تيانشان تورى   ›   ۇيرەنۋ   ›   شولۋ

جوعارى ساپالى دامۋدى ىلگەرىلەتۋدى نەگىزگى تاقىرىپ ەتەيىك

− پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ تۋرالى

حالىق گازەتىنىڭ شولۋشىسى

  جاڭا داۋىردەگى ەلىمىزدىڭ ەكونوميكالىق دامۋىنىڭ نەگىزگى ەرەكشەلىگى − جوعارى جىلدامدىقتا ارتۋ كەزەڭىنەن جوعارى ساپالى دامۋ كەزەڭىنە بۇرىلىس جاساۋ. جوعارى ساپالى دامۋ حالىقتىڭ كۇن سايىن ارتىپ وتىرعان تاماشا تۇرمىس قاجەتىن وتە جاقسى قاناعاتتاندىرا الاتىن دامۋ، جاڭالىق اشۋ ءبىرىنشى قوزعاۋشى كۇشكە، سايكەسۋ ىشكى ەرەكشەلىككە، جاسىل بولۋ جالپىلىق فورماتسياعا، اشىق بولۋ، ءسوزسىز، باسىپ وتەتىن جولعا، بىرگە يگىلىككە كەنەلۋ ءتۇبىرلى نىساناعا اينالعان دامۋ. ”14 - بەسجىلدىق“ كەزىندەگى ەكونوميكالىق، قوعامدىق دامۋ جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋ كەرەك، بۇل پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ ەلىمىزدىڭ دامۋ ساتىسى، دامۋ ورتاسى، دامۋ شارت - جاعدايى وزگەرىسىنە نەگىزدەلىپ شىعارعان عىلمي تۇجىرىمى.

  ەلىمىز سوتسياليزمنىڭ العاشقى ساتىسىندا تۇر ءارى ۇزاق ۋاقىت تۇرا بەرەدى، ءالى دە دۇنيە جۇزىندەگى ەڭ ۇلكەن وركەندەپ كەلە جاتقان ەل، دامۋ ءالى دە پارتيامىزدىڭ بيلىك جۇرگىزىپ، مەملەكەتتى گۇلدەندىرۋدەگى ماڭداي الدى ماڭىزدى مىندەتى. مىنانى ءسوز جوق، باسا دارىپتەۋ كەرەك: جاڭا داۋىردەگى، جاڭا ساتىداعى دامۋدا، ءسوز جوق، جاڭا دامۋ ۇستانىمىن دايەكتىلەندىرۋ، ءسوز جوق، جوعارى ساپالى دامۋ كەرەك. پارتيا 18 - كەزەكتى ورتالىق كوميتەتىنىڭ بەسىنشى جالپى ءماجىلىسى جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىن ايقىن العا قويىپ، ەلىمىز ەكونوميكاسىنىڭ دامۋىنداعى قيىن ماسەلەلەردى ۇزدىكسىز شەشىپ، دامۋ باسىمدىعىن نىعايتۋعا جەتەكشىلىك ەتىپ، دامۋ تاسىلىنە بۇرىلىس جاساۋ، ەكونوميكالىق قۇرىلىمدى ساپالىلاندىرۋ، ارتۋ قوزعاۋشى كۇشىن اۋىستىرۋ جاعىندا كەلەلى تابىسقا قول جەتكىزىپ، جوعارى ساپالى دامۋعا نىق قادام تاستادى. اماليات مىنانى تولىق كورسەتتى: جوعارى ساپالى دامۋدى ىلگەرىلەتۋ ەكونوميكالىق دامۋ زاڭدىلىعىنا بويسۇنۋدىڭ، ەكونوميكانىڭ باياندى، اقاۋسىز دامۋىن ساقتاۋدىڭ قاجەتتى تالابى، ەلىمىز قوعامىنداعى باستى قايشىلىقتىڭ وزگەرىسىنە ۇيلەسۋدىڭ جانە جاپپاي دوڭگەلەك داۋلەتتى قوعام ورناتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ قاجەتتى تالابى.

  كەزەكتە، دۇنيە جۇزىندە ءجۇز جىلدا بولماعان زور وزگەرىس تەز قۇبىلۋدا، ەلىمىز دامۋىنىڭ ىشكى شارت - جاعدايى مەن سىرتقى ورتاسىندا تەرەڭ دە كۇردەلى وزگەرىس تۋىلۋدا. ”14 - بەسجىلدىق“ كەزىندە ەلىمىز جاڭا دامۋ ساتىسىنا وتەدى، ءبىر قىدىرۋ جاڭا ورايعا، جاڭا سىن - سايىسقا ءدوپ كەلەدى. ۇزدىكسىز دامۋ كوپ جاقتى باسىمدىققا جانە شارت - جاعدايعا يە، سونىمەن بىرگە ەلىمىزدىڭ دامۋىنداعى بىركەلكى بولماۋ، تولىق بولماۋ ماسەلەسى ءالى دە كورنەكتى، دامۋ بارىسىنداعى قايشىلىق پەن ماسەلەلەر دامۋ ساپاسى جاعىندا شوعىرلى بەينەلەنەدى. بۇل بىزدەن، ءسوز جوق، دامۋ ساپاسى ماسەلەسىن اناعۇرلىم كورنەكتى ورىنعا قويىپ، دامۋ ساپاسى مەن ونىمدىلىگىن كۇش سالا جوعارىلاتۋدى تالاپ ەتەدى. ەندى ءبىر جاعىنان، ەلىمىزدىڭ دامۋىنداعى سىرتقى ورتا كۇن سايىن كۇردەلىلەسىپ كەلەدى. ءتۇرلى حاۋىپ - قاتەرلەردەن، كومەسكى كىناراتتاردان ساقتانىپ جانە ونى جويىپ، سىرتقى ورتانىڭ وزگەرىسى الا كەلەتىن سوققىعا، سىن - سايىسقا بەلسەنە توتەپ بەرۋدىڭ تەتىگى − ءوز ءىسىمىزدى ويداعىداي ىستەپ، دامۋ ساپاسىن جوعارىلاتىپ، حالىقارالىق باسەكەلىك قۋاتتى جوعارىلاتىپ، مەملەكەتتىڭ جالپىلىق ناقتى قۋاتى مەن حاۋىپ - قاتەرگە قارسى تۇرۋ قابىلەتىن كۇشەيتىپ، مەملەكەت حاۋىپسىزدىگىن ءونىمدى قورعاپ، ەكونوميكانىڭ ورنىقتىلىعىن، باياندىلىعىن، قوعامنىڭ تىنىشتىعىن، جاراسىمدىلىعىن جۇزەگە اسىرۋدا. ەكونوميكا، قوعام، مادەنيەت، ەكولوگيا سياقتى ءتۇرلى سالالاردىڭ بارلىعىندا جوعارى ساپالى دامۋ تالابىن ايگىلەۋ كەرەك.

  باس شۋجي شي جينپيڭ بىلاي دەپ باسا دارىپتەدى: ”جوعارى ساپالى دامۋ − جاڭا دامۋ ۇستانىمىن ايگىلەيتىن دامۋ، ەكونوميكالىق دامۋدا ’بار ما، جوق پا‘ دەۋدەن ’جاقسى ما، جامان با‘ دەۋگە قاراي بۇرىلىس جاساۋ“. جالپى ءماجىلىس قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسى» جاڭا دامۋ ۇستانىمىنىڭ جەتەكتەۋ رولىن كورنەكتىلەندىرىپ، ”14 - بەسجىلدىق“ كەزىندەگى ەكونوميكالىق، قوعامدىق دامۋدىڭ جانە رەفورما جاساۋدىڭ، ەسىك اشۋدىڭ ءتۇيىندى مىندەتتەرى جونىندە قىزمەتتىك ورنالاستىرۋ جاساپ، عىلىم - تەحنيكادا جاڭالىق اشۋ، كاسىپ سالاسىن دامىتۋ، ەل ءىشى بازارى، رەفورمانى تەرەڭدەتۋ، اۋىل - قىستاقتى گۇلدەندىرۋ، وڭىرلىك دامۋدان مادەنيەت قۇرىلىسى، جاسىل دامۋ، سىرتقا ەسىك اشۋ، قوعامدىق قۇرىلىس، حاۋىپسىز دامۋ، مەملەكەت قورعانىسى قۇرىلىسى سياقتى ءتۇيىندى سالالارعا دەيىنگى وي جەلى مەن ءتۇيىندى قىزمەتتەردى ايقىندادى. جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋدە جاڭا دامۋ ۇستانىمىن بۇلجىماي دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى ەتىپ، ساپانى ءبىرىنشى ورىنعا قويۋعا، ونىمدىلىكتى الدىمەن ويلاسۋعا تاباندى بولىپ، دامۋ تاسىلىنە شىن مانىندە بۇرىلىس جاساپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتىپ، دامۋ جەتىستىگىنەن بارلىق حالىقتى اناعۇرلىم ويداعىداي يگىلىكتەندىرىپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرۋ كەرەك.

  جوعارى ساپالى دامۋدى ىلگەرىلەتۋ − ەكونوميكالىق قىزمەتتى ويداعىداي ىستەۋدىڭ ءتۇبىرلى تالابى، جاڭا دامۋ ۇستانىمى − جالپى جاعدايدى مەڭگەرەتىن، ءتۇبىردى مەڭگەرەتىن، ۇزاق بولاشاقتى مەڭگەرەتىن بەتالىس. جاڭا داۋىردە ەكپىندەي العا ىلگەرىلەپ، جاڭا ساپاردى باستاپ، جوعارى ساپالى دامۋدى ىلگەرىلەتۋدى نەگىزگى تاقىرىپ ەتىپ، جاڭا دامۋ ۇستانىمىن دامۋدىڭ جالپى بارىسىنا جانە ءتۇرلى سالالارعا ساباقتاستىرىپ، داعدارىس بارىسىندا وراي جەتىلدىرىپ، وزگەرىس بارىسىندا جاڭا جاعداي اشىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋعا قۇلشىناتىن بولساق، ءسوز جوق، باسىمدىققا، ىرىقتىلىققا، بولاشاققا قول جەتكىزە الامىز.

  (شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.