شينحۋا اگەنتتىگىنىڭ 11 - ايدىڭ 3 - كۇنى بەيجيڭنەن بەرگەن حابارى. شينحۋا اگەنتتىگى 11 - ايدىڭ 3 - كۇنى بەرىلگەن ۇقىق بويىنشا «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» جاريالادى. 10 - ايدىڭ 29 - كۇنى جابىلعان پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى وسى «ۇسىنىستى» قاراپ ماقۇلدادى.
«ۇسىنىس» پارتيا 19 - قۇرىلتايىنىڭ ەكىنشى 100 جىلدىق كۇرەس نىساناسىن جۇزەگە اسىرۋدى ەكى كەزەڭگە ءبولىپ ىلگەرىلەتۋ ستراتەگيالىق ورنالاستىرۋى بويىنشا، الداعى ءبىر مەزگىلدەگى ەل ءىشى - سىرتىنىڭ دامۋ بەتالىسى مەن ەلىمىزدىڭ دامۋ شارت - جاعدايىن جان - جاقتىلى ويلاستىرىپ، ەلىمىز قوعامىنداعى باستى قايشىلىقتى مىقتاپ يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، ”14 - بەسجىلدىق“ مەزگىلىندەگى ەلىمىزدىڭ دامۋى جونىندە جۇيەلى جوبا جانە ستراتەگيالىق ورنالاستىرۋ جاسادى. «ۇسىنىس» سونىمەن بىرگە 2035 - جىلعا جەتكەندە سوتسياليستىك وسىزامانداندىرۋدى نەگىزىنەن جۇزەگە اسىرۋ بولاشاقتىق نىساناسىن ورتاعا قويدى.
«ۇسىنىس» 15 بولىمنەن قۇرالىپ، 3 ۇلكەن بولىككە ءبولىندى.
1 - بولىك جالپى بايانعا ءبىرىنشى، ەكىنشى 2 ءبولىم قامتىلىپ، باستىسى، جاپپاي دوڭگەلەك داۋلەتتى قوعام ورناتۋدىڭ شەشۋشى شايقاسىندا قول جەتكىزگەن شەشۋشى جەتىستىكتەر، ەلىمىزدىڭ دامۋ ورتاسى ءدوپ كەلىپ وتىرعان تەرەڭ، كۇردەلى وزگەرىستەر، 2035 - جىلعا جەتكەندە سوتسياليستىك وسىزامانداندىرۋدى نەگىزىنەن جۇزەگە اسىرۋ بولاشاقتىق نىساناسى، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسى، ءسوز جوق، بويسۇناتىن پرينسيپتەر مەن باستى نىسانالار بايىمدالدى.
2035 - جىلعا جەتكەندە سوتسياليستىك وسىزامانداندىرۋدى نەگىزىنەن جۇزەگە اسىرۋ بولاشاقتىق نىساناسى: پارتيا 19 - قۇرىلتايىنىڭ ەكىنشى 100 جىلدىق كۇرەس نىساناسىن جۇزەگە اسىرۋدى ەكى كەزەڭگە ءبولىپ ىلگەرىلەتۋ سىندى ستراتەگيالىق ورنالاستىرۋى، ياعني 2035 - جىلعا جەتكەندە سوتسياليستىك وسىزامانداندىرۋدى نەگىزىنەن جۇزەگە اسىرىپ، وسى عاسىردىڭ ورتاسىنا بارعاندا ەلىمىزدى باي - قۇدىرەتتى، دەموكراتيالى، وركەنيەتتى، جاراسىمدى، كورىكتى، سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ. 2035 - جىلعا كوز جىبەرسەك، ەلىمىزدىڭ ەكونوميكالىق ناقتى قۋاتى، عىلىم - تەحنيكالىق ناقتى قۋاتى، جالپىلىق مەملەكەت قۋاتى زور دارەجەدە جوعارىلاپ، ەكونوميكانىڭ جالپى مولشەرى مەن قالا، اۋىل تۇرعىندارىنىڭ جان باسىندىق ورتاشا كىرىسى تاعى دا جاڭا، ۇلكەن ساتىعا كوتەرىلىپ، شەشۋشى، وزەكتى تەحنيكالاردا كەلەلى سەرپىلىس جۇزەگە اسىرىلىپ، جاڭاشىل مەملەكەتتەردىڭ الدىڭعى لەگىنە وتەدى؛ جاڭاشا ونەركاسىپتەندىرۋ، ينفورماتسيالاندىرۋ، قالا - قالاشىقتاندىرۋ، اۋىل شارۋاشىلىعىن وسىزامانداندىرۋ نەگىزىنەن جۇزەگە اسىپ، وسىزاماندانعان ەكونوميكالىق جۇيە ورناتىلادى؛ مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ نەگىزىنەن جۇزەگە اسىپ، حالىقتىڭ تەڭ ات سالىسۋ، تەڭ دامۋ ۇقىعى تولىق قامتاماسىزداندىرىلىپ، زاڭمەن جونگە سالىناتىن مەملەكەت، زاڭمەن جونگە سالىناتىن ۇكىمەت، زاڭمەن جونگە سالىناتىن قوعام نەگىزىنەن ورناتىلادى؛ مادەنيەتتە قۋاتتى ەل، وقۋ - اعارتۋدا قۋاتتى ەل، دارىندىدا قۋاتتى ەل، دەنە تاربيەدە قۋاتتى ەل، سالاماتتى جۇڭگو تۇلعالاپ، حالىقتىڭ ساپاسى مەن قوعامنىڭ وركەنيەت دارەجەسى تىڭ دەڭگەيگە كوتەرىلىپ، مەملەكەتتىڭ مادەنيەت جۇمساق قۋاتى كورنەكتى كۇشەيتىلەدى؛ جاسىل ءوندىرىس، تۇرمىس ءتاسىلى كەڭ كولەمدە قالىپتاستىرىلىپ، كومىرتەگىن شىعارۋ جوعارى دەڭگەيگە جەتكەننەن كەيىن ورنىقتى تۇردە تومەندەتىلىپ، ەكولوگيالىق ورتا تۇبىرىنەن جاقسارتىلىپ، كورىكتى جۇڭگو قۇرىلىسى نىساناسى نەگىزىنەن جۇزەگە اسىرىلادى؛ سىرتقا ەسىك اشۋدىڭ جاڭا ارناسى قالىپتاستىرىلىپ، حالىقارالىق ەكونوميكالىق سەلبەستىك پەن باسەكەگە ات سالىسۋدىڭ جاڭا باسىمدىعى كورنەكتى كۇشەيتىلەدى؛ جان باسىندىق ىشكى ءوندىرىس جالپى ءونىم قۇنى ورتاشا دامىعان مەملەكەتتەردىڭ دەڭگەيىنە جەتكىزىلىپ، ورتاشا كىرىستى قاۋىم كورنەكتى مولايتىلىپ، نەگىزگى الەۋمەتتىك قىزمەت وتەۋدىڭ بىركەلكى بولۋى جۇزەگە اسىرىلادى، قالا، اۋىلداردىڭ وڭىرلىك دامۋ پارقى جانە تۇرعىنداردىڭ تۇرمىس ورەسى پارقى كورنەكتى ازايتىلادى؛ تىنىش جۇڭگو قۇرىلىسى اناعۇرلىم جوعارى دەڭگەيگە جەتكىزىلىپ، مەملەكەت قورعانىسى مەن ارميانى وسىزامانداندىرۋ نەگىزىنەن جۇزەگە اسىرىلادى؛ حالىقتى اناعۇرلىم تاماشا تۇرمىسقا جەتكىزىپ، ادامنىڭ جان - جاقتى دامۋىندا، جالپى حالىقتىڭ ورتاق بايۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزىلەدى.
”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسى: جۇڭگوشا سوتسياليزم ۇلى تۋىن بيىك ۇستاپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جالپى بەتتىك دايەكتىلەندىرىپ، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن جونگە سالۋ، پارتيانى جاپپاي قاتاڭ جونگە سالۋ ستراتەگيالىق ورنالاستىرۋىن سايكەستى ىلگەرىلەتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىن تاباندىلىقپەن دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋ، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن قاناعاتتاندىرۋدى ءتۇبىرلى ماقسات ەتىپ، دامۋ مەن حاۋىپسىزدىكتى ءبىر تۇتاس جوسپارلاپ، وسىزاماندانعان ەكونوميكا جۇيەسىن جەدەل قۇرىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ەكونوميكانىڭ ورنىقتىلىعىن، باياندىلىعىن، قوعامنىڭ تىنىشتىعىن، جاراسىمدىلىعىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋ باستاماسىن جاقسى باستاۋ، قادامدى جاقسى تاستاۋ.
”14 - بەسجىلدىق“ مەزگىلىندەگى ەكونوميكالىق، قوعامدىق دامۋدا، ءسوز جوق، بويسۇناتىن پرينسيپتەر:
− پارتيانىڭ جالپى بەتتىك باسشىلىعىنا تاباندى بولۋ.
− حالىقتى وزەك ەتۋگە تاباندى بولۋ.
− جاڭا دامۋ ۇستانىمىنا تاباندى بولۋ.
− رەفورما جاساۋدى، ەسىك اشۋدى تەرەڭدەتۋگە تاباندى بولۋ.
− جۇيە كوزقاراسىنا تاباندى بولۋ.
”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ باستى نىسانالارى. 2035 - جىلعى بولاشاقتىق نىسانانى ناقتى بەلگىلەپ ەل ءىشى - سىرتىنىڭ دامۋ اۋقىمى مەن ەلىمىزدىڭ دامۋ شارت - جاعدايىن جالپىلىق ويلاسىپ، نىسانانى باعدار ەتۋ مەن ماسەلەنى باعدار ەتۋدى ءوزارا ۇشتاستىرۋعا تاباندى بولىپ، تۋراشىلدىقتى ساقتاۋ مەن جاڭالىق اشۋدىڭ بىرلىگىنە تاباندى بولىپ، بۇدان كەيىنگى 5 جىلداعى ەكونوميكالىق، قوعامدىق دامۋدا تومەندەگى باستى نىسانالاردى قۇلشىنا جۇزەگە اسىرۋ كەرەك.
− ەكونوميكالىق دامۋدا تىڭ تابىسقا قول جەتكىزۋ. دامۋ ەلىمىزدەگى بارلىق ماسەلەنى شەشۋدىڭ نەگىزى جانە تەتىگى. دامۋدا، ءسوز جوق، جاڭا دامۋ ۇستانىمىنا تاباندى بولۋ، ساپانى، ونىمدىلىكتى كورنەكتى جوعارىلاتۋ نەگىزىندە ەكونوميكانىڭ ءۇرتىس اقاۋسىز دامۋىن جۇزەگە اسىرۋ، ارتۋدىڭ كومەسكى كۇشىن تولىق ساۋلەلەندىرۋ، ەل ءىشى بازارىن اناعۇرلىم كۇشەيتۋ، ەكونوميكالىق قۇرىلىمدى اناعۇرلىم ساپالىلاندىرۋ، جاڭالىق اشۋ قابىلەتىن كورنەكتى جوعارىلاتۋ، كاسىپ سالاسى نەگىزىن جوعارى دارەجەلىلەندىرۋ، كاسىپ سالاسى تىزبەگىنىڭ وسىزاماندانۋ دەڭگەيىن كورنەكتى جوعارىلاتۋ، اۋىل شارۋاشىلىعىنىڭ نەگىزىن اناعۇرلىم بەكەمدەۋ، قالا مەن اۋىلدىڭ وڭىرلىك دامۋ سايكەستىلىگىن كورنەكتى كۇشەيتۋ، وسىزاماندانعان ەكونوميكا جۇيەسى قۇرىلىسىندا ەلەۋلى ىلگەرىلەۋشىلىككە قول جەتكىزۋ.
− رەفورما جاساۋدا، ەسىك اشۋدا تىڭ قادام تاستاۋ. سوتسياليستىك بازار شارۋاشىلىعى ءتۇزىلىسىن اناعۇرلىم كەمەلدەندىرۋ، جوعارى ولشەمدى بازار جۇيەسىن نەگىزىنەن ورناتۋ، بازار تۇلعالارىن اناعۇرلىم ومىرشەڭدىك كۇشكە يە ەتۋ، مال - مۇلىك ۇقىعى ءتۇزىمى رەفورماسى مەن ماڭىزدى فاكتورلاردى بازارلاندىرىپ جايعاستىرۋ رەفورماسىندا ەلەۋلى ىلگەرىلەۋشىلىككە قول جەتكىزۋ، ءادىل باسەكە ءتۇزىمىن اناعۇرلىم اقاۋسىزداندىرۋ، اناعۇرلىم جوعارى ورەدەگى اشىق ەكونوميكالىق جاڭا ءتۇزىلىستى نەگىزىنەن قالىپتاستىرۋ.
− قوعامنىڭ وركەنيەت دەڭگەيىن تىڭ ساتىعا كوتەرۋ. سوتسياليستىك وزەكتى قۇن كوزقاراسىن جۇرت جۇرەگىنە تەرەڭ ۇيالاتۋ، حالىقتىڭ يدەيا - ءمورال ساپاسىن، عىلىم، مادەنيەت ساپاسىن، دەنساۋلىق جانە پسيحيكالىق اقاۋسىزدىق ساپاسىن كورنەكتى جوعارىلاتۋ، الەۋمەتتىك مادەنيەت قىزمەت وتەۋ جۇيەسى مەن مادەنيەت كاسىپ سالاسى جۇيەسىن اناعۇرلىم اقاۋسىزداندىرۋ، حالىقتىڭ رۋحاني مادەنيەت تۇرمىسىن كۇن سايىن بايىتۋ، جۇڭحۋا مادەنيەتىنىڭ ىقپال كۇشىن ونان ارى جوعارىلاتۋ، جۇڭحۋا ۇلتىنىڭ ۇيىسۋ قۋاتىن ونان ارى كۇشەيتۋ.
− ەكولوگيالىق وركەنيەت قۇرىلىسىندا جاڭا ىلگەرىلەۋشىلىكتى جۇزەگە اسىرۋ. مەملەكەت تەرريتورياسى كەڭىستىگىن اشۋ - قورعاۋ ارناسىن ساپالىلاندىرۋ، ءوندىرىس، تۇرمىس ءتاسىلىن جاسىلعا بەت الدىرۋدا كورنەكتى ونىمدىلىككە قول جەتكىزۋ، ەنەرگيا بايلىعىن اناعۇرلىم ۇيلەسىمدى جايعاستىرىپ، پايدالانۋ ونىمدىلىگىن زور دارەجەدە جوعارىلاتۋ، باستى لاستاۋشى زاتتاردى شىعارۋ جالپى مولشەرىن ۇزدىكسىز ازايتۋ، ەكولوگيالىق ورتانى ءۇرتىس جاقسارتۋ، ەكولوگيالىق حاۋىپسىزدىك قالتقىسىن اناعۇرلىم بەكەمدەۋ، قالا مەن اۋىلدىڭ قونىس ورتاسىن كورنەكتى جاقسارتۋ.
− حالىق تۇرمىسىنىڭ قۇت - ىرىسىن جاڭا ورەگە جەتكىزۋ. اناعۇرلىم تولىق، اناعۇرلىم جوعارى ساپالى جۇمىستاندىرۋدى جۇزەگە اسىرۋ، تۇرعىندار كىرىسىنىڭ ارتۋى مەن ەكونوميكانىڭ ارتۋىن نەگىزىنەن تەڭ قادامدا ىلگەرىلەتۋ، ءبولىس قۇرىلىمىن كورنەكتى جاقسارتۋ، نەگىزگى الەۋمەتتىك قىزمەت وتەۋدىڭ بىركەلكىلەنۋ دەڭگەيىن كورنەكتى جوعارىلاتۋ، جالپى حالىقتىڭ ءتالىم - تاربيە الۋ دەڭگەيىن ۇزدىكسىز جوعارىلاتۋ، كوپ ساتىلى قوعامدىق قامتاماسىزداندىرۋ جۇيەسىن اناعۇرلىم اقاۋسىزداندىرۋ، دەنساۋلىق ساقتاۋ، سالاماتتىق جۇيەسىن اناعۇرلىم كەمەلدەندىرۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، اۋىل - قىستاقتى كوركەيتۋ ستراتەگياسىن جالپى بەتتىك ىلگەرىلەتۋ.
− مەملەكەتتى جونگە سالۋ ونىمدىلىگىن تىڭنان جوعارىلاتۋ. سوتسياليستىك دەموكراتيانى، زاڭمەن جونگە سالۋدى اناعۇرلىم اقاۋسىزداندىرۋ، قوعامنىڭ ادىلدىگىن، تۋراشىلدىعىن ونان ارى ايگىلەۋ، مەملەكەتتىڭ اكىمشىلىك جۇيەسىن اناعۇرلىم كەمەلدەندىرۋ، ۇكىمەتتىڭ رولىن اناعۇرلىم ويداعىداي ساۋلەلەندىرۋ، اكىمشىلىك ونىمدىلىك پەن الەۋمەتتىك سەنىمدىلىكتى كورنەكتى جوعارىلاتۋ، قوعامدى جونگە سالۋ، اسىرەسە، نەگىزگى ساتىنى جونگە سالۋ دەڭگەيىن كورنەكتى جوعارىلاتۋ، ەلەۋلى حاۋىپ - قاتەردەن ساقتانۋ مەن ونى جويۋدىڭ ءتۇزىلىس - مەحانيزمدەرىن ۇزدىكسىز اقاۋسىزداندىرۋ، توسىن تۋىلعان الەۋمەتتىك وقيعاعا شۇعىل توتەپ بەرۋ قابىلەتىن كورنەكتى كۇشەيتۋ، جاراتىلىستىق اپاتتان ساقتانۋ دەڭگەيىن كورنەكتى جوعارىلاتۋ، دامۋ حاۋىپسىزدىگىن اناعۇرلىم پارمەندى قامتاماسىز ەتۋ، مەملەكەت قورعانىسى مەن ارميانى وسىزامانداندىرۋدا كەلەلى قادام تاستاۋ.
2 - بولىك، ارناۋلى ءبولىم، بۇلار جالپى جاقتان ايتقاندا جاڭا دامۋ ۇستانىمنىڭ مازمۇنىنا قاراي ۇيىمداستىرىلىپ، ”14 - بەسجىلدىق“ مەزگىلدەگى ەكونوميكالىق، قوعامدىق دامۋ مەن رەفورما جاساۋ، ەسىك اشۋدىڭ ءتۇيىندى مىندەتتەرى سالالارعا ءبولىنىپ بايىمدالىپ، 12 ءبولىم ورنالاستىرىلىپ، عىلىم - تەحنيكادا جاڭالىق اشۋ، كاسىپ سالالارىن دامىتۋ، ەل ءىشى بازارى، رەفورمانى تەرەڭدەتۋ، اۋىل - قىستاقتى كوركەيتۋ، وڭىرلەردىڭ دامۋى، مادەنيەت قۇرىلىسىنا دەيىن جاسىل دامۋ، سىرتقا ەسىك اشۋ، قوعامدىق قۇرىلىس، حاۋىپسىز دامۋ، مەملەكەت قورعانىسى قۇرىلىسى سياقتى ءتۇيىندى سالالاردىڭ وي جەلىسى مەن ءتۇيىندى قىزمەتتەرى ايقىندالىپ، قىزمەتتىك ورنالاستىرۋلار جاسالدى.
3 - بولىك، سوڭى، وندا 15 - بولىك پەن قورىتىندى ءسوز قامتىلىپ، باستىسى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ، سوتسياليستىك ساياسي قۇرىلىستى ىلگەرىلەتۋ، جوبا جاساۋ جانە تياناقتاندىرۋ مەحانيزمىن اقاۋسىزداندىرۋ سياقتى مازمۇندار بايىمدالدى.
«ۇسىنىس» مىنالاردى باسا دارىپتەدى: ”14 - بەسجىلدىق“ جوبانى جانە 2035 - جىلعا دەيىنگى بولاشاقتىق نىسانانى جۇزەگە اسىرۋ كەلەلى ماڭىزعا يە، مىندەتى جاپالى، بولاشاعى نۇرلى. بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ءبىر نيەت، ءبىر تىلەكتە بولىپ، قايسارلىقپەن كۇرەس جاساپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋ كەرەك!
