تيانشان تورى   ›   جاڭالىقتار   ›   وقۋ-اعارتۋ

رايونىمىز 2020 - جىلعى جوعارى مەكتەپ تاۋىسقان وقۋشىلاردىڭ جۇمىستانۋ، شارۋاشىلىق قۇرۋ ارناۋلى قيمىلىن اتقاردى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ چۇنحۋا 11 - ايدىڭ 11 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنا قاراعاندا، ۇدايىلانعان ىندەتتەن ساقتانۋ - تىزگىندەۋ جاعدايىندا، جوعارى مەكتەپ تاۋىسقان وقۋشىلاردىڭ جۇمىستانۋ قىزمەتىن تىڭعىلىقتى ويداعىداي ىستەپ، جوعارى مەكتەپ تاۋىسقان وقۋشىلاردىڭ جۇمىستانۋ جاعدايىنىڭ جالپى تۇلعالىق ورنىقتىلىعىنا شىنايى كەپىلدىك ەتۋ ءۇشىن، جاقىندا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى، كەدەيلەردى سۇيەمەلدەۋ كەڭسەسى، وقۋ - اعارتۋ مەڭگەرمەسى سياقتى 4 تاراۋ بىرلەسىپ حابارلاندىرۋ شىعارىپ، 2020 - جىلعى جوعارى مەكتەپتەن وقۋ تاۋىسقان وقۋشىلاردىڭ جۇمىستانۋ، شارۋاشىلىق قۇرۋ ارناۋلى قيمىلىن اتقارىپ، جوعارى مەكتەپ تاۋىسقان وقۋشىلاردىڭ جىل سوڭىندا جۇمىستانۋ سالىستىرماسىن %88تەن استامعا جەتكىزۋ نىسانالىق مىندەتىن ورىنداۋعا قۇلشىنادى.

  حابارلاندىرۋدا مىنالار ايقىندالدى: ءالى جۇمىستانباعان جوعارى مەكتەپ تاۋىسقان وقۋشىلاردى جۇمىستانۋ، شارۋاشىلىق قۇرۋ ارناۋلى قيمىلىنا جالپى بەتتىك ەنگىزىپ، ينتەرنەت جەلىسىندە قىزمەت وتەپ جۇمىستانۋدى جەبەۋ، جۇمىستانۋ، پراكتيكا قابىلەتىن جوعارىلاتۋ، قيىنشىلىعى بار مەكتەپ تاۋىسقان وقۋشىلارعا جۇمىستانۋ بويىنشا كومەكتەسۋ - سۇيەمەلدەۋ، جوعارى مەكتەپ تاۋىسقان وقۋشىلاردىڭ شارۋاشىلىق قۇرۋىن قولداۋ، مەملەكەت مەنشىگىندەگى كاسىپورىنداردىڭ ارناۋلى قابىلداۋ ”5 ۇلكەن قيمىلىن“ ۇزدىكسىز اتقارىپ، تاراۋلاردىڭ سايكەسۋىن، قىزمەتتى ءتۇيىلىستىرۋدى كۇشەيتىپ، مەكتەپ تاۋىسقان وقۋشىلاردىڭ ەرتەرەك جۇمىستانۋىن بار كۇشپەن جەبەۋ كەرەك.

  حابارلاندىرۋدا مىنالار تالاپ ەتىلدى: تۇتاس رايون بويىنشا بىرلىككە كەلگەن، كوپ جاق بىرگە ارەكەتتەنگەن ينتەرنەت جەلىسىندە قىزمەت وتەۋ تۇعىرىن قۇرىپ، جوعارى مەكتەپ تاۋىسقان وقۋشىلارعا ۇدايىلانعان، ىركىلىسسىز، كوپ نەگىزدى جۇمىستانۋ جونىنەن قىزمەت وتەۋ كەرەك. مەكتەپتەن كەتىپ ءالى جۇمىستانباعان جوعارى مەكتەپ تاۋىسقان وقۋشىلارعا مەڭزەس، از دەگەندە 3 رەت قىزمەت ورىن ينفورماتسياسىن تانىستىرىپ، ءبىر رەت كاسىپتىك جەتەكشىلىكپەن جانە ءبىر رەت اقىسىز شەبەرلىككە باۋلۋ ينفورماتسياسىمەن قامداۋ كەرەك. 2020 - جىلى 3000 پراكتيكا ورنىن ازىرلەۋ مىندەتىن ورىنداۋ نەگىزىندە، پراكتيكا جاساۋ كولەمىن ۇلعايتىپ، پراكتيكا جاساۋ قاجەتى بار مەكتەپ تاۋىسقان وقۋشىلاردى تۇگەلدەي جۇمىستانۋ پراكتيكاسىن جاساۋ كولەمىنە ەنگىزىپ، جۇمىستانۋ پراكتيكاسىنا بەرىلەتىن قوسىمشا قاراجاتتى تياناقتاندىرىپ، پراكتيكا ورىندارىن مەكتەپ تاۋىساتىن پراكتيكانت وقۋشىلاردى الدىن الا الىپ قالۋعا شابىتتاندىرۋ كەرەك.

  رايونىمىز ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى مەكتەپ تاۋىسقان وقۋشىلاردى، بىردە - ءبىر ادامى جۇمىستانباعان وتباسىلارىنداعى مەكتەپ تاۋىسقان وقۋشىلاردى جانە كەدەيلىك قالپاعى الىنباعان 10 كەدەي اۋدانداعى مەكتەپ تاۋىسقان وقۋشىلاردى جۇمىستانۋ بويىنشا كومەكتەسۋ ءتۇيىنى ەتىپ، ارناۋلى كومەكتەسۋ - سۇيەمەلدەۋدى ورىستەتىپ، الدىمەن قىزمەت ورىن ازىرلەپ، الدىمەن جۇمىسقا تانىستىرادى، قابىلدايدى. مەملەكەت مەنشىگىندەگى كاسىپورىندارىندىڭ جۇمىسقا قابىلداۋىندا، جۇمىستانۋ بويىنشا پراكتيكا جاساۋ ورنىنا الۋدا، ”ءۇشتى قولداۋ، ءبىردى سۇيەمەلدەۋ“ سياقتى نەگىزگى ساتى قىزمەت وتەۋ نىساندارىنا قىزمەتكەر قابىلداۋدا، ۇقساس شارت - جاعدايدا ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى مەكتەپ تاۋىسقان وقۋشىلاردى الدىمەن قىزمەتكە قابىلداۋ كەرەك.

  رايونىمىز تاعى جوعارى مەكتەپ تاۋىسقان وقۋشىلاردىڭ شارۋاشىلىق قۇرۋىن قولداۋ قيمىلىن اتقارادى، 2020 - جىلى مەكتەپ تاۋىسقان وقۋشىلاردى ءتۇيىن ەتىپ، شارۋاشىلىق قۇرۋ كەپىلدى قارىز اقشا بەرۋ ساياساتىن تياناقتاندىرۋ تەبىنىن ارتتىرۋ، شارۋاشىلىق قۇرۋعا باۋلۋدىڭ كەڭ قامتىمىن ىلگەرىلەتۋ، شارۋاشىلىق قۇرۋعا قىزمەت وتەۋدى كۇشەيتۋ سياقتى شارالار ارقىلى 2021 - جىلى 6 - ايدىڭ سوڭىنا دەيىن 2020 - جىلى مەكتەپ تاۋىسقان 400 وقۋشىنى شارۋاشىلىق قۇرۋدى، جۇمىستانۋدى ىسكە اسىرۋعا جەتەكتەيدى.

  رايونىمىز ورتالىق كاسىپورىندارىنىڭ، رايونىمىزعا قاراستى مەملەكەت مەنشىگىندەگى كاسىپورىنداردىڭ جانە جەر - جەردەگى مەملەكەت مەنشىگىندەگى كاسىپورىنداردىڭ جوعارى مەكتەپ تاۋىسقان وقۋشىلاردى جۇمىسقا قابىلداۋ قىزمەتىن بەلسەنە ىلگەرىلەتتى، مەملەكەت مەنشىگىندەگى كاسىپورىندار جوعارى مەكتەپ تاۋىسقان وقۋشىلاردى جۇمىستاندىرۋ نەمەسە پراكتيكا جاساۋعا ۇيىمداستىرۋ تالابىنا ۇيلەسەتىندەرىنە بەلگىلەمە بويىنشا قوعامدىق قامسىزداندىرۋ قوسىمشا قاراجاتىن، كاسىپتىك باۋلۋ قوسىمشا قاراجاتىن، جۇمىستانۋ، پراكتيكا جاساۋ قوسىمشا قاراجاتىن بەرەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى