تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قامقورلىق جاساۋدى قىستاق تۇرعىندارىنىڭ وتباسىنا جەتكىزدى

  تيانشان تورى حابارى. (ماقالاسىن جازىپ، سۋرەتىن تۇسىرگەن تىلشىلەر ٴابيبا، ايشامگۇل ابىلا، ۋاڭ جوۋ) ”بالانىڭ دەنساۋلىعى جاقسارىپ، الاڭسىز بولدىق. قانداي قاجەتىڭىز بولسا، بىزگە ايتىڭىز، مۇمكىندىكتىڭ بارىنشا كومەكتەسىپ شەشەمىز“. 11 ـ ايدىڭ 8 ـ كۇنى قاشقار قالاسى نازارباع  قالاشىعى چۇنبۇس قىستاعىنىڭ تۇرعىنى وشۇرگۇل مامەتتىڭ ٴۇيىنىڭ الدىندا اۆتونوميالى رايوندىق ايەلدەر بىرلەستىگىنىڭ چۇنبۇس قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ٴبىرىنشى شۋجيى ۋاڭ پەيفاڭ جۇرەرىندە وشىرگۇلگە قاداعالاي تاپسىردى.

  ىندەت تۋىلعاننان كەيىن، جەرگىلىكتى ورىنداعى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى ىندەتتەن ساقتانۋ - تىزگىندەۋدىڭ ٴبىرىنشى شەبىندە تاپجىلماي تۇرىپ، ىندەتتەن ساقتانۋ بىلىمدەرىن ۇگىتتەۋ، تۇرمىستىق زاتتاردى تاراتۋ، ەگىن، مال شارۋاشىلىق ٴوندىرىسىن قامتاماسىز ەتۋ سياقتى ٴتۇرلى قىزمەتتەردى بار كۇشپەن جاقسى ىستەپ، بۇقاراعا قىزمەت وتەۋ قىزمەتىن تىڭعىلىقتى، ىشكەرىلەي، ەگجەي - تەگجەيلى ىستەدى.

  وشۇرگۇل ٴار كۇنى اۆتونوميالى رايوندىق ايەلدەر بىرلەستىگىنىڭ ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى راناگۇل تۇرسىننىڭ سوققان تەلەفونىن قابىلدايدى.

  ”قىزمەت اترەتىنىڭ مۇشەلەرى شىنىندا مەنىڭ جاناشىر جاندارىم، ٴار كۇنى بىزگە تەلەفون سوعىپ، قورعانۋ بىلىمدەرىن ايتىپ، وتباسىمىزدىڭ جاعدايىنا كوڭىل بولەدى، ەكى كۇننىڭ الدىندا بالام ناۋقاستانىپ قالعاندا، ولار دەرەۋ ٴبىزدى شيپاحاناعا اپاردى، تۇرمىسىمىزدا مەيلى ۇلكەن ماسەلە بولسىن، الدە كىشى ماسەلە بولسىن، بارلىعىنا قارايلاساتىن ادام بار“، -  دەدى وشۇرگۇل.

  بۇقارانىڭ تىلەگىنە قاراتا، اۆتونوميالى رايوندىق ايەلدەر بىرلەستىگىنىڭ چۇمبۇس قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاق دارەجەلى بۇقارانىڭ قيىنشىلىق، تالابى ەسەپ داپتەرىن ورناتۋ ارقىلى ەستەلىككە الدى ٴارى سوڭىنا ٴتۇسىپ شەشتى، سونىمەن بىرگە قيىنشىلىعى بار بۇقارادان احۋال ۇعىسۋ، ٴبىر - بىرلەي تەكسەرۋ تەبىنىن ارتتىرىپ، بۇقارانىڭ مۇڭ - مۇقتاجىن ۇزدىكسىز شەشتى.

  9 - كۇنى تۇستەن بۇرىن، كونەٴشار اۋدانى لاڭگار قالاشىعى قارالسەي قىستاعىندا قىس كىرگەن مەزگىل بولعانىمەن، ٴبىراق وسى قىستاقتىڭ شاعىن دوعاشا لاپاس بازاسىنىڭ ٴىشى جاسىل جەلەك جامىلىپ، رەتتى كوكونىس مايسالارىنىڭ ٴوسۋ جاعدايى وتە جاقسى ەدى. كونەٴشار اۋداندىق جاراتىلىستىق بايلىق مەكەمەسىنىڭ لاڭگار قالاشىعى قارالسەي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى لو جىفىڭ قىستاقتاعى ەرىكتىلەردى باستاپ وسى ارادا ارام ٴشوپ وتاپ، كوكونىستەردى سۋارۋدا.

  ”قىستاعىمىزدا جيىنى 70تەن استام شاعىن دوعاشا لاپاس بار، وندا اسكوك، اس جۋا، شپينات، پاميدور سياقتى كوكونىستەر ەگىلدى. ىندەت تۋىلعاننان كەيىن، قىزمەت اترەتى مەن قىستاق ”ەكى كوميتەتى“ ارناۋلى ادام شىعارىپ، قىزمەت وتەۋ گرۋپپاسىن قۇرىپ، ٴاربىر دوعاشا لاپاستى كوڭىل قويا باپتادى. بۇدان سىرت، ٴبىز اۋدانداعى ٴبىر كوكونىس قامداۋ سەرىكتەستىگىمەن سەلبەسىپ، قىستاق تۇرعىندارىنا كومەكتەسىپ، ساتۋ ارناسىنا بايلانىس جاسادىق“، - دەدى لو جىفىڭ.

  قارالسەي قىستاعىندا 270 وتباسى، 1090 ادام بار، قىستاق تۇرعىندارىنىڭ كىرىسى باستىسى كوكونىس، جەرلىك شاپتول ەگۋگە جانە مال، قۇس باعىمشىلىعىنا سۇيەنەدى. ىندەت تۋىلعاننان كەيىن، قىزمەت اترەتىنىڭ مۇشەلەرى قىستاق كادرلارى، ەرىكتىلەرمەن بىرگە ۇيدە بولعان قىستاق تۇرعىندارىنىڭ جاي پىسقان جەرلىك شاپتولىن ۇزۋگە كومەكتەستى ٴارى جاس كۇيىندە ساقتاۋ قويماسىمەن بايلانىس جاساپ ساقتاپ بەردى.

  بۇدان سىرت، قارالسەي قىستاعىندا تاعى ٴىشىنارا قىستاق تۇرعىندارى قازىر سىرت جەردە گۇل تەرىپ جۇمىس ىستەپ، ۇيىندەگى ٴاسىلى كورشىلەرى قاراعان مالدارىن قارايتىن ادام بولماعاندىقتان، قازىر قىزمەت اترەتىنىڭ مۇشەلەرى دە ۋاقىتتىق باقتاشى بولدى.

  ”ۇيىمدە 6 قوي، 15 تاۋىق بار، قىزمەت اترەتى ٴار كۇنى بارىپ جەم بەرەدى، الاڭسىز بولۋىم ٴۇشىن ۋيچات كەسكىنى ارقىلى ماعان وتباسىمنىڭ جاعدايىن كورسەتەدى“، -  دەدى قىستاق تۇرعىنى قۇربانيساگۇل سىدىق تەلەفوندا تىلشىگە.

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.