شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا
”ءسىز اڭىس ەتكەن جىلۋمەن قامداۋ ماسەلەسىن ءبىز ەستەلىككە الدىق، دەرەۋ قىزمەتكەر جىبەرەمىز، سىزگە حابارلاسادى“، - دەدى 11 - ايدىڭ 6 - كۇنى تۇستەن بۇرىن قاشقار حۋاشيڭ جىلۋمەن قامداۋ شەكتى جاۋاپكەرشىلىك سەرىكتەستىگى جىلۋمەن قامداۋ تورى حابارلاسۋ ورتالىعىنىڭ بايلانىس جاساۋشىسى ليۋ چىڭحۋا بايىپتىلىقپەن تۇرعىنداردىڭ تەلەفونىن قابىلداپ.
كونەءشار اۋدانىندا ىندەت تۋىلعاننان كەيىن، قاشقار ايماعى اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، حالىقتى وزەك ەتۋگە تاباندى بولىپ، قاتىستى مەكەمە - ورىنداردى ىندەتتەن ساقتانۋ - تىزگىندەۋدى ويداعىداي ىستەۋگە قۋزاۋمەن بىرگە، سۋمەن، ەلەكترمەن، جىلۋمەن قالىپتى قامداۋدى بار كۇشپەن قامتاماسىز ەتتى.
قاشقار حۋاشيڭ جىلۋمەن قامداۋ شەكتى جاۋاپكەرشىلىك سەرىكتەستىگى قاشقار قالاسىن، كونەءشار اۋدانىن، جاڭاءشار اۋدانىن جىلۋمەن قامداۋ مىندەتىن ارقالاعان، قاشقار ايماعىنداعى جىلۋمەن قامداۋ كولەمى ەڭ ۇلكەن كاسىپورىن. وسى سەرىكتەستىكتىڭ ديرەكتورى ۋاڭ يانبيننىڭ تانىستىرۋىنا قاراعاندا، قىزمەتتى ويداعىداي وتەۋ ءۇشىن، سەرىكتەستىك جىلۋمەن قامداۋدى 6 كۇن بۇرىن باستاۋدى جوسپارلاعان.
”بىزدە جالپى 284 جىلۋ الماستىرۋ پۋنكتى ىسكە قوسىلدى، بۇل ۇلكەن ەكراننان ءاربىر جىلۋ الماستىرۋ پۋنكتىنىڭ جۇمىس جۇرگىزۋ جاعدايىن كورە الاسىز“. قاشقار حۋاشيڭ جىلۋمەن قامداۋ شەكتى جاۋاپكەرشىلىك سەرىكتەستىگى جىلۋ تورى ورنالاستىرۋ، باقىلاۋ - مەڭگەرۋ ورتالىعىندا ۋاڭ يانبين جىلۋ تورى باقىلاۋ - مەڭگەرۋ تۇعىرىنىڭ ۇلكەن ەكرانىن نۇسقاپ تۇرىپ تىلشىگە بىلاي دەدى: تۇرعىنداردى جىلۋمەن قامداۋ قىزمەتىن ويداعىداي ىستەۋ ءۇشىن، سەرىكتەستىك 24 ساعات قىزمەت وتەۋ ىستىق لەنياسىن اشىپ، جىلۋمەن قامداۋ كىناراتى تۋىلعان كەزدە دەرەۋ ناق مايدانعا جەتۋگە شىنايى كەپىلدىك ەتتىك. ”كەشە ءبىز جالپى 26 جەردى ءبىر جايلى ەتىپ، جوندەۋگە تيىستىلەرىن تۇگەلدەي جوندەپ، تۇرعىنداردىڭ جىلۋدان پايدالانۋىن بار كۇشپەن قامتاماسىز ەتتىك“، - دەدى ۋاڭ يانبين.
”A فازا 22 سەلتسي گرادۋس، B فازا 22 سەلتسي گرادۋس، C فازا 20 سەلتسي گرادۋس...“، كونەءشار اۋدانى حالىق وڭتۇستىك جولىنداعى باعانانىڭ قاسىندا مەملەكەت ەلەكتر تورى كونەءشار اۋداندىق ەلەكترمەن قامداۋ سەرىكتەستىگى ەلەكتر ۇلەستىرۋ، جەتكىزۋ، جوندەۋ ءبانىنىڭ باستىعى پارحات مامەت قولىنا ينفرا قىزىل ساۋلەلى كەسكىن تەرمومەتردى الىپ، ءبىر ورىنداعى ۇزگىشتىڭ جىلۋىن ولشەدى، ونىڭ قىزمەتتەسى الاجان ابىلەمەت ونىڭ قاسىندا ءتۇرلى كورسەتكىشتەردى مۇقيات ەستەلىككە الۋدا.
پارحات تىلشىگە بىلاي دەدى: قىزمەتتەسىمىز ەكەۋىمىز 1 - ءنومىرلى باعانادان 105 - ءنومىرلى باعانا ارالىعىنداعى لەنيانى ارالاپ تەكسەرۋگە جاۋاپتىمىز، جالپى ۇزىندىعى 5 كيلومەتردەي، ءبىر رەت ارالاپ تەكسەرۋگە 2 ساعاتتان ارتىق ۋاقىت كەتەدى. وسى لەنيانى كۇنىنە 2 رەت ارالاپ تەكسەرەمىز.
”ىندەت كەزىندە سەرىكتەستىكتەگى 75 قىزمەتكەر جۇمىس ورنىنان تاپجىلماي، 24 ساعات بۇيرىق كۇتىپ، كەز كەلگەن ۋاقىتتا ەڭ تەز قارقىنمەن كىناراتتاردى جوندەپ، ەلەكترمەن قامداۋدى قالپىنا كەلتىردى“، - دەدى مەملەكەت ەلەكتر تورى كونەءشار اۋداندىق ەلەكترمەن قامداۋ سەرىكتەستىگى پارتيا باس ياچەيكاسىنىڭ شۋجيى ۋي يىڭچۇن، - قىزمەت ونىمدىلىگىن جوعارىلاتۋ ءۇشىن، وسى سەرىكتەستىك تاعى ارناۋلى كاسىپتىك كۇشتەردى شىعارىپ، ۇشقىشسىز ۇشاقپەن ەلەكترمەن قامداۋ لەنياسىن شارالاپ تەكسەردى. سونىمەن بىرگە، ”ينتەرنەتتەگى مەملەكەت ەلەكتر تورى APPىن“ بار كۇشپەن جالپىلاستىرىپ، تۇرعىنداردى ۇيدەن شىقپاي جەلىدە ەلەكتر ساتىپ الۋعا باستاپ، تۇرعىنداردىڭ ەلەكتردى ءتىپتى دە قولايلى تەز ساتىپ الۋىنا مۇمكىندىك جاراتتى.
سول كۇنى ءتىلشى كونەءشار اۋدانى قالا، اۋىلدى سۋمەن قامداۋ، سۋ ىعىستىرۋ شەكتى سەرىكتەستىگىنە بارىپ جاعداي ۇعىستى. وسى سەرىكتەستىكتىڭ اقى الۋ ورنىندا كونەءشار اۋدانى توققۇزاق قالاشىعى گۇلباق الەۋمەتتىك اۋماعىنان كەلگەن ەرىكتى قادىريا اسقار تۇرعىندارعا سۋ ساتىپ الىپ بەرۋدە ەكەن. ”مەن كۇنىنە ءبىر رەت كەلەمىن، قىزمەتكەرلەر تۇستە دەمالمايدى، كەلسەڭ بولدى ساتىپ الا الاسىڭ“، - دەدى قادىريا.
كونەءشار اۋدانى قالا، اۋىلدى سۋمەن قامداۋ، سۋ ىعىستىرۋ شەكتى سەرىكتەستىگىنىڭ ورىنباسار باس ديرەكتورى ليۋ چۋاڭنىڭ تانىستىرۋىنا قاراعاندا، ىندەتتەن ساقتانۋ - تىزگىندەۋ كەزىندە سەرىكتەستىكتە 29 ادام قىزمەت ىستەپ، كۇندىك سۋمەن قامداۋ مولشەرى 11 مىڭ تەكشەمەتر بولىپ، سۋمەن قامداعان جان سانى 80 مىڭ ادامنان اسقان. ” ءبىز شۇعىل جاعدايعا توتەپ بەرۋ اترەتىن قۇرىپ، سۋ قۇبىرىنىڭ جارىلۋى سياقتى تۇتقيىل تۋىلعان كىناراتتاردى دەر كەزىندە ناق مايدانعا بارىپ جوندەپ، تۇرعىنداردىڭ سۋدان قالىپتى پايدالانۋىنا شىنايى كەپىلدىك ەتتىك. سونىمەن بىرگە، سۋ ساتۋ تەرەزەسى تۇتاس كۇندە قالىپتى جۇمىس جۇرگىزىپ، تۇرعىنداردىڭ سۋ ساتىپ الۋ قاجەتىن قامتاماسىز ەتتى“، - دەدى ليۋ چۋاڭ.
