تيانشان تورى
تيانشان تورى   ›   جاڭالىقتار   ›   شينجياڭ حابارلارى

نازاردى جاڭا بورىشقا شوعىرلاندىرىپ، تىڭ جاۋاپكەرشىلىك ارقالايمىز

  − رايونىمىزدىڭ حالىقتىق ۇيىمدارىنداعى كادرلار، جۇمىسشى - قىزمەتشىلەر پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن قىزۋ تالقىلادى

    شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ يۇنمەي، لياڭ ليحۋا، جىڭ جو

  پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى كورەگەندىكپەن جاساعان ايبىندى جوبا جۇرتتى جىگەرلەندىرىپ، ەكپىندەي ىلگەرىلەۋگە جەبەدى، رايونىمىزدىڭ حالىقتىق ۇيىمدارىنداعى كادرلار، جۇمىسشى - قىزمەتشىلەر اراسىندا كۇشتى اڭىس قوزعادى. كوپشىلىك جابال مىنانى ءبىلدىردى: جالپى ءماجىلىستىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، نازاردى جاڭا بورىشقا شوعىرلاندىرىپ، تىڭ جاۋاپكەرشىلىك ارقالاۋدى ايگىلەپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تيانشان الابىندا تامىر تارتۋىن جەبەپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋگە اقىل - پاراساتىمىز بەن كۇش - قۋاتىمىزدى قوسامىز.

  اۆتونوميالى رايوندىق باس جۇمىسشى ۇيىمى ورگان پارتكومىنىڭ ارناۋلى مىندەتتەگى ورىنباسار شۋجيى، قوسىمشا ۇيىمداستىرۋ ءبولىمىنىڭ ورىنباسار باستىعى ياڭ يانچين مىنانى ءبىلدىردى: اۆتونوميالى رايوندىق باس جۇمىسشى ۇيىمى جالپى ماجىلىستەگى نىسانالار مەن مىندەتتەردى تىعىز ارقاۋ ەتىپ، ەڭبەك ەرى رۋحىن، ەڭبەك رۋحىن، شەبەرلىك رۋحتى بارىنشا ساۋلەلەندىرىپ، ەڭبەك جانە ىسكەرلىك باسەكەسىن ۇزدىكسىز كەڭ كولەمدە ىشكەرىلەي ورىستەتىپ، جۇمىسشى - قىزمەتشىلەردىڭ عىلىم - تەحنيكادا جاڭالىق اشۋعا ات سالىسۋىنا بەلسەنە جەتەكشىلىك ەتىپ، قالىڭ جۇمىسشى - قىزمەتشىلەردى جوعارى ساپالى دامۋدى ىلگەرىلەتۋگە، جاڭا دامۋ ارناسىن قالىپتاستىرۋعا ۇلەس قوسۋعا جۇمىلدىرامىز. سونىمەن قاتار، ۇقىعىن قورعاۋعا قىزمەت ەتۋ مەن قيىنشىلىعى بار جۇمىسشى - قىزمەتشىلەردىڭ قيىنشىلىعىن شەشۋ، قيىنشىلىقتان ارىلتۋ قىزمەتىن تىڭعىلىقتى ويداعىداي ىستەپ، جۇمىسشى - قىزمەتشىلەر مەن بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىز.

  ”تۇتاس رايونىمىزدىڭ ءار دارەجەلى كوممۋنيستىك جاستار وداعى ۇيىمدارى مەن وداق مۇشەسى جاستار جالپى ءماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭىزدى ساياسي مىندەت رەتىندە، شىن مانىندە مىقتى، جاقسى يگەرۋى كەرەك“. اۆتونوميالى رايوندىق جاستار وداعى كوميتەتىنىڭ شۋجيى مامەتجان داۋىت بىلاي دەدى:”وزەكتى ارقاۋ ەتىپ، جالپى جاعدايعا قىزمەت كورسەتىپ، نازاردى نەگىزگى جاۋاپكەرشىلىككە شوعىرلاندىرىپ، ارتىقشىلىقتى ساۋلەلەندىرىپ، جاستارعا يدەيالىق جاقتان جەتەكشىلىك ەتۋ، ىشتەسۋ، توعىسۋ، تولىسۋ، ماماندانۋ قىزمەتتەرىن جاقسى ىستەپ، تۇتاس رايونىمىزدىڭ ءار ۇلت وداق مۇشەلەرىن جاستاردى جاڭا داۋىردەگى جۇڭگوشا سوتسياليستىك شينجياڭ قۇرۋعا جاستىق ورالدارىن كۇش - قۋاتتارىن ارناۋعا ىنتىماقتاستىرا باستاۋىمىز كەرەك“.

  ”پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جاڭا داۋىردەگى پارتيانىڭ ايەلدەر قىزمەتىن جاقسى ىستەۋىنە ايقىن بەتالىس كورسەتىپ بەردى“. اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ ورىنباسار شۋجيى، ءتورايىمى اينۇر ماقسات بىلاي دەدى: اۆتونوميالى رايوندىق ايەلدەر بىرلەستىگى جالپى ءماجىلىستىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، ۇيرەنۋ، تولعانۋ، ورىنداۋ، ۇعىنۋ بارىسىندا ساياسي دەڭگەيدى جوعارىلاتۋعا تاباندى بولىپ، ۇعىنۋ مەن امالياتتا ايگىلەۋدى توعىستىرۋ بارىسىندا ىرىقتىلىقپەن جاۋاپكەرشىلىك ارقالاپ، ءىس تىندىرىپ، تۇتاس رايونىمىزداعى ءار ۇلت ايەلدەر قاۋىمىن جاپپاي سوتسياليستىك وسىزاماندانعان ەل قۇرۋ جاڭا جورىعىندا جەلەكتىلەر ەرەكشەلىگىن ايگىلەپ، جەلەكتىلەر كۇشىن قوسۋعا ىنتىماقتاستىرا باستايمىز.

  ”جالپى ءماجىلىستىڭ رۋحىن تياناقتاندىرۋداعى ءتۇيىن ناقتى ىستەۋدە“. اۆتونوميالى رايوندىق عىلىم - تەحنيكا قوعامى پارتيا باسشىلىق گرۋپپاسىنىڭ شۋجيى ديڭ يۋميڭ بىلاي دەدى: شينجياڭ عىلىم - تەحنيكا قوعامى مەن عىلىم - تەحنيكا سالاسى جالپى ءماجىلىستىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، عىلىم - تەحنيكادا جاڭالىق اشۋدى ەكونوميكالىق دامۋمەن ىشكەرىلەي توعىستىرۋ جونىندە تىنباي ىزدەنىس جاساپ، ۇيرەنۋ جەتىستىگىن شىن مانىندە شينجياڭنىڭ عىلىم - تەحنيكاسىنىڭ العا باسۋىن جەبەيتىن قۇدىرەتتى قوزعاۋشى كۇشكە اينالدىرۋعا كۇش سالامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.