اۋرۋ بەلگىسى جوق 14 جۇعىمدالۋشى مەديتسينالىق باقىلاۋدان بوساتىلدى
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 11 - ايدىڭ 6 - كۇنى ۇرىمجىدەن حابارلايدى. 11 - ايدىڭ 6 - كۇنى مەملەكەت پەن اۆتونوميالى رايوننىڭ مەديتسينالىق قۇتقارۋ - ەمدەۋ ماماندار گرۋپپاسىنىڭ بىرلەسىپ دياگنوز قويۋى، ساراپتاۋى ارقىلى دياگنوزى تۇراقتاندىرىلعان 4 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى، بۇلار وسى رەتكى ىندەتتە تۇڭعىش توپتا شيپاحانادان شىققان ناۋقاستار بولدى. مۇنان سىرت، اۋرۋ بەلگىسى جوق 14 جۇعىمدالۋشى مەديتسينالىق باقىلاۋدان بوساتىلدى.
بەلگىلەنگەن قۇتقارۋ - ەمدەۋ شيپاحاناسىنىڭ ناۋقاستار رايونىنىڭ مەڭگەرۋشىسى جۋ يۇيلۇڭ بىلاي دەپ تانىستىردى: جوعارىداعى دياگنوزى تۇراقتاندىرىلعان ناۋقاستار شيپاحاناعا الىنعان سوڭ، مەملەكەت پەن اۆتونوميالى رايوننىڭ مەديتسينالىق قۇتقارۋ - ەمدەۋ ماماندار گرۋپپاسىنىڭ جەتەكشىلىگىندە، بەلگىلەنگەن قۇتقارۋ - ەمدەۋ شيپاحاناسى وسى رەتكى ىندەت جاعدايىنىڭ ناقتى ەرەكشەلىگى مەن جاعدايىنا بىرلەستىرە وتىرىپ، كوپ ءتۇرلى ەمدەۋ تاسىلدەرىن پايدالانىپ، جۇڭگوشا، باتىسشا ەمدەۋگە تەڭ ءمان بەرىپ، ناۋقاستاردى ەمدەۋ جوباسىن دەر كەزىندە رەتتەدى جانە جاقسارتتى. ەمدەۋ - كۇتىمدەۋ ۇجىمىنىڭ بار كۇشپەن قۇتقارىپ - ەمدەۋىنىڭ، دەن قويا كۇتىمدەۋىنىڭ ناتيجەسىندە، ناۋقاستاردىڭ اۋرۋ جاعدايى ۇزدىكسىز جاقسارىپ، ۆيرۋس نۋكلەين قىشقىلىن تەكسەرۋدە ءۇرتىس 2 رەتتەن ارتىق بولىمسىز ناتيجە كورسەتىپ، ءتۇرلى حيميالىق تەكسەرۋ كورسەتكىشتەرى، وكپە ءبولىمىنىڭ كەسكىنى، دەنە تەمپەراتۋراسى تۇگەلدەي قالىپتى بولىپ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋىنا دياگنوز قويۋ جانە ونى ەمدەۋ جوباسىنداعى (سىناق رەتىندە اتقارىلاتىن 8 - نۇسقاسى)» دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەن.
سونىمەن بىرگە، بەلگىلەنگەن قۇتقارۋ - ەمدەۋ شيپاحاناسى اۋرۋ بەلگىسى جوق جۇعىمدالۋشىلاردىڭ ەتيولوگيالىق كورسەتكىشتەرى مەن وكپە ءبولىمىنىڭ كەسكىنىنە ۇزدىكسىز، قاتاڭ قاداعالاۋ جۇرگىزىپ، قورەكتىكپەن قامدادى جانە دەنە قۋاتىنىڭ قالپىنا كەلۋىنە كومەكتەستى، 11 - ايدىڭ 6 - كۇنى اۋرۋ بەلگىسى جوق 14 جۇعىمدالۋشىنىڭ دەنساۋلىق جاعدايى جاقسارىپ، ءتۇرلى كورسەتكىشتەرى قالىپتى بولىپ، مەديتسينالىق باقىلاۋدان بوساتۋ ولشەمىنە ۇيلەسكەن.
