تيانشان تورى
تيانشان تورى   ›   جاڭالىقتار   ›   وقۋ-اعارتۋ

رايونىمىز 2020 - جىلى جوعارى مەكتەپ بىتىرگەن وقۋشىلاردىڭ جۇمىستانۋ، شارۋاشىلىق قۇرۋ ارناۋلى ارەكەتىن اتقاردى

  شينجياڭ گازەتىنىڭ 11 - ايدىڭ 11 - كۇنى ۇرىمجىدەن بەرگەن حابارى. شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ چۇنحۋانىڭ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنا قاراعاندا، ۇدايىلانعان ىندەتتەن ساقتانۋ - تىزگىندەۋ جاعدايىندا جوعارى مەكتەپ بىتىرگەن وقۋشىلاردىڭ جۇمىسقا ورنالاسۋ قىزمەتىن تىڭعىلىقتى ىستەپ، جوعارى مەكتەپ بىتىرگەن وقۋشىلاردىڭ كاسىپتەنۋ جاعدايىنىڭ جالپى جاقتان ورنىقتى بولۋىنا كەپىلدىك ەتۋ ءۇشىن، جۋىقتا، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتى، كەدەيلەردى سۇيەمەلدەۋ كەڭسەسى، وقۋ - اعارتۋ مەڭگەرمەسى قاتارلى ءتورت تاراۋ بىرلەسىپ حابارلاندىرۋ شىعارىپ، 2020 - جىلى جوعارى مەكتەپ بىتىرگەن وقۋشىلاردىڭ جۇمىستانۋ، شارۋاشىلىق قۇرۋ ارناۋلى ارەكەتىن اتقارىپ، جوعارى مەكتەپ بىتىرگەن وقۋشىلاردىڭ جىل سوڭىندا جۇمىستانۋ مولشەرىن %88تەن استامعا جەتكىزۋ نىسانالىق مىندەتىن ورىنداۋعا قۇلشىنادى ەكەن.

  رايونىمىز ارحيۆ تۇرعىزىلىپ كارتچكالاندىرىلعان كەدەي وتباسىلارىنداعى وقۋ تاۋىسقان وقۋشىلاردى، بىردە -ءبىر ادامى جۇمىسقا ورنالاسپاعان وتباسىلارىنداعى مەكتەپ تاۋىسقان وقۋشىلار مەن كەدەيلىك قالپاعى الىنباعان 10 كەدەي اۋدانداعى مەكتەپ تاۋىسقان وقۋشىلاردى جۇمىستانۋ بويىنشا كومەكتەسۋدىڭ ءتۇيىنى ەتىپ، ارناۋلى كومەكتەسۋ - سۇيەمەلدەۋدى ورىستەتىپ، الدىمەن قىزمەت ورنىمەن قامداپ، الدىمەن جۇمىسقا قابىلدايدى. مەملەكەت مەنشىگىندەگى كاسىپورىنداردىڭ جۇمىسقا قابىلداۋىندا، جۇمىستانۋ بويىنشا پراكتيكا جاساۋ ورنىنا الۋدا، ”ءۇشتى قولداۋ، ءبىردى سۇيەمەلدەۋ“ قاتارلى نەگىزگى ساتى قىزمەت وتەۋ نىساندارىنا قىزمەتكەر قابىلداۋدا، ۇقساس شارت - جاعدايدا ارحيۆ تۇرعىزىلىپ كارتچكالاندىرىلعان وتباسىلارىنداعى مەكتەپ تاۋىسقان وقۋشىلاردى الدىمەن جۇمىسقا قابىلداۋ كەرەك.

  رايونىمىز تاعى جوعارى مەكتەپ بىتىرگەن وقۋشىلاردىڭ شارۋاشىلىق قۇرۋىن قولداۋ ارەكەتىن اتقارادى. 2020 - جىلى مەكتەپ بىتىرگەن وقۋشىلاردى ءتۇيىن ەتىپ، شارۋاشىلىق قۇرۋ كەپىلدىك قارىز اقشا بەرۋ ساياساتىن تياناقتاندىرۋ تەبىنىن ارتتىرۋ، شارۋاشىلىق قۇرۋعا باۋلۋدىڭ كەڭ قامتىمىن ىلگەرىلەتۋ، شارۋاشىلىق قۇرۋعا قىزمەت وتەۋدى كۇشەيتۋ سياقتى شارالار ارقىلى 2021 - جىلى 6 - ايدىڭ سوڭىنا دەيىن، 2020 - جىلى جوعارى مەكتەپ بىتىرگەن 400 وقۋشىنىڭ شارۋاشىلىق قۇرىپ، كاسىپتەنۋىنە جەتەكشىلىك ەتەدى.

  رايونىمىز ورتالىق كاسىپورىندارىنىڭ، رايونىمىزعا قاراستى مەملەكەت مەنشىگىندەگى كاسىپورىنداردىڭ جانە جەر ـ جەردەگى مەملەكەت مەنشىگىندەگى كاسىپورىنداردىڭ جوعارى مەكتەپ بىتىرگەن وقۋشىلاردى جۇمىسقا قابىلداۋ قىزمەتىن بەلسەنە ىلگەرىلەتتى، مەملەكەت مەنشىگىندەگى كاسىپورىندار جوعارى مەكتەپ بىتىرگەن وقۋشىلاردى جۇمىستاندىرۋ نەمەسە پراكتيكا جاساۋ تالابىنا ۇيلەسەتىندەرىنە بەلگىلەمە بويىنشا قوعامدىق قامسىزداندىرۋ قوسىمشا قاراجاتىن، كاسىپتەنۋ، پراكتيكا جاساۋ قوسىمشا قاراجاتىن بەرەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.