شينجياڭ گازەتىنىڭ جالپىلىق اقپارات قۇرالدارى ءتىلشىسى رىن جياڭ 10 - ايدىڭ 28 - كۇنى ۇرىمجىدەن حابارلايدى. ”13 - بەسجىلدىق“ مەزگىلىندە رايونىمىز ”ساياحات ارقىلى شينجياڭدى گۇلدەندىرۋ“ ستراتەگياسىن زور كۇشپەن ىلگەرىلەتىپ، اۋىل - قىستاقتى گۇلدەندىرۋ ستراتەگياسىن جاپپاي تياناقتاندىرىپ، اۋىل - قىستاق ساياحاتى تەز قارقىنمەن دامىپ، كاسىپ سالاسىنىڭ وزەكتى نەگىزدىك قۇرىلىمى قالىپتاسىپ، كاسىپ سالاسىنىڭ كولەمى كۇن سايىن زورايدى.
رايونىمىز اۋىل - قىستاق ساياحاتىنىڭ كاسىپ سالاسىنىڭ نەگىزىندە، كاسىپ سالاسىنىڭ كولەمىندە زور ىلگەرىلەۋشىلىك بولدى. قازىر تۇتاس شينجياڭدا شارۋالار (مالشىلار) شاتتىعى ساياجايىنان 8000نان استامى بار، مۇنىڭ ىشىندە جۇلدىز دارەجەلى شارۋالار (مالشىلار) شاتتىعى ساياجايىنان 1845ى بار بولىپ، ”12 - بەسجىلدىقتىڭ“ سوڭعى كەزىندەگى 1355پەن سالىستىرعاندا ％40كە جۋىق ارتتى، 5 جۇلدىز دارەجەلى شارۋالار (مالشىلار) شاتتىعى ساياجايى، 4 جۇلدىز دارەجەلى شارۋالار (مالشىلار) شاتتىعى ساياجايى جەكە - جەكە ％95.8، ％156.8 ارتتى.
”13 - بەسجىلدىق“ مەزگىلىندە رايونىمىز مەملەكەتتىك كەڭەس باسىپ تاراتقان «ساياحاتقا قارجى قوسۋدى جانە تۇتىنۋدى اناعۇرلىم جەبەۋ جونىندەگى ءبىرقانشا پىكىردى» جەتەكشى ەتىپ، ساياحات كاسىبىنىڭ تىزبەگىن مولايتىپ جانە كەمەلدەندىرىپ، ساياحاتتىق حالىقتىق تۇسەلحانانىڭ جوعارى ساپالى دامۋىن ىلگەرىلەتتى. ءارقايسى جەرلەر ساياسات، شارالار سياقتىلاردى بەلسەندى جولعا قويىپ، ەرەكشە ساياحاتتىق حالىقتىق تۇسەلحانانى بار كۇشپەن دامىتىپ، حالىقتىق تۇسەلحانا كاسىبىندە ”سان مەن ساپانىڭ بىردەي جوعارىلاۋ“ كۇيى جارىققا شىقتى. 2019 - جىلى ىلە قازاق اۆتونوميالى وبلىسى جىلىنا 10 ميلليون يۋان ساياحاتتى دامىتۋ قورىن بەلگىلەدى ءارى ساياسات شىعارىپ قوعامدىق كاپيتالداردى ساياحاتتىق حالىقتىق تۇسەلحانا كاسىبىن دامىتۋعا قارجى قوسۋعا شابىتتاندىردى؛ التاي ايماعى «ساياحات كاسىپ سالاسىن دامىتۋدىڭ 8 ءتۇرلى شاراسىن» جولعا قويىپ، ساياحاتتىق حالىقتىق تۇسەلحانا قۇرۋعا جانە وزگەرتىپ دارەجەسىن جوعارىلاتۋعا شابىتتاندىردى. قازىرگە دەيىن رايونىمىزدا 4547 حالىقتىق تۇسەلحانا بار، مۇنىڭ ىشىندە 2019 - جىلى 2003ىن سالدى، بيىل 2803ىن سالۋدى جوسپارلاۋدا.
قازىر رايونىمىزدا مەملەكەتتىك اۋىل - قىستاق ساياحاتى ءتۇيىندى قىستاعىنان 33ى، اۆتونوميالى رايوندىق اۋىل - قىستاق ساياحاتى ءتۇيىندى قىستاعىنان 70ى بار، تاعى ءبىر توپ مەملەكەتتىك سەيىل - سەرۋەن اۋىل شارۋاشىلىعى جانە اۋىل - قىستاق ساياحاتىنان ۇلگى كورسەتۋ اۋدانى، مەملەكەتتىك سەيىل - سەرۋەن اۋىل شارۋاشىلىعى جانە اۋىل - قىستاق ساياحاتىنان ۇلگى كورسەتۋ ءتۇيىنى سياقتىلار بار. اۋىل - قىستاق ساياحاتىنىڭ نەگىزى كۇن سايىن نىعايىپ، كاسىپ كولەمى ۇزدىكسىز كەڭەيىپ، دامۋ ساپاسى ۇزدىكسىز جوعارىلاپ، ساياحات كاسىبىمەن اينالىسۋشىلاردىڭ سانى مەن ساياحات كىرىسىنىڭ تەز قارقىنمەن ارتۋىنا تىكەلەي باستاماشى بولدى. 2019 - جىلى تۇتاس شينجياڭدا 93 قىستاق مەملەكەتتىك اۋىل - قىستاق ساياحاتى ءتۇيىندى قىستاعىن قۇرۋعا ءوتىنىش ەتىپ، 13 مىڭ 375 ادامدى جۇمىستانۋعا باستادى، 10 ميلليون 340 مىڭ ادام - رەتتەن ارتىق ساياحاتشى قابىلداپ، ساياحات تۇتىنۋىن 400 ميلليون يۋاننان اسىردى. 2020 - جىلى تۇتاس شينجياڭدا 160 قىستاق اۆتونوميالى رايوندىق اۋىل - قىستاق ساياحاتى ءتۇيىندى قىستاعىن قۇرۋعا ءوتىنىش بەرىپ، 24 مىڭ 333 ادامدى جۇمىستانۋعا باستاپ، وسى جىلدا مەجەمەن 18 ميلليون 220 مىڭ ادام - رەت ساياحاتشى قابىلداپ، ساياحات تۇتىنۋىن مەجەمەن 700 ميلليون يۋاننان اسىردى.
