش ەتىپ، رايونىمىز اۆتونوميالى رايوندىق حالىق شيپاحاناسى مەن شينجياڭ مەديتسينا داشۋەسىنە قاراستى 1 - شيپاحانانىڭ 14 ايماق (وبلىس، قالا) دارەجەلى شيپاحانامەن الىس ارالىقتان ەمدەۋدى سايكەستىرۋ تورابىن قۇرىپ، اۋدان دارەجەلى شيپاحانالاردىڭ الىستان ەمدەۋمەن تۇتاس قامتۋىن جۇزەگە اسىردى. 2019 - جىلدىڭ سوڭىنا دەيىن، شينجياڭداعى ءار دارەجەلى، ءار تۇردەگى ەمدەۋ قۇرىلىمدارى جالپى 73 مىڭ 809 رەت الىس ارالىقتان ادەتتەگى دياگنوز قويۋدى، 8334 رەت شۇعىل دياگنوز قويۋدى، 257 مىڭ 198 رەت الىس ارالىقتان جۇرەك سۋرەتتەۋىش دياگنوزىن قويۋدى، 4344 رەت الىس ارالىقتان كەسكىنگە الىپ دياگنوز قويۋدى، 10 مىڭ 548 رەت الىس ارالىقتان پاتولوگيالىق دياگنوز قويۋدى ورىستەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.