تيانشان تورى   ›   جاڭالىقتار   ›   ەل ءىشى حابارى

اناعۇرلىم بەرىك شاڭحاي سەلبەستىك ۇيىمى تاعدىرلاس ورتاق تۇلعاسىن قول ۇستاسا قۇرايىق

− ءتوراعا شي جينپيڭنىڭ شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 20 - رەتكى ماجىلىسىنە قاتىناسۋىنىڭ تابىسى مول، ماڭىزى زور، ىقپالى تەرەڭ

  شينحۋا اگەنتتىگىنىڭ 11 - ايدىڭ 11 - كۇنى بەيجيڭنەن بەرگەن حابارى (ءتىلشى چىڭ شين). مەملەكەت ءتوراعاسى شي جينپيڭ 11 - ايدىڭ 10 - كۇنى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 20 - رەتكى ماجىلىسىنە (تومەندە قىسقارتىلىپ ”باسشىلار ءماجىلىسى“ دەلىنەدى) قاتىناستى ءارى ماڭىزدى ءسوز سويلەدى. باسشىلار ءماجىلىسى اياقتاعاننان كەيىن، سىرتقى ىستەر مينيسترلىگىنىڭ ورىنباسار مينيسترى لى يۇيچىڭ حالىق گازەتى مەكەمەسى، شينحۋا اگەنتتىگى، ورتالىق راديو - تەلەۆيزيا باس ستانسياسى، جۇڭگو گازەتى مەكەمەسى سياقتى اقپارات قۇرالدارىنىڭ تىلشىلەرىن قابىلداپ، ءتوراعا شي جينپيڭنىڭ ماجىلىسكە قاتىناسۋداعى تابىستارىن تانىستىردى.

  لى يۇيچىڭ مىنالاردى ءبىلدىردى: شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 20 - رەتكى ءماجىلىسى تابىسپەن اياقتادى. كەزەكتەگى جاڭا تيپتى ايدارشا ۆيرۋس وكپە قابىنۋ ىندەتى جاعدايىن ەسكەرە وتىرىپ، كەزەكتى ءتوراعا ەل رەسەيدىڭ ۇسىنىسى بويىنشا، شاڭحاي سەلبەستىك ۇيىمىنا مۇشە ەلدەر وسى رەتكى باسشىلار ءماجىلىسىن بەينە ەكران تاسىلىمەن وتكىزۋدى ۇيعاردى. ءتوراعا شي جينپيڭ وزگە 7 مۇشە ەلدىڭ جانە 4 باقىلاۋشى ەلدىڭ باسشىلارى، سونداي - اق بىرلەسكەن مەملەكەتتەر ۇيىمىنىڭ باس حاتشىسى قاتارلىلارمەن بىرگە ۇسىنىس بويىنشا ماجىلىسكە قاتىناستى. مۇشە ەلدەردىڭ باسشىلارى باسشىلار ءماجىلىسى جارناماسىنا قول قويدى ءارى جاريالادى، جاڭا تيپتى ايدارشا ۆيرۋس وكپە قابىنۋ ىندەتىنە بىرگە توتەپ بەرۋ جونىندە، دۇنيە جۇزىلىك 2 - سوعىس جەڭىسىنىڭ 75 جىلدىعى جونىندە، ينتەرنەتتەن پايدالانىپ ”ءۇش ءتۇرلى كۇش“ يدەياسىن تاراتۋعا سوققى بەرۋ جونىندە، حالىقارالىق ينفورماتسيا حاۋىپسىزدىگىن قامتاماسىز ەتۋ جونىندە، ەسىرتكى حاۋىپ - قاتەرىنە توتەپ بەرۋ جونىندە، سيفرلى ەكونوميكا سالاسىندا سەلبەستىك ورىستەتۋ جونىندە سياقتى 6 مالىمدەمەنى جاريالادى، سونداي - اق ەمدەۋ - دەنساۋلىق ساقتاۋ، جەرگىلىكتى دامۋ، سىرتقى قارىم - قاتىناس سياقتى سالالارعا ساياتىن كوپتەگەن سەلبەستىك حۇجاتتارىن بەكىتتى.

  كەزەكتە جەر شارىندىق اۋىر ىندەت اپاتى مەن 100 جىلدىق زور وزگەرىس قاباتتاسىپ، توعىسىپ، حالىقارالىق جانە وڭىرلىك جاعداي كۇردەلىلەسىپ تەرەڭدەي وزگەردى. شاڭحاي سەلبەستىك ۇيىمىنىڭ دامۋى جاڭا ورايلار مەن سىن - سايىستارعا ءدوپ كەلدى. وسىنداي جاعدايدا، شاڭحاي سەلبەستىك ۇيىمىنىڭ بەينە ەكران ارقىلى باسشىلار ءماجىلىسىن ءساتتى وتكىزۋىنىڭ جانە سۇبەلى تابىستارعا قول جەتكىزۋىنىڭ ماڭىزى زور، ىقپالى تەرەڭ.

  لى يۇيچىڭ مىنالاردى ءبىلدىردى: باسشىلار ماجىلىسىندە ءتوراعا شي جينپيڭ كەزەكتەگى جاعدايدى جانە شاڭحاي سەلبەستىك ۇيىمىنىڭ بولاشاقتىق دامۋىن كوزدەي وتىرىپ، «”شاڭحاي رۋحىن“ اسقاقتاتىپ، ىنتىماقتى، سەلبەستىكتى تەرەڭدەتىپ، اناعۇرلىم بەرىك تاعدىرلاس ورتاق تۇلعا قۇرايىق» دەگەن تاقىرىپتا ماڭىزدى ءسوز سويلەدى، شاڭحاي سەلبەستىك ۇيىمى اياسىندا تۇڭعىش رەت ”دەنساۋلىق ساقتاۋ، سالاماتتىق ورتاق تۇلعاسىن“، ”حاۋىپسىزدىك ورتاق تۇلعاسىن“، ”دامۋ ورتاق تۇلعاسىن“، ”گۋمانيتارلىق ورتاق تۇلعاسىن“ قۇرۋ ماڭىزدى باستاماسىن العا قويدى. ءتوراعا شي جينپيڭ ماڭىزدى سوزىندە بيىكتە تۇرىپ، الىستى كوزدەپ، بولاشاققا نازار سالىپ، شاڭحاي سەلبەستىك ۇيىمىنىڭ دامۋىن جەبەيتىن ”جۇڭگو جوباسىن“ العا قويىپ، ادامزات تاعدىرلاس ورتاق تۇلعاسىنىڭ تەرەڭ ءمانىن بايىتتى، شاڭحاي سەلبەستىك ۇيىمىنىڭ كەلەسى ساتىداعى دامۋى ءۇشىن جوبا جاسادى، ايقىن بەتالىس كورسەتتى، ءىرى ەل باسشىسىنىڭ تاريحي جاۋاپكەرشىلىگى مەن كوسەمدىك ونەگەسىن ايگىلەدى، ءار جاقتىڭ قىزۋ اڭىسىنا جانە بەلسەندى ءۇن قوسۋىنا يە بولدى. ماجىلىسكە قاتىناسقان ءار ەلدىڭ باسشىلارى جۇڭگو جاقتىڭ ىندەتكە قارسى اتتانۋ كۇرەسىندە كەلەلى ستراتەگيالىق جەتىستىككە قول جەتكىزگەندىگىن قۇتتىقتادى، جۇڭگو جاقتىڭ ءار ەلدىڭ ىندەتكە قارسى اتتانۋىنا زور قولداۋ كورسەتكەندىگىنە العىس ايتتى، جۇڭگو جاقتىڭ باستاماشىلدىقپەن جۇمىستى، ءوندىرىستى قالپىنا كەلتىرۋىنىڭ وسى ءوڭىردىڭ، ءتىپتى، بۇكىل جەر شارىنىڭ ەكونوميكانى قالپىنا كەلتىرۋى ءۇشىن ماڭىزدى قوزعاۋشى كۇش ازىرلەگەندىگىن اتاپ كورسەتتى، جۇڭگو جاق ورتاعا قويعان ءبىر قىدىرۋ ماڭىزدى سەلبەستىك باستامالارىن ايرىقشا جوعارى باعالادى.

  رەسەي جاق كەزەكتى ءتوراعا ەل رەتىندە، وسى رەتكى باسشىلار ءماجىلىسىنىڭ ءساتتى وتكىزىلۋى ءۇشىن قىرۋار اسا ناتيجەلى قىزمەت ىستەدى. ءتوراعا شي جينپيڭ ماجىلىسكە قاتىناسقان ءار ەل باسشىلارىمەن بىرگە ىندەت جاعدايىندا شاڭحاي سەلبەستىك ۇيىمىنىڭ سەلبەستىگىن اناعۇرلىم كۇشەيتۋدىڭ ماڭداي الدى مىندەتتەرى، سونداي - اق كەلەلى حالىقارالىق جانە وڭىرلىك ماسەلەلەر توڭىرەگىندە پىكىر اۋىستىردى، حاۋىپ - قاتەرگە، سىن - سايىستارعا قول ۇستاسا توتەپ بەرۋدىڭ، حاۋىپسىزدىكتى، دامۋدى بىرگە جەبەۋدىڭ جاڭا وي جەلىسىن، جاڭا شارالارىن ىشكەرىلەي اقىلداستى، ماڭىزدى ورتاق تانىم ۇيىستىردى، ناقتى سەلبەستىكتى جوبالادى، شاڭحاي سەلبەستىك ۇيىمىنىڭ كەلەسى قادامداعى دامۋ بەتالىسىن ايقىن كورسەتتى، ءوڭىردىڭ، سونداي - اق بۇل دۇنيە ءجۇزىنىڭ بەيبىتشىلىگىنە، دامۋىنا ماڭىزدى بەلسەندى ىقپال كورسەتەدى.

  ءبىرىنشى، ءار جاقتىڭ ىندەتكە ىنتىماقتاسا قارسى اتتانۋ سەنىمىن، بەكىمىن نىعايتتى. ۆيرۋس جەر شارىنا لاڭ سالىپ، ىندەت ۇزدىكسىز قايتالاندى. حالىقارالىق قوعام تەك ءومىردى بارىنەن جوعارى قويۋعا، حالىقتى بارىنەن جوعارى قويۋعا تاباندى بولىپ، ىندەتكە ىنتىماقتاسا قارسى اتتانعاندا عانا، ءار ەل حالقىنىڭ ءومىرىنىڭ حاۋىپسىزدىگى مەن دەنساۋلىعىن ءونىمدى تۇردە قورعاي الادى. وسىعان وراي ءتوراعا شي جينپيڭ ۆيرۋستا مەملەكەت شەكاراسى بولمايدى، ىنتىماقتاسۋ، سەلبەسۋ − ىندەتكە قارسى اتتانۋدىڭ ەڭ پارمەندى قارۋى، ءومىردى بار كۇشپەن قۇتقارۋ كەزەك كۇتتىرمەيتىن مىندەت ەكەندىگىن باسا دارىپتەپ، وڭىرلىك بىرلەسىپ ساقتانۋدى، بىرلەسىپ تىزگىندەۋدى كۇشەيتۋدى، مۇشە ەلدەردىڭ اۋرۋدان ساقتانۋ - تىزگىندەۋ ورتالىقتارىندا ىستىق لەنيالى بايلانىس اشۋدى، وسى ۇيىمنىڭ ءداستۇرلى مەديتسينا تالقى مىنبەرىن ۇزدىكسىز ويداعىداي وتكىزۋدى دارىپتەدى، وسى ۇيىمداعى ەلدەردىڭ ۆاكسينا قاجەتىن بەلسەنە ويلاستىرۋدى قالايتىندىعى جونىندە ۋادە بەردى. جۇڭگو جاقتىڭ باستاماسى بويىنشا، باسشىلار ءماجىلىسى ىندەتكە توتەپ بەرۋ جونىندە ارناۋلى مالىمدەمە جاريالاپ، ءار جاقتىڭ ”شاڭحاي رۋحىن“ اسقاقتاتىپ، ءبىر - ءبىرىن قولداپ ىندەتكە قارسى اتتاناتىندىعىن ايرىقشا اتاپ كورسەتتى؛ حالىقارالىق قوعامدى سەلبەستىكتى كۇشەيتىپ، دۇنيە ءجۇزىنىڭ دەنساۋلىق ساقتاۋ جۇيەسىن كۇش بىرىكتىرە بەكەمدەپ، دۇنيە جۇزىلىك دەنساۋلىق ساقتاۋ ۇيىمىنىڭ كومەسكى كۇشىن ارتتىرىپ، حالىقتىڭ ءومىرى مەن دەنساۋلىعىن قورعاۋعا ۇندەدى. وسىنىڭ ءبارى مۇشە ەلدەردىڭ ىندەتكە بىرگە قارسى اتتانۋ قاجەتى نەگىزىندە كەلىسكەن ساياسي ورتاق تانىمى جانە سەلبەستىك شاراسى بولىپ، ءوڭىردىڭ الەۋمەتتىك دەنساۋلىق ساقتاۋ حاۋىپسىزدىگىن قورعاۋعا ”شاڭحاي سەلبەستىك ۇيىمىنىڭ اقىل - پاراساتىن“ قوسىپ، حالىقارالىق ىندەتكە قارسى اتتانۋ سەلبەستىگىن ىلگەرىلەتۋ ءۇشىن ”شاڭحاي سەلبەستىك ۇيىمىنىڭ دارىپتەمەسىن“ العا قويدى.

  ەكىنشى، شاڭحاي سەلبەستىك ۇيىمىنىڭ بولاشاقتاعى بورىشى مەن جاۋاپكەرشىلىگىن ايقىندادى. ءتوراعا شي جينپيڭ دۇنيە ءجۇزى اۋقىمىن باعامداپ، ءار جاقتىڭ ىنتىماقتى، سەلبەستىكتى تەرەڭدەتىپ، وڭىردەگى مەملەكەتتەردىڭ ورنىقتىلىعى مەن دامۋىنا اناعۇرلىم زور ۇلەس قوسۋ ءۇشىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن اناعۇرلىم كوپ امالياتتىق ىزدەنىس جاساۋدى اتاپ كورسەتتى. باسشىلار ءماجىلىسى جارناماسىندا ءوزارا قۇرمەت ەتەتىن، ءادىل، تۋراشىل، سەلبەسىپ تەڭ يگىلىكتەنەتىن جاڭاشا حالىقارالىق قارىم - قاتىناس قۇرۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋ ورتاق ۇستانىمىن قالىپتاستىرۋدىڭ كەلەلى رەال ماڭىز الاتىندىعى قايتالاي دارىپتەلدى؛ شاڭحاي سەلبەستىك ۇيىمىنىڭ قازىرگى حالىقارالىق قارىم - قاتىناس جۇيەسىندەگى ىقپالدى جانە جاۋاپتى قاتىسۋشى رەتىندە بەيبىتشىلىك پەن حاۋىپسىزدىكتى قورعاۋعا ۇزدىكسىز ۇلەس قوساتىندىعى باسا دارىپتەلدى. اماليات مۇشە ەلدەردىڭ ”شاڭحاي رۋحىن“ تاباندىلىقپەن باسشىلىققا الىپ، شاڭحاي سەلبەستىك ۇيىمىنىڭ اناعۇرلىم بەرىك تاعدىرلاس ورتاق تۇلعاسىن سەلبەسە قۇرۋى ءار جاقتىڭ ءتۇبىرلى جانە بولاشاقتىق مۇددەسىنە ۇيلەسەتىندىگىن، ءار ەل حالقىنىڭ ورتاق تىلەگىنە ساي كەلەتىندىگىن دالەلدەدى. وسى رەتكى باسشىلار ءماجىلىسى شاڭحاي سەلبەستىك ۇيىمىنىڭ ءداۋىردىڭ كەلەلى مىندەتىن ارقالاپ، ءار جاقتىڭ ماڭىزدى تاپسىرماسىن ۇستىنە الىپ، ىنتىماقتى، ءوزارا سەنىمدى نىعايتىپ، ءار سالاداعى سەلبەستىكتى تەرەڭدەتىپ، ءوڭىردىڭ حاۋىپسىزدىگىن، ورنىقتىلىعىن، ءار ەلدىڭ دامۋىن، گۇلدەنۋىن جەبەۋ جولىندا تالىقپاي قۇلشىناتىندىعى سىندى ايقىن سيگنالدى تاراتتى.

  ءۇشىنشى، وسى ۇيىمنىڭ سەلبەستىگىن تەرەڭدەتۋدىڭ باسىم بەتالىسىن ايقىن كورسەتتى. شاڭحاي سەلبەستىك ۇيىمى جاڭا جاعدايعا، جاڭا مىندەتكە ءدوپ كەلدى، ءار سالاداعى سەلبەستىكتى ستراتەگيالىق جانە بولاشاقتىق تۇرعىدان جوبالاپ، ءتۇيىندى نىسانداردى العا قويىپ، سەلبەستىك دەڭگەيىن ءوسىرۋ كەرەك. ءتوراعا شي جينپيڭ ءار ەل ورتاق، كەشەندى، سەلبەسەتىن، باياندى حاۋىپسىزدىك كوزقاراسىنا بويسۇنۋ دارىپتەمەسىن قامتىعان وسى ۇيىمنىڭ حاۋىپسىزدىك، ەكونوميكا، گۋمانيتارلىق سياقتى ءتۇيىندى سالالارداعى سەلبەستىگىن تەرەڭدەتۋ جونىندە ءبىرسىپىرا ماڭىزدى باستامانى العا قويىپ، ءار جاقتىڭ جۇڭگو جاق كوتەرگەن ”الەمدىك ساندى مالىمەت حاۋىپسىزدىگى باستاماسىنا“ بەلسەنە ات سالىسۋىن قارسى الدى؛ ”ءبىر بەلدەۋ، ءبىر جولدى“ بىرگە قۇرۋدى ءار ەلدىڭ دامۋ ستراتەگياسىمەن جانە وڭىرلىك سەلبەستىك باستامالارىمەن ۇشتاستىرۋدى تەرەڭدەتىپ، سيفرلى ەكونوميكا، ەلەكتروندى ساۋدا، جاساندى زەردە، زەردەلى قالا سياقتى سالالارداعى سەلبەستىگىن ىلگەرىلەتتى؛ وقۋ - اعارتۋ، مادەنيەت، ساياحات، دەنە تاربيە، اقپارات قۇرالدارى، ايەلدەر ىستەرى سياقتى سالالارداعى اۋىس - كۇيىستى، سەلبەستىكتى قولداپ، وركەنيەتتەردىڭ ءوزارا ۇيرەنۋىن، ءوزارا ۇلگى الۋىن جەبەپ، وسى ۇيىمنىڭ سەلبەستىك ۇستانىمىن جۇرت كوڭىلىنە اناعۇرلىم تەرەڭ ۇيالاتتى. باسشىلار ماجىلىسىندە جاريالانعان جارناما مەن قاتىستى مالىمدەمەلەر ءار ەل باسشىلارىنىڭ قاتىستى سالالاردا سەلبەستىك ورىستەتۋ ورتاق تۇرعىسىن شوعىرلى بايىمدادى، سونداي - اق الداعى 5 جىلداعى ارەكەت جوسپارى سياقتى حۇجاتتاردى بەكىتىپ، ماقۇلداپ، وسى ۇيىمنىڭ ءتۇرلى سالاداعى سەلبەستىگى جونىندە ناقتى ورنالاستىرۋ جانە جوبا جاسادى.

  ءتورتىنشى، كوپ جاقتىلىققا تاباندى بولۋدىڭ حالىقارالىق ورتاق تانىمىن بەكەمدەدى. بيىل − دۇنيە ءجۇزىنىڭ فاشيزمگە قارسى سوعىسى جەڭىسىنىڭ 75 جىلدىعى ءارى بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعى. كەلەسى 75 جىلدا دۇنيە ءجۇزىنىڭ بەيبىتشىلىگى مەن ورنىقتىلىعىن قايتكەندە اناعۇرلىم ويداعىداي قورعاۋعا، ءار ەلدىڭ دامۋى مەن گۇلدەنۋىن قايتكەندە اناعۇرلىم ويداعىداي جۇزەگە اسىرۋعا بولادى؟ مىنە بۇل ءبىزدىڭ الدىمىزعا قويىلعان ورتاق تاقىرىپ. ءتوراعا شي جينپيڭ ءار جاقتىڭ تاريحتى اينا ەتىپ، ءىس جۇزىندىك ارەكەتپەن كوپ جاقتىلىقتى امالياتتا ايگىلەپ، الەمدىك جونگە سالۋدى كەمەلدەندىرۋدى، حالىقارالىق ءتارتىپتى قورعاۋدى؛ بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانىپ، الەمدىك ىستەردى ءار ەل بىرگە اقىلداسىپ ىستەۋدى، جونگە سالۋ جۇيەسىن كوپشىلىك قول ۇستاسا قۇرىپ، دامۋ جەتىستىكتەرىنەن ءار ەل حالقىنىڭ تەڭ يگىلىكتەنۋى كەرەكتىگىن دارىپتەدى. مۇشە ەلدەردىڭ باسشىلارى جارناما مەن دۇنيە جۇزىلىك 2 - سوعىس جەڭىسكە جەتكەندىگىنىڭ 75 جىلدىعى مالىمدەمەسىندە ءبىر اۋىزدى تۇرعىلارىن بايانداپ، اناعۇرلىم ۋاكىلدىك سيپاتقا يە جانە اناعۇرلىم ءادىل حالىقارالىق ءتارتىپ قالىپتاستىرىپ، تەڭ سەرىكتەستىك قارىم - قاتىناس ورناتۋعا ۇندەدى؛ بىرلەسكەن مەملەكەتتەر ۇيىمىنىڭ ءتيىستى رولىن ساۋلەلەندىرۋىن تاباندىلىقپەن قولداپ، دۇنيە ءجۇزىنىڭ بەيبىتشىلىگىن، ورنىقتىلىعىن، حاۋىپسىزدىگىن بىرگە قورعاۋدى قۋاتتادى. ءبىز شاڭحاي سەلبەستىك ۇيىمىنىڭ كوپ جاقتىلىق سىندى دۇرىس جولدان تايماي، بەيبىتشىلىك، دامۋ سىندى دۇنيە ءجۇزى اۋقىمىنا ۇيلەسىپ، ادامزاتتىڭ دامۋ، العا باسۋ ىسىنە اناعۇرلىم زور ۇلەس قوساتىنىنا سەنەمىز.

  لى يۇيچىڭ بىلاي دەدى: شاڭحاي سەلبەستىك ۇيىمى قۇرىلعان 19 جىلدان بەرى اقاۋسىز، ورنىقتى دامۋ ارىنىن باستان - اياق ساقتاپ، جاڭاشا وڭىرلىك ۇيىمنىڭ سەلبەستىك جانە دامۋ جولىن ءساتتى تاپتى. كەزەكتەگى جاعدايدا، شاڭحاي سەلبەستىك ۇيىمى ءوڭىردىڭ حاۋىپسىزدىگىن، ورنىقتىلىعىن قورعاۋ، ءار ەلدىڭ دامۋىن، گۇلدەنۋىن جەبەۋ جاعىندا اناعۇرلىم ماڭىزدى بورىش ارقالاپ وتىر. جۇڭگو جاق شاڭحاي سەلبەستىك ۇيىمىنىڭ شاڭىراعىن كوتەرۋشى ماڭىزدى مۇشە ەل رەتىندە، ءارقايسى مۇشە ەلدەرمەن بىرگە وسى رەتكى باسشىلار ماجىلىسىندە كەلىسكەن ورتاق تانىمداردى مۇقيات تياناقتاندىرىپ، ”شاڭحاي رۋحىن“ ۇزدىكسىز اسقاقتاتىپ، ءار سالاداعى سەلبەستىك دەڭگەيىن ۇزدىكسىز جوعارىلاتىپ، اناعۇرلىم بەرىك شاڭحاي سەلبەستىك ۇيىمى تاعدىرلاس ورتاق تۇلعاسىن قول ۇستاسا قۇرۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.