شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 11 - ايدىڭ 5 - كۇنى ۇرىمجىدەن حابارلايدى. مەملەكەتتىڭ جانە اۆتونوميالى رايوننىڭ مەديتسينالىق قۇتقارۋ - ەمدەۋ ماماندار گرۋپپاسىنىڭ بىرلەسىپ دياگنوز قويۋىنان، ساراپتاۋىنان كەيىن، 11 - ايدىڭ 5 - كۇنى شينجياڭنىڭ جاڭا تيپتى ايدارشا ۆيرۋس وكپە قابىنۋ ىندەتىندە اۋرۋ بەلگىسى جوق 9 جۇعىمدالۋشى مەديتسينالىق باقىلاۋدان بوساتىلدى. كونەءشار اۋدانىندا ىندەت تۋىلعاننان كەيىن، جوعارىداعى ناۋقاستار تاباندا بەلگىلەنگەن قۇتقارۋ - ەمدەۋ شيپاحانالارىندا مەديتسينالىق باقىلاۋعا الىنعان، بۇلار وسى رەتكى ىندەتتەگى مەديتسينالىق باقىلاۋدان بوساتىلعان العاشقى توپتاعى اۋرۋ بەلگىسى جوق جۇعىمدالۋشىلار.
اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋ ماماندار گرۋپپاسىنىڭ باستىعى ياڭ ينيڭ مىنالاردى تانىستىردى: جوعارىداعى اۋرۋ بەلگىسى جوق جۇعىمدالۋشىلار شيپاحاناعا كىرگەن سوڭ، مەملەكەتتىڭ جانە اۆتونوميالى رايوننىڭ مەديتسينالىق قۇتقارۋ - ەمدەۋ ماماندار گرۋپپاسىنىڭ جەتەكشىلىگىندە، بەلگىلەنگەن قۇتقارۋ - ەمدەۋ شيپاحاناسى وسى رەتكى ىندەتتىڭ ناقتى ەرەكشەلىگىنە جانە جاعدايىنا بايلانىستىرىپ، جۇعىمدالۋشىلاردىڭ قوزدىرعىشتار عىلىمى كورسەتكىشىن جانە وكپە ءبولىمىنىڭ كەسكىنىن ءۇرتىس، قاتاڭ باقىلادى، ولشەدى، سونىمەن بىرگە قورەكتىك جاقتان قولدادى جانە دەنە قىزمەتىن قالپىنا كەلتىردى. ەمدەۋ توبىنىڭ دەن قويا كۇتىمدەۋىندە اۋرۋ بەلگىسى جوق جۇعىمدالۋشىلاردىڭ دەنساۋلىق جاعدايى ۇزدىكسىز جاقسارىپ، نۋكلەين قىشقىلىن تەكسەرۋ ۇدايى 2 رەتتەن ارتىق بولىمسىز ناتيجە كورسەتىپ، ءتۇرلى حيميالىق تەكسەرۋ كورسەتكىشتەرى، وكپە ءبولىمىنىڭ كەسكىنى، دەنە تەمپەراتۋراسى تۇگەلدەي قالىپتى بولىپ، مەديتسينالىق باقىلاۋدان بوساتۋ ولشەمىنە ۇيلەستى. ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا ۇزدىكسىز تاباندى بولىپ، مەملەكەتتىڭ مەديتسينالىق قۇتقارۋ - ەمدەۋ ماماندار گرۋپپاسىنىڭ زور كۇشپەن قولداۋىندا، بۇرىنعى مەديتسينالىق قۇتقارۋ - ەمدەۋ تاجىريبەلەرىن ۇلگى ەتىپ، بار كۇشىمىزبەن ناۋقاستاردى قۇتقارىپ، ەمدەپ، ناۋقاستاردىڭ ەرتەرەك ساۋىعىپ شىعۋىنا شىنايى كەپىلدىك ەتەمىز.
