شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ شياۋيان 11 - ايدىڭ 12 - كۇنى ۇرىمجىدەن حابارلايدى. پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، 11 - ايدىڭ 12 - كۇنى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسىنىڭ بايانداما جاساۋ ءماجىلىسى بيڭتۋاندا وتكىزىلدى. ورتالىق ۇگىت - لەكسيا ۇيىرمەسىنىڭ مۇشەسى، سۋ يگىلىگى مينيسترلىگى پارتيا باسشىلىق گرۋپپاسىنىڭ شۋجيى، مينيسترى ى جيڭپيڭ ۇگىت - لەكسيا بايانداماسىن جاسادى. اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، جىڭۋيى ۋاڭ جۇنجىڭ بايانداما جاساۋ ءماجىلىسىن باسقاردى ءارى ءسوز سويلەدى.
بايانداما جاساۋ ماجىلىسىندە، ى جيڭپيڭ باس شۋجي شي جينپيڭنىڭ پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە جاساعان ماڭىزدى بايانداماسىنىڭ، ماڭىزدى تۇسىنىگىنىڭ، ماڭىزدى ءسوزىنىڭ رۋحىن جانە جالپى ءماجىلىس قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» تىعىز ارقاۋ ەتىپ، ۇيرەنۋدەن العان اسەر، جاندى مىسال، ەگجەي - تەگجەيلى ساندى مالىمەت ارقىلى بەسىنشى جالپى ءماجىلىس رۋحىن تەرەڭ بايىمدادى جانە وعان جالپى بەتتىك تۇسىنىك جاسادى. ول بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى − پارتيامىز تاريحىنداعى ءبىر رەتكى بەلەستىك ءمان العان جالپى ءماجىلىس. جالپى ءماجىلىس ماقۇلداعان «ۇسىنىس» − ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋداعى، ەكىنشى 100 جىلدىق كۇرەس نىساناسىنا قاراي جورىق جاساۋداعى تۇعىرنامالىق حۇجات، بۇدان كەيىنگى 5 جىلداعى، اۋەلى، ءتىپتى دە ۇزاق مەزگىلدەگى ەلىمىزدىڭ ەكونوميكالىق، قوعامدىق دامۋىنىڭ ارەكەت باعدارناماسى. باس شۋجي شي جينپيڭنىڭ ماڭىزدى ءسوزىنىڭ رۋحى − جوعارى ساپالى دامۋدى ىلگەرىلەتۋگە، جاڭا دامۋ ارناسىن قالىپتاستىرۋعا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە عىلمي باعدار جانە نەگىزگى بويسۇنۋ ولشەمىن ازىرلەدى. جالپى ءماجىلىس قول جەتكىزگەن ماڭىزدى تابىستار، جاساعان كەلەلى ورنالاستىرۋلار − جۇڭحۋا ۇلتىنىڭ ۇلى گۇلدەنۋىنىڭ تاريحي ءۇردىسىن ىلگەرىلەتۋ جونىنەن كەلەلى ءارى تەرەڭ ءمان الادى.
ى جيڭپيڭ ەلىمىزدىڭ جاڭا دامۋ كەزەڭىنە اياق باسۋىنىڭ كەلەلى ءمانىن، ءتيىمدى شارت - جاعدايىن جانە ماڭىزدى ەرەكشەلىگىن تەرەڭ تانۋ، 2035 - جىلعا دەيىنگى بولاشاقتىق نىسانانى جانە ”14 - بەسجىلدىق“ مەزگىلىندەگى ەلىمىز دامۋىنىڭ جەتەكشى باعىتىن، باستى نىساناسىن، ءتۇيىندى مىندەتتەرىن ءدال يگەرۋ، جاڭا دامۋ ارناسىن قالىپتاستىرۋدىڭ ستراتەگيالىق تولعامى مەن ماڭىزدى كۇش سالۋ ءتۇيىنىن مىقتاپ يگەرۋ، پارتيانىڭ جاپپاي باسشىلىعىنا تاباندى بولىپ، ءار جاقتىڭ كۇشىن جۇمىلدىرىپ ”14 - بەسجىلدىق“ جوبانى جانە 2035 - جىلعا دەيىنگى بولاشاقتىق نىسانانى جۇزەگە اسىرۋ ءۇشىن ىنتىماقتاسا كۇرەس جاساۋ سياقتى جاقتاردان جۇيەلى بايىمداپ، ءتۇسىندىرىپ، قاراپايىم تىلمەن تەرەڭ وي اڭعارتىپ، قۇزىرلى پىسىقتاۋ جاسادى.
ۋان جۇنجىڭ بايانداما جاساۋ ءماجىلىسىن باسقارعاندا بىلاي دەپ اتاپ كورسەتتى: ءار دارەجەلى، ءارقايسى تاراۋلار جانە قالىڭ پارتيالى كادرلار ورتالىق ۇگىت - لەكسيا ۇيىرمەسى جاساعان باياندامانىڭ تابىستارىنان ويداعىداي پايدالانىپ، ورتالىق ۇگىت - لەكسيا ۇيىرمەسىنىڭ بيڭتۋانعا كەلىپ ۇگىت - لەكسيا جاساۋىن وراي ەتىپ، ساتىلار بويىنشا ۇگىت - لەكسيا جاساۋ جانە ۇگىتتەۋ، ءتۇسىندىرۋ قىزمەتىن ويداعىداي ۇيىمداستىرىپ، ورىستەتىپ، تەز ارادا ۇيرەنۋ، ۇگىتتەۋ قىزۋ ورلەۋىن كوتەرۋ كەرەك. زەيىن - زەردەنى پارتيا ورتالىق كوميتەتىنىڭ قىزمەت ورنالاستىرۋلارىن دايەكتىلەندىرۋگە، ”14 - بەسجىلدىقتاعى“ دامۋدى جوبالاۋعا، ىلگەرىلەتۋگە ونان ارى شوعىرلاندىرىپ، بيڭتۋاننىڭ ”14 - بەسجىلدىق“ جوباسىن عىلمي، ويداعىداي جاساۋ كەرەك.
11 - ايدىڭ 12 - كۇنى تۇستەن بۇرىن ى جيڭپيڭ بيڭتۋان 12 - شىسىنىڭ سانپيڭ ەگىس الاڭىنا كەلىپ، نەگىزگى ساتى كادر - بۇقاراسىمەن ءوزارا پىكىر اۋىستىرىپ، كۇدىك - كۇماننان ارىلتتى.
بيڭتۋاننىڭ باسشىلارىنان پىڭ جيارۇي، لي شينميڭ، شاۋ فىڭ، ليۋ جيانميڭ، ءمۇتالىپ ءماتتوحتى، ياۋ شينمين، جاڭ يۇڭ، لي پيڭ، لۋ شۇيپيڭ، لي جيدۇڭ، جۇڭ بو بايانداما جاساۋ ماجىلىسىنە قاتىناستى.
