تيانشان تورى   ›   جاڭالىقتار   ›   شينجياڭ حابارلارى

قاشقار ايماعى ەڭ تومەنگى تۇرمىستى قامتاماسىزداندىرۋدان يگىلىكتەنەتىن وتباسىلارىنا 2 ايدىڭ ەڭ تومەنگى تۇرمىستى قامتاماسىزداندىرۋ قاراجاتىن الدىن الا تاراتتى

  تيانشان تورى حابارى (حابارىن جازىپ، سۋرەتىن تۇسىرگەن تىلشىلەر كاڭ حاۋيان، جاڭ ۋاندى، يىن تۇڭيۋان، ۋاڭ جوۋ، سۇبات اسقار). 11-ايدىڭ 3-كۇنى كەشتە، اۆتونوميالى رايوندىق ۇكىمەتتىڭ اقپارات كەڭسەسى 8-رەتكى اقپار جاريالاۋ ءماجىلىسىن اشىپ، كونەءشار اۋدانى مەن اقتاۋ اۋدانىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋ قىزمەتىنىڭ ەڭ جاڭا جاعدايىن حابارلادى ءارى تىلشىلەردىڭ سۇراۋىنا جاۋاپ بەردى.

  اقپار جاريالاۋ ماجىلىسىندە، قاشقار ايماقتىق اكىمشىلىك مەكەمەسىنىڭ ورىنباسار باس حاتشىسى اسەت ۇرايىم ءتىلشىنىڭ ىندەتتەن ساقتانۋ-تىزگىندەۋ مەزگىلىندە قاشقار ايماعىنىڭ قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرۋدى قالاي ويداعىداي ىستەگەنى جونىندەگى سۇراۋىنا جاۋاپ بەردى.

  اسەت ۇرايىم بىلاي دەپ تانىستىردى: كومەكتەسۋ، كومەك بەرۋ قىزمەتىن باعىتتامالى تۇردە ورىستەتتى. ەڭ تومەنگى تۇرمىستى قامتاماسىزداندىرۋدان يگىلىكتەنەتىن وتباسىلارىنا 2 ايدىڭ ەڭ تومەنگى تۇرمىستى قامتاماسىزداندىرۋ قاراجاتىن الدىن الا تاراتادى، 11-ايدىڭ 5-كۇنى تولىق تاراتىپ بولادى؛ ەرەكشە قيىنشىلىعى بار كۇتىمگە الىنعاندارعا قارجىلاي كومەك بەرۋدى جولعا قويدى، قالا مەن اۋىلداعى ەڭ تومەنگى تۇرمىستى قامتاماسىزداندىرۋدان يگىلىكتەنۋ شارتىنا ۇيلەسەتىن قيىنشىلىعى بار وتباسىلارىن الدىمەن قۇتقارىپ- كومەكتەسىپ، سوڭىنان تەكسەرىپ بەكىتەدى؛ جالعىز باستى قارتتار مەن ءجۇرىس-تۇرىسى قولايسىز مۇگەدەكتەرگە، قىستاق (الەۋمەتتىك اۋماق) كادرلارىن ”بىرگە ءبىر“ كومەكتەسۋگە ۇيىمداستىرىپ، تۇرمىسىنا قارايلاسۋ، زات ساتىپ اكەلىپ بەرۋ، قوقىر-قوقسىعىن توگۋ قاتارلى قىزمەت وتەۋمەن قامدايدى؛ ىندەتتەن ساقتانۋ-تىزگىندەۋ مەزگىلىندە ىندەتتىڭ ىقپالىنان سىرتقا شىعىپ جۇمىس ىستەي الماعان، كىرىس قاينارى جوق قالا-قالاشىق جەرگىلىكتى نوپوسىنداعى وتباسىلارىن ۋاقىتشا نەگىزگى تۇرمىسى قامتاماسىزداندىرىلاتىن كولەمگە ەنگىزىپ، ءار ادامعا ايىنا 450 يۋان ولشەم بويىنشا كومەك بەرىلەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.