تيانشان تورى   ›   جاڭالىقتار   ›   شينجياڭ حابارلارى

قاشقار ايماعى: كاسىپورىندار قالىپتى ءوندىرىس جۇرگىزدى، جەتكىزۋ ارنالارى ىركىلىسسىزدەندى

شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا

  ”بۇل ءبىزدىڭ بۇگىن 5 - اۆتوكولىككە ۇن تيەۋىمىز، ءبىر ۇلكەن ەرەن بازارعا جەتكىزبەكشىمىز“. 11 - ايدىڭ 1 - كۇنى تۇستەن بۇرىن شينجياڭ كاچۇن استىق - ماي شەكتى سەرىكتەستىگىندە قىزمەتكەر قۇربانجان يۇسۇپ زات تيەۋمەن قاربالاستاي ءجۇرىپ وسىنى ايتتى.

  كونەءشار اۋدانىندا ىندەت تۋىلعاننان كەيىن، قاشقار ايماعى شۇعىل جاعدايعا توتەپ بەرۋ بويىنشا قامتاسىز ەتۋ مەحانيزمىن دەرەۋ ىسكە قوسىپ، كۇرىش، ۇن، استىق - ماي، ەت، كوكونىس سياقتىلاردى ءوندىرۋ، قامداۋ جانە تاسىمالداۋ، جەتكىزۋ سياقتىلارعا ارناۋلى ادام شىعارىپ جاۋاپتاندىرىپ، زاتتىق ماتەريالدارمەن قامتاماسىز ەتۋ قىزمەتىن ءبىر تۇتاس جوسپارلاپ ويداعىداي ىستەپ، ءوندىرىس كاسىپورىندارىنىڭ قالىپتى اينالىمى مەن جەتكىزۋ ارناسىن ىركىلىسسىزدەندىرۋگە شىنايى كەپىلدىك ەتتى.

  ەرەكشە 1 - دارەجەلى ۇن، ەرەكشە 2 - دارەجەلى ۇن، نان پىسراتىن ۇن... شينجياڭ كاچۇن استىق - ماي شەكتى سەرىكتەستىگىنىڭ دايىن ونىمدەر قامباسىندا ءتىلشى نومىرلەنگەن ۇنداردىڭ رەتتى قويىلىپ، اۆتوكولىككە تيەلۋ الدىندا تۇرعاندىعىن كوردى. قىزمەتكەر ءمامتيمىن ورمەت ايىرلى تيەگىشپەن ۇندى قامبانىڭ سىرتىنداعى زات كولىگىنىڭ جانىنا تاسۋدا.

  شينجياڭ كاچۇن استىق - ماي شەكتى سەرىكتەستىگىنىڭ ورىنباسار باس ديرەكتورى جاڭ جين - يەنىڭ تانىستىرۋىنا قاراعاندا، اۆتونوميالى رايوننىڭ اۋىل شارۋاشىلىعىن كاسىپ سالالاندىرۋداعى باستاماشى كاسىپورنى رەتىندە، بۇل سەرىكتەستىك كۇنىنە 400 توننا ءبيدايدى ءبىر جاقتى ەتىپ مانەرلەيتىن ءوندىرىس جەلىسىنە يە ەكەن. كەزەكتە، بۇل سەرىكتەستىكتىڭ 146 قىزمەتكەرى ءوندىرىستىڭ ءبىرىنشى شەبىندە تاپجىلماي، كۇنىنە 250 توننا ۇن وندىرۋدە. ”قازىر كۇنىنە 150 دە 200 توننا ۇن شىعارىلادى، نەگىزىنەن، قاشقار قالاسىنداعى اۋىل شارۋاشىلىق ساۋدا بازارلارىن، ەرەن بازارلاردى زاتپەن قامدايدى“.

  ۇننان سىرت، بۇل سەرىكتەستىك تاعى شيكى كەسپە، نان سياقتىلاردى مانەرلەيدى، وندىرەدى. ”ءبىز وسى بىرنەشە كۇندە ۇستەمە قىزمەت ىستەپ، كۇنىنە 5000 نان جاۋىپ جاتىرمىز“. نان ءوندىرىسى سەحىنىڭ جاۋاپتىسى مىھرنيسا سامەت: وسى ناندار قاشقار قالاسىنداعى ءارقايسى ەرەن بازارلارداعى، الەۋمەتتىك اۋماقتارداعى جەتكىزۋ تۇيىندەرىنە جەتكىزىلىپ، ونان تۇرعىندارعا ساتىلادى، - دەدى.

  قاشقار ايماقتىق استىق جانە زاتتىق ماتەريالداردى ساقتاۋ مەكەمەسىنىڭ ساناعىنا قاراعاندا، قاشقار ايماعىندا جالپى 131 ۇن مانەرلەۋ كاسىپورنى بار ەكەن، مۇنىڭ ىشىندە 125ى قالىپتى ءوندىرىس جۇرگىزىپ، كۇندىك مانەرلەۋ قۋاتى 5827 توننا بولعان؛ ازىقتىق ماي مانەرلەۋ كاسىپورنى 12 بولىپ، مۇنىڭ ىشىندە 9ى قالىپتى ءوندىرىس جۇرگىزىپ، كۇنىنە 187 توننا ماي مانەرلەيدى. قاشقار ايماعىنىڭ كۇرىش جانە ازىقتىق مايى نەگىزىنەن سىرتتان اكەلىنەدى، قازىر قاشقار ايماعىنىڭ زاتتىق ماتەريالداردى تاسىمالداۋ ارناسى ىركىلىسسىز، كۇرىش پەن ازىقتىق مايدىڭ قامباداعى قورى جەتكىلىكتى بولىپ، تۇرعىنداردىڭ قاجەتىن قامتاماسىز ەتە الادى.

  ”ىندەت كەزىندە قاتىستى تاراۋلار وتە كوپ كومەك كورسەتتى، ءبىر جاعىنان، بىزگە كومەكتەسىپ استىقپەن قامداۋ ماسەلەسىن شەشۋىمىزدى سايكەستىردى، ەندى ءبىر جاعىنان، بىزگە كومەكتەسىپ، تاسىمال، جەتكىزۋ ماسەلەمىزدى شەشتى. قازىر كاسىپورىندارىمىز قالىپتى ءوندىرىس جۇرگىزىپ، جەتكىزۋ ارناسى ىركىلىسسىز بولدى“. جاڭاءشار اۋدانىنداعى قاشقار تيانشان ۇن شەكتى سەرىكتەستىگىندە باس ديرەكتور ياڭ جىلين تىلشىگە سول كۇنى تۇستەن بۇرىن وسى سەرىكتەستىكتىڭ 2 كولىكپەن جالپى 60 توننا ۇن جونەلتكەندىگىن، ءبىر كولىك قاعىلىق اۋدانىنا، ەندى ءبىر كولىك پوسكام اۋدانىنا جونەلتىلگەندىگىن ايتتى.

  ياڭ جىليننىڭ تانىستىرۋىنا قاراعاندا، بۇل سەرىكتەستىكتىڭ ءوندىرىس جەلىسى كۇنىنە 600 توننا ءبيداي مانەرلەپ، كۇنىنە 460 توننا اينالاسىندا ۇن ءوندىرىپ، نەگىزىنەن، قاشقار ايماعىنداعى ءارقايسى اۋدان، قالالاردى قامدايدى ەكەن. قازىر ۇننىڭ قامباداعى قورى 2200 توننا، بازار قامداۋىن قاناعاتتاندىرا الادى.

  ”زاۆود رايونىمىز جابىق باسقارىپ، ءبىر كۇندە 3 رەت تەمپەراتۋرا ولشەۋ، زارارسىزداندىرۋ سياقتى قىزمەتتەردى ويداعىداي ىستەپ، جەتكىزۋ كولىكتەرىندەگى شوفەرلەردەن، قىزمەتكەرلەردەن ۇنەمى زارارسىزداندىرۋ، ماسكى تاعۋ سياقتى ءتۇرلى ىندەتتەن ساقتانۋ شارالارىن تياناقتاندىرۋدى تالاپ ەتىپ، ونىمدەردىڭ ساپا حاۋىپسىزدىگىنە شىنايى كەپىلدىك ەتتى“، - دەدى ياڭ جىلين.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى