تيانشان تورى   ›   جاڭالىقتار   ›   شينجياڭ حابارلارى

رايونىمىز ەپيدەميولوگيالىق تەكسەرۋ جانە تەگىن انىقتاۋ قىزمەتىن ىشكەرىلەي ورىستەتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 11 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق ۇكىمەتتىڭ اقپارات كەڭسەسى 11 - ايدىڭ 5 - كۇنى كونەءشار اۋدانىنىڭ، اقتاۋ اۋدانىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندە اقپار جاريالاۋ ءماجىلىسىن اشتى، اۆتونوميالى رايوندىق اۋرۋدان ساقتانۋ - تىزگىندەۋ ورتالىعىنىڭ مەڭگەرۋشىسى سۇي يان ماجىلىستە بىلاي دەپ تانىستىردى: جۇڭگو اۋرۋدان ساقتانۋ - تىزگىندەۋ ورتالىعى مەن اۆتونوميالى رايوندىق اۋرۋدان ساقتانۋ - تىزگىندەۋ ورتالىعىنىڭ ۆيرۋستى ايىرۋ جانە گەن تىزبەگىن ولشەۋىنىڭ العاشقى ناتيجەسىندە كورسەتىلۋىنشە، وسى جولعى ىندەتتىڭ 7 - ايدا ۇرىمجىدە تۋىلعان ىندەت ۆيرۋسىمەن بايلانىستىلىعى جوققا شىعارىلعان. يەلەنگەن ماتەريالداردى جان - جاقتى تالداۋعا نەگىزدەلگەندە، كونەءشار اۋدانى زەمىن اۋىلى 3 - قىستاعىنداعى زاۆودتىڭ وسى جولعى ىندەتتىڭ ەڭ العاش تارالعان ءتۇيىنى بولۋ مۇمكىندىگى زور.

  ىندەت تۋىلعاننان كەيىن، تارالۋ قاينارىن انىقتاپ، تىعىز جاناسقانداردى اداقتاپ، تارالۋ جولدارىن ءۇزۋ ءۇشىن، اۆتونوميالى رايوندىق ىندەتتەن ساقتانۋ - تىزگىندەۋ قولباسشىلىق شتابى دەرەۋ اۆتونوميالى رايوندىق، ايماقتىق جانە اۋداندىق اۋرۋدان ساقتانۋ - تىزگىندەۋ ورتالىقتارىنان 50 نەشە ەپيدەميولوگيا كاسىپتىك قىزمەتكەرىن جيناپ، ەپيدەميولوگيالىق تەكسەرۋ جانە تەگىن انىقتاۋ بىرلەسكەن قىزمەت گرۋپپاسىن ۇيىمداستىرىپ، مەملەكەتتىك ماماندار گرۋپپاسىنىڭ جەتەكشىلىگىندە كۇندى تۇنگە جالعاپ شايقاس جۇرگىزىپ، ىندەتتىڭ قاينارىن ىزدەۋ، تارالۋ جولدارىنا تالداۋ جاساۋ سىندى كوپ بۋىنداردا ەپيدەميولوگيالىق تەكسەرۋ جانە تەگىن انىقتاۋ قىزمەتىن ىشكەرىلەي ورىستەتتى.

  سۇي يان بىلاي دەپ تانىستىردى: وسى جولى ىندەت تۋىلعاننان كەيىن، رايونىمىز ەپيدەميولوگيالىق تەكسەرۋ قىزمەتىن بەلسەنە ورىستەتىپ، ادامدار مەن ورتانى بىردەي تەكسەرۋگە تاباندى بولىپ، شەتىنەن تەكسەرۋدى جالپى بەتتىك ورىستەتىپ، تارالۋ جولى مەن قاتەر فاكتورىن اداقتاپ، تىعىز جاناسقانداردى ايىرىپ جانە قۋزاۋ سالىپ، تارالۋ فاكتورىنا تالداۋ جاساپ، ىندەتتىڭ قاينارىن انىقتادى. ەپيدەميولوگيالىق تەكسەرۋ ماتەريالدارىنا تالداۋ جاساپ، قورىتىندىلاپ، ەپيدەميولوگيالىق تەكسەرۋ مالىمەتىن كۇندەگىسىن كۇندە اداقتاپ وتىردى. 11 - ايدىڭ 4 - كۇنىنە دەيىن 409 جۇعىمدالۋشىنىڭ العاشقى ەپيدەميولوگيالىق جەكە تەكسەرۋ اياقتالدى. اۋرۋ بەلگىسى جوق جۇعىمدالۋشىلارمەن تىعىز جاناسقانداردى دەر كەزىندە سۇرىپتاپ تەكسەرىپ اجىراتىپ، جەر - جەردىڭ مەديتسينالىق باقىلاۋ شارالارىن تياناقتاندىرۋىنا دەرەۋ جەتكىزدى، جۇعىمدالۋ قاينارىن ىرىقتىلىقپەن بايقاپ ءارى دەر كەزىندە تىزگىندەپ، تارالۋ جولىن تاباندا ۇزۋگە شىنايى كەپىلدىك ەتتى. شۇعىل جاعدايعا توتەپ بەرۋ، جايعاستىرۋ قىزمەت مەحانيزمىن ورناتىپ، تەكسەرۋ - ولشەۋ، ەپيدەميولوگيالىق تەكسەرۋ، كوشىرىپ تاسىمالداۋ، زارارسىزداندىرۋ جابىق كۇيدە باسقارىلدى.

  ەپيدەميولوگيالىق جەكە تەكسەرۋ ساندى مالىمەت قامباسىن قۇرىپ ءارى دەر كەزىندە جاڭالاپ، مەملەكەت، اۆتونوميالى رايون، ايماق، اۋدان 4 دارەجە بىرگە يگىلىكتەنەتىن ساندى مالىمەت قامباسى ينفورماتسياسىن جۇزەگە اسىردى؛ ەپيدەميولوگيالىق، كلينيكالىق، لابوراتوريالىق تەكسەرۋ - ولشەۋ سىندى كوپ تۇرعىدان تالداۋ جاساپ، تۇجىرىمداپ، ساقتانۋ - تىزگىندەۋ قىزمەتىنە ۇسىنىستار قويىپ، ىندەتتى تىزگىندەۋگە تەحنيكالىق قولداۋ كورسەتتى.

  سۇي يان بىلاي دەپ تانىستىردى: مەملەكەتتىك ماماندار گرۋپپاسىنىڭ قاتىسۋى مەن جەتەكشىلىگىندە مەملەكەت، اۆتونوميالى رايون، ايماق جانە اۋدان 4 دارەجەلى ىندەتتەن ساقتانۋ - تىزگىندەۋ كاسىپتىك قوسىنى تىعىز سايكەسىپ، جەكە اۋرۋ تاريحى ەپيدەميولوگيالىق تەكسەرۋ مالىمەتىن رەتتەۋ ارقىلى تارالمالى اۋرۋلارمەن قاتىستىلىعىن انىقتاپ، كلينيكالىق ماتەريالدار، ەمدەۋ قۇرىلىمدارىنىڭ ەمدەۋ - دياگنوز قويۋ ەستەلىگى، سول ورتاداعى زاتتاردان ۇلگى الىپ تەكسەرۋ، تالداۋ جاساۋ سىندى امبەباپ تاسىلدەردەن پايدالانىپ، ادامدى تارالۋ قاينارى، زاتتاردى تارالۋ قاينارى، حايۋاناتتاردى تارالۋ قاينارى ەتكەن بىرنەشە ۇقساماعان ولشەم ارقىلى ىجداعاتتىلىقپەن بىرتىندەپ ىشكەرىلەي تالداۋ جاسادى. كەزەكتە 9 - ايدىڭ 20 - كۇنىنەن 10 - ايدىڭ 24 - كۇنىنە دەيىن دەنە قىزۋى ورلەگەن، تىنىس جولى اۋرۋلارى بويىنشا ەمدەلگەن ادامداردىڭ، سونداي - اق ءدارىحانالاردان جوتەل، قىزۋ قايتارۋ ءدارىسىن ساتىپ العان قاتىستى ادامداردىڭ ينفورماتسياسىن جيىپ الىپ تالداۋ جاسادى؛ ءتۇيىندى ورىنداردىڭ ورتاسىنان، زاتتاردان جانە حايۋاناتتاردان 1135 ۇلگى جيىپ، ونداعى جاڭا تيپتى ايدارشا ۆيرۋس نۋكلەين قىشقىلىن تەكسەردى، ناتيجەسى بولىمدى شىققان ۇلگىلەر نەگىزىنەن ىندەت شوعىرلى تۋىلعان 3 - قىستاقتىڭ زاۆود سەحتارى، قامباسى، دارەتحاناسى سياقتى ورىنداردا تارالىپ، زاۆودتا جۇعىمدالعانداردىڭ لاستاۋ مۇمكىندىگى ءبىرشاما زور ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • پىشەن شابىلدى
  • چارقىلىق - نيە جوعارى جىلدامدىقتى تاس جول ينجەنەرياسى اياقتادى
  • قاعىر تاۋلار جاسىل جەلەك جامىلىپ، قونىستانۋعا جايلى، كىرىستى ارتتىرۋعا ىڭعايلى بولدى
  • قىشى اتىزىندا جەدەل باپتاۋ جۇرگىزىلۋدە