تيانشان تورى
تيانشان تورى   ›   ۇيرەنۋ   ›   شولۋ

دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولايىق

   − پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

     حالىق گازەتىنىڭ شولۋشىسى

  دامۋ مەن حاۋىپسىزدىكتى ءبىر تۇتاس جوسپارلاپ، تاۋقىمەت تانىمىن كۇشەيتىپ، امانشىلىقتا حاۋىپ - قاتەردىڭ بولاتىنىن ويلاۋ − پارتيامىزدىڭ ەل باسقارۋداعى كەلەلى پرينسيبى. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسى» دامۋ مەن حاۋىپسىزدىكتىڭ قاتىناسىن ويداعىداي ءبىر جايلى ەتۋگە دەن قويىپ، دامۋ مەن حاۋىپسىزدىكتى ءبىر تۇتاس جوسپارلاۋ، اناعۇرلىم جوعارى دەڭگەيدەگى تىنىش جۇڭگو قۇرۋ جونىندە ايقىن تالاپ قويدى، قىزمەت ورنالاستىردى، بۇل كۇردەلى ورتادا ەلىمىزدىڭ ەكونوميكالىق، قوعامدىق دامۋىن اناعۇرلىم ويداعىداي ىلگەرىلەتۋدە كەلەلى جەتەكشىلىك مانگە يە.

  باس شۋجي شي جينپيڭ: ”حاۋىپسىزدىك − دامۋدىڭ العى شارتى، دامۋ − حاۋىپسىزدىكتىڭ قامتاماسىزدىعى“ دەپ اتاپ كورسەتتى. العا باسۋ جولىندا ءبىز ءارى دامۋ جەمىستەرىنەن شەبەرلىكپەن پايدالانىپ، مەملەكەت حاۋىپسىزدىگىنىڭ ناقتى كۇش نەگىزىن بەكەمدەپ، ءارى ەكونوميكالىق، قوعامدىق دامۋعا ءتيىمدى حاۋىپسىزدىك ورتاسىن شەبەرلىكپەن قالىپتاستىرىپ، دامۋ مەن حاۋىپسىزدىكتىڭ ءبىرىن - ءبىرى شارت ەتۋىن، ءبىر - بىرىنە تىرەك بولۋىن جۇزەگە اسىرۋىمىز كەرەك. ءسوز جوق، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، وراي تانىمى مەن حاۋىپ - قاتەر تانىمىن كۇشەيتىپ، تومەنگى شەك وي جەلىسىن ورناتىپ، قيىنشىلىقتى اناعۇرلىم تولىعىراق مەجەلەپ، حاۋىپ - قاتەرگە اناعۇرلىم ىشكەرىلەي وي جۇگىرتىپ، ساڭلاۋلاردى بىتەۋگە، ءالسىز تۇستاردى كۇشەيتۋگە دەن قويىپ، العاشقى قادامدى جاقسى باسىپ، ىرىقتىلىق شايقاسىن ويداعىداي جۇرگىزىپ، حاۋىپ - قاتەر، سىن - سايىستاردان ءونىمدى ساقتانىپ، جويىپ، سوتسياليستىك وسىزامانداندىرۋ ىستەرىن ءساتتى ىلگەرىلەتۋگە شىنايى كەپىلدىك ەتۋ كەرەك.

  پارتيامىز بيلىك ورنىن بەكەمدەۋدە، حالىقتى ىنتىماقتاستىرىپ، باستاپ، جۇڭگوشا سوتسياليزمگە تاباندى بولۋدا جانە ونى دامىتۋدا مەملەكەت حاۋىپسىزدىگىنە كەپىلدىك ەتۋ ماڭداي الدى ءىرى ءىس سانالادى. باس شۋجي شي جينپيڭ بىلاي دەپ اتاپ كورسەتتى: ”جاڭالىق اشا دامۋدى، سايكەستى دامۋدى، جاسىل دامۋدى، اشىق دامۋدى، بىرگە يگىلىكتەنەتىن دامۋدى ىلگەرىلەتۋدە مەملەكەتتىڭ حاۋىپسىزدىگى، قوعامنىڭ ورنىقتىلىعى العى شارت. حاۋىپسىزدىك پەن ورنىقتىلىق بولماسا، بارلىعى بوس ءسوز“. كەزەكتە ەلىمىزدىڭ مەملەكەت حاۋىپسىزدىگىنىڭ ءمانى مەن كولەمى تاريحتاعى ءارقانداي كەزدەگىدەن دە باي، ۋاقىت - كەڭىستىك ءورىسى تاريحتاعى ءارقانداي كەزدەگىدەن دە كەڭ، ىشكى - سىرتقى فاكتورلارى تاريحتاعى ءارقانداي كەزدەگىدەن دە كۇردەلى. ءبىز جالپىلىق مەملەكەت حاۋىپسىزدىگى كوزقاراسىنا تاباندى بولىپ، مەملەكەت حاۋىپسىزدىگى ستراتەگياسىن اتقارىپ، مەملەكەت حاۋىپسىزدىگىن قورعاپ جانە سومداپ، ءداستۇرلى حاۋىپسىزدىك پەن ءداستۇرلى ەمەس حاۋىپسىزدىكتى ءبىر تۇتاس جوسپارلاپ، حاۋىپسىز دامۋدى مەملەكەت دامۋىنىڭ ءارقايسى سالالارىنا جانە جالپى بارىسىنا ءسىڭىرىپ، ەلىمىزدىڭ وسىزاماندانۋ اياق الىسىنا ىقپال جاسايتىن حاۋىپ - قاتەرلەردەن ساقتانىپ جانە ونى جويىپ، مەملەكەت حاۋىپسىزدىگى قالتقىسىن بەكەمدەۋىمىز كەرەك. مەملەكەت مۇددەسىن بارىنەن جوعارى قويۋعا تاباندى بولىپ، حالىقتى بارىنەن جوعارى قويۋدى باس ماقسات، ساياسي حاۋىپسىزدىكتى ءتۇبىرلى نەگىز ەتىپ، مەملەكەت حاۋىپسىزدىگى جۇيەسى مەن قابىلەتى قۇرىلىسىن كۇشەيتىپ، مەملەكەتتىڭ ەكونوميكالىق حاۋىپسىزدىگىنە شىنايى كەپىلدىك ەتىپ، حالىقتىڭ ءومىرىنىڭ حاۋىپسىزدىگىن قامتاماسىز ەتىپ، قوعامنىڭ ورنىقتىلىعى مەن حاۋىپسىزدىگىن قورعاۋىمىز كەرەك.

  دامۋ − ەلىمىزدىڭ بارلىق ماسەلەسىن شەشەتىن نەگىز جانە تەتىك. جاڭا داۋىردەگى ۇلى ساپاردا كورنەكتى قايشىلىقتار مەن ماسەلەلەردى شەشۋدە، حاۋىپتەردەن، كومەسكى قاتەرلەردەن ساقتانۋدا جانە ونى جويۋدا، سايىپ كەلگەندە، دامۋعا سۇيەنۋ كەرەك. تەك ەكونوميكانىڭ ۇزدىكسىز اقاۋسىز دامۋىن ىلگەرىلەتكەندە عانا مەملەكەتتىڭ گۇلدەنىپ - كوركەيۋىنىڭ، بايىپ - قۇدىرەتتەنۋىنىڭ، حالىقتىڭ باقىتتى، امان - ەسەن بولۋىنىڭ، قوعامنىڭ جاراسىمدىلىعىنىڭ، ورنىقتىلىعىنىڭ ماتەريالدىق نەگىزىن بەكەمدەۋگە بولادى. ءبىز، ءسوز جوق، دامۋدى بۇلجىماستان پارتيانىڭ بيلىك جۇرگىزىپ، مەملەكەتتى كوركەيتۋىنىڭ ءبىرىنشى ماڭىزدى مىندەتى ساناپ، جاڭا دامۋ ۇستانىمىن بۇلجىماستان دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ ەتىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى ەتىپ، رەفورما جاساپ، جاڭالىق اشۋدى ءتۇبىرلى قوزعاۋشى كۇش ەتىپ، حالىقتىڭ كۇن سايىن ارتىپ وتىرعان تاماشا تۇرمىسقا بولعان قاجەتىن قاناعاتتاندىرۋدى ءتۇبىرلى ماقسات ەتىپ، ەلىمىزدىڭ ەكونوميكالىق ناقتى قۋاتىن، عىلىم - تەحنيكالىق ناقتى قۋاتىن، جالپىلىق مەملەكەت قۋاتىن ۇزدىكسىز كۇشەيتىپ، اناعۇرلىم جوعارى دەڭگەيدەگى، اناعۇرلىم جوعارى ساتىداعى حاۋىپسىزدىكتى جۇزەگە اسىرۋ ءۇشىن ءتىپتى دە بەرىك نەگىز جانە شارت - جاعداي ازىرلەۋىمىز كەرەك.

  ”توسىن جاعدايعا دايىن بولۋ مەملەكەتتى جونگە سالۋدىڭ داعدىلى جولى“. جاڭا جۇڭگو قۇرىلعاننان، اسىرەسە، رەفورما جاساعاننان، ەسىك اشقاننان بەرى پارتيامىز حالىققا باسشىلىق ەتىپ تالاي - تالاي تار جول، تايعاق كەشۋدەن ءوتىپ، تالايلاعان سىن - سايىستاردى جەڭىپ، دۇنيە جۇزىندە سيرەك كەزدەسەتىن ەكونوميكانىڭ جەدەل دامۋىنداي كەرەمەت پەن قوعامنىڭ ۇزاق ۋاقىت ورنىقتى بولۋىنداي كەرەمەتتى جاراتتى. جاڭا داۋىردە ەكپىندەي ىلگەرىلەۋدە، جاڭا ساپار باستاۋدا دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، دامۋ مەن حاۋىپسىزدىك سىندى ەكى ءىرى ءىستى ويداعىداي ىستەپ، داعدارىس بارىسىندا ۇتىمدى وراي جەتىلدىرسەك، وزگەرىس بارىسىندا جاڭا جاعداي اشساق، ءبىز، ءسوزسىز، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرىپ، ”ەكى زور كەرەمەتتىڭ“ جاڭا تاراۋىن ۇزدىكسىز جازاتىن بولامىز!

  (شينحۋا اگەنتتىگىنىڭ 11 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.