تيانشان تورىنىڭ حابارى (ءتىلشى: يۇي مىڭفان، ەرىكتى ءتىلشى: چىن چۇنيان حابارلايدى). جۋىقتان بەرى كۇن ۇدايى اشىق بولىپ ەدى، مىنە بۇگىن سۋىق اعىس تا كەلىپ ۇلگىردى، جەڭىل كيىنىپ جۇرگەن دوستار ءسانقويلىققا بەرىلمەي، قالىڭ كيىنۋگە دە كوڭىل بولىڭىزدەر.
بۇگىن (11-ايدىڭ 13-كۇنى)، ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى، تارباعاتاي ايماعىنىڭ تەرىستىگى، التاي ايماعى مەن قاشقار ايماعىنىڭ تۇستىگىندەگى تاۋلى ءوڭىر، قىزىلسۋ قىرعىز اۆتونوميالى وبلىسىنىڭ تاۋلى ءوڭىرى قاتارلى جەرلەردە سەبەزگى نەمەسە از جاڭبىر جاۋىپ سوڭى قارعا اينالادى نەمەسە قار جاۋادى. بۇنىڭ ىشىندە، ىلە وبلىسى، تارباعاتاي ايماعىنىڭ تەرىستىگى، التاي ايماعىنىڭ باتىسى، تەرىستىگى قاتارلى جەرلەردىڭ كەي وڭىرلەرىندە ورتاشا نەمەسە قالىڭ قار جاۋادى، التاي ايماعىنىڭ باتىس تاۋلى وڭىرىندە قالىڭ قار جاۋادى؛ جوعارىدا ايتىلعان جەرلەردە 4 تە 5 بال باتىس تەرىستىك جەلى سوعادى، جەل وتتەرىندە 8 بال شاماسىندا بوران سوعادى، تەمپەراتۋرا 5 سەلتسي گرادۋس اينالاسىندا تومەندەيدى. تۇتاس شينجياڭنىڭ باسقا جەرلەرىندە كۇن اشىق بولىپ ارا-تۇرا بۇلتتايدى، جەل كۇشى زور بولمايدى.
ءۇرىمجى قالاسىندا بۇگىن كۇن اشىق، ەڭ جوعارى تەمپەراتۋرا 7 سەلتسي گرادۋس، ەڭ تومەنگى تەمپەراتۋرا 0 سەلتسي گرادۋس بولادى، 3 بال جەل سوعادى. الداعى ەكى كۇندە ۇرىمجىدە كۇن اشىق بولادى، تەمپەراتۋرا كورنەكتى تومەندەپ، ەڭ تومەنگى تەمپەراتۋرا نولدەن تومەن 1 سەلتسي گرادۋس بولادى، قالىڭ كيىنىڭىزدەر. بۇگىن7 بال شاماسىنداعىى باتىس تەرىستىك بوراننىڭ ىقپالىنا ۇشىرايتىن جول بولەكتەرى: G3015 جەلىسىنىڭ دوربىلجىننەن تەمىرتامعا دەيىنگى بولەگى، S201 جەلىسىنىڭ مايتاس جەل ءوتى، S221 جەلىسىنىڭ تولى لاۋفىڭكوۋ جەل ءوتى، G3014 جەلىسىنىڭ قارامايلىدان ورقىعا دەيىنگى بولەگى، G217 جەلىسىنىڭ قارامايلىدان ورقىعا دەيىنگى بولەگى.
كۇز، قىس مەزگىلى بالالاردىڭ تىنىس جولى اۋرۋلارى قوزعالۋ مولشەرى ءبىرشاما جوعارى ماۋسىم، وسى مەزگىلدە، بالالاردى تارالمالى تۇماۋ ناۋقاستارىنان وڭاشالاۋدان سىرت، ادام كوپ جەرلەرگە شاما بار بارماعانى ءجون. ەگەر تارالمالى تۇماۋمەن جۇعىمدالساڭىز دەر كەزىندە شيپاگەرگە كورىنىڭىز.
شيپاگەر ەسكەرتپەسى: ەگەر بالاڭىز جايسىزدانسا نەمەسە قىزسا، شيپاگەردىڭ جەتەكشىلىگىندە ءدارىنى دۇرىس قولدانىڭىز، كەيبىر سىڭارجاقتىلى نەمەسە عىلمي بولماعان تاسىلدەرمەن ەمدەمەڭىز.