چىن چۋانگو بايانداما جاسادى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 11 - ايدىڭ 10 - كۇنى ۇرىمجىدەن حابارلايدى. پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسىنىڭ بايانداما جاساۋ ءماجىلىسى 11 - ايدىڭ 10 - كۇنى تۇستەن بۇرىن ۇرىمجىدە وتكىزىلدى. ورتالىق ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ شۋجيى چىن چۋانگو ۇگىت - لەكسيا بايانداماسىن جاسادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر بايانداما جاساۋ ءماجىلىسىن باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين، ۋاڭ ميڭشان قاتارلىلار ماجىلىسكە قاتىناستى.
چىن چۋانگو ۇگىت - لەكسيا بايانداماسىندا ەلىمىزدىڭ جاڭا دامۋ كەزەڭىنە وتكەندىگىنىڭ كەلەلى ءمانىن، ءتيىمدى شارت - جاعدايلارىن جانە ماڭىزدى ەرەكشەلىكتەرىن تەرەڭ تانۋدى ءتۇيىندى تۇردە ارقاۋ ەتە وتىرىپ، 2035 - جىلعا دەيىنگى بولاشاقتىق نىسانانى جانە ”14 - بەسجىلدىق“ مەزگىلىندەگى ەلىمىز دامۋىنىڭ جەتەكشى باعىتىن، باستى نىساناسىن، ءتۇيىندى مىندەتتەرىن ءدال يگەرۋ، جاڭا دامۋ ارناسىن قالىپتاستىرۋدىڭ ستراتەگيالىق تولعامى مەن ماڭىزدى كۇش سالۋ ءتۇيىنىن مىقتاپ يگەرۋ، پارتيانىڭ جالپى بەتتىك باسشىلىعىنا تاباندى بولىپ، ءار جاقتىڭ كۇشىن جۇمىلدىرىپ ”14 - بەسجىلدىق“ جوبانى جانە 2035 - جىلعا دەيىنگى بولاشاقتىق نىسانانى جۇزەگە اسىرۋ ءۇشىن ىنتىماقتاسا كۇرەس جاساۋ سياقتى جاقتاردان پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن عىلمي، جۇيەلى، تەرەڭ بايىمدادى، ءتۇسىندىردى.
چىن چۋانگو بىلاي دەدى: پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ەلىمىز جاڭا دامۋ كەزەڭىنە اياق باساتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇرعاندا اشىلعان ءبىر رەتكى جالپى جاعدايلىق سيپاتتى، تاريحي سيپاتتى ءمان الاتىن ءماجىلىس. جالپى ءماجىلىس قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسى» جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدىڭ، ەكىنشى 100 جىلدىق كۇرەس نىساناسىنا قاراي جورىق جاساۋدىڭ تۇعىرنامالىق حۇجاتى، بۇدان كەيىنگى 5 جىلداعى، اۋەلى، ءتىپتى دە ۇزاق مەزگىلدەگى ەلىمىزدىڭ ەكونوميكالىق، قوعامدىق دامۋىنىڭ ارەكەت باعدارناماسى. باس شۋجي شي جينپيڭنىڭ جالپى ماجىلىستە سويلەگەن ماڭىزدى ءسوزى ءبىر قىدىرۋ باعدارلىق سيپات، ءتۇبىرلى سيپات، ستراتەگيالىق سيپات العان ەلەۋلى ماسەلەلەرگە عىلمي جاۋاپ قايتارىپ، كوپتەگەن جاڭا يدەيالاردى، جاڭا كوزقاراستاردى، جاڭا تۇجىرىمداردى، جاڭا تالاپتاردى جاسامپازدىقپەن العا قويىپ، جوعارى ساپالى دامۋدى ىلگەرىلەتۋگە، جاڭا دامۋ ارناسىن قالىپتاستىرۋعا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىن قولعا كەلتىرۋگە عىلمي باعدارناما جانە نەگىزگى بويسۇنۋ ولشەمىن ازىرلەدى.
چىن چۋانگو بىلاي دەپ اتاپ كورسەتتى: ”14 - بەسجىلدىق“ مەزگىلى − ەلىمىز جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىن، وسى ەكپىنمەن جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايتىن، ەكىنشى 100 جىلدىق كۇرەس نىساناسىنا قاراي جورىق جاسايتىن ءبىرىنشى 5 جىل، ەلىمىزدىڭ جاڭا دامۋ كەزەڭىنە ءوتۋى ەلىمىزدىڭ دامۋ اياق الىسىندا بەلەستىك ءمان الادى. جاڭا دامۋ كەزەڭىن تاريح جانە رەال، نازاريا جانە اماليات تۇرعىسىنان جالپى بەتتىك يگەرىپ، ماسەلەگە جالپى بەتتىك، ديالەكتيكالىق، بولاشاقتىق كوز ايامەن قاراۋعا تاباندى بولىپ، وراي تانىمىن، حاۋىپ - قاتەر تانىمىن كۇشەيتىپ، وزگەرىستى ءداپ باسىپ تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن تالپىنىپ، قيىندىققا قاسقايا قارسى جۇرۋگە باتىل، قاتەردى ورايعا اينالدىرۋعا شەبەر بولىپ، جاپپاي سوتسياليستىك وسىزاماندانعان مەملەكەت قۇرۋ ءۇشىن جاقسى باستاما اشۋ، جاقسى قادام باسۋ كەرەك.
چىن چۋانگو بىلاي دەپ اتاپ كورسەتتى: «ۇسىنىس» ”قوس 100 جىلدىق“ كۇرەس نىساناسىن ورگانيكالى ۇشتاستىرۋدى، جالعاستى ىلگەرىلەتۋدى كوزدە ۇستاپ، جاپپاي سوتسياليستىك وسىزاماندانعان مەملەكەت قۇرۋدىڭ نىسانالارى مەن تالاپتارىن يگەرىپ، 2035 - جىلعا بارعاندا سوتسياليستىك وسىزامانداندىرۋدىڭ بولاشاقتىق نىساناسىن نەگىزىنەن جۇزگە اسىرۋدى العا قويىپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسىن ايقىنداپ، ءسوز جوق، پارتيانىڭ جاپپاي باسشىلىعىنا تاباندى بولۋ، حالىقتى وزەك ەتۋگە تاباندى بولۋ، جاڭا دامۋ ۇستانىمىنا تاباندى بولۋ، رەفورما جاساۋدى، ەسىك اشۋدى تەرەڭدەتۋگە تاباندى بولۋ، جۇيە كوزقاراسىنا تاباندى بولۋ پرينسيبىن العا قويىپ، ەكونوميكالىق دامۋدا جاڭا ونىمدىلىككە قول جەتكىزۋ، رەفورما جاساۋ، ەسىك اشۋدا تىڭ قادام تاستاۋ، قوعامنىڭ وركەنيەت دارەجەسىن جاڭا ورەگە كوتەرۋ، ەكولوگيالىق وركەنيەت قۇرىلىسىندا جاڭا ىلگەرىلەۋشىلىكتى جۇزەگە اسىرۋ، حالىق تۇرمىسىنىڭ قۇت - ىرىسىن جاڭا ورەگە جەتكىزۋ، مەملەكەتتى جونگە سالۋ ونىمدىلىگىن جاڭا ورەگە كوتەرۋ سىندى ەكونوميكالىق، قوعامدىق دامۋدىڭ باستى نىسانالارىن تۇراقتاندىرىپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ءتۇيىندى مىندەتتەرىن 12 جاقتان ورنالاستىرىپ، ءبىر قىدىرۋ كەلەلى شارالاردى العا قويىپ، مۇنان كەيىنگى ءبىر مەزگىلدەگى ەلىمىز دامۋىنىڭ باعدارىن ايقىن نۇسقاپ كورسەتىپ، بويسۇنۋ ولشەمىن ازىرلەدى.
چىن چۋانگو بىلاي دەپ اتاپ كورسەتتى: ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەلىمىزدىڭ دامۋ كەزەڭىنىڭ، ورتاسىنىڭ، شارت - جاعدايىنىڭ وزگەرىسىنە ساي، اسىرەسە، ەلىمىزدىڭ سالىستىرمالى ارتىقشىلىعىنىڭ وزگەرىسىنە نەگىزدەلىپ، اۋقىمدى اڭداي وتىرىپ جاساعان كەلەلى شەشىمى، جالپى جاعدايعا ساياتىن جۇيەلى سيپاتتى، تەرەڭ ساتىلى وزگەرىس، الداعى جاعدايدى تياناق ەتكەن، ۇزاق بولاشاقتى كوزدە ۇستاعان ستراتەگيالىق جوسپار. جاڭا دامۋ ارناسىن جەدەل قالىپتاستىرۋدىڭ ستراتەگيالىق تولعامىن جالپى جاعداي جانە ستراتەگيالىق بيىكتەن ءدال يگەرىپ، جاڭا دامۋ ۇستانىمىن تاباندىلىقپەن دايەكتىلەندىرىپ، ستراتەگيالىق جوسپارلاۋدى جانە جوعارى دەڭگەيدە جوبالاۋدى كۇشەيتۋمەن بىرگە، قىزمەتتىڭ كۇش سالۋ ءتۇيىنىن دە يگەرىپ، كەمەلدى ىشكى سۇرانىس جۇيەسىن جەدەل جەتىلدىرىپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەلدەتىپ، كاسىپ سالاسى تىزبەگىن، قامداۋ تىزبەگىن جاقسارتىپ، دارەجەسىن جوعارىلاتۋدى ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتىپ، حالىقتىڭ تۇرمىس ورەسىن جوعارىلاتىپ، حاۋىپسىز دامۋ سىندى تومەنگى شەكتى بەرىك ساقتاۋ كەرەك.
چىن چۋانگو بىلاي دەپ اتاپ كورسەتتى: ”14 - بەسجىلدىق“ جوبانى جانە 2035 - جىلعا دەيىنگى بولاشاقتىق نىسانانى جۇزەگە اسىرۋدا، ءسوز جوق، پارتيانىڭ جاپپاي باسشىلىعىنا تاباندى بولىپ، بارلىق بەلسەندى فاكتورلاردى تولىق جۇمىلدىرىپ، ىنتىماقتاسۋعا بولاتىن بارلىق كۇشتەردى كەڭ كولەمدە ىنتىماقتاستىرىپ، دامۋدى ىلگەرىلەتۋدىڭ قۇدىرەتتى بىرىككەن كۇشىن قالىپتاستىرۋ كەرەك. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدىڭ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدىڭ ءار جاعىندا تياناقتاندىرىپ، ەكونوميكالىق، قوعامدىق دامۋعا پارتيا باسشىلىق ەتەتىن تۇزىلىسكە، مەحانيزمگە تاباندى بولىپ جانە ونى كەمەلدەندىرىپ، جوعارى ساپالى دامۋدى جۇزەگە اسىرۋعا ءتۇبىرلى كەپىل ازىرلەۋ كەرەك.
چىن چۋانگو بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان كەيىنگى ءبىر مەزگىلدەگى ماڭىزدى ساياسي مىندەت ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، ءدال دايەكتىلەندىرىپ، قوعامنىڭ كەلەلى جاعدايىنىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن ساقتاپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتە وتىرىپ ۇلت قىزمەتىن جاقسى ىستەپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، شينجياڭدى مادەنيەت ارقىلى نارلەندىرۋ ينجەنەرياسىن ىشكەرىلەي اتقارىپ، حالىقتى وزەك ەتە وتىرىپ ەكونوميكانىڭ جوعارى ساپالى دامۋىن ىلگەرىلەتىپ، حالىق تۇرمىسىن زور كۇشپەن قامتاماسىزداندىرىپ، جاقسارتىپ، بيڭتۋاننىڭ رەفورما، دامۋ، ورنىقتىلىق قىزمەتتەرىن جاقسى ىستەۋىنە بار كۇشپەن قولداۋ كورسەتىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، تامىر تارتۋىنا شىنايى كەپىلدىك ەتۋ كەرەك. جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىنەن جازباي، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكانى جوعارى ساپامەن دامىتۋ، كەدەيلىكتەن ارىلتۋدان قامال الۋ، ورنىقتىلىقتى قورعاۋ سياقتى قىزمەتتەردى ءبىر تۇتاس جوسپارلاپ ىلگەرىلەتۋدى تىڭعىلىقتى جاقسى ىستەپ، كەدەيلىكتەن ارىلتۋدان قامال الۋدىڭ، جاپپاي دوڭگەلەك داۋلەتتى قوعام ورناتۋدىڭ شەشۋشى شايقاسىنىڭ شەشۋشى جەڭىسىنە جەتۋ كەرەك.
ۇگىت - لەكسيا بايانداما ماجىلىسىنەن كەيىن، چىن چۋانگو بايانداما ماجىلىسىنە قاتىناسقان مامان، وقىمىستىلاردىڭ، جاس وقۋشىلاردىڭ ۋاكىلدەرى قاتارلىلارمەن جيىن زالىندا پىكىرلەسىپ، اڭگىمەلەسىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن بىرگە ۇيرەنىپ، ۇيرەنۋدەن العان اسەرلەرىن ورتاقتاستى. چىن چۋانگو بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرۋعا تاباندى بولىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى وركەندەتۋگە، شينجياڭدى باياندى كوركەيتۋگە تاباندى بولىپ، ىنتىماقتى، جاراسىمدى، گۇلدەنگەن، باي، وركەنيەتتى، العاباسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىن قولعا كەلتىرۋ ءۇشىن ۇلەس قوسۋ كەرەك.
بايانداما جاساۋ ءماجىلىسى تەلەۆيزور - تەلەفون ءماجىلىسى تاسىلىندە اشىلدى، ايماقتاردا (وبلىس، قالا)، اۋدانداردا (قالا، رايون) بولىمشە جيىن زالى ورنالاستىرىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، اۆتونوميالى رايونداعى ورىنباسار ولكە دارەجەلىدەن جوعارى دەمالىسقا، زەينەتكە شىققان ساقا جولداستاردىڭ ۋاكىلدەرى، اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەلەرىنىڭ، مامان، وقىمىستىلاردىڭ ۋاكىلدەرى، جاس وقۋشىلاردىڭ ۋاكىلدەرى قاتارلىلار نەگىزگى جيىن زالىندا بايانداما جاساۋ ماجىلىسىنە قاتىناستى.
