تيانشان تورى   ›   ۇيرەنۋ   ›   شولۋ

جۇڭگونىڭ بازارىن دۇنيە ءجۇزىنىڭ بازارىنا، بىرگە يگىلىكتەنەتىن بازارعا، كوپشىلىكتىڭ بازارىنا اينالدىرايىق

− ءتوراعا شي جينپيڭنىڭ 3 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ارقاۋ ءسوزى جونىندە

حالىق گازەتىنىڭ شولۋشىسى

  جۇڭگونىڭ اشىق قاقپاسى جابىلمايدى، تەك بارعان سايىن ايقارا اشىلادى. 3 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنداعى ارقاۋ سوزىندە ءتوراعا شي جينپيڭ جۇڭگونىڭ ەسىك اشۋ، سەلبەسۋ، ىنتىماقتاسۋ، بىرگە يگىلىككە كەنەلۋ سەنىمىن بەرىك ۇستانىپ، ەسىك اشۋدى تاباندىلىقپەن جالپى بەتتىك كەڭەيتىپ، ىشكى - سىرتقى بازارلاردى ۇلاستىرۋدى، فاكتور بايلىعىن ورتاقتاسۋدى اناعۇرلىم ءونىمدى تۇردە جۇزەگە اسىرىپ، جۇڭگونىڭ بازارىن دۇنيە ءجۇزىنىڭ بازارىنا، بىرگە يگىلىكتەنەتىن بازارعا، كوپشىلىكتىڭ بازارىنا اينالدىرىپ، حالىقارالىق قوعامعا اناعۇرلىم كوپ وڭ ەنەرگيا ۇستەيتىندىگىن اشىق جاريالادى ءارى ەسىك اشۋدىڭ بيىك بەلەسىن تۇلعالاۋ، سىرتقى ساۋدانىڭ جاڭالىق اشا دامۋىن جەبەۋ، شارۋاشىلىق - ساۋدا ورتاسىن ۇزدىكسىز ساپالىلاندىرۋ، ەكى جاقتى، كوپ جاقتى، وڭىرلىك سەلبەستىكتى تەرەڭدەتۋ سىندى 4 جاقتاعى ەسىك اشۋدى كەڭەيتۋ شاراسىن جاريالادى. ءتوراعا شي جينپيڭنىڭ ارقاۋ ءسوزى جاڭا داۋىردەگى جۇڭگونىڭ ەسىك اشۋ سەنىمىن ايقىن بەينەلەپ، بىرگە ەسىك اشۋدى ىلگەرىلەتەتىن ءىرى ەلدىك جاۋاپكەرشىلىگىن ءىس جۇزىندىك ارەكەتىمەن تولىق ايگىلەپ، حالىقارالىق قوعامنىڭ قىزۋ اڭىسىن قوزعادى.

  ەسىك اشۋ − قازىرگى زامانعى جۇڭگونىڭ ايقىن بەلگىسى. رەفورما جاساعان، ەسىك اشقان 40 نەشە جىلدان بەرى، جۇڭگو مەملەكەت قاقپاسىن اشىپ قۇرىلىس جۇرگىزۋگە تاباندى بولىپ، سىرتقا ەسىك اشۋدى ۇزدىكسىز كەڭەيتىپ، ءوزىن دامىتىپ قانا قويماي، دۇنيە ءجۇزىن دە باقىتقا كەنەلتتى. بۇگىنگى جۇڭگودا ءبىر ميلليارد 400 ميلليون جان سانى بار، ورتاشا كىرىستەگى قاۋىم 400 ميلليوننان اسادى، الەمدەگى كومەسكى كۇشى ەڭ زور ءىرى بازار. مەجەمەن الداعى 10 جىلداعى تاۋار يمپورت سوماسىنىڭ جيىنى 22 تريلليون دوللاردان اسۋىنان ءۇمىت بار. جۇڭگونىڭ جاساۋى الەمدىك كاسىپ سالاسى تىزبەگىنىڭ، قامداۋ تىزبەگىنىڭ ماڭىزدى قۇرامداس بولىگىنە اينالدى، جۇڭگونىڭ كەڭ ىشكى قاجەتسىنۋ بازارى جاڭالىق اشۋ كومەسكى كۇشىن ۇزدىكسىز، توقتاۋسىز قاۋلاتادى. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى الدىندا، جۇڭگو حالقى اسا جاپالى قۇلشىنىس جاساۋدىڭ ارقاسىندا ىندەتتەن ساقتانۋ - تىزگىندەۋدە كەلەلى ستراتەگيالىق تابىسقا قول جەتكىزىپ، ەكونوميكادا ورنىقتى جاقسارۋ جاعدايى جارىققا شىعىپ، سىرتقى ساۋدا ورنىقتى ارتىپ، دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتۋدە بەلسەندى رول اتقاردى. ىندەتتىڭ ىقپالىنا ۇشىراعان بولسا دا، بيىل جۇڭگونىڭ ەسىك اشۋدى كەڭەيتۋ اياق الىسى ءالى دە تەزدەۋدە. فاكتتەر جۇڭگونىڭ باستان - اياق الەمدىك بىرگە ەسىك اشۋدىڭ ماڭىزدى ىلگەرىلەتۋشىسى، باستان - اياق دۇنيە ءجۇزى ەكونوميكاسىنىڭ ارتۋىنىڭ ورنىقتى قوزعاۋشى كۇش قاينارى، باستان - اياق ءار ەلدىڭ ساۋدا ورايىن كەڭەيتۋدەگى ومىرشەڭ ۇلكەن بازار، باستان - اياق الەمدىك جونگە سالۋ رەفورماسىنىڭ بەلسەندى ۇلەس قوسۋشىسى ەكەندىگىن دالەلدەدى ءارى ۇزدىكسىز دالەلدەي بەرەدى.

  ”14 - بەسجىلدىق“ كەزىندە جۇڭگو جاڭا دامۋ ساتىسىنا وتەدى، بۇل ءبىزدىڭ جاپپاي سوتسياليستىك وسىزاماندانعان مەملەكەت قۇراتىن، ەكىنشى 100 جىلدىق كۇرەس نىساناسىنا شەرۋ تارتاتىن ساتىمىز. جۇڭگو ەلدەن وزگەشە بولۋعا بوي ۇرمايدى، سەن جەڭىلەسىڭ، مەن جەڭەم دەگەندەرمەن اينالىسپايدى ءارى ەسىگىن تارس جاۋىپ، جابىق كۇيدە جۇمىس تا جۇرگىزبەيدى، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن بىرتىندەپ قالىپتاستىرىپ، جۇڭگونىڭ ەكونوميكالىق دامۋىنا ءورىس اشادى، دۇنيە ءجۇزى ەكونوميكاسىنىڭ قالپىنا كەلۋى مەن ارتۋىنا قوزعاۋشى كۇش ۇستەيدى. بۇل استە توماعا - تۇيىق ەل ءىشى اينالىمى ەمەس، قايتا اناعۇرلىم ەسىك اشقان ەلى ءىشى، حالىقارا سىندى قوس اينالىم، جۇڭگونىڭ ءوزىنىڭ دامۋ قاجەتى بولىپ قانا قويماي، ءار ەل حالقىن اناعۇرلىم ويداعىداي باقىتقا كەنەلتەدى. جالعىز گۇلدىڭ اشىلۋى ەمەس، بارلىق گۇلدىڭ بايشەشەك اتۋى كوكتەم كەلگەندىگىن بىلدىرەدى. جۇڭگو باستان - اياق تاريحتىڭ دۇرىس جاعىندا تۇرىپ، ءوزارا پايدا جەتكىزىپ، تەڭ يگىلىككە كەنەلەتىن ەسىك اشۋ ستراتەگياسىن بۇلجىماي اتقارىپ، اناعۇرلىم زور كولەمدى، اناعۇرلىم كەڭ سالالى، اناعۇرلىم تەرەڭ ساتىداعى سىرتقا ەسىك اشۋدى اتقارادى، دۇنيە جۇزىنەن دامۋ قوزعاۋشى كۇشىن الادى ءارى جۇڭگونىڭ دامۋىنىڭ دۇنيە جۇزىنە اناعۇرلىم جاقسى يگىلىك جەتكىزۋىنە مۇمكىندىك بەرەدى.

  ءتوراعا شي جينپيڭ ارقاۋ سوزىندە ەسىك اشۋدى كەڭەيتۋدىڭ ناقتى شارالارىن جاريالادى. جۇڭگو ەركىن ساۋدا سىناق رايونىنىڭ، ەركىن ساۋدا پورتىنىڭ جەتەكتەۋ رولىن ءونىمدى تۇردە ساۋلەلەندىرىپ، سيفرلى ەكونوميكا، ينتەرنەت سياقتى سالالاردا ەسىك اشۋدى ۇزدىكسىز كەڭەيتىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس قۇرۋدى ىلگەرىلەتەدى؛ يمپورت كورمەسى سياقتى اشىق تۇعىرلار ارقىلى ءار ەل كاسىپورىندارىنىڭ جۇڭگوداعى ساۋدا ورايىن كەڭەيتۋىنە ۇزدىكسىز قولداۋ كورسەتىپ، سىرتقى ساۋدانى ارتتىرۋدىڭ كومەسكى كۇشىن اشىپ، حالىقارالىق ساۋدانىڭ ارتۋىن، دۇنيە ءجۇزى ەكونوميكاسىنىڭ دامۋىن ىلگەرىلەتۋ ءۇشىن بەلسەندى ۇلەس قوسادى؛ شەتەلگە قاتىستى اشىق، جاريا زاڭ جۇيەسىن ۇزدىكسىز كەمەلدەندىرىپ، ءبىلىم مەنشىك ۇقىعىن قورعاۋدى كۇشەيتىپ، شەتەل قارجى قوسقان كاسىپورىنداردىڭ زاڭدى ۇقىق - مۇددەسىن قورعاپ، ساپالى قىزمەت وتەۋ ارقىلى اناعۇرلىم تاماشا ورتا ازىرلەيدى؛ اناعۇرلىم كوپ ەلمەن جوعارى ولشەمدى ەركىن ساۋدا كەلىسىمىن كەڭەسىپ جاساپ، دۇنيە جۇزىلىك ساۋدا ۇيىمىنىڭ رەفورماسىنا بەلسەنە قاتىناسىپ، بىرلەسكەن مەملەكەتتەر ۇيىمى، 20 ەل توبى، ازيا - تىنىق مۇحيت ەكونوميكالىق سەلبەستىك ۇيىمى، بريكس ەلدەرى سياقتى مەحانيزمدەردىڭ سەلبەستىگىنە بەلسەنە قاتىناسىپ، قاتىستى ەلدەرمەن بىرگە ”ءبىر بەلدەۋ، ءبىر جولدى“ جوعارى ساپادا بىرگە قۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. وسى شارالاردىڭ تياناقتانىپ، ونىمدىلىك كورسەتۋىن ورنىقتى ىلگەرىلەتۋدىڭ ءار ەلگە اناعۇرلىم كوپ بازار ورايىن، قارجى قوسۋ ورايىن، ارتۋ ورايىن ازىرلەپ، بىرگە دامۋدى اناعۇرلىم ويداعىداي جۇزەگە اسىراتىندىعى ءشۇباسىز.

  دارقان كوڭىل بارلىعىن سيدىرادى. اناعۇرلىم اشىق جۇڭگو دۇنيە جۇزىمەن بىرگە اناعۇرلىم ۇتىمدى ىقپالداستىقتى قالىپتاستىرىپ، اناعۇرلىم العا باسقان جانە گۇلدەنگەن جۇڭگو مەن دۇنيە ءجۇزىن الا كەلەدى. بولاشاقتى بەتكە العاندا جۇڭگو ءار ەلمەن قول ۇستاسا العا باسىپ، قيىندىقتى بىرگە جەڭىپ، سەلبەستىك تۇقىمىن بىرگە سەبىپ، دامۋ ءونىمىن بىرگە الىپ، ءار ەل حالقىن اناعۇرلىم باقىتقا كەنەلتۋدى، دۇنيە ءجۇزىن اناعۇرلىم كوركەم ەتۋدى قالايدى!

  (شينحۋا اگەنتتىگىنىڭ 11 - ايدىڭ 7 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.