تيانشان تورى   ›   جاڭالىقتار   ›   شينجياڭ حابارلارى

شاكىرت ۇستاعا اينالىپ، ەڭبەكاقىسى تولاسسىز ءوستى

قالىپشى ابىلەت قاھار 3 ايدا شەبەرگە اينالدى

شاكىرت ۇستاعا اينالىپ، ەڭبەكاقىسى تولاسسىز ءوستى

شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ يۋە

      [بەتاشار]

    باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ باسا دارىپتەدى: ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، كەدەيلىكتەن ارىلتۋدان قامال الۋ مەن جۇمىستاندىرۋدى جەبەۋ سىندى 2 ءىرى ءىستى ۇزاق ۋاقىت تاباندىلىقپەن ويداعىداي يگەرۋ كەرەك.

    جۋىق جىلداردان بەرى رايونىمىز ساياساتتىق قولداۋ تەبىنىن ۇزدىكسىز كۇشەيتىپ، ءتۇزىلىس تە، مەحانيزمدە جاڭالىق اشىپ، جاقىن ماڭنان، سول جەردەن جۇمىستاندىرۋ مەن تارتىپپەن باسقا كاسىپكە ويىستىرىپ، سىرتقا شىعارىپ جۇمىستاندىرۋدى ورگانيكالى ۇشتاستىرۋعا تاباندى بولىپ، اۋىل - قىستاقتاعى ارتىق ەڭبەككۇشتەردى كوپ ءتۇرلى ارنالار ارقىلى جۇمىستاندىرۋدى جۇزەگە اسىردى؛ جۇمىستانۋدا ەرەكشە قيىنشىلىعى بارلار مەن بىردە - ءبىر ادامى جۇمىستانباعان وتباسىلارىنىڭ جۇمىستانۋ جاعدايىن تىزىمگە الۋ ءتۇزىمىن ورناتىپ، اقاۋسىزداندىرىپ، جۇمىستانۋدا ەرەكشە قيىنشىلىعى بارلاردىڭ الدىمەن سۇيەمەلدەۋگە جانە ءتۇيىندى كومەككە يە بولۋىنا مۇمكىندىك جاسادى؛ جوعارى مەكتەپتەردەن وقۋ تاۋىسقان وقۋشىلاردىڭ جۇمىستانۋىن، شارۋاشىلىق قۇرۋىن جەبەۋ جوسپارى سياقتىلاردى ءبىر تۇتاس جوسپارلاپ ىلگەرىلەتىپ، اتقارعاندىقتان، كوپتەگەن جاستار نەگىزگى ساتىعا بارىپ جۇمىستاندى، كاسىپورىندا جۇمىستاندى، ءوز الدىنا شارۋاشىلىق قۇردى.

    بۇگىننەن باستاپ، گازەتىمىز «مەنىڭ جۇمىستانۋ حيكايام» اتتى ارناۋلى ايدار اشىپ، تيانشان الابىنداعى ءار ۇلت بۇقاراسىنىڭ پارتيا ورتالىق كوميتەتىنىڭ ىقىلاستى قامقورلىعىندا، اۆتونوميالى رايوندىق پارتكومنىڭ جۇمىستاندىرۋدى ءبىرىنشى ورىنعا قويۋعا باستان - اياق تاباندى بولۋ ساياساتىنىڭ جەتەكشىلىگىندە جۇمىستاندىرۋ، شارۋاشىلىق قۇرۋ تولقىنىندا ”توراڭعى رۋحىن“، ”بيڭتۋان رۋحىن“ تولىق ساۋلەلەندىرۋدىڭ جالىندى امالياتىن جاندى بەينەلەيدى؛ جۇمىستاندىرۋدىڭ، شارۋاشىلىق قۇرۋدىڭ ءار ۇلت بۇقاراسىنىڭ يدەياسىنا، تۇرمىسىنا الا كەلگەن زور وزگەرىسىن، سونداي - اق ولاردىڭ ءتۇرلى قىزمەت ورىندارىندا قاجىرلىلىقپەن كۇرەس جاسايتىن، باس الماي ايانباي ىستەيتىن تابىسقا تولى تاماشا ومىرلەرىن شوعىرلى بەينەلەيدى.

  10 - ايدىڭ اياعىندا ءۇرىمجىنىڭ اۋا رايى سۋىتا باستادى، ءۇرىمجى اۋەجايىن وزگەرتىپ، كەڭەيتىپ سالۋ نىسانى قۇرىلىسى جۇرگىزىلىپ جاتقان جەردە، ءارقايسى جۇمىس اۋماعىنداعى جۇمىسشىلار بار كۇشپەن ىستەپ، قىس ماۋسىمىنداعى قىراۋلى ۇسىكتەن بۇرىن جۇمىستى بىتىرۋگە قۇلشىنىپ جاتتى.

  10 - ايدىڭ 27 - كۇنى تۇستەن بۇرىن قارا قايىستاي قايراتتى ابىلەت قاھار بەتىندەگى تەرىن ءسۇرتىپ قويىپ، جۇمىسشى دوستارىمەن بىرگە، قالىپتانعان ءتۇرلى قۇرىلىس ماتەريالدارىنىڭ قالىپتارىن بەلگىلەنگەن ورىنعا قويىپ جاتتى. ”قۇرىلىس مەرزىمىنە كەپىلدىك ەتۋ ءۇشىن، جاقىندا ءبىز اپتا اقىرىنداعى دەمالىستا دەمالمايتىن بولدىق، كۇندىز دە، كەشتە دە ۇستەمە جۇمىس ىستەپ جاتىرمىز. مەنىڭ وسى ايداعى تابىسىم 7000 يۋاننان اسادى“. وسىلاردى ايتقاندا، ابىلەتتىڭ رۋحى تاسقىنداي ءتۇستى.

  36 جاستاعى ابىلەت قاراقاش اۋدانى ياۋا اۋىلى شاقىلىق قىستاعىنان كەلگەن. بيىل جىل باسىندا قىستاق كادرلارىنىڭ باسقا كاسىپكە ويىستىرىپ جۇمىستاندىرۋ ابزال ساياساتىن ۇگىتتەۋى ونى اسەرلەندىرەدى. ”بۇرىن ىشكى وڭىرلەردە ءمالىش ساۋدا ىستەگەنمىن، دەسەدە ۇيىمنەن الىستا جۇرگەندىكتەن، اكە - شەشەمە قارايلاسۋعا شاراسىز قالعان ەدىم. قازىر اۋىلىمىز بارعان سايىن كوركەيىپ كەلەدى، ساياسات تا ەرەكشە جاقسى، اۋىلعا قايتساڭ ءتىپتى دە جاقسى دامۋ ورايىنا يە بولاسىڭ“. ول ىرىقتىلىقپەن جەرگىلىكتى ۇكىمەت ۇيىمداستىرعان ەڭبەككۇشتەردى باسقا كاسىپكە ويىستىرىپ جۇمىستاندىرۋعا تىزىمدەلىپ، 3 - ايدىڭ اياعىندا ۇرىمجىگە باراتىن پويەزعا وتىرعان ەدى.

  ابىلەت پەن اۋىلداستارى پويەزدان تۇسە سالىسىمەن، الدەقاشان ۆوكزالدا كۇتىپ تۇرعان جۇڭگو قۇرىلىس توبى 8 - مەكەمەسىنىڭ باسشىلارى قىزۋ قارسى الادى. جاڭا دا رەتتى، اۋا رەتتەگىش ورناتىلعان جاتاقحاناعا كىرىپ، تۇرمىستىق كەرەك - جاراقتاردىڭ بارلىعىنىڭ تولىق ەكەندىگىن كورگەندە ابىلەت ىستىق مەيىرگە بولەنەدى. ايباتتى اۋەجايدى وزگەرتىپ، كەڭەيتىپ سالۋ نىسانى قۇرىلىسىنىڭ قۇرىلىس ورنىنا كەلگەندە، ول ەرەكشە اسەرلەنەدى.

  ”ءبىز ەڭ العاش قۇرىلىس ورنىنا كەلگەن كەزدە، باسقالاردىڭ قاربالاس جۇمىس ىستەگەنىنە تاڭدانۋدان باسقا ەشتەڭە بىلمەگەن ەدىك“. ابىلەت بىلاي دەدى: سەرىكتەستىك بىزگە ارناۋلى ۇستاز ورنالاستىردى، ۇستازدار تىم بايسالدىلىقپەن قايتا - قايتا ۇلگى كورسەتىپ، قولما - قول شىنايى ماشىقتانۋعا باستادى، سەرىكتەرىممەن بىرگە تەز ارادا كەيبىر تەحنيكالىق ماڭىزدى تۇيىندەردى يگەرىپ الدىق.

  ابىلەتتىڭ ۇيرەنگەنى قالىپ جاساۋ جۇمىسى ەدى، بۇل قۇرىلىس كاسىبىندەگى شەبەرلەردىڭ ىشىندەگى ماڭىزدى جۇمىس ءتۇرى، تەحنيكالىق قيىندىعى زور بولاتىن، وسى 3 ايدا ابىلەت قيىنشىلىقتى از تارتپادى. ”قالىپ جاساۋ جۇمىسى دەن قويا، دالمە - ءدال ىستەۋدى قاجەت ەتەدى، مەن ءۇشىن تىم قيىن بولدى. تالاي رەت ۇيرەنۋدەن باس تارتۋدى ويلادىم، ءبىراق ماعان ۇيرەتكەن شياۋفاڭ ۇستاز مەنى باستان - اياق شابىتتاندىرىپ، قالىپ جاساۋ جۇمىسى تەحنيكاسىن ۇيرەنىپ الساڭ، مەيلى قايسى قۇرىلىس ورنىنا بارساڭ دا كوپ اقشا تابا الاسىڭ دەدى، سونىمەن مەن تابانداپ تۇرىپ قالدىم“، - دەيدى ابىلەت.

  4 - ايداعى ەڭبەكاقىم 2000 يۋاننان استى؛ 5 - ايداعى ەڭبەكاقىم 3000 يۋاننان استى؛ 6 - ايداعى ەڭبەكاقىم 4800 يۋان بولدى... 3 اي شاكىرت بولعان ابىلەت اقىرى ناعىز شەبەرگە اينالىپ، ءبىر تولىمدى قالىپ جاساۋ جۇمىسشىسىنا اينالادى. ول تىلشىگە 7 - ايدا شەبەرگە اينالا سالا 6000 يۋان ەڭبەكاقى العانىن قۋانا اڭگىمەلەدى.

  ”ابىلەت زەرەك تە اڭعارلى ەكەن، كوپتەگەن تەحنيكالىق ماڭىزدى تۇيىندەردى ءبىر ايتساڭ بولدى ۇعىپ الا قويادى. ول بىلگەندەرىن جۇمىسشى دوستارىنا دا ۇيرەتەتىن بولدى، قازىر شاكىرت تاربيەلەپ ءجۇر. 4 قۇرىلىس اۋماعىنىڭ جاۋاپتىلارىنىڭ ءبارى ونى جوعارى ەڭبەكاقىمەن باۋراپ الماق بولىپ ءجۇر“، - دەدى جۇڭگو قۇرىلىس توبى 8 - مەكەمەسى نىسان ءبولىمىنىڭ جاۋاپتىسى ابىلەتتى اۋىز جاپپاي ماقتاپ.

  ابىلەت ۇنەمى ىرىقتىلىقپەن ۇستەمە جۇمىس ىستەيدى، ”شارشاپ - شالدىققانىڭمەن ۇستەمە جۇمىس اقىسى دا از ەمەس! مەن كوبىرەك ىستەپ، كوبىرەك اقشا تاۋىپ، قىزىمدى جاقسى تاربيەلەسەم دەيمىن!“، - دەيدى ول كۇلىپ تۇرىپ.

  اكە رەتىندە ابىلەت ۇنەمى اكە - شەشەسىنىڭ قاسىندا قالعان 13 جاستاعى قىزىن ويلايدى. قىزىمەن بەينە ەكراندا سويلەسكەندە، ول ۇنەمى قىزىنا جاقسى ۇيرەن، مادەنيەتتى بولعاندا عانا ۇلكەن ىستەردى ىستەي الاسىڭ، ءسوزسىز مەنەن اسىپ ءتۇسۋىڭ كەرەك دەپ قاداعالاپ وتىرادى. اكە - شەشەسى بەينە ەكران ارقىلى وعان قىستاقتاعىلار ونىڭ ۇنەمى ۇيگە اقشا سالىپ تۇراتىندىعىن كورگەندە ەرەكشە ءتانتى بولاتىندىعىن، كوپتەگەن قىستاق تۇرعىندارىنىڭ قىستاق كادرلارىنا ءوتىنىش بەرىپ، كەلەر جىلى ول تۇرعان قۇرىلىس ورنىنا بارىپ جۇمىس ىستەپ اقشا تابۋدى ويلاسىپ وتىرعاندىعىن ايتتى.

  ”پارتيا مەن ۇكىمەتتىڭ ماعان مۇنداي تاماشا جۇمىستانۋ ورايىن بەرگەنىنە العىس ايتامىن! قالىپ جاساۋ تەحنيكاسىن ۇيرەنىپ الدىم، مەن مۇنان كەيىن قايدا بارسام دا الاڭدامايتىن بولدىم!“ ابىلەت تىلشىگە كامىل سەنىممەن مىنانى ايتتى: اۋەجاي نىسان قۇرىلىسى اياقتاعاننان كەيىن، شەبەر قۇرىلىسشى بولۋ سالاۋاتىممەن جۇڭگو قۇرىلىس توبى 8 - مەكەمەسىنە ىلەسىپ قۇرىلىس نىساندارىن ىستەپ، ءوزىمنىڭ قوس قولىممەن قۇلشىنا اقشا تاۋىپ، وتباسىمداعىلاردىڭ اناعۇرلىم تاماشا تۇرمىس وتكىزۋىنە مۇمكىندىك جاسايمىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى