شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا
”الەۋمەتتىك اۋماق كادرىنىڭ ارقاسىندا بالام امان قالدى، مەن دە الاڭسىز بولدىم“، - دەدى 11 - ايدىڭ 3 - كۇنى قاشقار قالاسى قۇمداربازا ءمالىسى بايىرعى قالا الەۋمەتتىك اۋماعى ىنتىماق سارايى شاعىن اۋماعىندا جاڭا عانا شيپاحانادان قايتىپ كەلگەن تۇرعىن ليۋ چيانچيان تەبىرەنە.
كونەءشار اۋدانىندا ىندەت تۋىلعاننان كەيىن قاشقار ايماعى اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ ورنالاستىرۋىن مۇقيات دايەكتىلەندىرىپ، تياناقتاندىرىپ، حالىق بارىنەن جوعارى تۇرادى دەگەننەن جازباي، ساقتانۋ - تىزگىندەۋ شارالارىن ەگجەي - تەگجەيلى تياناقتاندىرىپ، مىقتى يگەرىپ، شىنايى يگەرىپ، جان - جاقتىلى يگەرىپ، ساپالى قىزمەت وتەپ، بۇقارالىق قىزمەتتى دەن قويا، شىنايى سۇيىسپەنشىلىكپەن، كۇش سالا ويداعىداي ىستەپ، حالىقتىڭ حال - جاعدايىن ءبىلۋدى، حالىقتى قام - قايعىدان ارىلتۋدى، حالىقتىڭ قيىنشىلىعىن شەشۋدى، جۇرت جۇرەگىن جىلىتۋدى شىن مانىندە ورىندادى.
11 - ايدىڭ 2 - كۇنى ساعات 23تە ليۋ چيانچياننىڭ 6 جاستاعى قىزى توسىننان قىزۋى ورلەپ، تۇلا بويى ءبورتىپ كەتەدى. جۇبايى ۇيدە بولماعاندىقتان، ونىڭ ەس - اقىلى شىعىپ، دەرەۋ الەۋمەتتىك اۋماق پارتيا ياچەيكاسىنىڭ شۋجيى حۇرشيدا تايىرعا تەلەفون شالادى، حۇرشيدا دەرەۋ قۇتقارۋ كولىگىن شاقىرىپ، ونى مەن بالاسىن شيپاحاناعا جەتكىزەدى، شيپاگەر بالاعا شۇعىل حاراكتەرلى بالالار قىزىل بورتپەسى دەگەن دياگنوز قويىپ، دەر كەزىندە ەمدەيدى. 2 - كۇنى اۋرۋ جاعدايى جاقسارعاننان كەيىن، الەۋمەتتىك اۋماق كادرلارى كولىك ايداپ شيپاحاناعا بارىپ، انا - بالا ەكەۋىن ۇيلەرىنە الىپ قايتادى.
ءدارى - دارمەك ساتىپ اكەلۋ، شيپاحاناعا جەتكىزۋ، سۋ، توك، تابيعي گاز ساتىپ اكەلۋ، تۇرعىندارعا نۋكلەين قىشقىلىن تەكسەرۋ مالىمەتىن جەتكىزىپ بەرۋ... بۇلار ىندەت تۋىلعاننان بەرى الەۋمەتتىك اۋماق كادرلارىنىڭ داعدىلى قىزمەتىنە اينالدى. ”ءبىز تۇرعىنداردى جاقىندارىمىزعا بالاۋىمىز، دەر كەزىندە ولاردىڭ قيىنشىلىقتارىن شەشۋىنە كومەكتەسۋىمىز، ولاردىڭ قالىپتى تۇرمىسىن قامتاماسىز ەتۋىمىز كەرەك“، - دەيدى حۇرشيدا.
حۇرشيدا قىزمەت ىستەيتىن بايىرعى قالا الەۋمەتتىك اۋماعىندا 6000عا تارتا تۇرعىن بار، مۇنىڭ ۇشتەن ءبىرى جىلجىمالى حالىق، قازىر جىل اياعى بولىپ قالدى، كەيبىر ادامدار اۋىلىنا قايتۋعا دايىندالىپ جاتىر. قاتىستى تالاپتار بويىنشا، قاشقاردان كەتەتىن ادامدار 7 كۇن ىشىندە كۇشكە يە نۋكلەين قىشقىلىن تەكسەرتۋدە بولىمسىز بولعان مالىمەتىن الا ءجۇرۋى كەرەك. سونىمەن تۇرعىندارعا نۋكلەين قىشقىلىن تەكسەرۋ مالىمەتىن جەتكىزىپ بەرۋ وسى الەۋمەتتىك اۋماق كادرلارى قىزمەتىنىڭ ءبىر مازمۇنىنا اينالدى.
”مەن ەرتەڭ تۇستەن كەيىن پويەزبەن حۋنانعا قايتپاقشىمىن، كەشە الەۋمەتتىك اۋماق كادرىنا تەلەفون شالىپ ەدىم، بۇگىن ولار نۋكلەين قىشقىلىن تەكسەرۋ مالىمەتىمدى اكەلىپ بەردى“، - دەگەن 56 جاستاعى تۇرعىن لۋ كايشياڭ الەۋمەتتىك اۋماق كادرى گۇلجامال قاھاردىڭ قولىنان نۋكلەين قىشقىلىن تەكسەرۋ مالىمەتىن الىپ جاتىپ، قايتا - قايتا العىس جاۋدىردى.
ىندەتتەن ساقتانۋ - تىزگىندەۋ كەزىندە كونەءشار اۋدانى حالىق تۇرمىسىنا قىزمەت وتەيتىن 24 ساعاتتىق ىستىق لەنيالى تەلەفون ءنومىرىن جاريالاپ، قيىنشىلىعى بار بۇقاراعا كوڭىل ءبولۋ، قامقورلىق جاساۋ سەرپىنىن ارتتىردى، ءارقايسى اۋىل - قالاشىق، قىستاق، الەۋمەتتىك اۋماق قيىنشىلىعى بار بۇقارانىڭ وتباسىلارىنا ۋاق - ۋاق حالىققا تيىمدىلىك جەتكىزۋ ۇلكەن سي قالتاسىن تاراتتى، الەۋمەتتىك اۋماق (قىستاق) كادرلارى، پارتيا مۇشەلەرى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى، ەرىكتىلەر جەتكىزىپ بەرۋ قىزمەت وتەۋ اترەتىن قۇرىپ، تۇرعىنداردىڭ قاجەتىن دەر كەزىندە ۇعىسىپ، ءتۇرلى تۇرمىستىق زاتتىق ماتەريالداردى تۇرعىنداردىڭ وتباسىنا جەتكىزىپ تۇردى.
”ءبىز ۇلكەن سي قالتا تاپسىرىپ الدىق، ىشىندە 6 كيلوگرام كوكونىس، ءبىر كيلوگرام قوي ەتى، ءبىر تاقتايشا جۇمىرتقا بار ەكەن، پارتيا مەن ۇكىمەتتىڭ قامقورلىعىنان جان دۇنيەمىز جىلىندى“، - دەدى كونەءشار اۋدانى بۇلاقسۋ اۋىلى ۇرىنباستى قىستاعىنىڭ تۇرعىنى حايرىگۇل تۇردى تەبىرەنە، - ”ءبىز، ءسوزسىز، ىندەتتەن ساقتانۋ - تىزگىندەۋ تالاپتارىنا بەلسەنە سايكەسىپ، ۇيىمىزدە الاڭسىز جاتىپ ىندەتكە قارسى تۇرامىز“.
كونەءشار اۋدانى بۇلاقسۋ اۋىلى پارتكومىنىڭ ورىنباسار شۋجيى، اۋىل باستىعى چىن جىنشياڭ بىلاي دەدى: اۋىل تاعى قيىنشىلىعى بار بۇقاراعا ”مەيىر باعىشتاۋ كومىرىن“ تاراتىپ، ۋاقىتشا قيىنشىلىققا ۇشىراعان بۇقاراعا قامتاماسىز ەتىلۋگە تيىستىلەرىن مۇمكىندىگىنشە قامتاماسىز ەتۋ سياقتى شارالار قولدانىپ، پارتيانىڭ قامقورلىعى مەن مەيىرىن ءاربىر قيىنشىلىعى بار بۇقاراعا جەتكىزىپ، ساقتانۋ - تىزگىندەۋ جانە قىزمەت وتەۋمەن قامتاماسىز ەتۋ شارالارىن وتباسىلارىنا دەيىن، ادامدارعا دەيىن دالمە - ءدال تياناقتاندىرىپ، ىندەتتەن ساقتانۋ - تىزگىندەۋدىڭ ءبىرىنشى قورعانىس شەبىن بەكەمدەدى.
