شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ رۇيلين، ءجازيرا نەسىپبەك
10 - ايدىڭ 20 - كۇنى ساعات 11 مولشەرىندە قورعاس نان كاسىپ سالاسى باقشاسى دىر - دۋمانعا بولەندى، ءبىر - بىرلەگەن تۇتاستاي اشىق ءوندىرىس سەحىندا جۇمىسشىلار نان يلەپ، ورنەك سالىپ، سان الۋان نان ونىمدەرىن قاربالاستانا پىسىرۋدا.
بۇل جەرگە 10نان استام كاسىپورىن ىرگە تەپكەن، اربىرەۋىنىڭ وزدەرىنىڭ مانەرلەۋ سەحى بار. ءبىزدىڭ سەحتا وندىرىلگەن ناندار، نەگىزىنەن، قازاقستان، وزبەكستان، قىرعىزستان سياقتى جەرلەرگە ساتىلادى“. قورعاس جين - ي حالىقارالىق ساۋدا (توبى) شەكتى سەرىكتەستىگىنىڭ كەڭسە مەڭگەرۋشىسى جاڭ شۋلي تانىستىرىپ بىلاي دەدى: بيىل 6 - ايدىڭ 8 - كۇنى نان كاسىپ سالاسى باقشاسى پايدالانۋعا بەرىلگەننەن بەرى، سەرىكتەستىك 390 مىڭنان استام نان، 20 مىڭنان استام بولكانى ەكسپورت ەتتى.
”شەتەلدەگى قاريدارلاردىڭ ينتەرنەت جەلىسىندە جەلىدەن تىسقارى تاپسىرىس بەرۋىنە بولادى، ءبىز قاريدارلاردىڭ قاجەتىنە ساي ءونىم ءوندىرىپ، كۇنبە - كۇن قاريداردىڭ قولىنا تابىس ەتەمىز“، - دەدى جاڭ شۋلي.
ەرەكشە نان ونىمدەرىنىڭ ءتىپتى دە ويداعىداي، اناعۇرلىم تەز مەملەكەت قاقپاسىنان شىعۋىن قامتاماسىز ەتۋ ءۇشىن قورعاس كەدەنى، تاۋار تەكسەرۋ سياقتى تاراۋلار ەكسپورت ەتىلەتىن ازىق - تۇلىكتەردىڭ تولىمدىلىعىن ەستەلىككە الۋ، كەدەن باقىلاۋ - باسقارۋ ورنىن قۇرۋ سياقتى قىزمەتتەردى الدىن الا ويداعىداي ىستەدى، سونىمەن ءبىر ۋاقىتتا ”جاسىل وتكەل“ اشىپ، ”الدىمەن تەكسەرۋ، الدىمەن جابۋ، الدىمەن تەكسەرىپ وتكىزۋ“ سىندى وتكەلدى يگەرۋ قىزمەت وتەۋىن اتقارىپ، ازىق - تۇلىكتەردىڭ ەڭ تەز جىلدامدىقتا كەدەننەن وتۋىنە شىنايى كەپىلدىك ەتتى.
جەر اۋدانى 70 مۋدان استام نان كاسىپ سالاسى باقشاسىنىڭ ءبىرىنشى مەرزىمدىك قۇرىلىس اۋماعى 9188 شارشى مەتر، وندا نان مادەنيەتى كورمە سارايى، نان ءوندىرىسى بازاسى، ساياحاتشىلاردىڭ سىناپ كورۋ ورتالىعى، ”ءبىر بەلدەۋ، ءبىر جول“ شينجياڭ ەرەكشە اۋىل شارۋاشىلىعى ونىمدەرى كورمە - ساتۋ ورتالىعى، كەدەن ىستەرىن ءبىر جاقتى ەتۋ ورتالىعى سياقتى 10نان استام فۋنكتسيالىق اۋماعى بار. قورعاس كىشكەنتاي نان ارقىلى ۇلكەن كاسىپ سالاسىنىڭ كوزىن اشۋدى ءۇمىت ەتىپ، قورعاس ازىق - تۇلىك مانەرلەۋ كاسىپ سالاسىنىڭ قۇرىلىمىن جاقسارتىپ، ”ارنا ەكونوميكاسىنىڭ“ كاسىپ سالاسى ەكونوميكاسىنا قاراي بۇرىلىس جاساۋىن ىلگەرىلەتتى.
قورعاس كايجيان نان كاسىپ سالاسىن دامىتۋ شەكتى سەرىكتەستىگىنىڭ كەڭسە مەڭگەرۋشىسى ما حۇيجى بىلاي دەپ تانىستىردى: كاسىپ سالاسى باقشاسى ”ونەركاسىپ + ەكسپورت ساۋداسى + ساياحات“ دامۋ ۇلگىسىنەن پايدالاندى، كۇنىنە وندىرىلگەن نان 50 مىڭنان اسىپ، كۇنىنە ورتا ەسەپپەن 2000نان استام ادام - رەت ساياحاتشى قابىلداپ، جەرگىلىكتى ورىننىڭ سىرتقى ساۋدانى ورنىقتىرۋ، ىشكى بازاردا ساتۋدى جەبەۋ، جۇمىستاندىرۋدى جەتەكتەۋ جاقتارىندا ماڭىزدى رول اتقاردى.
”كاسىپ سالاسى باقشاسىنىڭ بازار ءبولىمى جەرگىلىكتى ورىن مەن ىشكى ءوڭىر بازارىن نەگىزگى ۇمتىلىس باعىتى ەتىپ، ۇيىرمەلەسۋ، تاپسىرىس قابىلداۋ سياقتى كوپ ءتۇرلى فورمالارمەن تاۋار ساتتى، بيىلعى جۇڭچيۋ مەرەكەسىندە يۋەبيڭنان ءبىرتالاي تاپسىرىس قابىلدادى“، - دەدى ما حۇيجى.
ساياساتتىق باسىمدىق، وڭىرلىك باسىمدىق، كەدەننەن وتۋدە قولايلىلىق جاساۋ سياقتى باسىمدىقتارعا ارقا سۇيەگەن قورعاس نان كاسىپ سالاسى باقشاسى جەرگىلىكتى ورىننىڭ ناقتى ەكونوميكاسىن دامىتۋداعى قىزۋ تۇيىنگە اينالۋمەن بىرگە، جەرگىلىكتى ورىنداعى تۇرعىنداردىڭ سەيىل - سەرۋەن قۇرىپ، زات ساتىپ الاتىن تاماشا جەرىنە اينالدى. جەرگىلىكتى تۇرعىن ۋاڭ يۋان بىلاي دەدى: كاسىپ سالاسى باقشاسىندا نان ءتۇرى مول بولۋدان سىرت، شينجياڭنىڭ ەرەكشە ساۋدا ونىمدەرى مەن سىرتقى ساۋدا تاۋارلارى دا اسا تولىق، بۇل جەر مەن ۇنەمى كەلىپ زات ساتىپ الاتىن جەرىمە اينالدى.
كوپ ءتۇرلى تيجارات ءتاسىلى جەرگىلىكتى ورىندى ءتىپتى دە كوپ جۇمىستانۋ قىزمەت ورنىمەن قامدادى، ۇزاق جىلدار بويى وتكەلدە جۇمىس ىستەگەن ۇلان مۇقانبەك: بيىل اسىلىندە جۇمىستانۋدان، ىندەت كەسىرىنەن كىرىسىمنىڭ ىقپالعا ۇشىراۋىنان الاڭداعان بولاتىنمىن، ءبىراق كاسىپ سالاسى باقشاسى پايدالانۋعا بەرىلىپ، تيجارات جۇرگىزگەننەن كەيىن، مەنىڭ تۇراقتى كىرىس قاينارىم بولدى، - دەدى.
نان جاۋىپ جاتقان جاينا اربەكتىڭ كەدەيلىكتەن ارىلۋعا مىعىم سەنىمى بار. ”كۇندەردىڭ بىرىندە جاپقان ناندارىمنىڭ مەملەكەت قاقپاسىنان شىعاتىندىعىن مۇلدە ويلاماعان ەكەنمىن، بۇل جەردە نان جابۋدا قاتاڭ ولشەم قويىلادى، تازا ءارى ءدامدى بولۋى كەرەك. مەن بۇل ارادا قىزمەت ىستەپ ورنىقتى كىرىسىم بولۋمەن بىرگە، تەحنيكا دا ۇيرەندىم“. ۇعىسۋعا قاراعاندا، وسى كاسىپ سالاسى باقشاسىندا قىزمەت ىستەيتىن ارحيۆ تۇرعىزىلىپ، كارتچكالاندىرىلعان كەدەي وتباسىنداعىلار جۇمىسشىلار جالپى سانىنىڭ تەڭ جارتىسىنان استامىن يەلەيدى ەكەن.
